Ɉaan 18:38 - Yálá laawoo hɛɓɛ (dc)

³⁸ Pilatə ə mo mą yɛ mą: «Tɛ̨ą ɓaa lə?» Ɓɛlɔwai Jesus ə nwooi tii ɓo la, Pilatə ə kulɔ nwɔ̨nɔ̨ gala pulu pələ ə li yɛ Ɉuifəɠaa diɛ: «Nwɛ́i, və́ hɔn nɔpee ta kaa li ɉulɔnui ŋɛ̨i ɓa.

Yálá laawoo hɛɓɛ

³⁸ Pilatə ə mo mą yɛ mą: «Tɛ̨ą ɓaa lə?» Ɓɛlɔwai Jesus ə nwooi tii ɓo la, Pilatə ə kulɔ nwɔ̨nɔ̨ gala pulu pələ ə li yɛ Ɉuifəɠaa diɛ: «Nwɛ́i, və́ hɔn nɔpee ta kaa li ɉulɔnui ŋɛ̨i ɓa.

Bible

³⁸ Pâle e mò ma ǹyɛɛi, “Le ƃa dɔ̃yâi?” Tãi e nyiŋi ƃòi, e lì ŋɔ́nɔ Zûu-ŋai pɔ, e m̀o dîa, ǹyɛɛi, “Fe mɛni nyɔ́mɔɔ kélee da kâai gbonôi.

Ɉaan 18:38 ပူးပေါင်းရင်းမြစ်များ

Maafîu 27:24

Yii kɛa Pilatə ə gaa yɛ diɛ, mɛ̨nįi gaa moi, di hvo nwoo hon ɉi, kɛlaa yaamun, nuą huluun nwoo lɔ ɓə ɉu ə kɛi kɛnɛ̨; ə ya həɠə, ə ɲəi waa nu kəlee ɲɛ̨i ɓa, yɛ diɛ: «Nui ŋɛ̨i hɔn və mą, ɲə́ə́ hvo baa mɛ̨nį hu gɔ́wɔ́ hvo ɉu; ka nwuɔ̨ tiɛ̨ li.»

Markə 15:14

Pilatə ə di mąąni kɛ yɛ diɛ: «Akɛti, mɛ̨nį ɲɔ̨n nə kɛɛ ɓə ə gɛ?» Nuą tii kəlee di tómą kpɔ nwɔ̨nɔ̨ kɛnɛ̨, diɛ mą: «Gbanwo kolɔwa ɓa!»

Lukə 23:4

Nąąlɔwai Pilatə ə mo ɉala laa həli nuą kpɛa-kpɛaa da nu kpului tii kəlee diɛ, yɛ diɛ: «Mɛ̨nįi kpɔ əgɛ a hɔn, və́ gaai.»

Ɉaan 18:33

Pilatə ə li ə hee ɲəi dɔɔ kpəlin ɉu, ə Jesus təli ə mąąni kɛ, yɛ mą: «Ɉuifəɠaa di wɔ tɔɔmun ɓaa yɛ́?»

Ɉaan 19:4

Pilatə ə pənə ə kulɔ ɲɛ̨nɛ̨ɛ̨ yɛ Ɉuifəɠaa diɛ: «'Ka tɔɔ, ŋį́ paa la, ə gɛ, ka gɔlɔn kaa və́ hɔn nɔpee ta kaa li mą.»

Ɉaan 19:6

Yii lɔ Ɉaláá laa həli nuą da di wɔ galidəɠaai di Jesus kaa, di kəlee di tómą diɛ kɛ mą: «'Gbanwo kolɔwa ɓa, 'gbanwo kolɔwa ɓa.» Pilatə yɛ diɛ: «Ka ɉon kaa kpinįi ka gbanwo kolɔwa ɓa, nwɛ́i, və́ hɔn nɔpee ta kaa li mą.»

Gɛlaɠaa 17:32

Yii lɔ Polə ə nu nwun mɛ̨nį yɛ kulɔ haaɓɛlaa lɔwai mɛ̨nį ɓo, di taɠaa di kɛli yɛlɛ mą; daɠaa diɛ kɛ: «Ku kaa pai ku wəli tɔɔi ə́ woo ɓa a yələ takpɛli.»

Piɛrə dɔlɔɔ 1:19

kɛlaa, ə kɛ a ɲąmąi mąą mɛ̨nį nwąnąą, yɛ ɓɛlaa lon kiliin ɉii ɲɔ̨nwɔ̨ɔ̨ hvo mą, da pɔɔ lɔpee ta, ya ɓaa a Kristə ɲąmą,