Ɉaan 20:17 - Yálá laawoo hɛɓɛ (dc)

¹⁷ Jesus yɛ mą: «Hvó kanąn mą́ą́, mąąhɔlɔɓo, və́ nii tɛ li Ną́n bɔ yələi. Kɛlaa, li ya Ną́n nonnii kaa ə́ mo diɛ, yɛ diɛ: Gáá li Ną́n da ka Nąn bɔ, nwɔ́ Yálá da ka wɔ Yálá pɔ.»

Yálá laawoo hɛɓɛ

¹⁷ Jesus yɛ mą: «Hvó kanąn mą́ą́, mąąhɔlɔɓo, və́ nii tɛ li Ną́n bɔ yələi. Kɛlaa, li ya Ną́n nonnii kaa ə́ mo diɛ, yɛ diɛ: Gáá li Ną́n da ka Nąn bɔ, nwɔ́ Yálá da ka wɔ Yálá pɔ.»

Bible

¹⁷ Zîsɛ e mò ma, ǹyɛɛi, “Ífe ńzòŋ, kpɛ́ni fêi, fe niî tɛ́ ni Nàŋ-nuui pɔ; kɛ́lɛ, li ńêɣe-ni pɔ í m̀ó dîa a gɛɛ ŋa tɛ̂i Ńâŋ pɔ naa da Kánâŋ, Ŋáɣâlai pɔ naa da Káɣâlai.”

Ɉaan 20:17 ပူးပေါင်းရင်းမြစ်များ

Tɔɔɓɛlaa veelɛ 4:29

Elise yɛ Gehazi ɓa: «Ə́ hąą yili, ə́ nwɔ́ tunwɔ̨n həɠə, ə́ li la, ka nu ta kwiɛn bələ pɔ, hvó ə́ woo pili mą, nu ta a nwoo pili yɛ́, hvó hvaa nwoo mu. Ya li, nwɔ́ tunwɔ̨n ŋɛ̨i laa nokolo ɲɛ̨ilai.»

Tɔɔɓɛlaa veelɛ 7:9

Kɛlaa, volóɲɔ̨n gɛ nuą tii diɛ di kee ɓa: «Yii ŋɛ̨i gu kaa gɛi, mɛ̨nį haŋąą vəli, mɛ̨nįi ŋɛ̨i gu ɲɛ̨i aa tɔɔ ɉu, gaa a mɛ̨nį lɛlɛɛi mąąnɛ̨ɛ̨ gu bələ ɓo. Gwa wala mo, a lɛɛ ɉu kɛɛ hu a pɔ̨nɔ̨, gu nwun nɛɛ ɉu mɛ̨nį li. Ka gwə tɛ taai, gu ɉukulɔ tɔɔmun mą.»

Mąątɛ̨nɛ̨ 22:22

'Gúlɔ yala la, 'gúlɔ lan mįnɛ̨ lɔwai… Yáá nwóó mu hon!

Mąątɛ̨nɛ̨ 43:4

Gáá pai həlii kpɔ Yálá kɔ́i, a Yálái tii a gɛ, gɛ́ mąną a kwəinɛ̨ɛ̨, gáá pai ə́ laa tɛi a wələ, a bɛlɛgwəi gwɛnįn nwoo, Yálá, yɛ́i a nwɔ̨ Yálá!

Mąątɛ̨nɛ̨ 48:14

'Ka mąąkɔ̨nwɔ̨ hįi lɛlɛ pələ kaa, 'ka dɔɔɓɛlaa yíi pɛlɛ́ɠaa lono, nuąi pai lɛɛi ka pulu, kaa pɛli kɛi diɛ:

Mąątɛ̨nɛ̨ 68:18

Yálá nwɔ hoo mɛ̨i kulááɠaai, di kaa a nu waa nwun damąą, di mąąɲɔwuɔ. Ną́mu kaa di lɔwai, Sinai yee nwuɔ̨, nwɔ pɛlɛ́ mąąhəɠɛɛi mu.

Mąątɛ̨nɛ̨ 89:26

Gáá pai gboloyá laai ɲee mu, nwɔ heeɓolaa yɛ hee yáleeɠaa mɛ̨i.

Azaya 41:10

'Hvó ɲɔw, mąąhɔlɔɓo, gáá ə́ pulu, 'Hvó ə́ liihɛlɛn, mąąhɔlɔɓo, gáá a ə́ wɔ Yálá. Gáá ə́ huwala walai, gɛ́ kpɔn ɲɛ́, Gɛ́ mamįiyee pu ə́ mu, yai tələnmolaa kaa ɉui.

Ɉeremi 31:33

Mįnɛ̨i ku kaa pai ɉəɠəi kwa Israɛlə lonnii a ɲələi tii, ya ka: «Gáá pai nwɔ́ tɔ́n nwooɠaa lɔi di nįį hu, gɛ́ bɛ̨ɛ̨ di kili pɔ. Ŋą́ lɛɛ a di wɔ Yálá, diɛn, di kɛ a nwɔ́ nuą. Yai-Laa woo li!

Ɉeremi 32:38

Nąąlɔwai da kɛ a nwɔ́ nuą, gɛ ɓo a di wɔ Yálá.

Izikiɛ 36:28

Nɔi tii ta ŋą́ dɛɛ ka nąnni pɔ, ka káá pai heei laa; kaa kɛ a nwɔ́ nu huwu, ŋą́ ɓo a ka wɔ Yálá.

Izikiɛ 37:27

Ɉéé pɛlɛ́ kaa pai kɛi di kwɛlɛ, gáá pai kɛi a di wɔ Yálá, diɛn, di ɓo a nwɔ́ nuą.

Maafîu 12:50

Mąąhɔlɔɓo, nuąi di kaa Ną́n Yálái yələkɔlɔn ɉu niiɓa kɛi, diɛ ɓə di kaa a néé da gááyɔwɔɠaa.»

Maafîu 25:40

«Tɔɔmun a mo kɛa diɛ yɛ diɛ: ‹Gáá moi kaa a tɛ̨ą, ɓɛlɔwai lɔpee ka kɛi mɛ̨nįɠaa tii ta kɛ la nwɔ́ lɛapɛlɛɛɠaa ŋɛ̨i ta ɓai, ɲą́ą́ ka tii ka kɛi gɛ mą́ą́.›

Maafîu 28:7

Ka pənə, kaamun ka li ka mo nwɔ kalan nɛai diɛ, kaa diɛ: ‹Aa nwu, aa kulɔ haaɓɛlaa lɔwai. Gaa lii ka mąąkpɔn ɉii Galile lɔi hu nąą ɓə ka káá li gaai laa.› Yili lɔ ɓə ŋą kɛi pa moi kaa.»

Markə 12:26

Yili ɓa, haaɓɛlaa muhəɠə mɛ̨nį, ka hvo ta galan ni li Moisə nwɔ hɛɓɛ́i hu, ɓɛlɔwai nwɔ̨n nən ə kɛ la gala nwun ɉu? Bɛ̨ɛ̨ yɛ mą, Yálá ə kɛ Moisə ɓa: ‹Gáá a Abrahamə nwɔ Yálá Isaakə nwɔ Yálá da Ɉakɔbə nwɔ Yálá.›»

Markə 16:19

Jesus kpɛɛ kɛa a nwooɠaa tii ɓoɔ diɛ, ə muhəɠə ə tɛ yələi ə hee Yálá yee lɛlɛɛ mɛ̨i.

Lukə 10:4

Ka hvo pɔlɔtimanin ɉəɠə, ka hvo hiɛ kulɔ ɓíi həɠə, ka hvo kɔ́lɔ hveelɛ həɠə, ka hvo tɔɔ pələi kaa woo pilimąą hu kwɛaa kɛ.

Ɉaan 13:1

Gɛɛ pakə hɛli hvo kɛ ɉəli, Jesus ə gaa yɛ nwɔ lɔwai aa ɉəli yɛ pa kulɔi ɲɛnɛ̨ɛ̨ ŋɛ̨i hu, yɛ li Nąn bɔ. Nwɔ́ nuą ŋɛ̨i yɛnɛ̨ɛ̨, yaai ə di wɛli la kɛ, ə di wɛli la kɛ kpɔ kɛnɛ̨ɛ̨.

Ɉaan 13:3

Jesus ə gɔlɔn gɛ yɛ ə həɠə Yálá pɔ, Yálá aa hɛn gəlee tɛɛ bɔ, ɛlɛɛ, Yálá pɔɔli ɓə gaa lii laa.

Ɉaan 14:2

Nu heei tamąą kaa Ną́n Yálá pɔɔli. A wala kɛ tii, ŋą li kɛ kaa: gáá lii ŋį́ kɛɛnąą ta pɛli ka laa ɓa.

Ɉaan 14:28

Ka nwóó mɛ̨n! Ŋą́ kɛ kaa: ‹Gáá lii, ŋą pənə ŋį́ pa ka pɔ.› Akɛ nwɛ́li kaa kaa, ka ka kwəinɛ̨ɛ̨, mąąhɔlɔɓo, gáá lii Ną́n Yálá pɔ. Ə lɛɛ, Ną́n Yálá kɛnɛ̨i dɛɛ mą́ą́.

Ɉaan 14:6

Jesus yɛ mą: «Ɲą́ą́ ɓə gáá a bələ gɛ́ ɓo a tɛ̨ą, gɛ́ ɓo a yɛnɛ̨ɛ̨ kpɛɛ hvo mą. Nu ta hva pɛli lii Ną́n Yálá pɔɔli akɛ hvo tɛɛ li ɲą́ą́ bɔ pələ.

Ɉaan 16:28

Ŋą́ həɠə Ną́n bɔ gɛ́ pa yɛnɛ̨ɛ̨, ya ka tii nwɔ̨nɔ̨ gáá həɠəi yɛnɛ̨ɛ̨ gɛ́ li Ną́n bɔ.»

Ɉaan 17:11

Və́ kɛa pai lɛɛi yɛnɛ̨ɛ̨, kɛlaa di wɛi, di kaa ni yɛnɛ̨ɛ̨, ɲą́ą́n nwɛ́i, ba hiɛ ka Ə́ pɔ. Ną́n Mąąhəɠɛɛ, nuąi Ə́ di tɛɛ bɔ́, Ə́ ɲɛ̨i kɛ diɛ Ə́ laa hu, di kɛ ɉu tanɔ̨n, yɛ bələi gu kaa la.

Ɉaan 17:25

Ną́n, ə́ tələnmoɔi, yɛnɛ̨ɛ̨ nuą di hvo ə́ kɔ́lɔn, kɛlaa nwɛ́i, ŋą ə́ kɔ́lɔn, ɛlɛɛ, nuą ŋɛ̨i daa gɔlɔn diɛ: yɛ́ ɓə dɔ́ɔ́.

Ɉaan 17:5

Ną́n! Yiihu kɛa mąąwiɛi ŋɛ̨i kɛ ɲə́i gɛɛ yɛnɛ̨ɛ̨ kɔ́wɔ hvo tɔɔ, dɛɛ bɔ́.

Ɉaan 20:27

Yili pulu Jesus yɛ Tomasə ɓa: «'Ə́ yeekpiɛ lɛɠɛ ɓɛ, ə́ ɲéé ɲąɠaa kaa, ə́ laa na laa kɛ.»

Ɉaan 7:33

Jesus yɛ diɛ: «Gu kaani wolo ɓo ɓɛ, gɛ́ kɛa pa lii nui dɔ́ɔ́ bɔ.

Lomaŋ 8:29

Mąąhɔlɔɓo, nuąi ə gbɛa di kɔ́lɔn, aa gbɛa kɛ di həɠə ɉu, diɛ kɛ yɛ non, ə gɛ, yili yɛ kɛ a nu kpulu tamąą di liɛ.

Korɛntə veelɛ 6:18

Ŋą́ kɛ a ká nąn, ka kɛ a nónnii. Hééɓolaa kəlee Nąmu Yálá woo li!»

Galatə 3:26

Mąąhɔlɔɓo, ká kəlee kpun, laa na laa háálai, káá kɛ kɛa a Yálá lonni Jesus Kristə hu.

Hebreu 11:16

A tɛ̨ą, lɔi yii viɛlaɓoɔ, yai gaa yələkɔlɔn ɉu, ya ɓə di kɛli gwɛli. Yili ɓə gɛ, Yálá hva nwumɛ̨ naa heei a di wɔ Yálá, hvó gai, aa taa nįnɛ̨ ta tɔɔ, a di wɔɔ.

Hebreu 8:10

Gu Ną́mu yɛ mą: Mįnɛ̨i gwá Israɛlə pɛlɛ́i ku kaa pai ɉəɠəi, a mąą yələɠaa, di lii hu, da di wɔ kiliŋąhiɛ hu ɓə gáá pai nwɔ́ tɔ́n nwooɠaai pɛ̨ɛ̨i laa, gɛ́ kɛ a di wɔ Yálá, diɛn, di kɛ la a nwɔ́ nu huwu.

Piɛrə dɔlɔɔ 1:3

Lúwɔ́ ə kɛ Yálá ɓa, yai a gu Nąmu Jesus Kristə Nąn: nwɔ ɲɛ̨imąąwɛli kaa laa kɛnɛ̨ɛ̨ hu, aa pənə aa gu kaa nwɔ̨nɔ̨ a nįnɛ̨, kilitɔɔmąą laa walawala mąą mɛ̨nį ɓa, a Jesus Kristə nwun ə mo haa nuą lɔwai,

Zɔ̂ŋ Maa-ŋuŋ 3:2

Nwɛ́likɛmąą nuą, yiihu kɛa, gu kaa a Yálá lonnii, kɛlaa, bələi tínąą gwa kɛ la, hvo ni too li pono ɲą. Gu kili kaa ɉu, ɲələi gaa pai tooi la pono ɲą, gu kɛ pələ kaa pai kɛi yɛ, yaa, hvó gaai, gu ɲɛ̨i a tɔɔ mą, yɛ bələi gaa la.

M̀ɛni-lɛɛi 21:3

Ɛlɛɛ, ŋą́ woo kɛnɛ̨ ta mɛ̨n yɛ həɠə dɔɔkpəlin ɉu, yɛ kɛ mą: «Yálá heei ka, da nu kanŋaa! Da diɛni di kaa pai heei kɛɛnąą tanɔ̨n. Di kaa pai kɛi a nwɔ nu huwu, ɛlɛɛ, yaa kpinįi ə ɓo a di wɔɔ Yálá, yɛ ɓo di pɔ.

M̀ɛni-lɛɛi 21:7

Nui lɔpee a yeetɛɛmąą laa kɛ, a gwɛlin tii hɔlɔɓo, ɛlɛɛ, ŋą́ kɛ a nwɔ Yálá, ɛlɛɛ, yɛ ɓo a nón.