Ɉaan 16:33 - Yálá laawoo hɛɓɛ (dc)

³³ Gáá mɛ̨nįɠaa tii ɓoi kaa, kaa pɛli liilaa hɔlɔɓoi ɲə́i. Ka káá pai mɔ̨nɔ̨ mįi yɛnɛ̨ɛ̨, kɛlaa, ka ka lii kpələ, ɲéé aa tɛɛ yɛnɛ̨ɛ̨ ɓa.»

Yálá laawoo hɛɓɛ

³³ Gáá mɛ̨nįɠaa tii ɓoi kaa, kaa pɛli liilaa hɔlɔɓoi ɲə́i. Ka káá pai mɔ̨nɔ̨ mįi yɛnɛ̨ɛ̨, kɛlaa, ka ka lii kpələ, ɲéé aa tɛɛ yɛnɛ̨ɛ̨ ɓa.»

Bible

³³ Ŋa nyiŋi ƃó kâa a gɛɛ lii-sêe é kɛ́ káyêei ŋ́gbonôi. Ka pâi mɛni-soli kâai ǹɔii su; kɛ́lɛ, ka kálii kpéle, kpɛ́ni fêi, ńyee a tɛɛ ǹɔii ma.”

Ɉaan 16:33 ပူးပေါင်းရင်းမြစ်များ

Mąątɛ̨nɛ̨ 68:18

Yálá nwɔ hoo mɛ̨i kulááɠaai, di kaa a nu waa nwun damąą, di mąąɲɔwuɔ. Ną́mu kaa di lɔwai, Sinai yee nwuɔ̨, nwɔ pɛlɛ́ mąąhəɠɛɛi mu.

Mise 5:5

Di kaa pai Asiri ɲąąkɔn ɉii a kɔ́ kɔ́ ɓɔwa, diɛ Nɛmrɔdə nwɔ lɔi ɲąąkɔn a ɓɔwa kwɛa, kɛlaa nwɛi, gaa pai ku kulɔi Asiri yəi; yili a tɔɔ yɛ pili ku wɔ lɔi hu, yɛ gɔwɔ ɓɔlɔn ku ɲɛ̨n ɉu.

Maafîu 9:2

Nuą di pa bɔ a kpɛlɛɠɛlɛ ɲɔ̨n gɛmun da, naa liihu. Yii kɛa ə ɲɔ̨n gɛmun tii kpəŋə nuą di wɔ laa na laa kaa, ə mo ɲɔ̨n gɛmun tii ɓa, yɛ mą: «Nón! Ŋą́ą́ ə́ kɛ nɛ̨ŋɛ̨nŋąą mąąhvaalɛɛ.»

Lukə 19:38

Diɛ kɛ mą: «Dɔɔmun pai gu Ną́mu Yálá laa hu, lúwɔ́ kaa mą! Liilaa ə kɛ yələkɔlɔn ɉu, mąąwiɛ ə kɛ Yálá ɓa!»

Lukə 2:14

«Mąąwiɛ kaa Yálá ɓa yələkɔlɔn mɛ̨i pələ; Nuąi Yálá aa di wɛli la kɛ lɔi mɛ̨i, liilaa aa tɛɛ di pɔ.»

Ɉaan 12:31

Yiihu, ɲɛnɛ̨ɛ̨ ŋɛ̨i kiti teei lɔwai a həli, di kaa pai gití kalai ɉu tɔɔmun ma, di gbɛ.

Ɉaan 14:1

Jesus yɛ nwɔ kalan nɛai diɛ: «Ka hvo ka liihɛlɛn, ka laa Yálá la, ka laa ɲą́ą́ gbɛli ná.

Ɉaan 14:27

«Ɲą́ą́ ɉaalai ɓə liilaa kaa la ka yəi, nwɔ́ liilaai tii ɓə gaa dɛɛi ka pɔ. Pələi yɛnɛ̨ɛ̨ a liilaa tɛɛ la nuą pɔ, bələ hvəə gáá dɛɛi la ka pɔ, ka lii hvo hɛlɛn, ka hvo ɲɔw.

Ɉaan 16:11

Yii hvilɛn na gití mɛ̨nį ɓa, ɲɛnɛ̨ɛ̨ ŋɛ̨i hu tɔɔmun nwɛi, gití a gbɛa tee.

Gɛlaɠaa 14:22

Di kɛli laa na nuąi ti kɛ laa, di hvaŋąlɔ gɛɛnąąɠaa ti ɓa, diɛ di liɛwooɓo di kanąn mɛ̨nį ɓa laa na pələ ɓa. Di kɛli kɛ diɛ: «Hvo kɛli gu mɔ̨nɔ̨ tamąą mįi, guɔ pɛli lɔi Yálá ŋą tɔɔlaai hu.»

Gɛlaɠaa 23:11

Bulu ɓa kpini pɛlɛɛ kɛa, gu Ną́mu gbɔwɔ lɛ Polə ɓa, yɛ mą: «'Ə́ liikpələ, yaa mą́ą́ kɛla hvaa ɓo ɓɛ Ɉerusalɛmə, hvo kɛli ə́ da ɓo Romə daai.»

Gɛlaɠaa 27:22

Kɛlaa yiihu, ə kɛ a pələi lɔpee, gáá moi káá, ka ká liikpələ, ká ta nwun və pai lɛɛi ɉu, gələn yaa tanɔ̨n nɔ ɓə pai kalai.

Gɛlaɠaa 27:25

Yili ɓa, mɛ́laani, ka ká liikpələ kani, mąąhɔlɔɓo, gílitɔɔi Ɲálái ti ɓa. Bələi ə mo la, pələ ɓə gaa kɛi la.

Gɛlaɠaa 9:31

Nąąlɔwai, ə gɔwɔ tɔɔ Ɉude lɔi hu, Galile lɔi da Samari lɔi hu, gbɔn ə kɛ liilaa hu nąą kəlee, ɉu yɛ walawala, diɛ lɛɛ gu Ną́mu Jesus woo mu, diɛ tɛ tɔwɔ Kili-Mąąhəɠɛɛ háálai.

Korɛntə veelɛ 1:3

Mąąwiɛ ə kɛ Yálá ɓa, yai a gu Nąmu Jesus Kristə Ną́n, a yai a ɲɛ̨imąąwɛli kaa Nąn, da liilaa Yálá;

Korɛntə veelɛ 13:11

Yiihu kɛa, Ną́n nonni, ká kɛ kwəinɛ̨ɛ̨ hu, 'ká kóló kɛ, ə gɛ, ká mąą mɛ̨nį yɛ pɛli ɉu; 'ká ká keeni hvaŋąlɔ, woolaamąą ə kɛ ká lɔwai, ká ká wɔɔ yɛnɛ̨ɛ̨ kɛ liilaa hu, ə gɛ, wɛlikɛmąąlaa da liilaa Yálá yɛ pɛli kɛi ká pɔ.

Korɛntə veelɛ 2:14

Yálá mąmą, yai a gɔ nɛ̨ɛ̨ guɔ a yələ kəlee Kristə haalai, ɛlɛɛ, yɛ gɔlɔn mɛ̨nį mąą kwəinɛ̨ɛ̨ lɛlɛɛ tɛ ku yee hu kɛɛnąą kəlee ɓa.

Korɛntə veelɛ 4:7

Kɛlaa, ɉɛn gɔw ti, naaikɛɛi gu yəi ləɠi-kpɛli hu, ə gɛ, nuą diɛ pɛli gbaɠala kaai a nɛlɛɛ, diɛ kɛ ɉuwalawala kɛnɛ̨ taaləi ti ə həɠə Yálá pɔ, kuɔ hvəə.

Korɛntə veelɛ 6:4

Kɛlaa yaamun, mɛ̨nį kəlee hu, kwa ku kpɔwɔ lɛ a Yálá ŋą tínuą, a hvaŋąlɔ kɛnɛ̨, mɔ̨nɔ̨ hu, yee tɔɔ gwaną mɛ̨nįɠaa hu, liihɛlɛn ɉu,

Korɛntə veelɛ 7:4

Kilitɔɔmąą laa kɛnɛ̨ɛ̨ kaa ɲə́i, ká mąą mɛ̨nį ɓa, ɲɛ̨i pono kɛnɛ̨ɛ̨ kaa ɲə́i ká mąą mɛ̨nį ɓa, gwə́inɛ̨ɛ̨i kpɔ kɛnɛ̨ ku wɔ mɔ̨nmɔ̨ɠaa kəlee hu.

Galatə 1:4

gu Nąmui tii ɓə gbɔwɔ kulɔ a haláá gu wɔɔ nɛ̨ŋɛ̨nŋaa mąą mɛ̨nį ɓa, ə gɛ, ə gu kulɔ ɲɛnɛ̨ɛ̨ ŋɛ̨i hu mɛ̨nį ɲɔn ɲee kɔnma, yɛ bələi Yálá liiɓa kaa la, yai a gu Nąn.

Galatə 6:14

Nwɛ́i, ŋą́ kɛ ŋą́ gbɔ́wɔ́ ɲąą kɛnɛ̨, ŋą́ gbɔ́wɔ́ ɲąąkɛnɛ̨ gu Ną́mu Jesus Kristə nwɔ kolowaai mąą mɛ̨nį hu. Kristə nwɔ kolowai háálai, ŋą́ą́ haa yɛnɛ̨ɛ̨ ɲɛ̨i ɓa, yɛnɛ̨ɛ̨ aa haa ɲɛ̨́i ɓa.

Filipə 4:7

Yálá nwɔ liilaa gɛnɛ̨ɛ̨, ɲee tɛɛ, mɛ̨nį kɔ́lɔn mɛ̨nį kəlee ɓa, ə ɲee kɛ ka niiɓa da ka wɔ kiliŋąhiɛɠaa Kristə laa hu.

Kolosə 1:20

ɛlɛɛ Yaa tii mąą mɛ̨nį ɓa, ə da hɛn gəlee di yee lɔ geei, Yaa tii ɉáálai, ə kɛ a lɔi ɓa pələ, ə kɛ a yələi pələ; ə liilaa hee di mɛ̨i, a ɲąmąi pu kolɔwa ɓa.

Tɛsalonikə dɔlɔɔ 3:4

Ɓɛlɔwai ku kɛ la ka pɔɔli, ku gbɛa mo káá kuɔ káá, hvo kɛli gu mɔ̨nɔ̨ mįi, ɛlɛɛ yaan, ɲələ ka aa həli, ká kili kaa tii yili hu.

Tɛsalonikə dɔlɔɔ 3:7

Yili ɓa tii, ną́n nonnii, kwaa liilaa hɔlɔɓo ká mąą mɛ̨nį hu, ku wɔɔ liihɛlɛnŋaa da ku wɔɔ mɔ̨nɔ̨ɠaa hu, ká wɔ laa na laa háálai.

Tɛsalonikə veelɛ 3:16

Gu Ną́mui a liilaa nąmu, yaa kpinįilee, ə ká kɔ a liilaa, a yələ kəlee, a pələ huwui lɔpee. Gu Nąmu ə kɛ ká kəlee ká pɔ.

Timote veelɛ 3:12

Ɛlɛɛ mun, nuąi da di wɔ yɛnɛ̨ɛ̨ Yálá yee kɔnmą Jesus Kristə hu, diɛ ɓə da di laanɔ̨nwɔ̨ɓo.

Hebreu 11:25

Hvo hvaa mą, hvo niiɓa kɛ nɛ̨ŋɛ̨n ɉu kpɛli tiikpə, kɛlaa yaamun, ə hvaa mą da Yálá nwɔ nuą di mɔ̨nɔ̨ mįi gee pɔ.

Hebreu 7:2

Melkisedɛkə ɓə Abrahamə ə ɲəi hɛnŋąa kəlee bow nąą tɛɛ bɔ. Naai tii mą, mukulaa ɓaa: «Tələnmo tɔɔmun», yili pulu, yɛ ɓo a Salɛmə tɔɔmun, mukulaa ɓaa: «Liilaa tɔɔmun».

Piɛrə dɔlɔɔ 5:9

'Ká tɔɔ na laa na laa hu, ká kili ə pu ɉu káá, bələ lɔ ɓə ká kaayɔɠaa kaa mɔ̨nɔ̨ mįi la yɛnɛ̨ɛ̨ nąą kəlee.

Zɔ̂ŋ Maa-ŋuŋ 2:13

Nąnni gáá ɉɛɓɛ́ ŋɛ̨i tɛɛi káá, nui wɔlɔ kɛ laa gɛɛ yɛnɛ̨ɛ̨ kɔɔ hvo tɔɔ, ká gɔlɔn. Muhəɠə nįnɛ̨ɠaa, gáá ɉɛɓɛ́ ŋɛ̨i tɛɛi káá, ká yee aa tɛɛ mɛ̨nį ɲɔn nwun nąmu ɓa.

Zɔ̂ŋ Maa-ŋuŋ 4:4

Ká wɛi, nónnii pɛlɛɛɠaa, ká káá a Yálá nwɛiɠaa, káá yeetɛɛmąą laa kɛ nɛɛ-nuą tii mɛ̨i, mąąhɔlɔɓo, nui gaa ká lɔwai, gɛnɛ̨i dɛɛ yii gaa yɛnɛ̨ɛ̨ hu mą.

Zɔ̂ŋ Maa-ŋuŋ 5:4

hvó gaai, nui a Yálá lon, ɲee aa tɛɛ yɛnɛ̨ɛ̨ ɓa. Ɛlɛɛ, yeetɛɛmąą laai yɛnɛ̨ɛ̨ hon, ya ɓə a gu wɔɔ laa na laa.

M̀ɛni-lɛɛi 12:11

Kɛlaa, di wɛi, di yee aa tɛɛmą mɛlaa lon ɲąmą haalai, ɛlɛɛ, da nwoo tii di kɛli mąą kɛla hvaa ɓoi. Di hvo kɛ di di wɔɔ yɛnɛ̨ɛ̨ wɛlilakɛ li, ə lɛɛ ɉu di haa.

M̀ɛni-lɛɛi 3:21

«Nui ɲee a tɛɛ mɛ̨nįɠaa tii ɓa, kwa yaa kwa hee tɔɔkpəlin danɔ̨n ɉu, yɛ bələi ɲą́ą́ kpɛlimąn ɲéé ə tɛɛ la mɛ̨nįɠaa tii diɛ, ɛlɛɛ, ŋį́ li, ŋį́ hee Ną́n Yálá kwɛlɛ nwɔ tɔɔkpəlin hu.

M̀ɛni-lɛɛi 7:14

Ŋą́ nwoo ŋąąpənə, gɛ́ mą: «Ną́mu, yɛ́ lɔ ɓə gbaɠala kɔ́lɔn!» Yɛ mą́ą́: «Di kulɔ mɔ̨nɔ̨ kɛnɛ̨i tii hu. Daa di wɔ həɠəɠaai waa Mɛlaa lon ɲąmą hu, daa gwələ.

Nwun mąąɓo 3:2

Yai-Laa ə kɛ bɔ, ɉəɠə gee pɔ nįnɛ̨i tii kɛ a Israɛlə nuą, di kɔ́ kɔ́ɔ mąą kwɛli; diɛi wɔlɔ di hvo ta kɛ kɔ́ kɔ́ li.