Ɉaan 17:1 - Yálá laawoo hɛɓɛ (dc)

¹ Jesus ə kpɛɛ lɔ a nwooɠaai tii ɓoɔ, ə ɲɛ̨i tɛ yələi, yɛ diɛ: «Ną́n! Nąąlɔwai aa həli, Ə́ lon mąąwiɛ, Ə́ lon Ə́i mąąwiɛ.

Yálá laawoo hɛɓɛ

¹ Jesus ə kpɛɛ lɔ a nwooɠaai tii ɓoɔ, ə ɲɛ̨i tɛ yələi, yɛ diɛ: «Ną́n! Nąąlɔwai aa həli, Ə́ lon mąąwiɛ, Ə́ lon Ə́i mąąwiɛ.

Bible

¹ Tãi Zîsɛ e ŋ̀óo-ŋai ŋi ƃòi, e ŋ̀ɛ́i tɛ̀ ŋelei su e m̀o, ǹyɛɛi, “Ńâŋ, tãi a seri; Íloŋ ŋɔfólo-laai maa tɛ́, ǹyaŋ é ífolo-laai maa tɛ́,

Ɉaan 17:1 ပူးပေါင်းရင်းမြစ်များ

Mąątɛ̨nɛ̨ 123:1

Ɲee mąąhəɠɛɛ tɛ wələ. Ŋą́ą́ ɲɛ̨́i muhəɠə ə́ pɔ pələ, Yɛ́i heeni yələkɔlɔn ɉu;

Azaya 38:14

Gáá wɔlɔi, yɛ hvólóon, a wala kɛti, yɛ liɛn non, gɛ́ nwóó laa, yɛ tonwənən. Ɲɛ̨́i həɛi ə́ pɔ pələ, ɲɛ̨́i kɔ́lɔn ɉu aa haa: Yai-Laa! Gbánɉu aa haa; mą́ą́ mɛ̨nį ɲɛ̨i kulɔ wɛ!

Markə 14:41

Ə pənə ə pa a ɉaaɓa nąą ə mo diɛ, yɛ diɛ: «Ka kɛ kpɔlɔ yii, lɔwai aa həli, daa Nu Lon tɛŋɛ̨n gwɛlɛ nu ɲɔ̨nwɔ̨ɔ̨ɠaa diɛ.

Lukə 18:13

«Nįįhɔ̨nwɔ̨ kulɔ mun tii nwɛi, ə kɛ tɔɔni kwɛaa la, hvo kpɛli kɛ bɔ hvo ɲɛ̨i hee ɲələi. Kɛlaa, ə kɛi gəŋəi kɛlɛ, yɛ nwoo laa, yɛ kɛ diɛ: ‹Éé Yálá! Ɲɛ̨́i mąą wɛli kaa, gáá a nɛ̨ŋɛ̨n ɉəɠə mun.›»

Lukə 22:53

Ɓɛlɔwai ŋį́ kɛ la ka lɔwai a yələ kəlee, Yálá hee pɛlɛ́ mu, ka hvo kɛi tunwon mą́ą́. Kɛlaa, ka wɛi nąą lɔwai aa həli, ka kpinį nwɔ yeetɛɛmąą laa.

Ɉaan 11:4

Ɓɛlɔwai Jesus ə nwəlɛɛ tii mɛ̨n na, ə mo yɛ diɛ: «Lazarə nwɔ ɲɔ̨n tii, hvo pai baai, kɛlaa, ɲɔ̨n tii, nwun mąą: Ə Yálá nwɔ huwalawala mąąwiɛ kulɔ pono ŋą, ə Yálá Lon ɉulɔnu nwɔ mąąwiɛ kulɔ pono ŋą.»

Ɉaan 11:41

Nuą di gwɛni həɠə gámą la. Jesus ə ɲɛ̨i tɛ ɲələi yɛ mą: «Ną́n Yálá gáá ə́ hɛɠɛ ɓoi, mąąhɔlɔɓo, ya nwóó mɛ̨n.

Ɉaan 12:23

Jesus ə di woo pulu pənə yɛ diɛ: «Nu Lon mąąwiɛi lɔwai aa həli.

Ɉaan 13:1

Gɛɛ pakə hɛli hvo kɛ ɉəli, Jesus ə gaa yɛ nwɔ lɔwai aa ɉəli yɛ pa kulɔi ɲɛnɛ̨ɛ̨ ŋɛ̨i hu, yɛ li Nąn bɔ. Nwɔ́ nuą ŋɛ̨i yɛnɛ̨ɛ̨, yaai ə di wɛli la kɛ, ə di wɛli la kɛ kpɔ kɛnɛ̨ɛ̨.

Ɉaan 16:32

Lɔwai ta kaa pai həli, aa gbɛamun həli, ka káá pai taɠa-taɠai, ka ɲą́ą́ dɔ̨nɔ̨ nɛ́ɛ́, nu kəlee yɛ li a dee. Kɛlaa ə mą kɛ tii, ɲą́ą́ dɔ̨nɔ̨ hvəə, Ną́n gaa bɔ́.

Ɉaan 7:30

Nuą di kɛ bɔ di ɉon, kɛlaa, nu tɔ̨nɔ̨ kpɛli hvo ɲee pələ mą, mąąhɔlɔɓo, ɉon ɲələ hvo nii kɛ ɉəli li.

Ɉaan 7:39

Nuąi da laa Jesus la Yálá nwɔ Kilii da ɉɔlɔɓo, mąą mɛ̨nį ka tii ə kɛi ɉanwon ɉɔɔ diɛ. Gilii ti hvo nii kɛ pa li nąąlɔwai, mąąhɔlɔɓo, Jesus mąąɲįnɛ̨n hvo nii kɛ too li pono ŋą.

Ɉaan 8:20

Jesus ə kɛ tɔɔni Yálá kɔ́ hɛn ɲąŋą kwɛlɛ yɛ nwooɠaa tii ɓo, ɓɛlɔwai ə kɛi nuą mąąkwɛli la Yálá hee pɛlɛ́ mu. Nu ta hvo pɛli ɉon ɉi, mąąhɔlɔɓo, ɲələ hvo ni kɛ ɉəli li.

Gɛlaɠaa 3:13

Abrahamə, Isaakə da Ɉakɔbə di nwɔ Yálá, gu nąnni di wɔ Yálá ə nwɔ tímun Jesus ɲɛ̨i pono, a yaa ti ka ɲąɓalɔ mą, ka gwɛlɛ Pilatə ɓa, bələi mąn yili ə kɛ la bɔ, ə ɓo la ma.

Piɛrə dɔlɔɔ 1:21

Yaa ɉáálai, káá laa Yálá la, yai nwun, ə gulɔ haa yəi, ə gɔ a mąąwiɛlaa, gɛ pələi tii, ká wɔɔ laa na laa, da wɔɔ kilitɔɔmąą laa kɔwɔ hvilɛnŋąąi la Yálá ɓa.