Ɉaan 20:19 - Yálá laawoo hɛɓɛ (dc)

¹⁹ Voló tɔ̨nɔ̨i tii hu, a nɔwɔ kuu voló tɔlɔɔ yələ, yələ wilii pɔ, galan nɛa di kɛ pɛlɛ́n naakpulɔɔ diɛ. Mąąhɔlɔɓo, di kɛi ɲɔ̨w Ɉuifə nwun nąmįną diɛ. Jesus ə lɔ, ə tɔɔ di lɔwai, yɛ diɛ: «Liilaa ə kɛ ka pɔ.»

Yálá laawoo hɛɓɛ

¹⁹ Voló tɔ̨nɔ̨i tii hu, a nɔwɔ kuu voló tɔlɔɔ yələ, yələ wilii pɔ, galan nɛa di kɛ pɛlɛ́n naakpulɔɔ diɛ. Mąąhɔlɔɓo, di kɛi ɲɔ̨w Ɉuifə nwun nąmįną diɛ. Jesus ə lɔ, ə tɔɔ di lɔwai, yɛ diɛ: «Liilaa ə kɛ ka pɔ.»

Bible

¹⁹ Ŋ̀ele-kûui ti ma ɣele-wulii nɔɔkuui ŋɔɣele-kuui duɛ-tuɛi ma, bɛ́rɛi lá kɛ́ɛ a dɛ́ɛi, ƃɛi ŋɔpôlu-ƃelai dí kɛ̀ naai, dí kɛ́ɛ yáôi Zûu-ŋai dîa maa-mɛni mai, Zîsɛ e lɔ̀ e tɔɔ dísama, e m̀o dîa, ǹyɛɛi, “Lii-see é kɛ́ káyêei.”

Ɉaan 20:19 ပူးပေါင်းရင်းမြစ်များ

Mąątɛ̨nɛ̨ 122:8

Gáá kɛi diɛ: «Liilaa ə kɛ ə́ pɔɔli,» ną́n nonnii da mɛ́laa di mąą mɛ̨nį ɓa.

Maafîu 10:13

Akɛ bɛlɛi tii mu nuą da di yee hee ka mui, ka wɔ liilaai a kɛ diɛ. Kɛlaa, da wala di yee hee ka mu, ka wɔ liilaai a lɛɛ ka yəi.

Maafîu 18:20

Mąąhɔlɔɓo, ɓɛi nu hveelɛ Ɉaaɓa ɉaakpɔn ɉaai laa ɲá náá hu, gáá laa di pɔ.»

Markə 16:14

Ɲąą kpɛɛi, Jesus ə gbɔwɔ lɛ nwɔ kalan nɛa pow kɔ́w tɔ̨nɔ̨i ɓa ɓɛlɔwai di kɛi di kɔ̨nɔ̨n mį́i la. Ə haŋąą diɛ, mąąhɔlɔɓo, di di lii walawala di hvo laa di ɓɛlaa woo la, ɓɛlɔwai di kɛ la diɛ, Jesus aa nwun aa kulɔ haaɓɛlaa lɔwai.

Ɉaan 14:27

«Ɲą́ą́ ɉaalai ɓə liilaa kaa la ka yəi, nwɔ́ liilaai tii ɓə gaa dɛɛi ka pɔ. Pələi yɛnɛ̨ɛ̨ a liilaa tɛɛ la nuą pɔ, bələ hvəə gáá dɛɛi la ka pɔ, ka lii hvo hɛlɛn, ka hvo ɲɔw.

Ɉaan 16:22

Bələ kpɔlɔ ɓə ka káá la yiihu. Kɛlaa, ɓɛlɔwai gu kaa pai pənəi gu gu kee kaa la a nįnɛ̨, ka kwəi a nɛ̨ɛ̨, nu ta hva pɛli gwəinɛ̨ɛ̨i tii kulɔi ka yəi.

Ɉaan 16:33

Gáá mɛ̨nįɠaa tii ɓoi kaa, kaa pɛli liilaa hɔlɔɓoi ɲə́i. Ka káá pai mɔ̨nɔ̨ mįi yɛnɛ̨ɛ̨, kɛlaa, ka ka lii kpələ, ɲéé aa tɛɛ yɛnɛ̨ɛ̨ ɓa.»

Ɉaan 20:21

Jesus ə pənə ə mo diɛ yɛ diɛ: «Liilaa ə kɛ ka pɔ. Bələi Ną́n ə dɔ́ɔ́ la, ŋą́ą́ gbɛli gáá ka tɔɔi ti.»

Ɉaan 20:26

Lɔwɔ tɔ̨nɔ̨ tɛɛ pulu, galan nɛa kəlee ŋąąkpɔn ŋąąi kɛ bɛlɛ́n da Tomasə ni. Bɛlɛ́ɠaa kəlee laakpulɔɔ diɛ, Jesus ə lɔ ə tɔɔ di lɔwai yɛ diɛ: «Liilaa ə kɛ ka pɔ.»

Ɉaan 21:1

Yili pulu, Jesus ə gbɔwɔ lɛ nwɔ̨nɔ̨ nwɔ kalan nɛai diɛ Tiberiadə gboloyá kwɛlɛ. Bələi ə gbɔwɔ lɛ la bələ ka.

Ɉaan 21:14

Ə həɠə Jesus nwun ŋąą ɓa haaɓɛlaa lɔwai, gɛɛ gbɔwɔ lɛi nwɔ kalan nɛa diɛ ɉaaɓa nąą ka ti, yɛ gbɔwɔ lɛ nwɔ kalan nɛai diɛ.

Ɉaan 7:13

Kɛlaa, nu ta lɔpee hvo kɛi Jesus mąą mɛ̨nį ɓo a pono ŋą, mąąhɔlɔɓo, di kɛi ɲɔ̨w Ɉuifəɠaa diɛ.

Gɛlaɠaa 1:3

Ɉaa pulu, a kulɔ haaɓɛlaa lɔwai, ə gbɔɔ lɛ nwɔ kɛlaɠaa diɛ a pələ huwu tamąą, hvóló pow nąąn ɲee mu, ə gɛ, di nwun mɛ̨nį kaa a tɛ̨ą, yɛ di kalan a Yálá ŋą tɔɔlaa mąą mɛ̨nį.

Lomaŋ 15:33

Gɛ́ liilaa Yálá ə kɛ ka kəlee ka pɔ; kɛi a mo tii Yálá ə kə! Mįiną!

Korɛntə dɔlɔɔ 15:5

Yili pulu, ə gbɔwɔ lɛ Sefasə ɓa, yili pulu, gɛla pow kɔ́w hveelɛi.

Ifisiɛŋ 2:14

Gbala ə tɔɔ, Kristə ɓə a gu wɔ liilaa; aa nu huwu hveelɛ kɛ a nu huwu tɔ̨nɔ̨, galai tii kɛ dɔɔ di lɔwai, ya ɓaa a yowolaa, aa gulɔ di lɔwai gɔlɔ hu.

Ifisiɛŋ 6:23

Liilaa ə kɛ nąn nonnii diɛ, wɛlikɛmąąlaa da laa na laai, da həɠə gu Nąn Yálá da gu Ną́mu Jesus Kristə di yəi, di kɛ ká pɔ.

Filipə 1:2

Nɛ̨ɛ̨laa da liilaa ə kɛ káá, yɛ həɠə gu Ną́n Yálá da gu Ną́mu Jesus Kristə yəi.

Tɛsalonikə veelɛ 3:16

Gu Ną́mui a liilaa nąmu, yaa kpinįilee, ə ká kɔ a liilaa, a yələ kəlee, a pələ huwui lɔpee. Gu Nąmu ə kɛ ká kəlee ká pɔ.

Hebreu 7:2

Melkisedɛkə ɓə Abrahamə ə ɲəi hɛnŋąa kəlee bow nąą tɛɛ bɔ. Naai tii mą, mukulaa ɓaa: «Tələnmo tɔɔmun», yili pulu, yɛ ɓo a Salɛmə tɔɔmun, mukulaa ɓaa: «Liilaa tɔɔmun».

Zɔ̂ŋ Zaaƃai 1:14

Mąąhɔlɔɓo, gáá bɔ ŋą́ pa ŋą́ ɲɛ̨́i too yɛ́, ɛlɛɛ, gu lono kɛ gee ɓa.

M̀ɛni-lɛɛi 1:4

Ɲą́ą́ Ɉaan, ɲą́ą́ ɓə ɉɛɓɛ́i ŋɛ̨i tɛɛi gbɔn ɉeei mɛ̨ihveelɛi Asi lɔi hu diɛ. Nɛ̨ɛ̨laa da liilaa ə kɛ ká pɔ, yɛ həɠə, nui gaa laa, yai kɛ laa, yai pai, yɛ həɠə, nįį mɛ̨ihveelɛi ŋą tɔɔkpəlin niila, di yəi,