Ɉaan 17:25 - Yálá laawoo hɛɓɛ (dc)

²⁵ Ną́n, ə́ tələnmoɔi, yɛnɛ̨ɛ̨ nuą di hvo ə́ kɔ́lɔn, kɛlaa nwɛ́i, ŋą ə́ kɔ́lɔn, ɛlɛɛ, nuą ŋɛ̨i daa gɔlɔn diɛ: yɛ́ ɓə dɔ́ɔ́.

Yálá laawoo hɛɓɛ

²⁵ Ną́n, ə́ tələnmoɔi, yɛnɛ̨ɛ̨ nuą di hvo ə́ kɔ́lɔn, kɛlaa nwɛ́i, ŋą ə́ kɔ́lɔn, ɛlɛɛ, nuą ŋɛ̨i daa gɔlɔn diɛ: yɛ́ ɓə dɔ́ɔ́.

Bible

²⁵ Óo zɔŋ-lɛlɛ-Naŋ, ǹɔii fe niî íkɔlɔŋ ni, kɛ́lɛ, ŋa íkɔlɔŋ; ǹyaŋ nyii-ŋai ŋi dí gɔ́lɔŋ a gɛɛ yá ƃe ńdɛ̀ɛ.

Ɉaan 17:25 ပူးပေါင်းရင်းမြစ်များ

Azaya 45:21

'Ka ka woo tɛ yələi! Akɛ tɛ̨ą kaa ka pɔ, 'ka nɛ kan! 'Ka kəlee, 'ka ka nwun dɔɔ! Gbɛɛ ɓə mɛ̨nįi ɲɛ̨i hu kulɔ, ə həɠə gbala tɔɔ yələ ɓa? Ɛlɛɛ, ə nɛɛ kpɔ tɔwɔ, a ɉu kwɛaa, ə mo? Ɲą́ą́ lɔ hvei, ɲą́ą́ Yai-Laa, ɛlɛɛ yaan, Yálá ta kpɛli hvo laa, ə kulɔ Ɲą́ą́ búlu; A ɲą́ą́, tələnmo Yálá, nu ɓalo Yálá.

Maafîu 11:27

«Nąn aa hɛn gəlee tɛɛ bɔ́. Nu ta hvo Nąn gɔlɔn, hvo kɛ li Non. Nu ta hvo Non gɔ́lɔn, hvo kɛ li Nąn, ɛlɛɛ, da nui Non gaa bɔ ə Nąn nɛ mą.

Maafîu 16:16

Simɔn Piɛrə ə nwoo ŋąąpənə yɛ mą: «Ə́ kaa a Kristə, yai di dɔɔ, Yálái gaa a vulú Non ɉulɔnu.»

Lukə 10:22

«Nán Yálá aa huwalawala kəlee tɛɛ bɔ́; nu ta hvo Non gɔ́lɔn, hvo kɛ li lɔ Nąn; nu ta hvo Nąn gɔlɔn, hvo kɛ li lɔ Non, da nui Non a kɛ bɔ ə Nąn nɛ mą.»

Ɉaan 1:18

Nu ta hvo ta Yálá kaa li, kɛlaa, Yálá Lon dɔ̨nɔ̨ gbən yii da Nąn di kɛ di kee pɔ, ya ɓə Nąn nɛ nuą diɛ.

Ɉaan 10:15

Yɛ bələi ną́n ə gɔ́lɔn na, pələ lɔ ɓə ɲą́ą́ gbɛli ŋį́ ną́n gɔlɔn na, ŋį́ gbɔ́ɔ́ kwɛlɛ nwɔ́ ɓɛlaaɠaai mąą mɛ̨nį ɓa.

Ɉaan 15:21

Kɛlaa, di kaa pai mɛ̨nįɠaa tii kəlee kɛi a kaa, náá mąą mɛ̨nį ɓa. Mąąhɔlɔɓo, nui dɔ́ɔ́ di hvo gɔlɔn.

Ɉaan 16:27

ka wɛli kaa Ną́n ma, mąąhɔlɔɓo nwɛ́li kaa kaa, ɛlɛɛ, kaa laa na kaa: ŋą həɠə Yálá pɔ.

Ɉaan 16:3

Di kaa pai kɛi túwɔ́i tii, mąąhɔlɔɓo, di hvo Ną́n gɔlɔn, di hvo nwɔ̨nɔ̨ ɲą́ą́ gɔ́lɔn.

Ɉaan 16:30

Kwaa gɔlɔn gɛa, kuɔ, Ə́ mɛ̨nį kəlee kɔ́lɔn, nu ta nwɔ mąąni kɛ hvo kɛa yɛ́, yili ɓə gɛi kwaa laa na kuɔ ə́ həɠə Yálá pɔ.»

Ɉaan 17:11

Və́ kɛa pai lɛɛi yɛnɛ̨ɛ̨, kɛlaa di wɛi, di kaa ni yɛnɛ̨ɛ̨, ɲą́ą́n nwɛ́i, ba hiɛ ka Ə́ pɔ. Ną́n Mąąhəɠɛɛ, nuąi Ə́ di tɛɛ bɔ́, Ə́ ɲɛ̨i kɛ diɛ Ə́ laa hu, di kɛ ɉu tanɔ̨n, yɛ bələi gu kaa la.

Ɉaan 17:18

Yɛ bələi ə́ dɔ́ɔ́ la yɛnɛ̨ɛ̨, ɲą́ą́ gbɛli gáá di tɔɔi tii yɛnɛ̨ɛ̨.

Ɉaan 17:21

Ə gɛ, di kəlee di kɛ ɉu tɔ̨nɔ̨, yɛ pələi gu kaa la ɉu tɔ̨nɔ̨. Gwa diɛni gu kɛ ɉu tɔ̨nɔ̨, ə gɛ, yɛnɛ̨ɛ̨ nuą di gɔlɔn diɛ: yɛ́ ɓə dɔ́ɔ́.

Ɉaan 17:23

Kwa diɛni ku kɛ ɉu tɔ̨nɔ̨, yɛ pɛlɛi gu kaa la ɉu tɔ̨nɔ̨, ə gɛ, di wɔ yee lɔ gee hu laa ə kɛ tɔ̨nɔ̨, yɛnɛ̨ɛ̨ nuą di gɔlɔn diɛ: yɛ́ ɓə dɔ́ɔ́, ə lɛɛ, yáá di wɛli la kɛ, yɛ pələi ə́ nwɛ́li la kɛ la.

Ɉaan 17:3

Yaan, yɛnɛ̨ɛ̨ hva kpɛɛ ɓaa, di ə́ kɔ́lɔn a Yálá tanɔ̨n, yai a kpɔ-kpɔ, da Jesus Kristə yai Ə́ dɔɔ.

Ɉaan 17:8

Mąąhɔlɔɓo, nwooɠaai Ə́ dɔ́ɔ́ la, ŋį́ mo diɛ, di di yee hee mu daa laa na diɛ ŋį́ həɠə ə́ pɔ. Yili pulu, daa gɔlɔn diɛ yɛ́ ɓə dɔ́ɔ́.

Ɉaan 3:17

Yálá hvo kɛ non dɛɛ li yɛnɛ̨ɛ̨, ə gɛ, ə yɛnɛ̨ɛ̨ nuą mąą ɲąba lɔ, kɛlaa, ə dɛɛ, ə gɛ, yɛnɛ̨ɛ̨ nuą nwun mąą ə ɓo Ɉaalai.

Ɉaan 6:19

Galan nɛa mąą kwɛa kɛa kɛ gbukpu ɓa a kələn dɔ̨nɔ̨ ɲɔ̨nwɔ̨mą. Ɓɛlɔwai di Jesus kaa la yɛ hiɛ ɲa ŋą, yɛ lɛɠɛ diɛ, di ɲɔ̨w kpɔ kɛnɛ̨.

Ɉaan 7:29

Nwɛ́i ŋį́ gɔlɔn, mąąhɔlɔɓo, ŋą həɠə bɔɔli, ɛlɛɛ, ya ɓə dɔ́ɔ́.»

Ɉaan 8:19

Farisiɛ̨ɠaa di mo mą, diɛ mą: «Ə nąn gaa mį?» Jesus yɛ diɛ: «Ka hvo gɔ́lɔ́n, kaa hvo Ną́n gɔlɔn. Ə li kɛ ka gɔ́lɔ́n, kai Ną́n gɔlɔn.»

Ɉaan 8:55

Ka hvo gɔlɔn, kɛlaa, nwɛ́i ŋą́ gɔlɔn. Akɛ ŋą́ kɛ diɛ: ‹Və́ Ną́n gɔlɔn›, ŋą́ kɛ a lɛɛ mun yɛ bələi ka káá la. Kɛlaa, ŋą́ gɔlɔn, ɛlɛɛ, ŋą́ nwoo hon.

Gɛlaɠaa 17:23

Gɛ́ɛ́ tɛɛi ká wɔɔ pələɠaai pɔ, ŋą́ haláá kulɔi tamąą kaa, ɛlɛɛ, ŋą́ haláá kulɔi ta kaa, bɛ̨ɛ̨ mą, diɛ mą: Yálái di hvo gɔlɔn, gɔi ka! Ɉɛn ka kwɛli hvilɛn mą, ká hvo gɔlɔn, ya ɓə ŋą́ pa nɛi káá.

Gɛlaɠaa 26:18

Yɛ́ di ɲɛ̨i hvoloon, yɛ́ di kulɔ kpinį hu, yɛ́ pa a diɛ kɛɛ pono hu, yɛ́ di kulɔ ɓilihi nwɔ huwalawala yəi, yɛ́ pa a diɛ Yálá pɔ, akɛ tii, da mą́ą́ mɛ̨nį kaa a tɛ̨ą, di nwɔ nɛ̨ŋɛ̨nŋaa mąąhvaa ə lɛɛ; ɛlɛɛ, diɛ di wɔɔ hɔlɔɓo mąąhəɠə nuą kwɛlin ɉu.›»

Lomaŋ 1:28

Yii di hvo gɛ li di hvo Yálá kɔ́lɔn, ya ɓə gɛ, Yálá ə di lɛɛ laa di lɔ di kpɔkpɔɔ kili ɲɔ̨nwɔ̨ɔ̨ ti hu, yii kɛ mąą hvo nɛ̨ɛ̨li nu hvo gɛ, diɛ gɛ.

Lomaŋ 3:11

Kili hvo nui lɔpee ta ɓa, nu ta lɔpee hvo Yálá kwɛlii.

Lomaŋ 3:26

Bələ ɓə ə kɛ la bɔ ə nwɔ tələnmolaa too la pono ŋą, ə gɛ, nuą di gɔlɔn; ə lɛɛ, nuąi da laa Jesus la ə di kɛ a tələnmo nuą.

Korɛntə dɔlɔɔ 1:21

Gbala ə tɔɔ, yɛnɛ̨ɛ̨ ŋą kilikɛɲəi laa hu, hvo kɛ Yálá kɔlɔn ni, Yálá ŋą kilikɛɲəi hu. Hvo gaai, mɛ̨nįi ŋɛ̨i ku kaa naa həli, yɛ ɓo a ɓowo mɛ̨nį nu kanŋaa ɲɛ̨i ɓa, ya ɓə Yálá ə gaa a mɛ̨nį haŋąą, yɛ laa na nuą nwun mąąɓo la.

Korɛntə dɔlɔɔ 15:34

'Ká pənə ká hvilɛn tɛ̨ą pələ mɛ̨i, 'ká hvo nɛ̨ŋɛ̨n ɉəɠɛɛ. Gbala ə tɔɔ, ká taɠaa di hvo Yálá kɔlɔn, gáá yili ɓoi a ká nwumɛ̨ mɛ̨nį.

Korɛntə veelɛ 4:4

A diɛi tii di hvo laai nwɛlɛɛ lɛlɛɛ la, diɛi, ɲɛnɛ̨ɛ̨ ŋɛ̨i hu yálá aa di kili ɲɛ̨i wolo, ə gɛ, di hvo pa nəi Kristə ŋą mąąwiɛlaa mąą wɛlɛɛ lɛlɛɛ kaa, a Kristə yai gaa a Yálá mąąnįnįn.

Tɛsalonikə veelɛ 1:8

nwɔ̨n nən gɛnɛ̨ɛ̨ hu, yɛ nwąną kulɔ la nuąi di hvo Yálá kɔlɔn, ɛlɛɛ, da nuąi di hvo lɛɛ li gu Nąmu Jesus ŋą wɛlɛɛ lɛlɛɛi woo mu, diɛ.

Hebreu 8:11

Nui lɔpee ta hvo pai kɛi mɛlan ma, a wala kɛ ti, gaayɔwɔ ɓa: Mąąnɛ̨ɛ̨ ə́ gu Ną́mu Yálá kɔ́lɔn. Mąąhɔlɔɓo, nu kəlee kaa pai gɔ́lɔ́n ɉi, ə həɠə nɛapɛlɛɛ diɛ, ə həli la nu kpɛa-kpɛaa diɛ.

Zɔ̂ŋ Maa-ŋuŋ 1:9

Akɛ gwa hvaa gu wɔ nɛ̨ŋɛ̨nŋaa diɛ, kulɔ nwoo ɓa laa da tələnmo laa hu, yɛ Yaa, a gu wɔ nɛ̨ŋɛ̨nŋaa mąąhvaalɛɛ, ɛlɛɛ, yɛ gu wɔ tuwɔ pələ ɲɔ̨nŋaa kəlee waa guɔ.

M̀ɛni-lɛɛi 13:8

Lɔi mɛ̨i heeɓonuą kəlee diɛ kwɛli hvilɛn mą, diɛi kpɔ tii di laa hvo kɛ pɛ̨ɛ̨ li mɛlaa lon di gulɔ a haláá, ŋą yɛnɛ̨ɛ̨ kɛ hɛɓɛ́i hu, ə həɠə kpɔ yɛnɛ̨ɛ̨ kɔwɔ tɔɔ yələ ɓa.

M̀ɛni-lɛɛi 16:5

Ɛlɛɛ, ŋą́ yáɠaa di wɔɔ malaka woo mɛ̨n, yɛ mą: «Ə́ haŋąąi, yɛ́i laa, yɛ́i pai kɛ laa, mąąhəɠəmun, mąąhɔlɔɓo, yáá ə́ wɔɔ kitii tee,