Ɉaan 16:7 - Yálá laawoo hɛɓɛ (dc)

⁷ Kɛlaa, ə mą kɛ tii, gáá tɛ̨ą ɓoi kaa, yii viɛlaɓoɔ ka mąą mɛ̨nį ɓa, ya ɓaa: Hvo kɛli ŋį́ li. Yaan, a kɛ ŋą́ wala li, ka mąąkɔ̨nwɔ̨mun hva pɛli pai. Kɛlaa yaamun, ŋą́ li, gáá lii dɔɔi ə pa ka pɔ.

Yálá laawoo hɛɓɛ

⁷ Kɛlaa, ə mą kɛ tii, gáá tɛ̨ą ɓoi kaa, yii viɛlaɓoɔ ka mąą mɛ̨nį ɓa, ya ɓaa: Hvo kɛli ŋį́ li. Yaan, a kɛ ŋą́ wala li, ka mąąkɔ̨nwɔ̨mun hva pɛli pai. Kɛlaa yaamun, ŋą́ li, gáá lii dɔɔi ə pa ka pɔ.

Bible

⁷ E máŋ kɛ́ ti, ŋa dɔ̃yâi ƃôi kâa. Gáa a mɛni lɛ́lɛɛ kámɛni ma a gɛɛ ŋá lí. Kpɛ́ni fêi, à kɛ̀ ŋà wàla li, Gbɔŋ-ma-nuui fe pâi pâi kápɔ; kɛ́lɛ, à kɛ̀ ŋà lì, ŋa pâi dɛɛ̂i kápɔ.

Ɉaan 16:7 ပူးပေါင်းရင်းမြစ်များ

Mąątɛ̨nɛ̨ 68:18

Yálá nwɔ hoo mɛ̨i kulááɠaai, di kaa a nu waa nwun damąą, di mąąɲɔwuɔ. Ną́mu kaa di lɔwai, Sinai yee nwuɔ̨, nwɔ pɛlɛ́ mąąhəɠɛɛi mu.

Lukə 24:49

Ɲą́ą́n ŋą lii, yii Nąn ə naakwɛlanmo kaa, ŋą dɛɛ. Kɛlaa, ka lɛɛ ɓɛ daa lee hu, ə lɛɛ la ɉu, ka huwalawala ta hɔlɔɓo yɛ həɠə Yálá pɔ.»

Lukə 4:25

Gáá moi kaa, Eli nwɔ lɔwai hu, galanən nɛ̨ą tamąąi kpɔ kɛ Israɛlə lɔi hu, ɓɛlɔwai hvóló laa ə tee la a kwɛlan ɉaaɓa ɲąnįn mɛ̨ida, tulɔ hvo kɛi bu; pulu kɛnɛ̨ ə too nɔi nąą kəlee.

Lukə 9:27

Gáá tɛ̨ą ɓoi kaa, nu taɠaa kaa ɓɛ ka lɔwai, di hvo pai haai, ə lɛɛ la ɉu di Yálá-taa tɔɔlaa kaa.»

Ɉaan 14:26

Ka mąąkɔ̨nwɔ̨ mun yai a Kili-Mąąhəɠɛɛ, yai Ną́n gaa pai dɛɛi ka pɔ ɲą́ą́ náá hu, gaa pai ka mąąkwɛlii mɛ̨nįɠaa ti kəlee ɓa, yiiɠaai ŋį́ mo kaa, ə nąą kili too ka ŋą.

Ɉaan 14:28

Ka nwóó mɛ̨n! Ŋą́ kɛ kaa: ‹Gáá lii, ŋą pənə ŋį́ pa ka pɔ.› Akɛ nwɛ́li kaa kaa, ka ka kwəinɛ̨ɛ̨, mąąhɔlɔɓo, gáá lii Ną́n Yálá pɔ. Ə lɛɛ, Ną́n Yálá kɛnɛ̨i dɛɛ mą́ą́.

Ɉaan 14:3

Ɓɛlɔwai ŋą li la ŋą gɛɛnąąi tii pɛli, ŋą pa, ŋį́ ka həɠə, gwə li, ə gɛ, ɓɛi ŋą kɛ laa, ka kɛ laa.

Ɉaan 15:26

«Ka mąąkɔ̨nwɔ̨mun a pa kɛa pai, yai gáá pai dɔɔi yɛ həɠə Ną́n bɔ, yai a tɛ̨ą Kili, ya ɓə pai mą́ą́ kɛla hvaa ɓoi.

Ɉaan 16:8

Ɓɛlɔwai gaa pai pai la, ya ɓə pai tɛ̨ą lɛi nuą diɛ, yii hvilɛn na nɛ̨ŋɛ̨n mɛ̨nį ɓa, yii hvilɛn na tələnmo mɛ̨nį ɓa da yii hvilɛn na Yálá nwɔ kitii ɓa.

Ɉaan 7:39

Nuąi da laa Jesus la Yálá nwɔ Kilii da ɉɔlɔɓo, mąą mɛ̨nį ka tii ə kɛi ɉanwon ɉɔɔ diɛ. Gilii ti hvo nii kɛ pa li nąąlɔwai, mąąhɔlɔɓo, Jesus mąąɲįnɛ̨n hvo nii kɛ too li pono ŋą.

Gɛlaɠaa 10:34

Nąąlɔwai, Piɛrə ə mo kɛa diɛ yɛ diɛ: «A tɛ̨ą, ŋą́ą́ gɔlɔn gɛ́ diɛ Yálá hva nu hu yɛɠɛ.

Gɛlaɠaa 2:33

Ə tɛ ə hee Yálá yee lɛlɛɛ mɛ̨i, Yálá ə nwɔ Kili-Mąąhəɠɛɛ tɛɛ bɔ yɛ bələi ə naakwɛlan mo la, ə gbɛŋąn gu mɛ̨i yɛ pələi ka káá gaai la, ɛlɛɛ, kaa mąą mɛ̨nį mɛ̨n na.

Lomaŋ 8:28

Gu gɔlɔn nwɔ̨nɔ̨ guɔ diɛ: Nuąi da Yálá wɛlilakɛ, di mąąkpɔnmąą ɓo mɛ̨nį kaa mɛ̨nį kəlee hu; a diɛi tii ə di həɠə ɉu, yɛ bələi nwɔ mɛ̨nį pɛliɛ kaa la.

Korɛntə veelɛ 4:17

Hvo gaai, mɔ̨nɔ̨ logolo tiikpɛi ŋɛ̨i pai kpɛɛi, gaa a ɲɛ̨i pono kɛnɛ̨ɛ̨i kpɛɛ hvo mą, heɛ nuą tɔwɔ.