Ɉaan 16:22 - Yálá laawoo hɛɓɛ (dc)

²² Bələ kpɔlɔ ɓə ka káá la yiihu. Kɛlaa, ɓɛlɔwai gu kaa pai pənəi gu gu kee kaa la a nįnɛ̨, ka kwəi a nɛ̨ɛ̨, nu ta hva pɛli gwəinɛ̨ɛ̨i tii kulɔi ka yəi.

Yálá laawoo hɛɓɛ

²² Bələ kpɔlɔ ɓə ka káá la yiihu. Kɛlaa, ɓɛlɔwai gu kaa pai pənəi gu gu kee kaa la a nįnɛ̨, ka kwəi a nɛ̨ɛ̨, nu ta hva pɛli gwəinɛ̨ɛ̨i tii kulɔi ka yəi.

Bible

²² Malôŋ toɔɔ̂i káa nâa. Kɛ́lɛ, ŋa pâi ŋɔ́nɔ kákaâi, ǹyaŋ kálii a pâi nɛɛ̂i. Núu da fe pâi kálii-nɛɛi kulâi káyêei.

Ɉaan 16:22 ပူးပေါင်းရင်းမြစ်များ

Zôo 34:29

Kɛlaa, Yálá a wala muhəɠə, gbɛɛ ɓə a pɛli hvaai bɔ? A ɲɛ̨ilai now, gbɛɛ ɓə a pɛli mɛ̨i həɠəi? Ya pa, a ɲɛ̨i pili lɔiɠaa mɛ̨i, da nu kanŋaa.

Mąątɛ̨nɛ̨ 146:2

Gáá lɔ pai kɛi Yai-Laa mąątɛnɛ̨ mɛ̨nį hu, nwɔ́ yɛnɛ̨ɛ̨ kəlee yee mu, nwɔ́ yɛnɛ̨ɛ̨ kpəlii woloi aa lɛɛ, gáá lɔ pai hvɛli kɛi nwɔ́ Yálái ɓa a yələ kəlee.

Mąątɛ̨nɛ̨ 33:21

Ya ɓə gaa a ku wɔ kwəinɛ̨ɛ̨ nwun, Naa mąąhəɠɛɛ ɓə ku kilitɔɔi mą.

Azaya 25:9

Mąą yələ, di kaa pai kɛi kɛi diɛ: Ya ɓə a ku wɔ Yálá, ku kilitɔɔi mą, ɛlɛɛ, a ku nwun mąąɓo; Yai-Laa li, ya ɓə ku kilitɔɔ mą, 'ka gu mąną, 'ka gu kwəinɛ̨ɛ̨ kulɔ, mąąhɔlɔɓo, aa gu ɓalo.

Ɉeremi 31:12

Diɛ ka tii pai; diɛ wələ too a kwəinɛ̨ɛ̨ Siɔn yee tona. Di kaa pai Yai-Laa nwɔ mɛ̨inɛ̨ɛ̨ɠaa pɔ. Di kaa pai kɔ̨nɔ̨n nɔi hu, lɔɔ pɔ, wulɔ da lɔɔ nįnɛ̨, ə mą kɛ, daatɛlɛɛ bɛlɛɛɠaa da gbɛa-kpɛaa. Di kaa pənəi di pu di nįnɛ̨ kɔ́lɔi, di tɛlin yɛ nɔw yɛai, da kɛ ya pui ma. Pulu hva kɛa too diɛ.

Maafîu 28:8

Nɛ̨ąą tii, di di pulu pənə kpɔlɔɔ tii a mąą hulaa diɛ li, di kwəinɛ̨ɛ̨ kpɔ kɛnɛ̨, kɛlaa ɲɔ̨w yɛ ɓo di hu, di gilɛ həɠə də li di nwəlɛɛ tii ɓoi, Jesus nwɔ kalan nɛai diɛ.

Lukə 10:42

Kɛlaa mɛ̨nį yii viɛlaɓoɔ, ya ka ŋɛ̨i Mari aa ɉəɠə ɉu, nu ta hva pɛli yili kulɔi ɲəi.»

Lukə 16:25

«Abrahamə yɛ mą: ‹Nón! Ə́ kili ə pu ɉu yɛ kɛ, ɓɛlɔwai ə́ kɛ la yɛnɛ̨ɛ̨, ə́ mɛ̨inɛ̨ɛ̨ɠaa hɔlɔɓo; Lazarə nwɛi yɛ mɔ̨nɔ̨ mį́į́. Yiihu, yaa kpɛli gaa ɓɛ nɛ̨ɛ̨ hu; yɛ́ kpɛli yɛ kɛa mɔ̨nɔ̨ mį́į́.

Lukə 19:26

«Yɛ diɛ: ‹A tɛ̨ą gáá moi kaa, nui hɛn gaa ɲəi, da da pɛlɛ mą. Kɛlaa nui hɛn və ɲəi, yii woloi ɲəi, da gulɔ ɲəi.

Lukə 24:41

Di hvo kɛi pɛli laai na, mąąhɔlɔɓo, di kwəinɛ̨ɛ̨i kɛ kɛnɛ̨, ə lɛɛ, di kwəi piliɛ ni kɛ diɛ. Jesus ə di mąąni kɛ yɛ diɛ: «Laa mį́į́ hɛn da kaa ɓɛ ka yəi?»

Ɉaan 14:1

Jesus yɛ nwɔ kalan nɛai diɛ: «Ka hvo ka liihɛlɛn, ka laa Yálá la, ka laa ɲą́ą́ gbɛli ná.

Ɉaan 14:19

Ɉu hvo kɛa kwɛa li, yɛnɛ̨ɛ̨ nuą di hvo pai kɛa gáái, kɛlaa, ka wɛi, ka káá pai gáái mąąhɔlɔɓo, gáá a vúlú, kaa kpɛli ka káá pai kɛi a ka hulu.

Ɉaan 14:27

«Ɲą́ą́ ɉaalai ɓə liilaa kaa la ka yəi, nwɔ́ liilaai tii ɓə gaa dɛɛi ka pɔ. Pələi yɛnɛ̨ɛ̨ a liilaa tɛɛ la nuą pɔ, bələ hvəə gáá dɛɛi la ka pɔ, ka lii hvo hɛlɛn, ka hvo ɲɔw.

Ɉaan 16:16

«Ɉu hvo kɛa kwɛa li gɛ́ pa həɠəi ka pɔ. Ɉu hva nwɔ̨nɔ̨ kwɛa, ka pənə ka gáá.»

Ɉaan 16:20

A tɛ̨ą kpɔ-kpɔ gáá moi kaa, ka káá pai wɔlɔi, kaa ka woolaa, kɛlaa, nąąlɔwai, a kɛ a kwəinɛ̨ɛ̨ yɛnɛ̨ɛ̨ nuą diɛ. Ka liihɛlɛn ŋąąi, ka wɔ liihɛlɛn mąą kaa pai pənəi a kwəinɛ̨ɛ̨.

Ɉaan 16:6

Nwoo ŋɛ̨i ŋį́ mo kaa, aa ka liihɛlɛn.

Ɉaan 21:7

Galan non ti nwɛli ə kɛ Jesus ɓa, yɛ Piɛrə ɓa: «Ną́mu Jesus ka tii!» Yii lɔ Piɛrə ə mɛ̨n diɛ kɛ mą: «Ną́mu ka tii», aa mą nwɔ həɠəi həɠə aa doo gwaną mąąhɔlɔɓo, ə kɛ a gbuwulu, ə too ɲái.

Ɉaan 4:14

Kɛlaa, nui ŋą gɔ́ a ya, a gbələ, kpələ wɛli hva kɛa ɉon. Kɛlaa yaamun, ɲái tii a kɛ mąą nu yəi a yɛnɛ̨ɛ̨ kpɛɛ hvo mą ya ton, yii hva kpala.»

Gɛlaɠaa 13:52

Galan nɛai di wɛi, di kɛ kwəinɛ̨ɛ̨ hu kpɔ kɛnɛ̨, Kili-Mąąhəɠɛɛ yɛ ɓo di yəi.

Gɛlaɠaa 16:25

Kwii hąą ɓɛlaɓoi lɔwai, Polə da Silasə di kɛi Yálá hvɛli, diɛ Yálá mąątɛ̨nɛ̨ wələ too, gaho nąmįną yiiɠaa ti diɛ di woo mɛ̨n.

Gɛlaɠaa 2:46

Di hvaŋąlɔɔ kɛ, diɛ di ɲąąkpɔn Yálá hee pɛlɛ́ mu, diɛ kɔ̨nɔ̨n mįi gee ɓa di yəi bɛlɛ́nŋąą, a kwəinɛ̨ɛ̨ da lii nɛ̨ɛ̨ gwəi.

Gɛlaɠaa 5:41

Gɛlaɠaai di həɠə dɔ́n vili nąmįną lííla a di kwəinɛ̨ɛ̨, diɛ li, mąąhɔlɔɓo, Yálá aa hvaa mą daa kɛ a nuąi mąąnɛ̨ɛ̨ di di mɔ̨nɔ̨ɓo Jesus laa mąą mɛ̨nį ɓa.

Korɛntə veelɛ 6:10

da ku liikələn ku kwəi, kɛlaa, ku kwəinɛ̨ɛ̨i lɔ a yələ kəlee, ku kaa a yeehowolo nuą, kɛlaa, kuɔ nu tamąą kɛ a hɛn gɔw nąmįną, ku hvɛɠɛɛ, kɛlaa yaamun, hɛn gəlee kaa ku yəi.

Tɛsalonikə veelɛ 2:16

Gu Ną́mu Jesus Kristə yaa kpinįlee da gu Ną́n Yálá, diɛi gu wɛlila kɛ, ɛlɛɛ, ə gu liilaa, a yii kpɛɛ hvo mą, da kilitɔɔmąą laa lɛlɛɛ,

Hebreu 10:34

Nuąi kɛ gaho ŋą, kaa di mąą lii hɛlɛn ɉee, diɛ ká kwɛlinŋaa kulɔ ká yəi, ká kwəinɛ̨ɛ̨. Mąąhɔlɔɓo, ká gili gɔlɔn káá: Hɛn gɔw ta kaa ká yəi, viɛlaɓoɔ, kpɛɛ hvo mą.

Hebreu 6:18

Mɛ̨nį hveelɛ ka ti, hva ɉəɠə mą, lɛɛ mɛ̨nį hvo ɉu Yálá pɔ pələ, yili a hvaŋąlɔ tɛɛ gu pɔ, a guɔi gwaa mɛ̨nį kəlee lɛɛ laa, gu kilitɔɔ mɛ̨nį laakwɛlanmoɔ tii ɓa.

Piɛrə dɔlɔɔ 1:8

a yaa tii káá nwɛli la kɛ, ká ɲɛ̨i hvo mąi ɛlɛɛ, káá laa na, ká hvo nwɔ̨nɔ̨ gaai; 'ká pili kani yələi a kwəinɛ̨ɛ̨i ɲɛ̨n deei hvo mą, a mąąwia,