Ɉaan 2:19 - Yálá laawoo hɛɓɛ (dc)

¹⁹ Jesus ə di woo pulu pənə yɛ diɛ: «Ka Yálá hee pɛlɛ́i ŋɛ̨i pu, hvóló hveelɛ Ɉaaɓa yələ, ŋą pɛli ŋį́ ɉaŋą ŋį́ dɔɔ.»

Yálá laawoo hɛɓɛ

¹⁹ Jesus ə di woo pulu pənə yɛ diɛ: «Ka Yálá hee pɛlɛ́i ŋɛ̨i pu, hvóló hveelɛ Ɉaaɓa yələ, ŋą pɛli ŋį́ ɉaŋą ŋį́ dɔɔ.»

Bible

¹⁹ Zîsɛ e díwoo su tòo, ǹyɛɛi, “Ka Ŋ̀âla-pɛrɛ Kɛ́tɛi ŋi kara, ǹyaŋ ŋa pâi dɔɔ̂i ɣele-kuu saaƃa yée mu.”

Ɉaan 2:19 ပူးပေါင်းရင်းမြစ်များ

Maafîu 12:40

Mąąhɔlɔɓo, bələi lɔ Ɉonasə ə hvóló haaɓa da kpinį haaɓa kɛ la hɔ̨nwɔ̨lee kwəi, gboloyá hu, bələ lɔ ɓə Nu Lon gaa pai hvóló haaɓa da kpinį haaɓa kɛi la kámą hu.

Maafîu 16:21

Ə həɠə nąąlɔwai ɓa, Jesus ə mo nwɔ kalan nɛai diɛ a ɉu ponoɔ̨ yɛ diɛ: «Hvo kɛli ŋą́ li Ɉerusalɛmə, ə gɛ, nu pɔlɔɠaa, da ɉaláá laa həli nuą nwun nąmįną, ə mą kɛ dɔ́n galamɔ̨ɔ̨ɠaa di mɔ̨nwɔ̨ ɓo kpɔ kɛnɛ̨, ə lɛɛ, di báá. Kɛlaa, voló ɉaaɓa yələ, ŋą́ nwun, ŋą́ kulɔ haa yəi.»

Maafîu 27:40

«Yɛ́i kɛi kɛ diɛ ya Yálá hee pɛlɛ́ pu ə́ pənə ə́ dɔɔ hvóló haaɓa yee mu, ə́ kpɔɔ ɓalo wɛ! Yɛ́ kpinįi. Akɛ Yálá Lon mąą a yɛ́, ə́ kpɔɔ kulɔ wɛ golɔwa ɓa ə́ hvilɛn.»

Maafîu 27:63

«Tɔɔmun, mɛ̨nį ta nąą kili aa too ku ŋą yɛ hvilɛn na nɛɛ mun tii ɓa. Gɛɛ a vulú, ə mo yɛ: ‹Da baa, hvóló haaɓa tɛɛ pulu a muhəɠə ə kulɔ haaɓɛlaa lɔwai.›

Markə 14:58

«Kwaa ta ɉulɔnui ŋɛ̨i woo mɛ̨n, yɛ kɛ diɛ: ‹Yálá hee pɛlɛ́i ŋɛ̨i nuą di dɔɔ, gáá pai bui, ŋą pənə ŋį́ da kpɛli tɔɔ hvóló haaɓa yee mu, yii nuą di hvo dɔɔ li.›»

Markə 15:29

Nuą kɛi tɛɛ naa kwɛlɛ, da di ɲɛ̨i hee Jesus ɓa diɛ di nwun gbɛŋɛ̨n, diɛ nalan, diɛ di laa kpan ɲąli la, diɛ kɛ mą: yɛi ŋɛ̨i kɛ diɛ: «Ya Yálá hee pɛlɛ́ pu, ə́ dɔɔ hvóló haaɓa yee mu,

Markə 8:31

Yili pulu, Jesus ə gɔwɔ tɔɔ, yɛ nwɔ kalan nɛai kalan, yɛ kɛ diɛ: «Hvo kɛli kɛ Nu Lon ə mɔnɔ̨ mį́i kpɔ kɛnɛ̨, galanɉonŋąą, ɉaláá laa həli nuą, ə mą kɛ dɔ́n galamɔ̨ɔ̨ɠaa, di kaa pai lənəi mą, ga pai haai, kɛlaa, hvóló haaɓa tɛɛ pulu, gaa pai muhəɠəi ə kulɔ haa yəi.»

Ɉaan 11:25

Jesus ə mo Martə ɓa yɛ mą: «Ɲą́ą́ ɓə gáá a haaɓɛlaa muhəɠə mɛ̨nį, ə lɛɛ, gɛ́ ɓo a yɛnɛ̨ɛ̨ kpɛɛ hvo mą. Nui a laa na, ə mą haa, a pənə ə kɛ a vulu.

Ɉaan 5:19

Kɛlaa Jesus ə pənə ə mo diɛ yɛ diɛ: «A tɛ̨ą, tɛ̨ą kpɔkpɔɔ, gaa moi kaa: Lon va pɛli mɛ̨nį lɔpee ta kɛi bɔɔ ɓa, yii hvo nąn gaa li yɛ gɛ; mąąhɔlɔɓo, yii lɔpee Nąn a gɛ, Non yaa kpɛli mąn a ɲɔ̨nwɔ̨mąn gɛ lɔ.

Gɛlaɠaa 2:24

Yálá ə́ gulɔ haa yəi, ə́ gɛ a vulú, ə gulɔ haa nwɔ mɔ̨nɔ̨ hu, mąąhɔlɔɓo, haa nwɔ huwalawalaa yee hva pɛli kɛ mą.

Gɛlaɠaa 2:32

«Jesus tii ɓə, ku kaa mąą mɛ̨nį ɓoi, Yálá ə gulɔ haaɓɛlaa lɔwai ə gɛ a vulu, ku kaa a yili mąą kɛla.

Gɛlaɠaa 3:15

Bələ ɓə ka yɛnɛ̨ɛ̨ Ną́mu paa la. Kɛlaa, Yálá ə gulɔ haaɓɛlaa lɔwai, a vulú; ku kaa a mąą kɛla.

Gɛlaɠaa 3:26

Ka mąą mɛ̨nį ɓə gbɛa gɛ, Yálá yɛ nwɔ tímun həɠə ɉu, yɛ dɔɔ ka pɔɔli, yɛ lúwɔ́ too káá, yɛ ka tɛitɛi ka həɠə ka wɔ túwɔ́ pələ ɲɔnŋaa pulu.»

Gɛlaɠaa 6:14

Ku nwoo mɛ̨n yɛ kɛ diɛ Jesus Nazarɛtə mun ti kaa pai Yálá hee pɛlɛ́ pui, dɔ́nŋąai Moisə ə dɛɛ gu pɔ, ə gəlee mąąhvalin.

Lomaŋ 4:24

Nwoo ti ə ɓo guɔ kpɛli gu laa mɛ̨i, guɔi ŋɛ̨i gwaa laa Yálá la yai gu Ną́mu Jesus kulɔ haa yəi, ə gɛ, a vulú.

Lomaŋ 6:4

Nwɔ haai mąą pɔɔ kɔ́ɔn ŋɛ̨i gu gɛ a mąąwaa, gwaa nɛ guɔ ma: Gwa diɛ ni gwaa haa, daa gu loo. Yɛ bələi ti Kristə ə kulɔ la haaɓɛlaa lɔwai Nąn nwɔ mąąwiɛ hu, guɔ kpɛli, gwaa yɛnɛ̨ɛ̨ kɛ pələ nįnɛ̨ hɔlɔɓo.

Lomaŋ 8:11

Akɛ Yálá nwɔ Kilii ŋɛ̨i Jesus nwun haa ɓɛlaa lɔwai, gaa ka hui, Yaa ti lɔ Jesus Kristə nwun yɛ gulɔ haa nuą lɔwai, yaa lɔ ɓə pai yɛnɛ̨ɛ̨ tɛɛi ká kɔlɔi ŋɛ̨i haa mɛ̨nį pɛ̨ɛ̨i nwuɔ̨, bɔ; nwɔ Kilii ti ka hu, ɉáálai.

Korɛntə dɔlɔɔ 15:12

Kwa kɛli naa həlii kuɔ kɛ: Kristə ə nwun, ə kulɔ haa yəi, lə mɛ̨nį ɓa, ká taɠaa da kɛ diɛ, haaɓɛlaa nwun mɛ̨nį hvo laa?

Kolosə 2:12

Gu lowii di mo gwa diɛni, a mąąwaa ɓo, gwa diɛni gwaa nwɔ̨nɔ̨ nwun, gbala ə tɔɔ, ká laa Yálá ŋą huwalawalalaa la, yai nwun haa nuą lɔwai.

Piɛrə dɔlɔɔ 3:18

Hvó gaai, Kristə kpinįi, yaa tii a tələnmomun, ə mɔ̨nɔ̨ mįi nɛ̨ŋɛ̨nŋaa mąą mɛ̨nį ɓa, lɔ tanɔ̨n gbən, nuąi di hvo tələnmo li, di mąą mɛ̨nį ɓa, ə gɛ, ə ká mąą lɛɠɛ Yálá ɓa, yai di gɔlɔ paa, kɛlaa, Kili-Mąąhəɠɛɛ ə gɛ a vulú.