Ɉaan 20:22 - Yálá laawoo hɛɓɛ (dc)

²² Ə kpɛɛ lɔ a nwooi tii ɓoɔ, ə nɔ̨ɔ̨ pu diɛ, yɛ diɛ: «Ká ká yee hee Kili-Mąąhəɠɛɛ mu.

Yálá laawoo hɛɓɛ

²² Ə kpɛɛ lɔ a nwooi tii ɓoɔ, ə nɔ̨ɔ̨ pu diɛ, yɛ diɛ: «Ká ká yee hee Nįį-Mąąhəɠɛɛ mu.

Bible

²² Ǹyaŋ tãi e nyiŋi ƃòi, e nɛ̃wo pù dîa e m̀o dîa, ǹyɛɛi, “Ka M̀ɔlêŋ Maa Waai maa sɔlɔ ƃó.

Ɉaan 20:22 ပူးပေါင်းရင်းမြစ်များ

Zɛnɛse 2:7

Nąąlɔwai ɓə Yai-Laa ə nu pɛli la a pɔlɔ, ə yɛnɛ̨ɛ̨ kɛ hvaŋą pu ɉunwɛ̨i, nu ə kɛ a hɛn vulúmąą.

Zôo 33:4

Yálá nwɔ nɔ̨ɔ̨i ə doo ɉú, ya ɓə gɛ, gɛ́ kɛ yɛnɛ̨ɛ̨.

Mąątɛ̨nɛ̨ 33:6

Yai-Laa ə yələkɔlɔn bɛli a naa woo, ə ɉu hɛnŋąą kəlee kɛ lɔ a naa wəleen.

Izikiɛ 37:9

Yai-Laa yɛ nwɔ̨nɔ̨ mą́ą́: «Hulɔnu lon! 'Mo nu nɔ̨ɔ̨ ɓa, 'mo mą, yɛ́ mą: ‹Nu nɔ̨ɔ̨! Mɛ̨nį kəlee ŋą Hééɓomun Yálá yɛ, ə́ həɠə lɔi wəlin na nąąn ɓa, 'ə́ pu nu powaɠaai ŋɛ̨i diɛ, di kaa pai kɛi a di hvulú.›»

Ɉaan 14:16

Ə lɛɛ, ŋą mo Ną́n Yálá ɓa ə ka mąąkɔ̨nwɔ̨ mun dɛɛ, yii ka diɛni ka lɛɛ ka kee ɓa a yələ kəlee.

Ɉaan 15:26

«Ka mąąkɔ̨nwɔ̨mun a pa kɛa pai, yai gáá pai dɔɔi yɛ həɠə Ną́n bɔ, yai a tɛ̨ą Kili, ya ɓə pai mą́ą́ kɛla hvaa ɓoi.

Ɉaan 16:7

Kɛlaa, ə mą kɛ tii, gáá tɛ̨ą ɓoi kaa, yii viɛlaɓoɔ ka mąą mɛ̨nį ɓa, ya ɓaa: Hvo kɛli ŋį́ li. Yaan, a kɛ ŋą́ wala li, ka mąąkɔ̨nwɔ̨mun hva pɛli pai. Kɛlaa yaamun, ŋą́ li, gáá lii dɔɔi ə pa ka pɔ.

Ɉaan 20:21

Jesus ə pənə ə mo diɛ yɛ diɛ: «Liilaa ə kɛ ka pɔ. Bələi Ną́n ə dɔ́ɔ́ la, ŋą́ą́ gbɛli gáá ka tɔɔi ti.»

Ɉaan 20:23

Nui lɔpee ka gɛ nɛ̨ŋɛ̨n mąąhvaalɛɛ, mąąhvaa a lɛɛ. Nui ka wala gɛ nɛ̨ŋɛ̨n mąąhvaalɛɛ, mąąhvaa hva lɛɛ.»

Ɉaan 7:39

Nuąi da laa Jesus la Yálá nwɔ Kilii da ɉɔlɔɓo, mąą mɛ̨nį ka tii ə kɛi ɉanwon ɉɔɔ diɛ. Gilii ti hvo nii kɛ pa li nąąlɔwai, mąąhɔlɔɓo, Jesus mąąɲįnɛ̨n hvo nii kɛ too li pono ŋą.

Gɛlaɠaa 10:47

«Akɛti, nu ta a pɛli mɔ̨ɔ̨ lənəi nuą ŋɛ̨i mąąwaa mɛ̨nį ɓa, a diɛi, daa Kili-Mąąhəɠɛɛ hɔlɔɓo lɔ yɛ guɔ?»

Gɛlaɠaa 19:2

Ə di mąąnin kɛ, yɛ diɛ: «Ká yee heei ká mo Jesus mąą mɛ̨nį mui, 'ka Kili-Mąąhəɠɛɛ hɔlɔɓo?» Di nwoo ɲąąpənə diɛ mą: «Kpaa-o! Ku hvo ta Kili-Mąąhəɠɛɛ mąą mɛ̨nį bələ mɛ̨n ni kpɛli.»

Gɛlaɠaa 2:38

Piɛrə ə di woo ŋąą pənə yɛ diɛ: «Ka kpɛla mɛ̨nį ɲɔ̨n ma, ka ka hɔn mąą pənə, di ka mąąwaa Jesus Kristə laa hu, ə gɛ, ka wɔ nɛŋɛ̨nŋaa mąąhvaa ə lɛɛ, ká Kili-Mąąhəɠɛɛ yəi mɛ̨inɛ̨ɛ̨ hɔlɔɓo.

Gɛlaɠaa 2:4

Di kəlee di pilɛ a Kili-Mąąhəɠɛɛ, diɛ hįi woo takpɛli ɓo yɛ bələi Kili ə mąąlaa tɛɛ la di pɔ.

Gɛlaɠaa 4:8

Nąąlɔwai, Kili-Mąąhəɠɛɛ ə Piɛrə lii kpələ yɛ diɛ:

Gɛlaɠaa 8:15

Yii kɛa yiliɠaai dəli Samari, di Yálá hvɛli laa na nuąi kɛ laa diɛ, ə gɛ, di Kili-Mąąhəɠɛɛ hɔlɔɓo.

Galatə 3:2

'Ká gílaa pono mɛ̨nįi ŋɛ̨i hu, akɛtii dɔn bɔ yíi háálai ɓə mɔ̨ɔ̨ ká Yálá nwɔ Kilii hɔlɔɓo la, awala kɛ tii, laa na laa mąą wɛlɛɛ lɛlɛɛi ká ká wəli tɔɔ mą ya ɓə?