Ɉaan 19:5 - Yálá laawoo hɛɓɛ (dc)

⁵ Di kulɔ a Jesus ɲɛ̨nɛ̨ɛ̨, ɲąąlən gálán ɉeɛ nwun ma, mɛlɛkpɛɛmąą hələi tii yɛ ɓo gwaną. Pilatə yɛ diɛ: «Nu kpɔ ka.»

Yálá laawoo hɛɓɛ

⁵ Di kulɔ a Jesus ɲɛ̨nɛ̨ɛ̨, ɲąąlən gálán ɉeɛ nwun ma, mɛlɛkpɛɛmąą hələi tii yɛ ɓo gwaną. Pilatə yɛ diɛ: «Nu kpɔ ka.»

Bible

⁵ Nya ƃe Zîsɛ e kùla, ŋalêŋ-ƃɔrɔi seɛɛ ŋ̀ûa. Ǹyokpo kpɔ̂lu-mu-tɛɣiɛi kɛ́ ƃo ma. Pâle e mò dîa, ǹyɛɛi, “Nalôŋ ká ŋi!”

Ɉaan 19:5 ပူးပေါင်းရင်းမြစ်များ

Azaya 40:9

Ə́ wɛi, 'tɛ yee tɔɔ ta nwuɔ̨, ə́ woo kulɔ kpɔ a hɔ̨ɔ̨, Siɔn, wɛlɛɛ lɛlɛɛ ɓomun, 'ə́ woo kulɔ, hvo ɲɔw, Ɉerusalɛmə, wɛlɛɛ lɛlɛɛ ɓomun; 'mo Ɉuda taaɠaa diɛ, yɛ diɛ: «Ka gu wɔ Yálái ka!»

Azaya 43:1

Kɛlaa, mɛ̨nįi Yai-Laa kaa moi yiihu, ya ka, A yai ə́ pɛli Ɉakɔbə, yai ə́ kɛ yɛnɛ̨ɛ̨ Isarɛlə, yɛ: 'Hvó ɲɔw, mąąhɔlɔɓo, ŋą́ą́ ɓə ə́ nwun mąąɓo, gɛ́ ə́ təli a ə́ laa, Ɲą́ą́ ɓə bɔ́ɔ́ ɓaa a yɛ́.

Azaya 7:14

Yili mąą mɛ̨nį ɓa, Ną́mu yaa kpinįi gaa mɛ̨nį ta lɛi kaa, ya ɓaa: Nɛ̨ɛ̨non yii hvo hulɔnu mɛ̨nį hukɔlɔn, a koo həɠə, ə lon ɉulɔnu hɔlɔɓo, ə naa hee a Ɛmanuɛlə.

Woolaa 1:12

Káái ka tɛɛ a bələi ŋɛ̨i, ka ká ɲɛ̨i hee tai, ka kɛɛ kaa! Akɛ, mɔ̨nɔ̨i ŋɛ̨i Yai-Laa aa naa mą́ą́, a ta da laa nu ta ɓa a yələ ta; nwɔ liiholi hvóló hu!

Maafîu 27:29

Yili pulu, di ɲąąlən gɛ a kálán di ɉee nwun ma, yili pulu, di hveen gbaɠa tee di nɔ mamįiyee ŋą, diɛ pu di kpəlin na diɛ yɛlɛ kulɔ ɉu, diɛ kɛ mą: «Ɉuifəɠaa di wɔ tɔɔmun, ə́ yii kpɛli.»

Ɉaan 1:29

Mąą yələ laa ɓoɔ, Ɉaan ə Jesus kaa yɛ pa bɔ. Ə mo yɛ diɛ: «Yálá nwɔ ɓɛlaa Lon ga, yii a yɛnɛ̨ɛ̨ nuą kəlee kɛ nɛ̨ŋɛ̨n gulɔ diɛ.

Ɉaan 19:2

Ɉolahiɠaa di ɲąąlən gɛ a kálán di ɉee nwun ma yɛ tɔɔ ɓɔlɔ, di ɓɛlɛkpɛɛ mąą həɠə too gwaną.

Hebreu 12:2

'gu ɲɛ̨i kpalaa laa na laa pələi kulɔmun ma, yai a Jesus, a pɛli mą, ə gu həli naa kulɔi ɓa, a yai lənə kwəinɛ̨ɛ̨i kɛ dɔwɔ mą, ə niikpələ yɛ ɓɛlɛkpɛɛmąą haa ɓo kolɔwa ɓa, gaa heeni Yálá ŋą tɔɔkpəlin ɲee lɛlɛɛ hu.