Ɉaan 18:20 - Yálá laawoo hɛɓɛ (dc)

²⁰ Jesus ə nwoo pulu pənə yɛ mą: «Ŋą́ kɛi mɛ̨nį ɓo nuą diɛ kpɔn ɉu. Hvóló kəlee, ŋį́ kɛi nuą mąąkwɛli Yálá hvɛli pɛlɛ́ɠaa mu, da Yálá hee pɛlɛ́ mu ɓɛi Ɉuifəɠaa da di ŋąąkpɔn naa, və́ kɛ mɛ̨nį ta ɓo li loo hu.

Yálá laawoo hɛɓɛ

²⁰ Jesus ə nwoo pulu pənə yɛ mą: «Ŋą́ kɛi mɛ̨nį ɓo nuą diɛ kpɔn ɉu. Hvóló kəlee, ŋį́ kɛi nuą mąąkwɛli Yálá hvɛli pɛlɛ́ɠaa mu, da Yálá hee pɛlɛ́ mu ɓɛi Ɉuifəɠaa da di ŋąąkpɔn naa, və́ kɛ mɛ̨nį ta ɓo li loo hu.

Bible

²⁰ Zîsɛ e ŋ̀óo su tòo, ǹyɛɛ ma, “Ŋa lóno a zu ponoɔ ǹɔii pɔ; ŋ́gaa nɔ wɔ́lɔ Ɣâla-mɛni lɛ̂i Ŋ̀âla-fɛli-kêre-ŋai mu da Ŋ̀âla-pɛrɛ Kɛ́tɛi mu, ƃɛi Zûu-ŋai kélee da kôyaŋ naai; fe tá mɛni da ƃo ni loo-pere su.

Ɉaan 18:20 ပူးပေါင်းရင်းမြစ်များ

Mąątɛ̨nɛ̨ 22:22

'Gúlɔ yala la, 'gúlɔ lan mįnɛ̨ lɔwai… Yáá nwóó mu hon!

Mąątɛ̨nɛ̨ 40:9

Nwɔ́ Yálá, yii nwɛli kaa yɛ́, ya ɓə gáá bɔ ŋį́ gɛ, ə́ wɔ tɔ́n kaa níí hu.»

Azaya 45:19

Və́ nówii la gɛ́ mo, və́ lɔi la hɔ̨nwɔ̨n ɉu kpinɛ̨ɛ̨ ta ɓa, və́ kɛli Ɉakɔbə huwu ta ɓa, «'Ka gwɛ́li kɛɛnąą ta, ɓɛi hɛn da hvo laa.» Ɲą́ą́ ɓə gáá a Yai-Laa, tɛ̨ą lɔ ɓə ŋą́ mo, mɛ̨nįi ɉąŋąnŋąą, ya ɓə ŋą́ mo!

Azaya 48:16

'Ka ka mąą lɛɠɛ mą́ą́, 'ka mɛ̨nįi ŋɛ̨i mɛ̨n, ə həɠə gɔwɔ tɔɔ yələ ɓa, və́ ta mɛ̨nį ta ɓoli loo pələi, ə həɠə nwɔ̨nɔ̨ mɛ̨nįi tii kɛ yələ ɓa, gáá lɔ ɓɛ, yili mukulaa ɓaa, Mɛ̨nį kəlee ŋą Hééɓomun Yálá ɓə dɔ́ɔ́, a nwɔ Kilii.

Maafîu 24:26

«Ə mą kɛ daa kɛ kaa: ‹Aa pa nɔi pun ɉu!› Ə ka hvo li laa. Di ma kɛ kaa: ‹Gaa kpɔɔ mɛ̨i nąą!› Ka hvo laa na.

Maafîu 26:55

Yili pulu, Jesus yɛ ɉon nuą diɛ: «Akɛti, ka kɛi pa ɉón ɉii, hvo kɛ li ka pa a gbɔn da ɓɔwa kwɛaaɠaa, yɛ ŋą kɛ a mɛ̨nį ɲɔ̨n gɛmun? Yaan, ŋį́ kɛ lɔ ka pɔ a hvóló kəlee, gɛ́ nuą kalan Yálá hee pɛlɛ́ mu, ka hvo kɛ ɉón ni nąąlɔwai.

Maafîu 26:65

Ɉaláá laa həli nuą nwun nąmui tii ə mąą həɠə hu ɓɛla, yɛ diɛ: «Aa Yálá lalan. Yili ɓa tii, ə mą kɛ kɛa gu hvo kɛla takpɛli kwɛli li, ka kəlee kaa nąą kaa, ə lɛɛ kaa nwoo ɲɔ̨n tii mɛ̨n.

Maafîu 4:23

Jesus ə li Galile lɔi hu nąą kəlee, yɛ nuą kalan, di wɔ Yálá hvɛli pɛlɛ́ɠaa mu. Yɛ Yálá-taa tɔɔlaa mąą wɛlɛɛ lɛlɛɛ laa həli, yɛ ɲɔ̨n ɉuwu kəlee kɛ nuą kɔ́lɔi pono, ə mą kɛ yiiɠaai kpɛɠi ə kɛ diɛ, nuą lɔwai.

Maafîu 9:35

Jesus ə kɛi tɛɛ daa kpɛa-kpɛaɠaa da daa pəlɛɛɠaa hu, yɛ nuą kalan di wɔ Yálá hvɛli pɛlɛ́ɠaa mu; yɛ Yálá-taa tɔɔlaa mąą wɛlɛɛ lɛlɛɛ ɓo diɛ, yɛ ɲɔ̨n ɉuwu kəlee kɛ nuą kɔ́lɔi pono, ə mą kɛ, nuąi kpɛɠii kaa diɛ.

Markə 8:32

Jesus ə kɛi kpɔ mo diɛ a ɉuponoɔ. Ya ɓə ə gɛ, Piɛrə ə dəli da yaa di kulɔ nuą lɔwai; yɛ Jesus ɓa: «Yili hva kpɔ pɛli həli yɛ́.»

Lukə 21:37

Akɛ a yələ ɓɔɔ, Jesus ə kɛi li Yálá hee pɛlɛ́ mu yɛ nuą kalan. Yələ wilii pɔ, ə kɛi li yɛ yii Olivə yee ɓa.

Lukə 4:15

Ə kɛi lɛa nuą mąąkwɛli di wɔ Yálá hvɛli pɛlɛ́ɠaa mu; nu kəlee di kɛi mąątɛ̨nɛ̨.

Ɉaan 18:21

Ə kaa mą́ą́nin kɛi lə mɛ̨nį ɓa? Nuąi kɛi nwóó mɛ̨n, di mąąni kɛ, mɛ̨nįɠaai ŋą́ kɛi mo, diɛ ɓə gɔlɔn.»

Ɉaan 6:59

Bələ ɓə Jesus ə nuą mąąkwɛli la Yálá hvɛli pɛlɛ́ mu Kafarnaumə.

Ɉaan 7:14

Di kɛ kɛa ɉɛli hamąi, Jesus ə li Yálá hvɛli pɛlɛ mu, yɛ nuą mąąkwɛli.

Ɉaan 7:26

Lolo ka ŋɛ̨i tɔɔni nu kpulu hu ɓɛ, yɛ pələ ɓo nuą diɛ, ɛlɛɛ, di hvo hvaai bɔ hvo kɛ ku nwun nąnįnąą daa gɔlɔn diɛ Nwun mąąɓomun ni-o?

Ɉaan 7:28

Jesus kɛɛ nuą mąąkwɛlii Yálá hvɛli pɛlɛ mu, ə mo kpɔ a nwoo kɛnɛ̨ yɛ diɛ: «Ka gɔ́lɔ́n! Ɓɛi ŋį́ həɠə laa, ka nąą kɔ́lɔn a neelee. Və́ pa li gbɔ́wɔ́ ɓa. Nui ŋɛ̨i dɔ́ɔ́ gaa a tɛ̨ą. Kɛlaa, ka hvo gɔlɔn.

Ɉaan 7:4

Mɛ̨nįi nu kaa bɔ nuą di gɔlɔn, hva noo yɛ gɛ. Yɛ bələi ə́ kaa mɛ̨nįɠaai ŋɛ̨i kɛi la, 'kulɔ ponoŋą nu kəlee di ə́ kaa.»

Ɉaan 8:2

Yələ wala piinɛ̨ɛ̨, ə həɠə ə pa Yálá hee pɛlɛ́ mu. Nu kpulu kɛnɛ̨ɛ̨ ə lɛɠɛ mą, ə hee yɛ di mąąkwɛli.

Ɉaan 8:26

Yii vilɛn ŋąąi kaa, mɛ̨nį tamąą kaa laa, gɛ́ pɛli moi, ə ɓo a ka kiti tee mɛ̨nį. Mąąhɔlɔɓo, nui dɔ́ɔ́ gaa a tɛ̨ą. Yii ŋą́ mɛ̨n yaa tii na, ya ɓə ŋą́ naa həli yɛnɛ̨ɛ̨ nuą diɛ.»

Gɛlaɠaa 26:26

Dɔɔmun ŋɛ̨i gáá nwóó hukulɔi mą, giliŋą ponɔɔi mɛ̨nįɠaa ti kəlee hu, ɛlɛɛ gíli kaa ɉu gɛ́ da hvo loo li mą. Mąąhɔlɔɓo da hvo kɛ kpinįn ɉu, da hvo nwɔ̨nɔ̨ kɛ kpowəi.