Ɉaan 4:19 - Yálá laawoo hɛɓɛ (dc)

¹⁹ Nąąlɔwai, nɛ̨ɛ̨nui tii ə mo Jesus ɓa yɛ mą: «Ną́n, gáá gaai, ə́ kaa yɛ Yálá kwəi mɛ̨nį hukulɔ mun.

Yálá laawoo hɛɓɛ

¹⁹ Nąąlɔwai, nɛ̨ɛ̨nui tii ə mo Jesus ɓa yɛ mą: «Ną́n, gáá gaai, ə́ kaa yɛ Yálá kwəi mɛ̨nį hukulɔ mun.

Bible

¹⁹ Nɛnîi e mò ma, ǹyɛɛi, “Nalôŋ, ŋá gɔ́lɔŋ a gɛɛ íkaa a Ɣâla ŋɔlóno-kɛ-nuu.

Ɉaan 4:19 ပူးပေါင်းရင်းမြစ်များ

Tɔɔɓɛlaa veelɛ 5:26

Kɛlaa, Elise yɛ mą: «Ɓɛlɔwai hulɔnu ta ə kulɔ la nwɔ wotoloi hu, yɛ pa ə́ laakwiɛn ɉii, gaa ə́ kwəi nį́i hvo kɛ laa? Gaa ə́ kwəi wali hon ɉii lɔwai ɓəi, da həɠəɠaa, ɛlɛɛ, olivə da viɲə, ɓɛlaa da nįŋɛ̨ŋąą, luwɔ hinąą da luwɔ nɛ̨ąą, da hon ɉii lɔwai hvəi.

Tɔɔɓɛlaa veelɛ 6:12

Gɔkuláá tɔ̨nɔ̨ yɛ mą: «Nwɔ́ mɛ̨nį nąmu tɔɔmun, yili mąą nu ta hvo ku lɔwai. Kɛlaa, Elise ŋɛ̨i a Yálá kwəi mɛ̨nį hukulɔ mun Israɛlə lɔi hu, ya ɓə a kɛ mɛ̨nįi tii kɛi, ɉə kaa mą, wooɠaa kpɔ yá kɛ moi ə́ yəi bɛlɛ́n ə́ laai lɔwai, ə gəlee hukulɔ Israɛlə tɔɔmun mą.»

Maafîu 21:11

Daɠaa diɛ kɛ mą: «Yálá kwəi mɛ̨nį hukulɔ mun ŋɛ̨i da kɛ mą Jesus yaa li, yaa ŋɛ̨i həɠə Nazarɛtə daai Galile lɔi hui.»

Lukə 24:19

Jesus yɛ diɛ: «Lə mɛ̨nįɠaa li?» Di nwoo ŋąąpənə diɛ mą: «Mɛ̨nįi ŋɛ̨i həli Jesus Nazarɛtə mun ma, yaa ŋɛ̨i kɛ a Yálá kwəi mɛ̨nį hukulɔ mun gɛnɛ̨, gɛ koló da vaa wooɠaa kəlee hu Yálá ɲɛ̨i ɓa da nuą kəlee.

Lukə 7:16

Nuą kəlee kwəi ə pili diɛ, diɛ, Yálá hɛɠɛɛɓo, diɛ kɛ mą: «Yálá kwəi mɛ̨nį hukulɔ mun gɛnɛ̨ ta kaa ku lɔwai háákələi.» Yili ɓa, «Yálá aa nwɔ nu huwui mąą kpɔnmąą ɓo.»

Lukə 7:39

Farisiɛ̨ tii Jesus təli kɔ̨nɔ̨n ma, yii kɛa ə yili kaa tii, ə mo gwəi pələ, yɛ kɛ mą: «Akɛ kɛ, nui ŋɛ̨i kaa kɛ a Yálá kwəi mɛ̨nį hukulɔ mun, hvo li hvaa mą, nɛ̨ɛ̨nui ŋɛ̨i hvo ɲee pɛlɛ mą, ə li gɔlɔn yɛ: wɛlikɛ nɛ̨ɛ̨nu kɛnɛ̨ li.»

Ɉaan 4:18

Jesus yɛ mą: «Tɛ̨ą kpɔ ka tii ə́ mo; yɛ kɛ diɛ: Hilɛ hvo mą́ą́. Mąąhɔlɔɓo, yaa hee hinąą lɔɔli nwuɔ̨, ə lɛɛ, ɉulɔnui ŋɛ̨i háákələi ə́ kaa ɲei, hvo ɓaa a ə́ hilɛ. Yili ɓa, tɛ̨ą ka tii ə́ mo.»

Ɉaan 4:29

Yɛ kɛ diɛ: «Ka pa oo! Hulɔnu ta kaa ɓɛ, mɛ̨nįɠaai kpɔ ŋą́ą́ gɛ, aa gəlee hukulɔ mą́ą́. Ka pa ka gaa! Gbəli hu, ya ɓə gaa a nwun mąąɓomun yii Yálá ə naakwɛlanmo.»

Ɉaan 6:14

Nuą tii di wɛi, mɛ̨nįi tii Jesus ə gɛ, nąą kaai di mo, di kɛi kɛ diɛ: Nui ŋɛ̨i kaa kpɔ a Yálá nwɔ kwəi mɛ̨nį hukulɔ mun gbɔ-kpɔɔ, yai pai yɛnɛ̨ɛ̨ nwun mąąɓoi.

Ɉaan 7:40

Nu kpului tii kɛi Jesus woo mɛ̨n, daɠaa di kɛi kɛ diɛ: «Nui ŋɛ̨i kaa kpɔ a Yálá kwəi mɛ̨nį hukulɔ mun neelee.»

Ɉaan 9:17

Di pənə nwɔ̨nɔ̨ diɛ ɲɛ̨ipumun ma: «Ɛlɛɛ yáán, ə́ kaa kɛi lə, nui ə́ ɲɛ̨i hvoloon, mąą mɛ̨nį hu?» Yɛ diɛ: «Yálá kwəi mɛ̨nį hukulɔ mun ni.»

Dutɛrɔnome 18:15

Nąąlɔwai kɛa, Moisə yɛ Israɛlə lonnii diɛ: Yai-Laa ka wɔ Yálái kaa pai gwəi mɛ̨nį hukulɔ mun da kulɔi ka lɔwai yɛ ɲą́ą́, ka kaayɔwɔɠaa lɔwai, yaa ɓə mąąnɛ̨ɛ̨ ka ka wəli tɔɔ nwoo ɓa.