Ɉaan 15:7 - Yálá laawoo hɛɓɛ (dc)

⁷ Ka kanąn mą́ą́, nwóóɠaa kili ə lɛɛ ka ŋą, yii lɔpee ka mąąkpaan gaa mą, ka vɛli ka ɉɔlɔɓo.

Yálá laawoo hɛɓɛ

⁷ Ka kanąn mą́ą́, nwóóɠaa kili ə lɛɛ ka ŋą, yii lɔpee ka mąąkpaan gaa mą, ka vɛli ka ɉɔlɔɓo.

Bible

⁷ Kà kɛ̀ ŋ́gbonôi, ŋ́oo-ŋai kɛ́ ƃò kákponôi, sɛŋ kélee kamare-kɛ̂ɛ kɛ̀ nyii gáa kákili ŋái, a pâi kɛ̂i kámɛni ma.

Ɉaan 15:7 ပူးပေါင်းရင်းမြစ်များ

Tɔɔɓɛlaa dɔlɔɔ 3:5

Ɓɛlɔwai Salomɔn ə kɛ nií la Gabaɔn, Yai-Laa ə gbɔwɔ lɛ mą a kpinį hįį pələ, yɛ mą: «Hɛn ə kaa bɔ, 'vɛli mą́ą́, ŋį́ dɛɛ ə́ pɔ.»

Zôo 22:26

Nąąlɔwai, Huwalawala Kəlee Nąmu a kɛ a ə́ yəi hɛn gɔw, ə lɛɛ, yɛ́ ə́ ɲɛ̨i tinɛ̨n Yálá pɔ pələ.

Zôo 23:12

Gɔ́wɔ́ hvo ta həɠə li nwɔ tɔ́nŋąąi mɛ̨i. Wooɠaai da kulɔ na ŋą́ gəlee lɛɛ gíli pɔ.

Mąątɛ̨nɛ̨ 119:11

Mɛ̨nįɠaai ə́ mo, ŋą́ di kanąn níi pɔ, əgɛ, və́ pa nəi nɛ̨ŋɛ̨n ɉəɠə yɛ́.

Mąątɛ̨nɛ̨ 37:4

Yai-Laa ə kɛ a ə́ wɔ kwəinɛ̨ɛ̨, mɛ̨nįi ə́ líí a vɛli, gaa pai dɛɛi ə́ pɔ.

Hanwon 10:24

Mɛ̨nįi nwąnąlɔmun a ɲɔw mą, ya ɓə a ɉɔlɔɓo, Kɛlaa, hɛn kilimąą nuą da vɛli, ya ɓə Yálá a di kɔ́ la.

Hanwon 4:4

Nán ə kɛi níɛwoo kɛ, yɛ mąą: Nwóóɠaa naa kili ə lɛɛ ə́ ŋą, kpaalə ŋɛ̨i gáá nɛi yɛ́, ə́ hiɛ la; a kɛ tii, yá lamun yɛnɛ̨ɛ̨.

Azaya 58:8

Ya gɛ tii, ə́ wɔ kɛɛ pɔ̨nɔ̨i a ɓɛla yɛ yələ ɓɔɔ nįnɛ̨, ɛlɛɛ, yɛ́ pu ə́ nįnɛ̨ kɔ́lɔi a mąą hulaa, ə́ wɔ tələnmolaa kaa pai kɛ hiɛi ə́ ɲɛ̨i tɔwɔ, Yai-Laa nwɔ mąąwiɛ yɛ ə́ mąą kpɛ ə́ pulu pələ.

Ɉeremi 15:16

Yai-Laa Mɛ̨nį Kəlee ŋą Hééɓomun Yálá! Ya lɔ ɓaa, ŋą́ kwiɛn a ə́ laa woo, ŋį́ níí laa, ŋį́ mukpələ. Ə́ laa woo ə kɛi gwə́inɛɛ, yɛ níí nɛ̨ɛ̨ gwə́i. Mąąhɔlɔɓo, náá kwɛlanmoɔi yɛ́.

Maafîu 7:7

«Ka vɛli, da dɛɛ ka pɔ. Ka gwɛli, ka ɉɔlɔɓo. Ka gbon gɛlɛ, da naaɓo ka tɔwɔ.

Ɉaan 14:13

Yii lɔpee ka vɛli Yálá ɓa ɲą́ą́ náá hu, ŋą dɛɛ ka pɔ, ə gɛ, ną́n mąą ə wiɛ non Ɉaalai.

Ɉaan 15:16

Kaa hvəə ɉə́ɠə́ ɉu, ɲą́ą́ ɓə ka həɠə ɉu, ŋį́ ka kɛ a nwɔ́ tínuą, ə gɛ, ka ɓai, ə lɛɛ ka yəi; ya ɓə a gɛ, yii lɔpee ka vɛli Ną́n mą náá hu, ə dɛɛ ka pɔ.

Ɉaan 16:23

«Mąą yələi tii, ka hvo kɛa pai mą́ą́nin kɛ mɛ̨nį lɔpee ta ɓa. A tɛ̨ą kpɔ-kpɔ gáá moi kaa, ka hɛn da hvɛli Ną́n ma náá hu, a dɛɛ ka pɔ.

Ɉaan 8:31

Ɉuifəɠaai laa Jesus la, ə mo diɛ, yɛ diɛ: «Akɛ ka kanąn nwɔ́ liɛwooɠaa diɛ, ka káá kpɔ a nwɔ́ kalan nɛa leeleeɠaa.

Ɉaan 8:37

Ŋą́ gɔlɔn gbɔ gɛ́ diɛ: Abrahamə huwu ɓaa a kaa, kɛlaa, ka hvilɛn ŋąąi búlú báá mɛ̨nį ɓa; mąąhɔlɔɓo, nwóó wɛli hvo kaa.

Galatə 4:2

Kɛlaa, mąąnɛ̨ɛ̨, ə gbɔwɔ mąąyɛɛ, gulɔ-ɉu-nuą yee mu, mɛ̨nįɠaa hu, ə lɛɛ ɉu, ɲələi nąn ə vaaɓo, ə ɉəli.

Galatə 5:16

'Ká ká wəli tɔɔ nwóó ɓa: 'Ká hiɛ Kili-Mąąhəɠɛɛ yee kɔnma, akɛtii, ká hva kɛa lɛɛ nu kiliŋąhiɛ woo mu.

Dutɛrɔnome 6:6

Díɓoɠaai ŋɛ̨i gáá ɉu woo ɓoi kaa háákələi, mąąnɛ̨ɛ̨ ka di kanąn ka kili pɔ.

Kolosə 3:16

Kristə woo ə ɉeei kulɔ ká nįį hu, da ŋą hɛn nąmu laa kəlee, ká ká keeni kilaa pono a kili pələ, káá mɛ̨inɛ̨ɛ̨ hu kɔlɔn nwələ too Yálá ɓa ká nįį hu, a Yálá mąątɛ̨nɛ̨ wooɠaa ɓoɔ gee ɓa, 'káá Naa tɛ wələɠaa too, da kalan nwələɠaai Kili a dɛ ká la.

Zɔ̂ŋ Maa-ŋuŋ 2:14

Lɛapɛlɛɛ, ŋą́ ɉɛɓɛ́ ŋɛ̨i tɛɛ káá, ká Nąn Yálá kɔlɔn. Ną́nni ŋą́ ɉɛɓɛ́ ŋɛ̨i tɛɛ káá, nui wɔlɔ kɛ laa gɛɛ yɛnɛ̨ɛ̨ kɔɔ hvo tɔɔ, ka gɔlɔn. Muhəɠə nįnɛ̨ɠaa ŋą́ ɉɛɓɛ́ ŋɛ̨i tɛɛ káá, mąąhɔlɔɓo, káá tɔɔ kpąą, ɛlɛɛ Yálá laa woo aa ɉeei kulɔ ká hu, ɛlɛɛ, ká yee aa tɛɛ mɛ̨nį ɲɔn nwun nąmu ɓa.

Zɔ̂ŋ Maa-ŋuŋ 2:27

Ká wɛi, ká mąątíi ŋɛ̨i Ə moi, gaa ká hu, ɛlɛɛ, ə mą kpɛli kɛ, di hvo ká mąąkwɛli yili ɓa; kɛlaa, yɛ bələi nwɔ wulɔi a ká mąąkwɛli la a mɛ̨nį kəlee, ɛlɛɛ, yɛ ɓo a tɛ̨ą, ɛlɛɛ, hva lɛɛ kɛ, yii kani aa ká mąąkwɛlii, 'káán ká kąnąn gani mą.

Zɔ̂ŋ Maa-ŋuŋ 3:22

ɛlɛɛ, hɛn kpɔ gwa vɛli mą, gwa ɉɔlɔɓo ɲəi mąąhɔlɔɓo, gwa nwɔ tíɓoɠaai pɔ yíiɓo, ɛlɛɛ, yii nwɛli kaa mą, guɔ gɛ.

Zɔ̂ŋ Maa-ŋuŋ 5:14

Gilitɔɔmąą laai gaa gu yəi, niila ya ka, ya ɓaa: Gwa hɛn da hvɛli mą yaa kpinįi niiɓa hu, a nwəli tɔɔ gu woo ɓa.