Ɉaan 2:11 - Yálá laawoo hɛɓɛ (dc)

¹¹ Pələi Jesus ə kpalo mɛ̨nį dɔlɔɔ kɛ la Kana daai Galile lɔi hu bələ li. Ə nwɔ mąąwiɛ kulɔ laa pono ŋą, nwɔ kalan nɛai di laa na.

Yálá laawoo hɛɓɛ

¹¹ Pələi Jesus ə kpalo mɛ̨nį dɔlɔɔ kɛ la Kana daai Galile lɔi hu bələ li. Ə nwɔ mąąwiɛ kulɔ laa pono ŋą, nwɔ kalan nɛai di laa na.

Bible

¹¹ Zîsɛ ŋɔŋɛi-kɛ-maa-ŋa kɛɛi maa-ŋuŋ ká ŋi e gɛ̀ Kena, Galalii-lɔii su é ŋɔfólo-laai lɛ́, ǹyaŋ ŋɔpôlu-ƃelai dí laa la.

Ɉaan 2:11 ပူးပေါင်းရင်းမြစ်များ

Tɔɔɓɛlaa dɔlɔɔ 17:24

Nɛ̨ɛ̨nui yɛ Eli ɓa: «Ŋą́ą́ gbaɠala kaa kɛa gbalo mɛ̨nįi ŋɛ̨i pɔ pələ, gɛ́, Yálá nwɔ nu ɓaa a yɛ́. Ɛlɛɛ, mɛ̨nįi ya mo a Yai-Laa laa, tɛ̨ą li.»

Mąątɛ̨nɛ̨ 72:19

Lúwɔ́ ə kɛ naa mąąwiai ɓa a yələ kəlee; lɔi kəlee laa ə hvɛɛ a nwɔ mąąwiɛ, kɛi a mo tii Yálá ə kɛ! Mįiną!

Mąątɛ̨nɛ̨ 96:3

'Ka mąąwiɛ pələ hukulɔ lɔiɠaa hu, da gɛ mɛ̨nį ɲɛ̨i kɛ̨nɛ̨ɠaa, nu huwu kəlee lɔwai.

Lɛɛ gbɔwɔ ɓa 14:31

Bələi Yai-Laa ə nwɔ sə mɛ̨nį kɛ la, yɛ Israɛlə lonnii kulɔ Eziptə nuą yəi, di nąą kaa, di ɲɔw Yai-Laa ɓa, di laa na; di laa nwɔ̨nɔ̨ nwɔ tímun Moisə la.

Lɛɛ gbɔwɔ ɓa 4:9

Da wala laa gwɛlɛɛn mɛ̨nį hveelɛi tii la, di hvo di wəli tɔɔ yɛ́, ɲá lee ti ta haɠa, ə́ bu nɔi ɓa, ɲái tii a mąą pənə a ɲąmą.»

Ikilisiati 9:7

Yili ɓa, ə́ laa mįi, ə́ wɔ lɔɔi kpələ a ə́ kwəinɛ̨ɛ̨; mąąhɔlɔɓo, Yálá aa ə́ kɛ mɛ̨nįɠaa hu nɛ̨ɛ̨.

Azaya 40:5

Nąąlɔwai, Yai-Laa nwɔ mąąwiɛ kaa pai kulɔi pɔ̨nɔ̨ŋą, nɔ̨ɔ̨nɔ̨ɔ̨-hɛnŋąąi kpɔ di kaa lɔi mɛ̨i, gəlee kaa pai gaai, diɛ kɛ Yai-Laa ka tii aa hvaa!

Malasi 2:2

Ɲą́ą́ Yai-Laa Mɛ̨nį Kəlee ŋą Hééɓomun, ka wala ka wəli tɔɔ, ka hvo gɛ pələ kwɛli mą, ka hvo náá mąąwiɛ mɛ̨nį həɠə a ka lii kəlee, gáá pai mɛ̨nį ɲąąnwąnąą laai kaa, mɛ̨inɛ̨ɛ̨ɠaai wɔlɔ ŋą́ naakwɛlanmo kaa, ŋą́ mąą pənə a nɛ̨ŋɛ̨n naa; ŋą́ gɛ tii, mąąhɔlɔɓo, ka hva mɛ̨nį ta kɛ a gɛ pələ.

Ɉaan 1:14

Nwoo tii, ə nu kɔ́lɔ həɠə, kwa diɛni ku yɛnɛ̨ɛ̨ kɛ gee pɔ, naa hvɛɛ a mɛ̨inɛ̨ɛ̨ da tɛ̨ą, ku nwɔ mąąwiɛ kaa yɛ bələi Lon gɔw tɔ̨nɔ̨ gbən a mąąwiɛ hɔlɔɓo la Nąn ɲəi.

Ɉaan 1:17

Gu Yálá nwɔ tɔ́n ɉɔlɔɓo Moisə háálai. Kɛlɛɛ, gu mɛ̨inɛ̨ɛ̨ da teŋą hɔlɔɓo Jesus Kristə háálai.

Ɉaan 1:43

Mąą yələ laa ɓoɔ, Jesus ə giliŋąhiɛ yɛ diɛ gaa li Galile lɔi hu. Ə Filipə kaa, ə mo mą yɛ mą: «Hvilɛn búlú.»

Ɉaan 1:50

Jesus ə nwoo pulu pənə yɛ mą: «Kɛi ŋį́ mo yɛ ŋą́i kaa moolaa wulu mu ya ɓə gɛ yɛ laa ná? Ə kaa pai mɛ̨nį kpɛa-kpɛa tamąą kaai ə tɛɛ yili ɓa.»

Ɉaan 10:41

Nu tamąą di pa Jesus pɔ. Di kɛi mo diɛ kɛ mą: «Ɉaan hvo kɛ kpalo mɛ̨nį kɛ li, kɛlaa, mɛ̨nįi kpɔ ə mo yɛ hvilɛn na ɉulɔnui ŋɛ̨i ɓa, gaa tɛ̨ą.»

Ɉaan 11:15

Jesus yɛ nwɔ kalan nɛai diɛ: «Nwɛ́i, gwə́inɛ̨ɛ̨, mąąhɔlɔɓo, və́ kɛ kɛ li laa yɛ haa. Ya ɓə a gɛ, ka laa ná. Ka gwə li laa.»

Ɉaan 11:47

Nąąlɔwai, haláá laa həli nuą kpɛa-kpɛa da Farisiɛ̨ɠaa di tɔ́n vili nąmįną ŋąąkpɔn, diɛ diɛ: «Ɉulɔnui ŋɛ̨i kaa kpalo mɛ̨nį tamąą kɛi, lə mɛ̨nį ɓə ka gu kaa gɛi ɉu?

Ɉaan 12:18

Mɛ̨nįi gɛ nu kpulu kɛnɛ̨ yɛ pa Jesus laa kwiɛn ɉii la, ya ɓaa, mąąhɔlɔɓo, di mɛ̨n diɛ Jesus aa gbalo mɛ̨nį tii kɛ.

Ɉaan 12:37

Bələi mąn Jesus ə kpalo mɛ̨nį tamąą kɛ la di ɲɛ̨i ɓa, di hvo laa na.

Ɉaan 12:41

Esai Jesus nwɔ mąąwiɛ kaa, ya ɓə gɛ yɛ mo la tii.

Ɉaan 14:13

Yii lɔpee ka vɛli Yálá ɓa ɲą́ą́ náá hu, ŋą dɛɛ ka pɔ, ə gɛ, ną́n mąą ə wiɛ non Ɉaalai.

Ɉaan 16:27

ka wɛli kaa Ną́n ma, mąąhɔlɔɓo nwɛ́li kaa kaa, ɛlɛɛ, kaa laa na kaa: ŋą həɠə Yálá pɔ.

Ɉaan 16:30

Kwaa gɔlɔn gɛa, kuɔ, Ə́ mɛ̨nį kəlee kɔ́lɔn, nu ta nwɔ mąąni kɛ hvo kɛa yɛ́, yili ɓə gɛi kwaa laa na kuɔ ə́ həɠə Yálá pɔ.»

Ɉaan 2:1

Hvóló hveelɛ tɛɛ pulu, húlu lɔ kwəinɛ̨ɛ̨ ə kɛ Kana daai, Galile lɔi hu Jesus nee ə kɛ laa.

Ɉaan 2:23

Ɓɛlɔwai Jesus ə kɛ la Ɉerusalɛmə daai a pakə hɛli hvóló, gbalo mɛ̨nįɠaai tii ə kɛi gɛ diɛ gaa, nu tamąą di laa na.

Ɉaan 3:2

Ə pa a kpinį Jesus pɔ, yɛ mą: «Mąąkwɛli kɛmun, ku gɔlɔn kuɔ Yálá ɓə ə́ kɛ a mąąkwɛli kɛmun, mąąhɔlɔɓo, mɛ̨nįɠaai ŋɛ̨i ə́ kaa gɛi, nu hva pɛli hvo gɛ, akɛ.»

Ɉaan 4:3

Ɓɛlɔwai Jesus ə nwooɠaa tii mɛ̨n na, ə həɠə Ɉude lɔi hu, yɛ li Galile lɔi hu.

Ɉaan 4:46

Jesus ə pənə ə li Kana daai Galile lɔi hu; ɓɛi ə ɲá mąą pənə laa a lɔɔ. Nɔi Nwun nąmu kɛnɛ̨ ta ə kɛ laa, yii non gɔlɔi hvo kɛ pono li, yɛ ɓo Kafarnaumə daai.

Ɉaan 4:54

Yili ɓə kɛ a Jesus nwɔ kpalo mɛ̨nį kɛɛ veelɛnąą ɉəɠɛɛ Ɉude lɔi hu yɛ pa Galile lɔi hu.

Ɉaan 5:23

Yili ɓə a gɛ, nu kəlee diɛ Non mąąwiɛ, yɛ bələi da Nąn mąąwiɛ la. Nui hva Non mąąwiɛ, hva Nąn gbɛli mąn mąąwiɛ, yai Non dɔɔi.

Ɉaan 6:14

Nuą tii di wɛi, mɛ̨nįi tii Jesus ə gɛ, nąą kaai di mo, di kɛi kɛ diɛ: Nui ŋɛ̨i kaa kpɔ a Yálá nwɔ kwəi mɛ̨nį hukulɔ mun gbɔ-kpɔɔ, yai pai yɛnɛ̨ɛ̨ nwun mąąɓoi.

Ɉaan 6:2

Nu kpulu kɛnɛ̨ hvilɛn ŋąąi kɛ bulu mąąhɔlɔɓo, ə kɛi kpalo mɛ̨nįɠaa kɛ yɛ ɲɔ̨n gɛ nuą ɓalo.

Ɉaan 6:26

Jesus yɛ diɛ: «A tɛ̨ą kpɔ-kpɔ gáá moi kaa, gbalo mɛ̨nįɠaai ŋɛ̨i ŋį́ gɛ, ŋąą kaa mɛ̨nį hvəə ka káá gwɛ́li la. Kɛlaa, ka káá gwɛ́li, mąąhɔlɔɓo, kaa kɔ̨nɔ̨n mįi kaa pilɛ.

Ɉaan 6:30

Diɛ nwɔ̨nɔ̨ mą, diɛ mą: «Kpalo mɛ̨nį lə kɛɛ ɓə ə́ kaa pai gɛi, ku laa ə́ la? Ə́ kɛ tíi ɓaa a lə?

Ɉaan 7:31

Nu kpului tii lɔwai, nu tamąą di laa Jesus la, diɛ kɛ diɛ: «Ɓɛlɔwai nwun mąąɓomun a pa pai, gaa mɔ̨ɔ̨ pai kpalo mɛ̨nį kɛi ə tɛɛ ɉulɔnui ɓa?»

Ɉaan 9:16

Farisiɛ̨ɠaa lɔwai, daɠaa diɛ kɛ diɛ: «Akɛtii, nu kpɔ hvo hvįįtɔɔ yələ kɔ́lɔn? A kɛ yili kaa tii, hvo həɠə li Yálá pɔ.» Kɛlaa, da kpɛliɠaa diɛ kɛ diɛ: «Nɛ̨ŋɛ̨n ɉəɠəmun nɛlɛ ɓə a pɛli ə gbalo mɛ̨nį taaləi ŋɛ̨i ɲɔ̨nwɔ̨mą gɛi?» Yili ɓə woo taɠa too la di lɔwai.

Korɛntə veelɛ 3:18

Ɛlɛɛ, gu kəlee kpɔ, ɉəɠə ɓɛla aa həɠə gu ɲɛ̨i, gu Nąmu ŋą mąąwiɛlaa ta aa həli guɔ, gu ɲɛ̨ilai mąą aa hvalən, gwaa kɛ a gulɔmąą, gu wɔ mąąwiɛlaa ta yɛ pɛlɛ lɔ mą a yələ kəlee gu Nąmu haalai, yai a Kili.

Korɛntə veelɛ 4:17

Hvo gaai, mɔ̨nɔ̨ logolo tiikpɛi ŋɛ̨i pai kpɛɛi, gaa a ɲɛ̨i pono kɛnɛ̨ɛ̨i kpɛɛ hvo mą, heɛ nuą tɔwɔ.

Korɛntə veelɛ 4:6

Mąąhɔlɔɓo, Yálá ŋɛ̨i kɛ diɛ: 'Kɛɛ ə pono kpinį hu! Yaa ti lɔ ɓə kɛ a kɛɛ pono ku lii hu, yɛ ŋą mąąwiɛlaa kɔ́lɔn gili tɛɛ ka gu pɔ, yai lən ɉii Kristə ɲɛ̨ilaai.

Dutɛrɔnome 5:24

di mo mą́ą́ ka laa hu, diɛ mą́ą́: «Yai-Laa ku wɔ Yálái aa nwɔ mąąwiɛ lɛ kuɔ da nwɔ kɛnɛ̨laa, kwaa nwoo mɛ̨n nwɔ̨n ɉąąi. Kwaa gbaɠala kaa háákələi kuɔ Yai-Laa a pɛli mɛ̨nį ɓoi nu ɓa, ɛlɛɛ mąą nu yɛ lɛɛ a vulú.

Zɔ̂ŋ Maa-ŋuŋ 5:13

Ŋą́ mɛ̨nįɠaa tii kɛ a hɛɓɛ́, ŋą́ dɛɛ káá, əgɛ, ká kili ə pu ɉu káá, yɛnɛ̨ɛ̨ hva kpɛɛ kaa ká yəi, a káái kaa laa na laa hɔlɔɓo Yálá Lon naa hu.