Ɉaan 3:32 - Yálá laawoo hɛɓɛ (dc)

³² Yii ə gaa da yii ə mɛ̨n ya ɓə a mo, kɛlaa, nuą di hva di yee hee nwɔ kɛla hvaa mu.

Yálá laawoo hɛɓɛ

³² Yii ə gaa da yii ə mɛ̨n ya ɓə a mo, kɛlaa, nuą di hva di yee hee nwɔ kɛla hvaa mu.

Bible

³² Nyii a gáai, a mɛ́nii, ǹyaa ƃe a maa-sêre-faa kɛ̀, kɛ́lɛ, núu da fe ǹyée see ni ŋɔsêre-wooi mu.

Ɉaan 3:32 ပူးပေါင်းရင်းမြစ်များ

Azaya 50:2

Pai ŋį́ mo, lə ɓə kɛ yai və́ nu ta kaa… Ŋą́ təliɓo kɛ, nu ta hvo bulu pənə li? A kɛ tii, ɲéé kpuwaa mɔ̨ɔ̨, nu nwun mąąɓoi? Hvąŋą hvo mɔ̨ɔ̨ ɲə́i, gɛ́ pɛli nu kulɔi la mɛ̨nįi? Nąą kaa: Ŋą́ tómą gboloyá mɛ̨i, gɛ́ gbala, gɛ́ tɛɛya kpɛa kpɛa lɛɛ a lɔi pun ɉu kpalaa; ɉu hɔwɔleeɠaa diɛ haa a kpələ wɛli, ɲa hva kɛ mą.

Azaya 53:1

Mɛ̨nįi ku bələ mɛ̨n, gbɛɛ kpɔ ɓə pai laai na? Ɛlɛɛ gbɛɛ ɓə Yai-Laa ə nwɔ huwalawala lɛ mą?

Maafîu 7:8

Mąąhɔlɔɓo, nui lɔpee a hvɛliɓo kɛ, da gɔ́; nui a hɛn gwɛli, a ɉɔlɔɓo; əlɛɛ, da pɛlɛ laaɓo naa kɛlɛ mun dɔwɔ.

Ɉaan 1:11

Nwoo tii ə pa bɔ lɔi nuą pɔ, kɛlaa, di hvo di yee hee mu.

Ɉaan 15:15

Va kɛa ka təli a luwɔɠaa, mąąhɔlɔɓo, luwɔ hvo nąmu nwɔ kiliŋąhiɛ kɔ́lɔn, gáá pai kɛa ka laa heei a mɛ́laa, mąąhɔlɔɓo, mɛ̨nįɠaai ŋį́ həɠə la Ną́n pɔ, ŋą́ą́ gəlee lɛ kaa.

Ɉaan 18:37

Pilatə ə mo mą yɛ mą: «Akɛti, tɔɔmun mąą yɛ́?» Jesus ə nwoo pulu pənə yɛ mą: «Yɛ́ lɔ ɓə mo: gáá a tɔɔmun. Ŋą́ pa lɔi mɛ̨i di gáá a lon, ə gɛ, ŋą tɛ̨ą mąą kɛla hvaa ɓo. Nui lɔpee gaa tɛ̨ą pələ mɛ̨i, a nwəli tɔɔ nwóó ɓa.»

Ɉaan 3:11

Gáá moi ya a tɛ̨ą, yii ku gbaɠala kɔ́lɔn, ya ɓə kwa mąą mɛ̨nį ɓo, mɛ̨nį yii ku gaa, ya ɓə kwa mąą kɛla hvaa ɓo. Kɛlaa, mɛ̨nį kwa mo kaa, ka hva ka yee hee mu.

Ɉaan 3:26

Di lɛɠɛ Ɉaan ɓa, diɛ mą: «Mąąkwɛli kɛmun, nui ŋɛ̨i hiɛ ə́ mąą mɛ̨nį ɓo kuɔ Ɉurdɛn ya pulu, yáá gɔlɔn? Yaa kpɛli gaa kɛa nuą mąąwaai, ə lɛɛ, nu kpulu kɛnɛ̨ɛ̨ kaa kɛa lii pɔɔli pələ.»

Ɉaan 3:33

Nui a ɲee hee nwɔ kɛla hvaa mu, ya ɓə a kɛ diɛ: Yálá a tɛ̨ą ɓo.

Ɉaan 5:20

Mąąhɔlɔɓo, Nąn a Non nwɛlilakɛ. Yii Nąn a gɛ, a gəlee lɛ Non ma. Gaa nwɔ̨nɔ̨ pai kólo kpɛa-kpɛaɠaa lɛi Non ma, yii a ka kwəi pili kaa.

Ɉaan 8:26

Yii vilɛn ŋąąi kaa, mɛ̨nį tamąą kaa laa, gɛ́ pɛli moi, ə ɓo a ka kiti tee mɛ̨nį. Mąąhɔlɔɓo, nui dɔ́ɔ́ gaa a tɛ̨ą. Yii ŋą́ mɛ̨n yaa tii na, ya ɓə ŋą́ naa həli yɛnɛ̨ɛ̨ nuą diɛ.»