Ɉaan 18:37 - Yálá laawoo hɛɓɛ (dc)

³⁷ Pilatə ə mo mą yɛ mą: «Akɛti, tɔɔmun mąą yɛ́?» Jesus ə nwoo pulu pənə yɛ mą: «Yɛ́ lɔ ɓə mo: gáá a tɔɔmun. Ŋą́ pa lɔi mɛ̨i di gáá a lon, ə gɛ, ŋą tɛ̨ą mąą kɛla hvaa ɓo. Nui lɔpee gaa tɛ̨ą pələ mɛ̨i, a nwəli tɔɔ nwóó ɓa.»

Yálá laawoo hɛɓɛ

³⁷ Pilatə ə mo mą yɛ mą: «Akɛti, tɔɔmun mąą yɛ́?» Jesus ə nwoo pulu pənə yɛ mą: «Yɛ́ lɔ ɓə mo: gáá a tɔɔmun. Ŋą́ pa lɔi mɛ̨i di gáá a lon, ə gɛ, ŋą tɛ̨ą mąą kɛla hvaa ɓo. Nui lɔpee gaa tɛ̨ą pələ mɛ̨i, a nwəli tɔɔ nwóó ɓa.»

Bible

³⁷ Pâle e m̀arê kɛ̀, ǹyɛɛi, “Gɛ̀ ní kâloŋ ƃa yá, Kɛrɛ̂e?” Zîsɛ e zu tòo, ǹyɛɛi, “Ya mò a gɛɛ ŋ́gaa a kâloŋ. Nyiŋi mɛni ƃe dí ńzɔlɔ ƃô la, nyiŋi mɛni ƃe ǹyaŋ ŋa bá kɛ̀ ǹɔii su, a gɛɛ ŋá dɔ̃yâi maa-sere-faa kɛ́. Núu nyii kélee gáa dɔ̃yâi mai a ŋ́oo mɛni.”

Ɉaan 18:37 ပူးပေါင်းရင်းမြစ်များ

Azaya 55:4

Hvo gaai ŋą́ą́ gɛ a kɛlahvaa ɓomun nu takpɛliɠaa diɛ, a ɲąąwooɓo kɛ mun, a lɔiɠaa tənən dɔɔ mun.

Maafîu 26:64

Jesus yɛ mą: «Yaa kpɔlɔ ka tii yaa hvilɛn mɛ̨i, ya ɓaa a ɲą́ą́! Gáá moi kaa, ə həɠə háákələi ɓa, ka káá pai Nu Lon kaai heeni Yálá yee-lɛlɛɛ-mɛ̨i Huwalawala kɛnɛ̨ hu, yili pulu, ka gaa yɛ həɠə yələi yɛ yɛɛ tulɔ kpinįn ɉu.»

Maafîu 27:11

Jesus ə kɛ tɔɔ ni Pilatə líílaa, yili ə mąąni kɛ, yɛ mą: «Ɉuifəɠaa di wɔ tɔɔmun ɓaa a yɛ́?» Jesus yɛ mą: «Ya ka tii ə́ mo!»

Markə 14:62

Jesus ə nwoo pulu pənə, yɛ mą: «Ɲą́ą́ ɓə a yaa. Ɲą́ą́ ŋɛ̨i a Nu Lon ka káá pai gáái heeni Yálá yee lɛlɛɛ mɛ̨i, huwalawala kɛnɛ̨ hu, tulɔ kpiliɠilin mɛ̨i, gɛ́ pa.»

Markə 15:2

Pilatə ə Jesus mąąni kɛ, yɛ mą: «Ɉuifəɠaa di wɔ tɔɔmun mąą a yɛ́?» Jesus ə nwoo pulu pənə, yɛ mą: «Yaa kpɔlɔɔ ka tii yáá mo, ya ɓaa a ɲą́ą́.»

Lukə 22:70

Di kəlee di mo, diɛ mą: «Yálá Lon maa kani a yɛ́?» Jesus yɛ diɛ: «Ya ka tii kaa mo, ɲą́ą́ ɓə.»

Lukə 23:3

Pilatə ə mąąni kɛ, yɛ mą: «Akɛti, Ɉuifəɠaa di wɔ tɔɔmun mąą a yɛ́?» Jesus ə nwoo pulu pənə yɛ mą: «Ya ka tii yáá mo.»

Ɉaan 1:14

Nwoo tii, ə nu kɔ́lɔ həɠə, kwa diɛni ku yɛnɛ̨ɛ̨ kɛ gee pɔ, naa hvɛɛ a mɛ̨inɛ̨ɛ̨ da tɛ̨ą, ku nwɔ mąąwiɛ kaa yɛ bələi Lon gɔw tɔ̨nɔ̨ gbən a mąąwiɛ hɔlɔɓo la Nąn ɲəi.

Ɉaan 1:17

Gu Yálá nwɔ tɔ́n ɉɔlɔɓo Moisə háálai. Kɛlɛɛ, gu mɛ̨inɛ̨ɛ̨ da teŋą hɔlɔɓo Jesus Kristə háálai.

Ɉaan 14:6

Jesus yɛ mą: «Ɲą́ą́ ɓə gáá a bələ gɛ́ ɓo a tɛ̨ą, gɛ́ ɓo a yɛnɛ̨ɛ̨ kpɛɛ hvo mą. Nu ta hva pɛli lii Ną́n Yálá pɔɔli akɛ hvo tɛɛ li ɲą́ą́ bɔ pələ.

Ɉaan 3:32

Yii ə gaa da yii ə mɛ̨n ya ɓə a mo, kɛlaa, nuą di hva di yee hee nwɔ kɛla hvaa mu.

Ɉaan 7:17

Nui hvaa Yálá liiɓa kɛ mɛ̨nį ɓa, a gbaɠala kaa akɛ mɛ̨nįi ŋɛ̨i gáá mo, ə həɠə Yálá pɔ, awala kɛ tii, gbɔ́wɔ́ woo li.

Ɉaan 8:14

Jesus ə di woo pulu pənə yɛ diɛ: «Ŋą́ą́ kɛi gbɔ́wɔ́ mąą kɛla hvaa ɓoi, yili kaa a tɛ̨ą. Mąąhɔlɔɓo, ɓɛi ŋą́ həɠə laa, da ɓɛi gaa lii laa, ŋą́ nąą kɔ́lɔn. Kɛlaa ka wɛi ɓɛi ŋą́ həɠə laa, da ɓɛi gaa lii laa, ka hvo nąą kɔ́lɔn.

Ɉaan 8:45

Nwɛ́i, tɛ̨ąi ŋɛ̨i gáá moi kaa, ya ɓə ka hvo laai la ná.

Ɉaan 8:46

Gbɛɛ ɓə a ta ɉón gɛ́ nɛ̨ŋɛ̨n ɉəɠə? Akɛti, lə mɛ̨nį ɓa ŋą́ą́ kɛi tɛ̨ą ɓo kaa, ka hva laa ná?

Ɉaan 8:47

Nui gaa a Yálá nwɔɔ, a nwəli tɔɔ Yálá woo ɓa. Gɛ mɛ̨nį ka hvo a Yálá nwɔɔɠaa, ya ɓə gɛi ka hvo ka wəli tɔɔi la nwóó ɓa.»

Timote dɔlɔɔ 6:13

Gáá ə́ tíi, Yálái a yɛnɛ̨ɛ̨ tɛɛ hɛn gəlee pɔ, ɲɛ̨i ɓa, da Jesus Kristə ɲɛ̨i ɓa, yai mąą kɛla hvaa ɓo Pɔnsə Pilatə lii la, laa na laa hu, gɛ́:

Piɛrə dɔlɔɔ 1:22

Káá ká nįį mąąhəɠə, a lɛɛi ká mo tɛ̨ą woo pulu, əgɛ, ká wɛlikɛmąą laa kɛ, hva kɛ a tɛ ɲɛ̨i mɛ̨nį. 'Ká ká keeni wɛli la kɛ kani, a kwəi kwələ laa, 'ká hvįi hvo kpɛɛ,

Zɔ̂ŋ Maa-ŋuŋ 2:21

Və́ hɛɓɛ́ tɛɛ li káá, gɛ́ kɛ diɛ, ká hvo tɛ̨ą kɔlɔn, kɛlaa ká tɛ̨ą kɔlɔn, ɛlɛɛ, hɛn kpɔ a lɛɛ mɛ̨nį, hva kulɔ tɛ̨ą hu.

Zɔ̂ŋ Maa-ŋuŋ 3:14

Gu wɛi, gu kili kaa ɉu guɔ gwaa kulɔ haa hu, gwaa lɔ yɛnɛ̨ɛ̨ hu, hvó gaai, gwa gu nąn nonnii wɛlilakɛ. Nui wɛlikɛmąąlaa hvo ɉu gaa ni haa hu.

Zɔ̂ŋ Maa-ŋuŋ 3:19

Yili hu ɓə, gwa gɔlɔn na, guɔ gu kaa tɛ̨ą hu, ɛlɛɛ, gu kaa pai liilaa hɔlɔɓoi níila,

Zɔ̂ŋ Maa-ŋuŋ 4:6

Gu wɛi, gu kaa a Yálá nwɔɔ. Nui Yálá kɔlɔn gili kaa mą, a nwəli tɔɔ guɔ. Nui hvo a Yálá nwɔɔ, hva nwəli tɔɔ guɔ. Yili pɔ pələ ɓə gwa pɛli tɛ̨ą Kili da lɛɛ kili di kulɔ ɉu kɛi la.

Zɔ̂ŋ Maa-ŋuŋ 5:20

Gu gbaɠala kɔlɔn guɔ Yálá Lon ə pa ɛlɛɛ, ə kili tɛɛ gu pɔ, ə gɛ, gu Dɛ̨ą kɔlɔn. Ɛlɛɛ, gu kaa kɛa Dɛ̨ą hu, Non Jesus Kristə hu. Yaa tii ɓə a Dɛ̨ą, yaa ɓə a Yálá, ɛlɛɛ, a yɛnɛ̨ɛ̨i kpɛɛ hvo mą.

M̀ɛni-lɛɛi 1:4

Ɲą́ą́ Ɉaan, ɲą́ą́ ɓə ɉɛɓɛ́i ŋɛ̨i tɛɛi gbɔn ɉeei mɛ̨ihveelɛi Asi lɔi hu diɛ. Nɛ̨ɛ̨laa da liilaa ə kɛ ká pɔ, yɛ həɠə, nui gaa laa, yai kɛ laa, yai pai, yɛ həɠə, nįį mɛ̨ihveelɛi ŋą tɔɔkpəlin niila, di yəi,

M̀ɛni-lɛɛi 3:14

Malakai gbɔn nwun na Laodise, hɛɓɛ́ kɛ ə́ dɛɛ mą: «Nui a Amįįną, yai a Kɛlai a kulɔ nwoo ɓa, ɛlɛɛ, yɛ ɓo a Dɛ̨ą, nwoo ka, yai a Hééɓomun Yálá ŋą pɛli hɛn gəlee nwun na, yɛ diɛ: