Ɉaan 2:23 - Yálá laawoo hɛɓɛ (dc)

²³ Ɓɛlɔwai Jesus ə kɛ la Ɉerusalɛmə daai a pakə hɛli hvóló, gbalo mɛ̨nįɠaai tii ə kɛi gɛ diɛ gaa, nu tamąą di laa na.

Yálá laawoo hɛɓɛ

²³ Ɓɛlɔwai Jesus ə kɛ la Ɉerusalɛmə daai a pakə hɛli hvóló, gbalo mɛ̨nįɠaai tii ə kɛi gɛ diɛ gaa, nu tamąą di laa na.

Bible

²³ Tãi e kɛ̀ la Zerusâlɛŋ Dɛɛ-mɛi Kûui mai, núu támaa dí ǹáa sìɣe a tɔ̃yâ, tãi dí ŋ̀ɛi-kɛ́-maa-ŋai kàa e gɛ̀i.

Ɉaan 2:23 ပူးပေါင်းရင်းမြစ်များ

Lukə 8:13

Daɠaa kɛ pələ yɛ ɓo yɛ, vaɲą ŋą lɔi. Yiliɠaai da Yálá laawoo mɛ̨n, di di yee hee mu a kwəinɛ̨ɛ̨. Kɛlaa, di hva nɛɛ laa, hvo ɉamu pili di lii hu, da laa lɔ nwoo tii la a lɔwai logolo tiikpə. Ɓɛlɔwai ɓɛlɛkpɛɛ mąą a həli la diɛ, da həɠə laa na pələ mɛ̨i.

Ɉaan 11:45

Mɛ̨nį tii Jesus ə gɛ, Ɉuifəɠaa tii pa Mari pɔɔli naa kaai, di laa Jesus la.

Ɉaan 2:11

Pələi Jesus ə kpalo mɛ̨nį dɔlɔɔ kɛ la Kana daai Galile lɔi hu bələ li. Ə nwɔ mąąwiɛ kulɔ laa pono ŋą, nwɔ kalan nɛai di laa na.

Ɉaan 2:13

Ɉuifəɠaa di wɔ hɛli ŋɛ̨i da kɛ mą pakə, mąą kpua kɛa kɛ, Jesus ə li Ɉerusalɛmə daai.

Ɉaan 3:2

Ə pa a kpinį Jesus pɔ, yɛ mą: «Mąąkwɛli kɛmun, ku gɔlɔn kuɔ Yálá ɓə ə́ kɛ a mąąkwɛli kɛmun, mąąhɔlɔɓo, mɛ̨nįɠaai ŋɛ̨i ə́ kaa gɛi, nu hva pɛli hvo gɛ, akɛ.»

Ɉaan 4:45

Kɛlaa, ɓɛlɔwai ə li la Galile lɔi hu, nuą di di yee hee mu a nɛlɛɛ. Galile nuą diɛ kpɛli, lii di mo Ɉerusalɛmə daai Ɉɛli pu mɛ̨nį ɓa, mɛ̨nįi Jesus ə gɛ laa di naa kaa.

Ɉaan 5:36

Kɛlaa, nwɛ́i, nwɔ́ kɛla hvaai kɛnɛ̨i dɛɛ Ɉaan ɓa. Golóɠaai Ną́n ə dɔ́ɔ́ yɛ ŋį́ gɛ, yai gáá di kɛi, diɛ ɓə mą́ą́ tɛ̨ą ɓoi, diɛ Ną́n mə dɔ́ɔ́.

Ɉaan 6:14

Nuą tii di wɛi, mɛ̨nįi tii Jesus ə gɛ, nąą kaai di mo, di kɛi kɛ diɛ: Nui ŋɛ̨i kaa kpɔ a Yálá nwɔ kwəi mɛ̨nį hukulɔ mun gbɔ-kpɔɔ, yai pai yɛnɛ̨ɛ̨ nwun mąąɓoi.

Ɉaan 6:2

Nu kpulu kɛnɛ̨ hvilɛn ŋąąi kɛ bulu mąąhɔlɔɓo, ə kɛi kpalo mɛ̨nįɠaa kɛ yɛ ɲɔ̨n gɛ nuą ɓalo.

Ɉaan 7:31

Nu kpului tii lɔwai, nu tamąą di laa Jesus la, diɛ kɛ diɛ: «Ɓɛlɔwai nwun mąąɓomun a pa pai, gaa mɔ̨ɔ̨ pai kpalo mɛ̨nį kɛi ə tɛɛ ɉulɔnui ɓa?»

Galatə 5:6

Gbala ə tɔɔ, nui gaa Jesus Kristə hu, yɛ ə kɛ a kɛ́nɛ̨-lon, yɛ ə kɛ a kɛ́nɛ̨-kpolaa, yili hvo neelee, kɛlaa, yii a neelee, ya ɓaa: laa na laai bɔ túwɔ́ kaa mą.

Zɔ̂ŋ Maa-ŋuŋ 3:23

Ɛlɛɛ, nwɔ tíɓoi ka: 'Ká kąnąn Non Jesus Kristə ɓa a laa na laa, ɛlɛɛ, gu gu keeni wɛlila kɛ; yɛ bələi Yaa tii a Jesus ə gu tí la.