Ɉaan 2:18 - Yálá laawoo hɛɓɛ (dc)

¹⁸ Ɉuifə nwun nąmįną di mąąni kɛ diɛ mą: «Kpalo mɛ̨nį lə kɛɛ ɓə ya pɛli gɛi, ə gɛ, ə́ nɛ kuɔ, yɛ diɛ: mɛ̨nį ŋɛ̨i ə́ kaa gɛi mąą laa tɛɛi ə́ pɔ?»

Yálá laawoo hɛɓɛ

¹⁸ Ɉuifə nwun nąmįną di mąąni kɛ diɛ mą: «Kpalo mɛ̨nį lə kɛɛ ɓə ya pɛli gɛi, ə gɛ, ə́ nɛ kuɔ, yɛ diɛ: mɛ̨nį ŋɛ̨i ə́ kaa gɛi mąą laa tɛɛi ə́ pɔ?»

Bible

¹⁸ Nya ƃe Zûu-ŋai dí mò ma, “Ŋɛi-kɛ-maai ƃa le ya ǹɛ̂i kûa nyiŋi kɛ́ mɛni mai?”

Ɉaan 2:18 ပူးပေါင်းရင်းမြစ်များ

Tɔɔɓɛlaa dɔlɔɔ 13:3

Mąą yələ, Yálá nwɔ nui ə mɛ̨nįi tii kɔ́lɔn ɉɛn nɛ, yɛ diɛ: Mɛ̨nįi pai nɛ yɛ kɛ Yai-Laa ɓə mo, ya ka: Ɉaláá kulɔi kaa pai ɓɛlai, nuwui tii mɛ̨i ə pu.

Lɛɛ gbɔwɔ ɓa 7:9

«Eziptə tɔɔmun a kɛ kaa: ‹'Ka kpalo mɛ̨nį ta kɛ›, yá kɛ Aarɔn ɓa, ‹Ə́ wɔ tunwɔ̨n həɠə, ə́ bili Eziptə tɔɔmun nííla.› A mąą pənə a kaalə.»

Maafîu 21:23

Jesus ə lɔ Yálá hee pɛlɛ́ mu yɛ nuą kalan. Ɉaláá laa həli nwun nąmįną da Ɉuifə hulɔgoloɠaa di lɛɠɛ Jesus ɓa diɛ mą: «Mɛ̨nįɠaa ŋɛ̨i ə́ kaa gɛi, gbɛɛ ɓə mąąlaa tɛɛ ə́ pɔ?»

Markə 8:11

Farisiɛ̨ɠaa di pa da Jesus ni diɛ hɛa too, di kɛ bɔ di Jesus hon nwoo hu. Di mo Jesus ɓa diɛ mą: «Kpalo mɛ̨nį ta kɛ yii kwa gaa ku laa na kuɔ ə́ wɔ huwalawala a həɠə Yálá pɔ.»

Lukə 11:29

Yii kɛa nu kpulu kɛnɛ̨ ə ŋąąkpɔn Jesus kwɛlɛ, ə mo yɛ diɛ: «Háákələi nuą hɔn ɲɔ̨nwɔ̨ɔ̨ ŋɛ̨i, di kaa bɔ Yálá ə kpalo mɛ̨nį ta lɛ diɛ. Kɛlaa, kpalo mɛ̨nį takpɛli hva pɛli kɛi, ə kulɔ Yálá kwəi mɛ̨nį hukulɔ mun Ɉonasə nwɛi pulu.

Ɉaan 1:19

Ɓɛlɔwai Ɉuifə nwun nąmįną ŋɛ̨i kɛ Ɉerusalɛmə daai di haláá laa həli nuą kpɛa-kpɛa da Levi huwu hu nuą tɔɔ la diɛ pa Ɉaan mąąni kɛi, diɛ kɛ mą: «Gbɛɛ ɓaa yɛ?»

Ɉaan 1:25

Di pənə nwɔ̨nɔ̨ di Ɉaan mąąni kɛ, diɛ mą: «Akɛ Nwun mąąɓomun Yálá ə naakwɛlanmo ya hvaa yɛ, ə lɛɛ, Eli hva nwɔ̨nɔ̨ a yɛ, hvo nwɔ̨nɔ̨ a Yálá kwəi mɛ̨nį hukulɔ mun, lə mɛ̨nį ɓa ə kaa nuą mąąwaai?»

Ɉaan 6:30

Diɛ nwɔ̨nɔ̨ mą, diɛ mą: «Kpalo mɛ̨nį lə kɛɛ ɓə ə́ kaa pai gɛi, ku laa ə́ la? Ə́ kɛ tíi ɓaa a lə?

Gɛlaɠaa 4:7

Di mo, di pa a Piɛrə da Ɉaan di lííla, di di mąąni kɛ diɛ diɛ: «Huwalawala ləi ɓə da gbɛɛ laa hu ɓə ka ɲɔ̨n gɛ mun ŋɛ̨i kɔ́lɔi pono la?»

Gɛlaɠaa 5:28

yɛ diɛ: «Kɛlɛi ku hiɛ tɔn dɔɔ káá, kuɔ ka hvo kalan gɛ naai ti hu-ee? Akɛti, lə ɓə yai káámun káá Ɉerusalɛmə laahvɛɛ a ka wɔ kalan nwooi, ɛlɛɛ, káá ka wɔ nui ti haa wulu lɛɛ ku nwuɔ̨.»