Ɉaan 18:28 - Yálá laawoo hɛɓɛ (dc)

²⁸ Yili pulu di həɠə a Jesus Kaifə pɔɔli, di li la gbahalanamą yəi gwəli, yələ ɓoɔ li kɛa kɛ. Di hvo gɛ di hvo lɔ, ə gɛ, di mąą hvo pa liɓi pakə kɔ̨nɔ̨n mį́i mɛ̨nį ɓa.

Yálá laawoo hɛɓɛ

²⁸ Yili pulu di həɠə a Jesus Kaifə pɔɔli, di li la gbahalanamą yəi gwəli, yələ ɓoɔ li kɛa kɛ. Di hvo gɛ di hvo lɔ, ə gɛ, di mąą hvo pa liɓi pakə kɔ̨nɔ̨n mį́i mɛ̨nį ɓa.

Bible

²⁸ Nya ƃe dí kùla a Zîsɛ Kêafɛ ŋɔgalai su dí li la mɛni-saa ƃó-pɛrɛi lá. È kɛ̀ a ɣele-waa pɛ-pɛ. Dia kpîŋ dífe lɔ ni mɛni-saa ƃo-pɛrɛi mu, a gɛɛ dífe láa dítia kara la, a gɛɛ dí dɛɛ-mɛi mii.

Ɉaan 18:28 ပူးပေါင်းရင်းမြစ်များ

Mąątɛ̨nɛ̨ 35:16

Daa mą́ą́tinɛ̨n, nu mąąluɓɛɛɠaai tii, a ɲɛlɛ kulɔɉu nuąi tii, di kaa di laa hvanąi a ɲą́ą́.

Hanwon 1:16

Mąąhɔlɔɓo, da gilɛ həɠə, diɛ li mɛ̨nį ɲɔ̨n gɛi. Di kɔ́wɔ mąą hulaa ɲąmą kulɔ mąą kɛi.

Hanwon 4:16

Nwąnąlɔ nuą di hva yíi, akɛ di hvo mɛ̨nį ɲɔ̨n gɛ li. Da wala mɛ̨nį nwąnąą laa nu ta ɓa, yíi hva pa di ɲɛ̨i.

Izikiɛ 45:21

Ɲąnin dɔlɔɔ nwɔ hvóló pow kɔ́w nąąn ɲələ, a kɛ a ka wɔ pakə hɛli; ka bu hvóló mɛ̨ihveelɛ yeemu, lɛɠɛi dɛ hɛn və ɉu, ya ɓə ka mįi a mąą yələ.

Mise 2:1

Nuąi da mɛ̨nį ɲɔ̨nwɔ̨ɔ̨ mąą kiliŋąhiɛ kɛ, Di nwun na ɲɔ̨nwɔ̨ɔ̨i; di ɓo di yəi gbin ŋą, diɛ mɛ̨nį ɲɔ̨nwɔ̨ɔ̨ pənə di kwəi diɛ doo. Yələ a lɛɛ kpɔlɔɔ ɓɔi, diɛ di yee pɛlɛ mɛ̨nį ɲɔ̨n gɛɛ ɓa, mąąhɔlɔɓo, mąą laa kaa di yəi.

Maafîu 27:27

Nąąlɔwai, Pilatə nwɔ holahiɠaai də li a Jesus gwəli hɛ̨ąąi. Ɉolahiɠaa kəlee di Jesus mąą tinɛ̨n.

Markə 15:16

Ɉolahiɠaa di Jesus hon dɛ li la Pilatə nwɔ tɔɔ kwəli hu, gbahalanamą yəi dɔɔ pɛlɛ́ mu. Di gɔ́kulááɠaa kəlee təli laa.

Lukə 22:66

Yələ ɓɔɔ kɛa, Ɉuifə kalanɉonŋąą da ɉalaa laa həli nuą kpɛa-kpɛaa, ə mą kɛ dɔ́n galamɔ̨ɔ̨ɠaa di di ŋąąkpɔn, di li a Jesus tɔ́n vili nąmįną lííla.

Ɉaan 11:55

Ɉuifəɠaa di wɔ pakə hɛli mąą kpua kɛa kɛ, nɔi nuą di kɛi li Ɉerusalɛmə daai Ɉɛli pu hvoló tɔwɔ ə gɛ, di di mąąhəɠə.

Ɉaan 18:13

Di li tɔlɔɔ a Jesus Hanə lííla. Hanə mɔlɔ Kaifə ɓə kɛ a ɉaláá laa həli nuą nwun nąmu kwɛlan tii yee mu.

Ɉaan 18:15

Simɔn Piɛrə da galan non dɔ̨nɔ̨ di hvilɛn Jesus pulu. Ɉaláá laa həli mun gɛnɛ̨ ə kɛ galan non tii kɔ́lɔn, ə lɛɛ Jesus pɔ di lɔ ɉaláá laa həli mun gɛnɛ̨ yəi gwəlii.

Ɉaan 18:33

Pilatə ə li ə hee ɲəi dɔɔ kpəlin ɉu, ə Jesus təli ə mąąni kɛ, yɛ mą: «Ɉuifəɠaa di wɔ tɔɔmun ɓaa yɛ́?»

Ɉaan 18:39

Kɛlaa, yɛ pələi gwa gɛ la a bɔlɔ, pakə həli pələ tɛitɛi kəlee, gaho nąmu yii ka kɛ bɔ ŋį́ nwun mąąɓo, ka káá bɔ ŋį́ Ɉuifəɠaa di wɔ tɔɔmun ŋɛ̨i nwun mąąɓo?»

Ɉaan 19:11

Jesus ə́ nwoo pulu pənə yɛ mą: «Hvá pɛli kɛ mɛ̨nį lɔpee ta kɛi a ɲą́ą́, akɛ hvo həli li həɠə yələi. Yili ɓə gaa mą, nui nɔ́wɔ́ tɔɔ yɛ́, nwɔ nɛ̨ŋɛ̨n kɛnɛ̨i ə́ nwɛi ɓa.»

Ɉaan 19:14

Vóloi tii di kɛi mɛ̨nį kɛ la, ə kɛ a pakə hɛli mąąyii. Hvoló tɛɛ nwun ma kɛa, Pilatə yɛ Ɉuifəɠaa diɛ: «Ka wɔ tɔɔmun ka!»

Ɉaan 19:9

Pilatə ə pənə ə lɔ yɛ Jesus ɓa: «Mįnɛ̨ ɓə ə́ həɠə laa?» Kɛlaa Jesus hvo kpɛli nwoo pulu pənə.

Gɛlaɠaa 10:28

yɛ diɛ: «Ká kili kaa ɉu kaa kɛ, tɔn nwalawala kaa Ɉuifəɠaa mɛ̨i, di ta hva pɛli lɔi huwu takpɛli yəi bɛlɛ́n, di hvo nulaa kɛ. Kɛlaa, nwɛ́i, Yálá aa gilaa pono, yɛ, mąą hvo nɛ̨ɛ̨li və́ nui lɔpee ta kaa a nu kɔ́hɔɓoɔ, a wala kɛ ti a nu ɲɔ̨nwɔ̨ɔ̨.

Gɛlaɠaa 10:32

Nu ta tɔɔ ə li Ɉope daai, Simɔn, naa mɛ̨i hee ɓaa: Piɛrə, ə dəli ə pa. Gaa gɔlɔtɔɔmun da kɛ mą Simɔn ɲei bɛlɛ́n, gboloyá kwɛlɛ.›

Gɛlaɠaa 11:3

Diɛ kɛ mą: Lə ɓə kɛ, yai ə́ lɔ kɛ́nɛ̨ kpolowaɠaa yəi bɛlɛ́n, ɛlɛɛ, ka diɛni kaa kɔ̨nɔ̨n mįi gee ɓa?

Gɛlaɠaa 3:13

Abrahamə, Isaakə da Ɉakɔbə di nwɔ Yálá, gu nąnni di wɔ Yálá ə nwɔ tímun Jesus ɲɛ̨i pono, a yaa ti ka ɲąɓalɔ mą, ka gwɛlɛ Pilatə ɓa, bələi mąn yili ə kɛ la bɔ, ə ɓo la ma.

Gɛlaɠaa 4:27

«Mąąhɔlɔɓo, gaa a tɛ̨ą, Herodə da Pɔnsə Pilatə di di yee lɔ gee hu ɓɛ daai, da nwea, ə mą kɛ da Israɛlə nu huwu, ə gɛ, di kɔ́ pɛlɛ Yálá nwɔ tímun Jesus ɓa, yaai Yálá ə ɉəɠə ɉu ə gɛ a nuą Nwun mąąɓomun.

Dutɛrɔnome 16:2

Ka pakə hɛli haláá kulɔ a nįŋɛ̨, a taatɛlɛɛɠaa, Yai-Laa ka wɔ Yálái ɓa. Ka gɛ tii, ɓɛi ŋɛ̨i Yai-Laa ka wɔ Yálái kaa pai ɲeekpiɛ lɛi laa, yɛ naa hee laa.