Ɉaan 18:32 - Yálá laawoo hɛɓɛ (dc)

³² Nwooi ŋɛ̨i Jesus ə mo yɛ hvilɛn na ɉaa mɛ̨nį ɓa, ə gɛ, bɔ mɛ̨nį ə kɛ.

Yálá laawoo hɛɓɛ

³² Nwooi ŋɛ̨i Jesus ə mo yɛ hvilɛn na ɉaa mɛ̨nį ɓa, ə gɛ, bɔ mɛ̨nį ə kɛ.

Bible

³² Nyiŋi e kɛ̀ a gɛɛ ŋ̀óoi ŋa-see e kɛ́ nyii Zîsɛ e mò a gɛɛ e zaai lɛ a pâi gɛ̂i.

Ɉaan 18:32 ပူးပေါင်းရင်းမြစ်များ

Mąątɛ̨nɛ̨ 22:16

Gwáną aa kpala, yɛ kwɛahaɠa a kɛ nwɔ̨n ɉu, nɛ̨́n yɛ kanąn nɛ̨́ŋɛ̨-nɛ̨ŋɛ̨ mu, yáá náá kámą la pɔlɔkpɔlun ɉu.

Maafîu 20:19

Nuąi di hvo Yálá kɔ́lɔn di kaa pai dɛɛi di pɔ, di yɛlɛ kulɔ ɉu, di gɛlɛ a hvaɠa di gbanwo kolɔwa ɓa ə haa. Voló haaɓa yələ, a nwun ə kulɔ haaɓɛlaa lɔwai.»

Maafîu 26:2

«Ka gɔlɔn kaa, aa lɛɛ a hvóló hveelɛ pakə hɛli yɛ ɉəli. Di kaa pai Nu Lon hon ɉii di kolɔwa ɓa.»

Markə 10:33

Ə mo diɛ, yɛ diɛ: «Ka ka wəli too, ka gu kaa tɛi Ɉerusalɛmə daai, di kaa pai Nu Lon tɛɛi ɉaláá laa həli nuą nwun nąmįną da dɔ́n galamɔ̨ɔ̨ɠaa diɛ. Di mąą ɲąba lɔ, ə gɛ di baa. Nuąi di hvo Yálá kɔ́lɔn, di kaa pai dɛɛi di pɔ.

Ɉaan 10:31

Ɲąąɓa, Ɉuifəɠaa daa mɛ̨n kwɛni yɛɠɛ, diɛ kɛ di Jesus hɔɔ la.

Ɉaan 10:33

Ɉuifəɠaa di nwoo pulu pənə diɛ mą: «Mɛ̨nį lɛlɛɛɠaai yaa gɛ mąą mɛ̨nį hvəə ku kaa ə́ hɔɔi la. Ku kaa ə́ hɔɔi, mąąhɔlɔɓo, yaa Yálá mąątea woo ɓo; ə lɛɛ, yai ŋɛ̨i ə́ kaa a nu, yɛ kɛ diɛ: Yálá ɓaa yɛ. Mɛ̨nį ku kaa bɔ ku ə́ hɔɔ la, yaa li.»

Ɉaan 13:18

Və́ bələi ŋɛ̨i ɓoi a ka kəlee ka mąą mɛ̨nį, yiiɠaa ŋą́ di həɠə ɉu a nííɓa, ŋą́ di kɔ́lɔn. Hvo kɛ li mɛ̨nįi bɛ̨ɛ̨ Yálá laawoo hu bɔ mɛ̨nį ə kɛ; yaai ə kɛ mą: ‹Nui ŋɛ̨i kwa yaa ku yee kaa kɔ́wɔ tɔ̨nɔ̨ hu, aa muɠəɠə náá ɓa.›

Ɉaan 18:31

Pilatə ə mo diɛ yɛ diɛ: «Ka li la ka gití tee yɛ pələi ka wɔ tɔ́n gaa la.» Ɉuifəɠaa di mo diɛ mą: «Kuɔ tɔ́n yɛ ku hvo nu paa.»

Ɉaan 21:19

Ə yili ɓo tii, ə gɛ bələi Piɛrə kaa pai haai la a Yálá mąąwiɛ pələ, yɛ nɛ mą. Yili pulu, yɛ mą: «Hvilɛn búlú.»

Ɉaan 3:14

Pələi tii Moisə ə kaalə pɛli la a ɓala kwɛli, ə ɉɛlɛn wulu ɓa ɲɛa lɔi hui, hvo kɛ li lɔ di Nu Lon gɛ tii.

Ɉaan 8:28

Jesus, yɛ diɛ: «Ɓɛlɔwai ka káá pai Nu Lon tɛi la yələi, nąąlɔwai ɓə ka káá pai gɔlɔn ɉii la, kaa kɛ diɛ: Ɲą́ą́ ɓə gáá a Yaai Gaa Lɔ Laa. Ka káá pai gɔlɔn ɉii kaa diɛ: Və́ mɛ̨nį ta lɔpee kɛi gbɔ́wɔ́ ɓa, ɛlɛɛ, yii Ną́n ə mąąkwɛli mą, ya ɓə ŋą́ mo.

Gɛlaɠaa 7:59

Di kɛɛ Etiɛnə hɔɔi a gwɛni, ə kɛi kpɔlɔ Yálá hvɛli yɛ kɛ mą: «Ną́mu Jesus, ə́ yee hee nį́į́ mu.»

Galatə 3:13

Kristə aa gu nwun mąąɓo dɔ́n ŋą nɛ̨ŋɛ̨n naa yəi a hɔ̨nwɔ̨ kɛnɛ̨, a yaa kpinįi ti kɛi ə mo a nɛ̨ŋɛ̨n naa gu mąą mɛ̨nį ɓa. Mąąhɔlɔɓo, bɛ̨ɛ̨i ɉɛɓɛ́ hu, yɛ mą: «Nui daa ɉɛlɛn wulu ɓa, nɛŋɛ̨n naai!»

Dutɛrɔnome 21:23

Mąą hvo nɛ̨ɛ̨li bowa hvo yii hɛlɛn ni nwulu ɓa; da bowa loo a mąą yələ. Mąąhɔlɔɓo, nui da ɉɛlɛn wulu ɓa, nɛ̨ŋɛ̨n naa ɓə Yálá ə mo; mąą hvo nɛ̨ɛ̨li, hvo ka wɔ lɔi kɔ́hɔ ɓo, yaai Yai-Laa ka wɔ Yálái ə dɛɛ ka pɔ a ka hɔlɔɓo lɔi.