Ɉaan 21:25 - Yálá laawoo hɛɓɛ (dc)

²⁵ Jesus ə mɛ̨nį takpɛliɠaa tamąą kɛ, akɛ kwa gəlee tɛitɛi pɛ̨ɛ̨ kɛ, nwɔ́ɔ́ kwəi, yɛnɛ̨ɛ̨ nąą kəlee hva pɛli kɛ ɉɛɓɛ́ mu.

Yálá laawoo hɛɓɛ

²⁵ Jesus ə mɛ̨nį takpɛliɠaa tamąą kɛ, akɛ kwa gəlee tɛitɛi pɛ̨ɛ̨ kɛ, nwɔ́ɔ́ kwəi, yɛnɛ̨ɛ̨ nąą kəlee hva pɛli kɛ ɉɛɓɛ mu.

Bible

²⁵ Kɛ́lɛ, mɛni támaa da kpɛni-ŋa máŋ káa naa nyii Zîsɛ e gɛ̀; eêi kɛ̀ gélee eêi pɔ̃yɛɛ̂i, ńaâi la a gɛɛ ǹɔii kpîŋ fei pɔ̂ri gɔlɔ-ŋai mu nyii eêi pɔ̂ri pɔ̃yɛɛ̂i.

Ɉaan 21:25 ပူးပေါင်းရင်းမြစ်များ

Zôo 26:14

Akɛ gɛ koló pɛlɛɛ-pɛlɛɛɠaa lɔ ɓə ti, diɛi gwa di mɛ̨i pələ mɛ̨n nɔ tiikpə, gbɛɛ ɓə a pɛli gɛ mɛ̨nį kpɛa kpɛaa ŋąą kaai?

Mąątɛ̨nɛ̨ 40:5

Nwun nąnɛ̨ɛ̨mun maa nui a gilitɔɔ Yai-Laa ɓa, yai hva too huɲąŋą kɛnɛ̨ nuą pɔ; da nuąi lɛɛ mɛ̨nį aa di nwun ɉu lan.

Mąątɛ̨nɛ̨ 71:15

Bələi ə́ tələnmoɔ la, bələi ə́ ku ɓalo la, ŋą túwɔ́ ɉukulɔi; vá pɛli gəlee kɔ́lɔn ɉii.

Ikilisiati 12:12

Nón, hvo kɛ ə kaa mɛ̨nį ŋɛ̨i ta pɛlɛi mą. Da pɛli kɛ di hɛɓɛ́ yili tamąą pɛ̨ɛ̨, Kɛlaa, a tamą tii, gəlee hu mɛ̨nį mąąkwɛliɛ a hvaŋą kpɛɛ ə́ yə́i.

Amɔsə 7:10

Nąąlɔwai, Amasia ŋɛ̨i kɛ a haláá laa həli mun Betɛlə daai, ə wɛlɛɛ tɔɔ Israɛlə tɔɔmun Ɉeroboamə pɔ, yɛ mą: «Amɔsə kaa bɔ, ə ə́ wɔ tɔɔlaai kulɔ ə́ yəi Israɛlə lɔi hu, nɔi nuą kəlee di hvo kɛa pɛli di wəli tɔɔi nwoo ɓa.

Maafîu 11:5

Kaa mą: Ɲɛ̨ipu nuą kaa kɛɛ kaai, kɔ́wɔnwąną nuą diɛ hiɛ, hvólóɲɔ̨n gɛ nuą kɔ́lɔi aa pono, di mąą aa həɠə, wəlitini nuą diɛ mɛ̨nį mɛ̨n, haaɓɛlaa diɛ nwun. Nwɛlɛɛ lɛlɛɛ laa aa həli yeehvowolo nuą diɛ.

Maafîu 19:24

Gáá pənəi ŋą́ mo kaa, hɛn gɔw nąmu lɔ laa walaai Yálá-taa tɔɔlaa hu ə tɛɛ hoo lɔi haliɛn nwolo hu ɓa.»

Markə 5:16

Ɉulɔnu tii ɲinɛ̨nŋąą di kɛ bulu, pələi di həɠə la bulu, da pələi moiɠaa tii mąą mɛ̨nį ə kɛ la; nuąi mɛ̨nįɠaa tii kəlee nąą kaa, də li diɛ ɉukulɔ.

Gɛlaɠaa 10:38

Jesus ti həɠə Nazarɛtə, bələi Yálá ə ɉəɠə la ɉu ə maati a Kili-Mąąhəɠɛɛ da huwalawalalaa, ə tɛɛ kɛɛ nąą kəlee ɓa, yɛ mɛ̨inɛ̨ɛ̨ kɛ, nuąi kpɔ kɛ nąnį yee kɔnma yɛ di ɓalo, mąąhɔlɔɓo, Yálá ə kɛ bɔ.

Gɛlaɠaa 20:35

Mɛ̨nį kəlee hu, yii ŋį́ nɛ kaa ya ɓaa: Mąąnɛ̨ɛ̨ nu kəlee di kólo kɛ, ya ɓə a gɛ gu kpɔnmąą tɛɛ mąąwɛli nuą pɔ. Ka gu gu kili lɛɛ gu Ną́mu Jesus woo hu, yii ə mo yɛ diɛ: ‹Nui kɔ́ɓo kɛi, gwəinɛ̨ɛ̨i ə tɛɛ nui di kaa gɔi mą.›»

Hebreu 11:32

Lə mɛ̨nį kpɔ ɓə nwɔ̨nɔ̨ kɛa ŋą́ pɛli moi? Lɔwai hvo ɲə́i, gɛ́ pɛli mɛ̨nį tamąą huyɛɠɛi káá, yɛ bələi: Zedeɔn mąą mɛ̨nį kaa la, Barakə, Samsɔn, Ɉɛfte, Davidə, Samuɛlə da Yálá kwəi mɛ̨nį hukulɔ nuą,