Ɉaan 17:13 - Yálá laawoo hɛɓɛ (dc)

¹³ Yiihu kɛa, gáá pai ə́ pɔ, gáá nwooɠaa ŋɛ̨i ɓoi ɓɛlɔwai gáá ni la yɛnɛ̨ɛ̨, ə gɛ, nwɔ́ kwəinɛ̨ɛ̨ ə kɛ di yəi a yaa pɛliɛ.

Yálá laawoo hɛɓɛ

¹³ Yiihu kɛa, gáá pai ə́ pɔ, gáá nwooɠaa ŋɛ̨i ɓoi ɓɛlɔwai gáá ni la yɛnɛ̨ɛ̨, ə gɛ, nwɔ́ kwəinɛ̨ɛ̨ ə kɛ di yəi a yaa pɛliɛ.

Bible

¹³ Kɛ́lɛ, ŋa nâa kɛ́ pâi ípɔ. Ŋa ŋ̀óo-ŋai ŋi ƃôi ǹɔii su a gɛɛ ŋálii-nɛɛi láa é fɛ̂ɛ díkponôi.

Ɉaan 17:13 ပူးပေါင်းရင်းမြစ်များ

Nehemi 8:10

Ɛsdrasə yɛ diɛ: «Ka li, ka kɔ̨nɔ̨n nɛlɛɛɠaa mįi, ka lɔɔ nɛ̨ɛ̨ɠaa kpələ, ɛlɛɛ, nui hvo pɛli li hɛn da kɛ pələ pɛlii, ka mąą nuą tii kɔ́. Mąąhɔlɔɓo, volói ŋɛ̨i kaa a gu Ną́mu nwɔ hvóló mąąhəɠɛɛ, ka hvo kɛ liihɛlɛn ɉu, mąąhɔlɔɓo, Yai-Laa nwɔ kwəinɛ̨ɛ̨ ɓə gaa a guɔ huwalawala.»

Mąątɛ̨nɛ̨ 126:5

Nui a kɛɛhin ɲɛ̨iya hu, a mɔ̨nun dee yɛ́lɛ!

Mąątɛ̨nɛ̨ 43:4

Gáá pai həlii kpɔ Yálá kɔ́i, a Yálái tii a gɛ, gɛ́ mąną a kwəinɛ̨ɛ̨, gáá pai ə́ laa tɛi a wələ, a bɛlɛgwəi gwɛnįn nwoo, Yálá, yɛ́i a nwɔ̨ Yálá!

Ɉaan 13:3

Jesus ə gɔlɔn gɛ yɛ ə həɠə Yálá pɔ, Yálá aa hɛn gəlee tɛɛ bɔ, ɛlɛɛ, Yálá pɔɔli ɓə gaa lii laa.

Ɉaan 15:11

«Ŋą́ yili ɓo kaa, ə gɛ, nwɔ́ kwəinɛ̨ɛ̨ ə kɛ ka yəi, ka wɔ kwəinɛ̨ɛ̨ laa ə kulɔ.

Ɉaan 16:33

Gáá mɛ̨nįɠaa tii ɓoi kaa, kaa pɛli liilaa hɔlɔɓoi ɲə́i. Ka káá pai mɔ̨nɔ̨ mįi yɛnɛ̨ɛ̨, kɛlaa, ka ka lii kpələ, ɲéé aa tɛɛ yɛnɛ̨ɛ̨ ɓa.»

Ɉaan 17:11

Və́ kɛa pai lɛɛi yɛnɛ̨ɛ̨, kɛlaa di wɛi, di kaa ni yɛnɛ̨ɛ̨, ɲą́ą́n nwɛ́i, ba hiɛ ka Ə́ pɔ. Ną́n Mąąhəɠɛɛ, nuąi Ə́ di tɛɛ bɔ́, Ə́ ɲɛ̨i kɛ diɛ Ə́ laa hu, di kɛ ɉu tanɔ̨n, yɛ bələi gu kaa la.

Ɉaan 3:29

Nɛ̨ą nąmu pɔɔ ɓaa nɛ̨ą, kɛlaa, nɛ̨ą nąmu mɛlan a tɔɔ mɛlan gwɛlɛ yɛ nwoo mɛ̨n, a kɛi nɛ̨ą nąmui tii woo mɛ̨n, gwəi yɛ nɛɛ kpɔ kɛnɛ̨. Pələ ɓə nwɔ kwəinɛ̨ɛ̨ kaa la, ə lɛɛ, nwɔ kwəinɛ̨ɛ̨ laa aa hvɛɛ.

Ɉaan 7:33

Jesus yɛ diɛ: «Gu kaani wolo ɓo ɓɛ, gɛ́ kɛa pa lii nui dɔ́ɔ́ bɔ.

Gɛlaɠaa 13:52

Galan nɛai di wɛi, di kɛ kwəinɛ̨ɛ̨ hu kpɔ kɛnɛ̨, Kili-Mąąhəɠɛɛ yɛ ɓo di yəi.

Lomaŋ 14:17

Mąąhɔlɔɓo, Yálá-taa tɔɔlaa hvo a kɔ̨nɔ̨n da kpələ hɛn, bələi gaa la, bələ ka: gaa a, tələnmolaa, liilaa da kwəinɛ̨ɛ̨i Kili-Mąąhəɠɛɛ a dɛɛ gu pɔ.

Galatə 5:22

Kɛlaa, Kili-Mąąhəɠɛɛ yee pɔ mɛ̨nį ɓaa a: Wɛlikɛmąąlaa, kwəinɛ̨ɛ̨, liilaa, liikpələ, túwɔ́ pələ lɛlɛ, kilikɛɲəi mɛ̨nį, laa na laa,

Hebreu 12:2

'gu ɲɛ̨i kpalaa laa na laa pələi kulɔmun ma, yai a Jesus, a pɛli mą, ə gu həli naa kulɔi ɓa, a yai lənə kwəinɛ̨ɛ̨i kɛ dɔwɔ mą, ə niikpələ yɛ ɓɛlɛkpɛɛmąą haa ɓo kolɔwa ɓa, gaa heeni Yálá ŋą tɔɔkpəlin ɲee lɛlɛɛ hu.

Zɔ̂ŋ Maa-ŋuŋ 1:4

Ɛlɛɛ, Ku kaa yili pɛ̨ɛ̨i ku dɛɛ kaa, ə gə, ku wɔɔ kwəinɛ̨ɛ̨ laa ə kulɔ.

Zɔ̂ŋ Veerɛi 1:12

Mɛ̨ni tamąą kaa kɛ gwə́i, gɛ́ ŋį́ mo káá, kɛlaa, və́ bɔ, və́ gəlee kɛ hɛɓɛ́ laa ɲą a hɛɓɛ́-yá. Gbala ə tɔɔ, gáá bɔ ɲą́ą́ gbini ŋą́ pa ká pɔɔli, ŋą́ mo káá a nááləi, ə gɛ, gu wɔ kwəinɛ̨ɛ̨i laa ə kulɔ.