Ɉaan 3:17 - Yálá laawoo hɛɓɛ (dc)

¹⁷ Yálá hvo kɛ non dɛɛ li yɛnɛ̨ɛ̨, ə gɛ, ə yɛnɛ̨ɛ̨ nuą mąą ɲąba lɔ, kɛlaa, ə dɛɛ, ə gɛ, yɛnɛ̨ɛ̨ nuą nwun mąą ə ɓo Ɉaalai.

Yálá laawoo hɛɓɛ

¹⁷ Yálá hvo kɛ non dɛɛ li yɛnɛ̨ɛ̨, ə gɛ, ə yɛnɛ̨ɛ̨ nuą mąą ɲąba lɔ, kɛlaa, ə dɛɛ, ə gɛ, yɛnɛ̨ɛ̨ nuą nwun mąą ə ɓo Ɉaalai.

Bible

¹⁷ Kpɛ́ni fêi, Ɣâla e Ǹóŋ tɛ̀ɛ ǹɔii su, ve dɛɛ ni a gɛɛ e tɔ̂ŋ pu ǹɔii ma, kɛ́lɛ, a gɛɛ ǹɔii e ƃalo zarâi.

Ɉaan 3:17 ပူးပေါင်းရင်းမြစ်များ

Zakari 9:9

'Pili yələi a kwəinɛ̨ɛ̨, Siɔn nɛ̨ɛ̨gbɛla! 'Tómą a kwəinɛ̨ɛ̨, Ɉerusalɛmə nɛ̨ɛ̨gbɛla! Ə́ wɔ tɔɔmun gaa pai ə́ pɔ, dələnmoɔ, ɛlɛɛ, gɔ́ aa nɛ̨ɛ̨ mą, hva nwun dɛ, gaa heeni hvoohvaalən mɛ̨i, hvoohvaalən non mɛ̨i.

Maafîu 1:23

Ə mo yɛ: «Nɛ̨ɛ̨gbəla ta yii hvo hulɔnu mɛ̨nį hu kɔ́lɔn, gaa pai koo həɠəi, ə lon ɉulɔnu hɔlɔɓo, di naa hee a Ɛmanuɛlə (mukulaa ɓaa: Yálá kaa gu pɔ).»

Maafîu 18:10

«'Ka gɛ a nəlɛɛ, ka hvo nɛapəlɛɛɠaa ŋɛ̨i tɔ̨nɔ̨ kpɛli ɓɛlɛkpɛɛ ma. Gáá moi kaa, di wɔ malakaɠaa kaa lɔ tɔɔni Ną́n Yálá lííla yələkɔlɔn ɉu.

Maafîu 18:11

Mąąhɔlɔɓo, Nu Lon ə pa yiiɠaai di piliɛ, ə di kwɛli, ə di nwun mąąɓo.

Lukə 19:10

Nuą yiiɠaai di piliɛ kɛ, Nu Lon ə pa di kwɛli mɛ̨nį ɓa, əgɛ, di ɓalo.»

Lukə 9:56

Yili pulu, də li taa takpɛli hu.

Ɉaan 1:29

Mąą yələ laa ɓoɔ, Ɉaan ə Jesus kaa yɛ pa bɔ. Ə mo yɛ diɛ: «Yálá nwɔ ɓɛlaa Lon ga, yii a yɛnɛ̨ɛ̨ nuą kəlee kɛ nɛ̨ŋɛ̨n gulɔ diɛ.

Ɉaan 10:36

A kɛ tii, ɲą́ą́ ŋɛ̨i Yálá ə ɲɛ́ɠɛ́ ɉu, ə dɛ́ɛ́ yɛnɛ̨ɛ̨, ŋį́ kɛ diɛ: ‹Yálá lon maa ɲą́ą́›, lə mɛ̨nį ɓa, ka kɛ diɛ ŋą́ą́ Yálá mąątea woo ɓo?

Ɉaan 11:42

Nwɛ́i, ŋį́ gɔlɔn gbɔ gɛ́ diɛ ya nwóó mɛ̨n a hvoló kəlee. Kɛlaa gáá ə́ hvɛli nu kpului ŋɛ̨i ɓɛ mąą mɛ̨nį ɓa, ə gɛ, di laa na diɛ ya ɓə dɛɛ.»

Ɉaan 17:18

Yɛ bələi ə́ dɔ́ɔ́ la yɛnɛ̨ɛ̨, ɲą́ą́ gbɛli gáá di tɔɔi tii yɛnɛ̨ɛ̨.

Ɉaan 17:21

Ə gɛ, di kəlee di kɛ ɉu tɔ̨nɔ̨, yɛ pələi gu kaa la ɉu tɔ̨nɔ̨. Gwa diɛni gu kɛ ɉu tɔ̨nɔ̨, ə gɛ, yɛnɛ̨ɛ̨ nuą di gɔlɔn diɛ: yɛ́ ɓə dɔ́ɔ́.

Ɉaan 17:23

Kwa diɛni ku kɛ ɉu tɔ̨nɔ̨, yɛ pɛlɛi gu kaa la ɉu tɔ̨nɔ̨, ə gɛ, di wɔ yee lɔ gee hu laa ə kɛ tɔ̨nɔ̨, yɛnɛ̨ɛ̨ nuą di gɔlɔn diɛ: yɛ́ ɓə dɔ́ɔ́, ə lɛɛ, yáá di wɛli la kɛ, yɛ pələi ə́ nwɛ́li la kɛ la.

Ɉaan 17:25

Ną́n, ə́ tələnmoɔi, yɛnɛ̨ɛ̨ nuą di hvo ə́ kɔ́lɔn, kɛlaa nwɛ́i, ŋą ə́ kɔ́lɔn, ɛlɛɛ, nuą ŋɛ̨i daa gɔlɔn diɛ: yɛ́ ɓə dɔ́ɔ́.

Ɉaan 17:3

Yaan, yɛnɛ̨ɛ̨ hva kpɛɛ ɓaa, di ə́ kɔ́lɔn a Yálá tanɔ̨n, yai a kpɔ-kpɔ, da Jesus Kristə yai Ə́ dɔɔ.

Ɉaan 17:8

Mąąhɔlɔɓo, nwooɠaai Ə́ dɔ́ɔ́ la, ŋį́ mo diɛ, di di yee hee mu daa laa na diɛ ŋį́ həɠə ə́ pɔ. Yili pulu, daa gɔlɔn diɛ yɛ́ ɓə dɔ́ɔ́.

Ɉaan 20:21

Jesus ə pənə ə mo diɛ yɛ diɛ: «Liilaa ə kɛ ka pɔ. Bələi Ną́n ə dɔ́ɔ́ la, ŋą́ą́ gbɛli gáá ka tɔɔi ti.»

Ɉaan 3:34

Yaan, nui ɲɛ̨i Yálá ə dɔɔ, a Yálá mąą mɛ̨nį ɓo, mąąhɔlɔɓo, Yálá a Kili kəlee tɛɛ bɔ.

Ɉaan 5:36

Kɛlaa, nwɛ́i, nwɔ́ kɛla hvaai kɛnɛ̨i dɛɛ Ɉaan ɓa. Golóɠaai Ną́n ə dɔ́ɔ́ yɛ ŋį́ gɛ, yai gáá di kɛi, diɛ ɓə mą́ą́ tɛ̨ą ɓoi, diɛ Ną́n mə dɔ́ɔ́.

Ɉaan 5:38

Nwoo kili hva lɛɛ ka ŋą, mąąhɔlɔɓo, nui Ə dɔɔ, ka hvo mąą mɛ̨nį kaa li a tɛ̨ą.

Ɉaan 5:45

Hvo kɛ ka kwəi kaa, gáá pai ka kalamąɓoi Ną́n ma, nui pai ka kalamąɓoi ya ɓaa a Moisə, yai ka ka kilitɔɔ mą.

Ɉaan 6:29

Jesus ə di woo pulu pənə yɛ diɛ: «Yii Yálá ka gwɛli ka yei, ya ɓaa, nui ŋɛ̨i ə dɔɔ, ka laa na.»

Ɉaan 6:38

Mąąhɔlɔɓo, Və́ həɠə li yələi və́ pa nííɓa kɛ mɛ̨nį ɓa, kɛlaa nui dɔ́ɔ́ niiɓa kɛ mɛ̨nį ɓə.

Ɉaan 6:40

Ną́n dɔ́ɔ́ niiɓa ɓaa, nui lɔpee a ɲɛ̨i tɔɔ Non ma, ə laa na, mąą nu a yɛnɛ̨ɛ̨i kpɛɛ hvo mą ɉɔlɔɓo. Ɛlɛɛ, gáá pai nwun ɉii a yɛnɛ̨ɛ̨ ŋąąkpɛɛ yələ.»

Ɉaan 6:57

Ną́n Yálá ŋɛ̨i dɔ́ɔ́ gaa a vulú, gáá yɛnɛ̨ɛ̨ kɛi ɉaalai. Yili ɓə gaa mą, nui a ɉúwɔ mįi, a kɛ a vulú ɲą́ą́ ɉaalai.

Ɉaan 7:29

Nwɛ́i ŋį́ gɔlɔn, mąąhɔlɔɓo, ŋą həɠə bɔɔli, ɛlɛɛ, ya ɓə dɔ́ɔ́.»

Ɉaan 8:11

Nɛ̨ɛ̨nui tii ə Jesus woo pulu pənə yɛ mą: «Ną́mu, nuą tii kəlee daa li.» Jesus yɛ mą: «Ɲą́ą́ gbɛli, və́ ə́ kiti teei. 'Li, kɛlaa, hvo kɛa nɛ̨ŋɛ̨n ɉəɠə.»

Ɉaan 8:42

Jesus yɛ diɛ: «Akɛ ka nąn ɓaa a Yálái, ka li nwɛ́li la kɛ. Mąąhɔlɔɓo, ŋą́ həɠə Yálá pɔ, naa hu ɓə gáá la ɓɛ. Və́ kɛ pa li gbɔ́wɔ́ ɓa, kɛlaa, yaa tii ɓə dɔ́ɔ́.

Zɔ̂ŋ Maa-ŋuŋ 2:2

Mąąhɔlɔɓo, yaa tii ɓə gbɔwɔ kulɔ a haláá, ə gu wɔ nɛ̨ŋɛ̨nŋaa waa, ɛlɛɛ, gu wɛiɠaa lɔ hvəə, kɛlaa, ə mą kɛ, yɛnɛ̨ɛ̨ nuą kəlee di wɛi.

Zɔ̂ŋ Maa-ŋuŋ 4:14

Ku wɛi, kwa mąą kɛla hvaa ɓo, kuɔ, ku gaa, ɛlɛɛ, kuɔ, Nąn ə Non dɔɔ, ə kɛ a yɛnɛ̨ɛ̨ ɓalomun.