Ɉaan 15:20 - Yálá laawoo hɛɓɛ (dc)

²⁰ Nwoo tii ŋį́ mo kaa, gɛ́ kɛ kaa: Luwɔ hvo kɛnɛ̨ li hvo tɛɛ nąmu ɓa, ka ka kili lɛɛ ɉu. Akɛ yɛnɛ̨ɛ̨ nuą di mɛ́lɛkpɛɛ mą́ą́, di kaa pai ka ɓɛlɛkpɛɛi kaa. Akɛ di nwóó hon, di kaa lɔ pai ka woo hon ɉi.

Yálá laawoo hɛɓɛ

²⁰ Nwoo tii ŋį́ mo kaa, gɛ́ kɛ kaa: Luwɔ hvo kɛnɛ̨ li hvo tɛɛ nąmu ɓa, ka ka kili lɛɛ ɉu. Akɛ yɛnɛ̨ɛ̨ nuą di mɛ́lɛkpɛɛ mą́ą́, di kaa pai ka ɓɛlɛkpɛɛi kaa. Akɛ di nwóó hon, di kaa lɔ pai ka woo hon ɉi.

Bible

²⁰ Ŋ̀óoi ŋá mòi, é lɛ́ɛ kákili ŋá a gɛɛ, ‘Yée-mu-nuu fe tɛɛ ni ŋɔnuu-namui ma.’ À kɛ̀ da ŋ́gbɔ̀ara da pâi máŋ kákpɔarâi; da ŋáwooi mɛi kâa, da pâi káwoôi mɛi kâai máŋ.

Ɉaan 15:20 ပူးပေါင်းရင်းမြစ်များ

Izikiɛ 3:7

Kəlɛɛ Israɛlə nwɔ pɛlɛ́i hvo pai nwəli tɔɔi ə́ woo ɓa, gbala ə tɔɔ, di hvo bɔ di hvo di wəli tɔɔ nwóó ɓa; mąąhɔlɔɓo Israɛlə nwɔ pɛlɛ́i kəlee nwun ɉu wala walai, gili wala walaa.

Maafîu 10:24

«Kalan non hvo kɛnɛ̨ li hvo tɛɛ galamɔ̨ɔ̨ ɓa, luwɔ hvo kɛnɛ̨ li hvo tɛɛ nąmu ɓa.

Markə 10:39

Di nwoo pulu pənə, diɛ mą: «Kwa pɛli mą.» Jesus yɛ diɛ: «Gbələ kɔ́wɔ hu ya nwąnąą nwɛi, ka káá pai gbələi, ka káá yee hee nąąnɔ̨nwɔ̨ baptisə mu.

Lukə 2:34

Simeɔn ə lúwɔ́ too diɛ, ə mo Mari ɓa yɛ mą: «Yálá aa ə́ lon ŋɛ̨i həɠə ɉu, əgɛ, ə kɛ a Israɛlə nuą tamąą too kwɛni, ɛlɛɛ, da damąą muhəɠə hɛn. Gaa pai kɛi a Yálá ŋą kɔ́lɔn ɉɛn yii nu tamąą da lənə mą.

Lukə 6:40

Lakwəli lon da hvo kɛnɛ̨ li, hvo tɛɛ galamɔ̨ɔ̨ ɓa. Kɛlaa, lakwəli lon yii a nwɔ lakwəli kpɛɛ, a kɛ yɛ galamɔ̨ɔ̨.

Ɉaan 10:31

Ɲąąɓa, Ɉuifəɠaa daa mɛ̨n kwɛni yɛɠɛ, diɛ kɛ di Jesus hɔɔ la.

Ɉaan 11:57

Yaan, haláá laa həli nuą kpɛa-kpɛa da Farisiɛ̨ɠaa di mo nuą diɛ, diɛ kɛ diɛ: ɓɛi lɔpee ka Jesus kaa laa, ka mo di Ɉon.

Ɉaan 13:16

A tɛ̨ą kpɔ-kpɔ gáá moi kaa, kólo kɛmun hvo tɛɛ li nąmu ɓa. Kɛla hvo tɛɛ li nui dɔɔɔ mą.

Ɉaan 5:16

Ə həɠə ɲələ ɓa, Ɉuifəɠaa di hvilɛn Jesus pulu, mąąhɔlɔɓo, aa nu ɓalo a vįitɔɔ yələ.

Ɉaan 7:32

Nuą tii lɛɛ Jesus laa ɓoi a loo mɛ̨nį di kee lɔwai, Farisiɛ̨ɠaa di mɛ̨n. Haláá laa həli nuą kpɛa-kpɛa da Farisiɛ̨ɠaa di holahiɠaa tɔɔ, ɉon.

Ɉaan 8:51

Gáá tɛ̨ą ɓoi kaa, nui a nwóó hon, hva haa.»

Ɉaan 8:52

Ɉuifəɠaa diɛ mą: «Kwaa gɔlɔn kuɔ diɛ: ɲį́nɛ̨n gaa ə́ pulu. Abrahamə aa haa, Yálá kwəi mɛ̨nį hukulɔ nuą diɛ kpɛli daa haa; yili ɓə ya kɛ diɛ: ‹Nui a nwóó hon hva haa kɔ́lɔn a yələ ta!›

Ɉaan 8:59

Nąąlɔwai, di kwɛni həɠə diɛ kɛ di Jesus hɔɔ la, kɛlaa, ə now ə kulɔ Yálá hee pɛlɛ́ mu.

Gɛlaɠaa 14:22

Di kɛli laa na nuąi ti kɛ laa, di hvaŋąlɔ gɛɛnąąɠaa ti ɓa, diɛ di liɛwooɓo di kanąn mɛ̨nį ɓa laa na pələ ɓa. Di kɛli kɛ diɛ: «Hvo kɛli gu mɔ̨nɔ̨ tamąą mįi, guɔ pɛli lɔi Yálá ŋą tɔɔlaai hu.»

Korɛntə dɔlɔɔ 4:12

kwa kólo kɛ a ku kpɔwɔ yee ə gɛ, ku kɔ̨nɔ̨n ɉɔlɔɓo. Da ku lalan, kuɔ lúwɔ́ too, da ku mɔ̨nɔ̨ɓo, kuɔ ku liikpələ.

Korɛntə veelɛ 4:9

di hvilɛnŋąą ku pulu, kɛlaa, di hva ku hon, diɛ ku too, kɛlaa, ku nwun va lɛɛ ɉu.

Tɛsalonikə dɔlɔɔ 2:15

a diɛi tii gu Nąmu Jesus paa, da Yálá kwəi mɛ̨nį hukulɔ nuą; diɛ lɔ ɓə nwɔ̨nɔ̨ ku mɔ̨nɔ̨ɓo, di wɛli hvo Yálá ɓa, di kaa a nu kəlee ɲowo,

Timote veelɛ 3:12

Ɛlɛɛ mun, nuąi da di wɔ yɛnɛ̨ɛ̨ Yálá yee kɔnmą Jesus Kristə hu, diɛ ɓə da di laanɔ̨nwɔ̨ɓo.

Samuɛlə dɔlɔɔ 8:7

Yai-Laa yɛ Samuɛlə ɓa: «Ə́ wəli tɔɔ nɔi lonnii kəlee woo ɓa, yii lɔpee da mo yɛ́, gɛ. Yɛ́ hvəi di kaa ə́ pilii, di hvo kɛa bɔ və́ di ɲąąwooɓo.