Ɉaan 15:11 - Yálá laawoo hɛɓɛ (dc)

¹¹ «Ŋą́ yili ɓo kaa, ə gɛ, nwɔ́ kwəinɛ̨ɛ̨ ə kɛ ka yəi, ka wɔ kwəinɛ̨ɛ̨ laa ə kulɔ.

Yálá laawoo hɛɓɛ

¹¹ «Ŋą́ yili ɓo kaa, ə gɛ, nwɔ́ kwəinɛ̨ɛ̨ ə kɛ ka yəi, ka wɔ kwəinɛ̨ɛ̨ laa ə kulɔ.

Bible

¹¹ “Ŋa mɛni-ŋai ŋi ƃó káa a gɛɛ ŋálii-nɛɛi é kɛ́ kákponôi, a gɛɛ kálii-nɛɛi láa é fɛɛ.

Ɉaan 15:11 ပူးပေါင်းရင်းမြစ်များ

Azaya 53:11

Mɔ̨nɔ̨i tii laa mɛ̨i mąą mɛ̨nį ɓa gaa pai kɛɛpono kaai, ɛlɛɛ yɛ lamu la yɛnɛ̨ɛ̨, yai tii gɔlɔn ŋąą a təlimo mun, gaa pai nuą kɛi a təlimonuą, yai tii a nwɔ́ tí mun, nu kpulu kɛnɛ̨ɛ̨ yɛ dɔ̨nɔ̨ hɔlɔɓo, mąąhɔlɔɓo, ə nwun ɉee di wɔ kwɛli tee laa kəlee mu.

Azaya 62:4

Di hvo pai kɛa pai kɛi ə́ láá ɓa: «Daa gulɔ lɔwɔi», di hvo kɛa pai kɛi ə́ wɔ lɔi ɓa: «Lɔi kwəi kpɛɛ», Kɛlaa di kaa kɛa pai kɛi ə́ laa ɓa: «Niiɓa nɛ̨ɛ̨nu», diɛ kɛ ə́ wɔ lɔi ɓa: «Hilɛtai nɛą», Mąąhɔlɔɓo, Yai-Laa kaa pai niiɓa mɛ̨nįɠaa hɔlɔɓoi ə́ yəi, ɛlɛɛ ə́ wɔ lɔi yɛ kɛ a hilɛ tai nɛ̨a.

Ɉeremi 32:41

Gwə́inɛ̨ɛ̨ mɛ̨nįi lɔ ɓa pai kɛi a mɛ̨inɛ̨ɛ̨ kɛɛ diɛ, gáá pai di kɔ́wɔ hvilɛn ɉii nɔi ŋɛ̨i hu. Gáá pai gɛi tii gwə́i tɔ̨nɔ̨ mɛ̨i, kpɔ a gwə́i kwəlɛɛ.

Ɉeremi 33:9

Náá lɛlɛɛ kaa pai tɛi mɛ̨nįi tii hu, yɛ kɛ a ɲɛ̨́i pɔ̨nɔ̨ mɛ̨nį da gwə́inɛ̨ɛ̨ mɛ̨nį, ɓɛlɔwai yɛnɛ̨ɛ̨ lɔiɠaa kəlee kaa pai bələ mɛ̨n ɉii la, diɛ kɛ ŋą́ą́ mɛ̨nįɠaai tii kɛ Ɉuda da Israɛlə diɛ. Di kaa pai di laa taɠai, diɛ ɲɔw, nwun na nɛ̨ɛ̨ kɛnɛ̨i da mɛ̨inɛ̨ɛ̨ kɛnɛ̨i gáá pai gɛi Ɉuda ɓa, di mąą mɛ̨nį ɓa.»

Sofoni 3:17

Siɔn, Yai-Laa ə́ wɔ Yálái kaa ə́ pɔ, gaa a kɔkulaa kɛnɛ̨i kɔ́ a nɛ̨ɛ̨ mą. Gwəinɛ̨ɛ̨i ə́ mąą mɛ̨nį ɓa, gaa ə́ pui ə́ nįnɛ̨ kɔ́lɔi nwɔ wɛlikɛmąąlaa hu. Gaa ə́ mąą mąną kaai, yɛ pili yələi a kwəinɛ̨ɛ̨, yɛ tómą.

Lukə 15:23

Ka pa a nįŋɛ̨ gbɔn tii gɔlɔ lɛlɛɛ laa mą, ka baa, ka gu kwəinɛ̨ɛ̨ kulɔ, guu laa mį́į́.

Lukə 15:32

Kɛlaa, ə́ ləɠəi ŋɛ̨i, mąąnɛ̨ɛ̨ gu kwəinɛ̨ɛ̨ kɛnɛ̨ kulɔ mąą mɛ̨nį hu. Mąąhɔlɔɓo, ɉaai kɛ, aa nwun, ɛlɛɛ, aa kɛ pili, ŋą́ą́ pənə ŋą́ą́ gaa!›»

Lukə 15:5

Akɛ a gaa, gwəi a nɛ̨ɛ̨ kpɔ kɛnɛ̨. A ɉon, ə naa galan ŋą,

Lukə 15:9

Akɛ a gaa, a mɛlaa kəlee təli, yɛ diɛ: ‹Ka gu kwəinɛ̨ɛ̨ kulɔ, mąąhɔlɔɓo, nwɔ́ walii pili, ŋą́ą́ gaa.›

Ɉaan 16:24

Ka hvo ta hɛn da hvɛli li náá hu. Ka hɛn da hvɛli ka ɉɔlɔɓo, ya ɓə a gɛ ka wɔ kwəinɛ̨ɛ̨ laa ə kulɔ.»

Ɉaan 16:33

Gáá mɛ̨nįɠaa tii ɓoi kaa, kaa pɛli liilaa hɔlɔɓoi ɲə́i. Ka káá pai mɔ̨nɔ̨ mįi yɛnɛ̨ɛ̨, kɛlaa, ka ka lii kpələ, ɲéé aa tɛɛ yɛnɛ̨ɛ̨ ɓa.»

Ɉaan 17:13

Yiihu kɛa, gáá pai ə́ pɔ, gáá nwooɠaa ŋɛ̨i ɓoi ɓɛlɔwai gáá ni la yɛnɛ̨ɛ̨, ə gɛ, nwɔ́ kwəinɛ̨ɛ̨ ə kɛ di yəi a yaa pɛliɛ.

Ɉaan 3:29

Nɛ̨ą nąmu pɔɔ ɓaa nɛ̨ą, kɛlaa, nɛ̨ą nąmu mɛlan a tɔɔ mɛlan gwɛlɛ yɛ nwoo mɛ̨n, a kɛi nɛ̨ą nąmui tii woo mɛ̨n, gwəi yɛ nɛɛ kpɔ kɛnɛ̨. Pələ ɓə nwɔ kwəinɛ̨ɛ̨ kaa la, ə lɛɛ, nwɔ kwəinɛ̨ɛ̨ laa aa hvɛɛ.

Lomaŋ 15:13

Gɛ́, Ɲálái gu kilitɔɔi mą, ə ká pilɛ a kwəinɛ̨ɛ̨ da liilaa laa na laa hu, ə gɛ, Kili-Mąąhəɠɛɛ nwɔ hvaŋą ə ká pilɛ kilitɔɔmąąlaa hu.

Korɛntə veelɛ 1:24

Ə kɛ ŋɛ̨i yɛ kwa hee ká wɔɔ kalan mɛ̨į, ya hvəə, kɛlaa, ku yee pɛlɛ ɓə ku kaa moi ká wɔɔ kwəinɛ̨ɛ̨ ɓa, hvo gaai, galan mɛ̨nį nwɛi, ká yee kaa mą a nwalawalaa.

Ifisiɛŋ 5:18

'Ká hvo kɛ a lɔɔ hon, a nu nwun na pili, kɛlaa, 'ká pilɛ a Yálá nwɔ Kilii.

Filipə 1:25

Yili ɓa, gílí la teɛi gɛ́ diɛ, gáá pai lɛɛi ɓɛ ka kəlee ka pɔ; ə gɛ, ka wɔ kwəinɛ̨ɛ̨ da ka wɔ laa na laa di tɛ tɔwɔ.

Tɛsalonikə dɔlɔɔ 5:16

'Ká kɛ lɔ a ká kwəinɛ̨ɛ̨ a yələ kəlee;

Piɛrə dɔlɔɔ 1:8

a yaa tii káá nwɛli la kɛ, ká ɲɛ̨i hvo mąi ɛlɛɛ, káá laa na, ká hvo nwɔ̨nɔ̨ gaai; 'ká pili kani yələi a kwəinɛ̨ɛ̨i ɲɛ̨n deei hvo mą, a mąąwia,

Zɔ̂ŋ Maa-ŋuŋ 1:4

Ɛlɛɛ, Ku kaa yili pɛ̨ɛ̨i ku dɛɛ kaa, ə gə, ku wɔɔ kwəinɛ̨ɛ̨ laa ə kulɔ.

Zɔ̂ŋ Veerɛi 1:12

Mɛ̨ni tamąą kaa kɛ gwə́i, gɛ́ ŋį́ mo káá, kɛlaa, və́ bɔ, və́ gəlee kɛ hɛɓɛ́ laa ɲą a hɛɓɛ́-yá. Gbala ə tɔɔ, gáá bɔ ɲą́ą́ gbini ŋą́ pa ká pɔɔli, ŋą́ mo káá a nááləi, ə gɛ, gu wɔ kwəinɛ̨ɛ̨i laa ə kulɔ.