Ɉaan 16:13 - Yálá laawoo hɛɓɛ (dc)

¹³ Dɛ̨ą Kilii tii nwɛi a pa kɛa, gaa pai ka mąąkwɛlii tɛ̨ą mɛ̨nį kəlee ɓa. Hvo pai gbɔwɔ woo ɓoi, kɛlaa yii kpɔ a mɛ̨n, ya lɔ ɓə a mo, mɛ̨nįɠaai pai kɛi yɛ ɉukulɔ kaa.

Yálá laawoo hɛɓɛ

¹³ Dɛ̨ą Nįį tii nwɛi a pa kɛa, gaa pai ka mąąkwɛlii tɛ̨ą mɛ̨nį kəlee ɓa. Hvo pai gbɔwɔ woo ɓoi, kɛlaa yii kpɔ a mɛ̨n, ya lɔ ɓə a mo, mɛ̨nįɠaai pai kɛi yɛ ɉukulɔ kaa.

Bible

¹³ Dɔ̃yâ-mɔleŋ à pà, a pâi kátenîŋ tɔɔ̂i dɔ̃yâi kélee su. Kpɛ́ni fêi, ve pâi lônoi a gbɔɔ̂i-woo. Kɛ́lɛ, nyiŋi kélee a mɛ̀nii, a pâi m̀ôi ǹyaŋ a pâi zɛŋ lɛ̂i káa gáa pâi.

Ɉaan 16:13 ပူးပေါင်းရင်းမြစ်များ

Azaya 11:2

Yai-Laa nwɔ Kilii kaa pai kɛi a naa mɛ̨i a yələ kəlee mɛ̨nį, gaa a mɛ̨nį hukpɛ kili da mɛ̨nį ɲąą kaa, yə ɓo a liɛwoo kili, da huwalawala kili, ya ɓə a Yai-Laa lɛ nuą diɛ, diɛ ɲɔw mą mąąwiɛ laa hu.

Ɉaan 12:49

Və́ gbɔ́wɔ́ mąą mɛ̨nį ɓoi, kɛlaa, Ną́n dɔ́ɔ́, nwooi ə bu ná, ya ɓə gáá naa həlii, gɛ́ mo kaa.

Ɉaan 14:17

Yálá nwɔ Kilii tii ɓə gaa a tɛ̨ą kili, yai yɛnɛ̨ɛ̨ nuą di hva di yee hee mu. Mąąhɔlɔɓo, di hva gaa, ɛlɛɛ, di hvo gɔlɔn. Kɛlaa, ka wɛi, ka gɔlɔn, mąąhɔlɔɓo, gaa ka pɔ, yɛ ɓo ka nįį hu.

Ɉaan 14:26

Ka mąąkɔ̨nwɔ̨ mun yai a Kili-Mąąhəɠɛɛ, yai Ną́n gaa pai dɛɛi ka pɔ ɲą́ą́ náá hu, gaa pai ka mąąkwɛlii mɛ̨nįɠaa ti kəlee ɓa, yiiɠaai ŋį́ mo kaa, ə nąą kili too ka ŋą.

Ɉaan 14:6

Jesus yɛ mą: «Ɲą́ą́ ɓə gáá a bələ gɛ́ ɓo a tɛ̨ą, gɛ́ ɓo a yɛnɛ̨ɛ̨ kpɛɛ hvo mą. Nu ta hva pɛli lii Ną́n Yálá pɔɔli akɛ hvo tɛɛ li ɲą́ą́ bɔ pələ.

Ɉaan 15:26

«Ka mąąkɔ̨nwɔ̨mun a pa kɛa pai, yai gáá pai dɔɔi yɛ həɠə Ną́n bɔ, yai a tɛ̨ą Kili, ya ɓə pai mą́ą́ kɛla hvaa ɓoi.

Ɉaan 16:12

«Mɛ̨nį tamąą kaa gwə́i, yii mąąnɛ̨ɛ̨ ŋį́ mo kaa, kɛlaa, gəlee kpaɠala hvo pai lɛɛi kaa.

Ɉaan 3:32

Yii ə gaa da yii ə mɛ̨n ya ɓə a mo, kɛlaa, nuą di hva di yee hee nwɔ kɛla hvaa mu.

Ɉaan 8:38

Yii ŋą́ mɛ̨n Ną́n na, ya ɓə gáá moi kaa, Yii kaa kpɛli ka mɛ̨n ka nąn na, ya ɓə ka káá gɛi.»

Gɛlaɠaa 11:28

Di tɔ̨nɔ̨ ə kɛ laa diɛ kɛ mą: Agabusə, ə muhəɠə ə tɔɔ, Yálá ə gilaa pono, yɛ kɛ: «Pulu kɛnɛ̨ kaa pai tooi lɔi mɛ̨i nąą kəlee.» Yaan, bului ti ə too a Klodə nwɔ tɔɔlaa yələ.

Gɛlaɠaa 20:23

Kɛlaa gílí kaa ɉu, gɛ́ Kili-Mąąhəɠɛɛ kaa moi mą́ą́ daa tɛitɛi hu, yɛ, yɔwɔn da mɔ̨nɔ̨ ɓə mą́ą́ kpɔn ɉi.

Gɛlaɠaa 27:24

yɛ mą́ą́: ‹Polə! 'Hvó ɲɔw, mąąnɛ̨ɛ̨ ə́ həli nɔi nwun nąmu nwɔ kiti haŋai ɓa, ɛlɛɛ, nuąi kpɔ ka diɛni ka káá gələn ɉu, Yálá aa di wɔ yɛnɛ̨ɛ̨ lɛɛ di yəi ə́ háálai.›

Tɛsalonikə veelɛ 2:12

Əgɛ, nuąi di hvo gɛ di hvo laai tɛ̨ą la, kɛlaa diɛ di liiɓa kɛ mɛ̨nį ɲɔ̨n ɉu, di di kiti tee.

Tɛsalonikə veelɛ 2:3

Nu ta hvo kɛ gaa ká ɲąahɛn ɉii a pələi lɔpee gəlee; hvo kɛli ni nuą di lənə laa na pələ ɓa, ɛlɛɛ, hvo kɛli Yálá mɛ̨nį Mɛlɛtoomun, ə gbɛa gbɔwɔ lɛ, yai a nwun na pili-lon,

Hebreu 1:1

Yálá ə gbɛa tɔlɔɔ kɛ pələ ɓoi gu nąnni diɛ, geemɛ̨i tamąą, kpaalə tamąą hu, gwəi mɛ̨nį hukulɔ nuą laaləi,

Zɔ̂ŋ Maa-ŋuŋ 2:20

Yii ɓaa ká wɛi, daa ká mąątí, Mąąhəɠəmun ɓə ká mąątí, ɛlɛɛ, ká kəlee ká kili kaa tii ɉu.

Zɔ̂ŋ Maa-ŋuŋ 2:27

Ká wɛi, ká mąątíi ŋɛ̨i Ə moi, gaa ká hu, ɛlɛɛ, ə mą kpɛli kɛ, di hvo ká mąąkwɛli yili ɓa; kɛlaa, yɛ bələi nwɔ wulɔi a ká mąąkwɛli la a mɛ̨nį kəlee, ɛlɛɛ, yɛ ɓo a tɛ̨ą, ɛlɛɛ, hva lɛɛ kɛ, yii kani aa ká mąąkwɛlii, 'káán ká kąnąn gani mą.

Zɔ̂ŋ Maa-ŋuŋ 4:6

Gu wɛi, gu kaa a Yálá nwɔɔ. Nui Yálá kɔlɔn gili kaa mą, a nwəli tɔɔ guɔ. Nui hvo a Yálá nwɔɔ, hva nwəli tɔɔ guɔ. Yili pɔ pələ ɓə gwa pɛli tɛ̨ą Kili da lɛɛ kili di kulɔ ɉu kɛi la.

Zɔ̂ŋ Maa-ŋuŋ 5:6

Yaa Jesus Kristə ɓə pa a yá da ɲąmą, hvo kɛ lɔ a yá yaa tanɔ̨n, kɛlaa, a yá da ɲąmą; ɛlɛɛ, Kili-Mąąhəɠɛɛ ɓə yili mąą kɛla hvaa ɓoi, mąąhɔlɔɓo, Kili kaa a tɛ̨ą.

M̀ɛni-lɛɛi 1:1

Mɛ̨nį loɔɠaai Jesus Kristə ə nɛ a kwɛlɛɛ gɛɛ, yai Yálá ə dɛɛ bɔ, yɛ nɛ nwɔ tínuą diɛ, a mɛ̨nįɠaai pai kɛi, ɉu hvo kwɛa li. Ə nwɔ malaka tɔɔ yɛ pa nɛi ŋą tímun Ɉaan ɓa,

M̀ɛni-lɛɛi 1:19

Mɛ̨nįɠaai ə́ ɲɛ̨i ə gaa, yiiɠaai kɛi yiihu, ɛlɛɛ, yiiɠaai pai kɛi yili nąą pulu, 'bɛ̨ɛ̨.