Ɉaan 2:24 - Yálá laawoo hɛɓɛ (dc)

²⁴ Kɛlaa, hvo kɛ Jesus ɲɛ̨i ɓa a tɛ̨ą, mąąhɔlɔɓo, ə kɛ di kwəi mɛ̨nį kɔ́lɔn.

Yálá laawoo hɛɓɛ

²⁴ Kɛlaa, hvo kɛ Jesus ɲɛ̨i ɓa a tɛ̨ą, mąąhɔlɔɓo, ə kɛ di kwəi mɛ̨nį kɔ́lɔn.

Bible

²⁴ Kɛ́lɛ, Zîsɛ fe laa ni a dîa,

Ɉaan 2:24 ပူးပေါင်းရင်းမြစ်များ

Tɔɔɓɛlaa dɔlɔɔ 8:39

Ee Yai-Laa, lɛɛ yələkɔlɔn ɉu, ɓɛi ə́ kaa laa, ə́ ə́ wəli tɔɔ, ə́ mąąhvaalɛɛ, ə́ ə́ kɛ mɛ̨nį kɛ ɉu; ə́ ɉon yɛ bələi ə túwɔ́ la. Mąąhɔlɔɓo, ə́ gwəi kɔ́lɔn, yaan, yɛ́ tɔ̨nɔ̨ lɔ ɓə nu kanŋaa kwəi kiliŋąhiɛ kɔ́lɔn.

Kɔlɔnikɔ Maa-ŋuŋ 28:9

Yɛ́i ɓaa a nón Salomɔn, 'ə́ nąn nwɔ Yálái kɔ́lɔn, 'ə́ tí mą a ə́ kwəi kwəlɛɛ, da ə́ kwəinɛ̨ɛ̨. Gbala ə tɔɔ Yai-Laa a nu kwəi kili kəlee hu kaa, yɛ kiliŋąhiɛ kəlee hu kpɛ. Yá gwɛli, a gbɔwɔ lɛ yɛ́, ə́ laa ə́ gaa. Kɛlaa yá həɠə bulu, a ə́ lɛɛ laa a yələ kəlee mɛ̨nį.

Kɔlɔnikɔ Maa-ŋuŋ 29:17

Ną́mu Yálá, gbaɠala kaa mą́ą́, gɛ́: Yá nu kwəi kaa, kwəi kwələlaa yɛ Ə́ lii hon, nwɛ́i, ŋą́ą́ ɉɛnŋąąi tii kəlee tɛɛ kpɔ Ə́ pɔ gbɔ́wɔ́ ɓa, ɛlɛɛ a gwə́inɛ̨ɛ̨. Ya ka nwɔ̨nɔ̨, gáá ə́ nwɔ nuąi ŋɛ̨i ɓɛ di kaai, diɛ pa Ə́ pɔ di kpɔwɔ ɓa a mɛ̨inɛ̨ɛ̨ɠaa.

Ɉeremi 17:9

Nu kwəi kili ɲɔ̨nwɔ̨ɔ̨i hɛn gəlee ɓa, gbəlaan ŋąą, ɉu hva pɛli tɔɔi, gbɛɛ ɓə a pɛli gɔlɔn ɉii.

Maafîu 9:4

Yii kɛa Jesus ə di wɔ kiliŋąhiɛi tii kaa, ə mo diɛ, yɛ diɛ: «Lə mɛ̨nį ɓa ka káá ka kiliŋąhiɛi a ɲɔ̨nwɔ̨ɔ̨?

Markə 2:8

Ɲąąɓa, yii kɛa Jesus ə di wɔ kiliŋąhiɛ kaa tii, ə mo diɛ yɛ diɛ: «Lə mɛ̨nį ɓa giliŋąhiɛ ɲɔ̨nwɔ̨mąn ŋɛ̨i kaa kaa?

Ɉaan 1:42

Ə niɛ hon a ɲee da yaa di pa Jesus pɔ. Jesus ə ɲɛ̨i hee kpɔ Simɔn ɓa a ɉu kwɛa, yɛ mą: «Ə laa ɓaa Simɔn, Ɉaan lon maa yɛ. Kɛlaa ə́ laa ɓaa pai kɛi a Sefasə» (mukulaa ɓaa: Piɛrə, a wala kɛti: hvaɲą.)

Ɉaan 16:30

Kwaa gɔlɔn gɛa, kuɔ, Ə́ mɛ̨nį kəlee kɔ́lɔn, nu ta nwɔ mąąni kɛ hvo kɛa yɛ́, yili ɓə gɛi kwaa laa na kuɔ ə́ həɠə Yálá pɔ.»

Ɉaan 21:17

Ɉaaɓanąą, yɛ mą: «Simɔn Ɉaan lon, nwɛ́li kaa yɛ́?» Piɛrə kwəi hvo nɛ̨ɛ̨, mąąhɔlɔɓo, Jesus aa mąąnikɛ gee mɛ̨i hveelɛ, ɉaaɓanąą ka ti, yɛ kɛ mą: «Nwɛ́li kaa yɛ́?» Simɔn ə Jesus woo pulu pənə yɛ mą: «Ną́mu, ə́ mɛ̨nį kəlee kpaɠala kɔ́lɔn, ə́ gɔlɔn gbɔ yɛ́ diɛ, ə́ wɛli kaa mą́ą́.» Jesus yɛ mą: «Nwɔ́ ɓɛlaaɠaai laahɔnmo.»

Ɉaan 4:16

Jesus yɛ mą: «'Li ə́í hilɛ təli ka yaa ka pa ɓɛ.»

Ɉaan 5:42

Kɛlaa, ŋą ka kɔ́lɔn, Yálá nwɔ wɛlikɛmąąlaa hvo ka yəi.

Ɉaan 6:15

Kɛlaa, yii kɛa Jesus ə gbaɠala kaa yɛ, nuą diɛ di ɉee a tɔɔmun, ə kulɔ di lɔwai, ə li dɔ̨nɔ̨ kɛɛnąą yee tonna.

Ɉaan 6:64

Kɛlaa, nu taɠaa kaa ka lɔwai yiiɠaai di hvo laa li na. Mąąhɔlɔɓo, ə həɠə kpɔ gɔwɔ tɔɔi yələ ɓa, nuąi di hvo kɛi laa na, ɛlɛɛ, da nui kɛi pa nɔwɔtɔɔi, Jesus ə di kɔ́lɔn gɛ.»

Gɛlaɠaa 1:24

Yili pulu, nuą kəlee di bɛlɛ gee ɓa di Yálá hvɛli, diɛ kɛ mą: «Ną́mu Yálá, yɛ́i ə nu lii hu mɛ̨nį kɔ́lɔn, nu hveelɛi ŋɛ̨i, dɔ̨nɔ̨ həɠə ɉu,

Gɛlaɠaa 15:8

Yálái a nu lii hu mɛ̨nį kaa, ə tɔɔ di pulu, a Kili-Mąąhəɠɛɛ tɛɛi ə mo di pɔ yɛ bələi ə dɛɛ la gu pɔ.

Dutɛrɔnome 31:21

Yili a kɛ tii, ɓɛlɔwai mɔ̨nɔ̨ kpɛa kpɛa da mɛ̨nį nwąnąą kpɛa kpɛa da pa laai la diɛ, nwələi ŋɛ̨i lɔ ɓə a di kilaa pɔ̨nɔ̨ di hɔn mąą mɛ̨nį hu. Nwələi ŋɛ̨i ɓə gaa a kɛla kwa diɛni ku lɔwai. Mąąhɔlɔɓo, di huwu hvo pai kpɛlai nwələi ŋɛ̨i toɔ ɓa. Və́ kpɛli nii di lɔ li nɔi tii hu, mɛ̨nįi di kwəi, ŋą́ą́ mąn gɔlɔn.»

Hebreu 4:13

Hɛn nɔpee ta hvo yɛnɛ̨ɛ̨, noɔ mą, hɛn gəlee mąąkpoloonŋąąi ɲɛ̨i mu, gəlee laa niila. Yai gu kaa lii gu kwɛlanmoi mą.

M̀ɛni-lɛɛi 2:23

Nonnii di wɛi, gáá pai di kɛlɛi a haa; ɛlɛɛ, gbɔn gəlee kaa pai gbaɠala kaa, diɛ kɛ, Ɲą́ą́ ɓə ŋą́, nu kwəi mɛ̨nį da nii hu mɛ̨nįɠaa kaa, ɛlɛɛ, ŋą́ ká tɛitɛi ká hvɛla kulɔ yɛ bələi ká tuwɔ la.

Samuɛlə dɔlɔɔ 16:7

Kɛlaa, Yai-Laa yɛ Samuɛlə ɓa: «Hvo ə́ kili lɛɛ nui ŋɛ̨i koloon ma, da dɔɔmɛ̨i, yili hvəi gáá bɔ. Yii nuą da gaa, yili hvəi; nuą di wɛi, da nu kɔ́lɔ ɓa kaa, Yai-Laa yɛ nu líí hu kaa.»