Ɉaan 14:27 - Yálá laawoo hɛɓɛ (dc)

²⁷ «Ɲą́ą́ ɉaalai ɓə liilaa kaa la ka yəi, nwɔ́ liilaai tii ɓə gaa dɛɛi ka pɔ. Pələi yɛnɛ̨ɛ̨ a liilaa tɛɛ la nuą pɔ, bələ hvəə gáá dɛɛi la ka pɔ, ka lii hvo hɛlɛn, ka hvo ɲɔw.

Yálá laawoo hɛɓɛ

²⁷ «Ɲą́ą́ ɉaalai ɓə liilaa kaa la ka yəi, nwɔ́ liilaai tii ɓə gaa dɛɛi ka pɔ. Pələi yɛnɛ̨ɛ̨ a liilaa tɛɛ la nuą pɔ, bələ hvəə gáá dɛɛi la ka pɔ, ka lii hvo hɛlɛn, ka hvo ɲɔw.

Bible

²⁷ “Ŋa lii-sêe lɛ̀ɛ káyêei; ŋa ŋálii-sêei tɛ̀ɛ kápɔ; ve yɛ̂ɛ berei ǹɔii a dɛ̀ɛ lai a gɛɛ ŋa dɛ̀ɛ ti kápɔ. Kálii fe kɔ-kɔ, kpaa máŋ ká ǹɛɛ naa é yao.

Ɉaan 14:27 ပူးပေါင်းရင်းမြစ်များ

Kɔlɔnikɔ Veerɛi 20:30

Ɉosafatə nwɔ tɔɔlaai hu ɲąą ə laɠi; nwɔ Yálái ə liilaa tɛɛ bɔ da gwɛlɛ lɔiɠaa kəlee di lɔwai.

Zôo 34:29

Kɛlaa, Yálá a wala muhəɠə, gbɛɛ ɓə a pɛli hvaai bɔ? A ɲɛ̨ilai now, gbɛɛ ɓə a pɛli mɛ̨i həɠəi? Ya pa, a ɲɛ̨i pili lɔiɠaa mɛ̨i, da nu kanŋaa.

Mąątɛ̨nɛ̨ 11:1

Nwələi ɲɛ̨itɔwɔmun. Davidə. Yai-Laa ɓə a mą́ą́ kilɛi. Ka pɛli kɛi ləi mą́ą́: 'Pu ə́ li ka wɔ yeei nwuɔ̨, nwɛ̨ni logolo.

Mąątɛ̨nɛ̨ 112:7

Hva ɲɔw diɛ-diɛ woo ɲɔ̨nwɔ̨ɔ̨ ɓa, niilaai gwəi, gilitɔɔ Ya-Laa ma,

Mąątɛ̨nɛ̨ 27:1

Davidə nwɔ wələ woo. Yai-Laa ɓə a nwɔ́ kɛɛ pɔ̨nɔ̨, da málomun. Gbɛɛ ɓə ŋą́ pɛli ɲɔwi mą? Yai-Laa ɓə a mą́ą́ kɔ̨nwɔ̨ hį́i. Gbɛɛ ɓə mą́ą́ a kpɛlin ɲɛ̨i ɓa?

Mąątɛ̨nɛ̨ 28:3

Hvó ɉón yɛ bələi yá liiɲɔ̨n gwəi nuą hon nai, ə mą kɛ, túwɔ́ pələ ɲɔ̨n gulɔ nuą, da kɛ liilaa mɛ̨nį ɓoi di ɓɛlaa diɛ, Kɛlaa, di lii laa hvɛɛ a mɛ̨nį ɲɔ̨n gɛ kili.

Mąątɛ̨nɛ̨ 29:11

Yai-Laa kaa pai huwalawala tɛɛi nwɔ nu huwui pɔ, Yai-Laa kaa pai lúwɔ tooi nwɔ nu huwui ɓa liilaa hu.

Mąątɛ̨nɛ̨ 56:11

A Ɲálái tii gáá mąątɛ̨nɛ̨i, a Yai-Laai tii gáá nwoo mąątɛ̨nɛ̨i.

Mąątɛ̨nɛ̨ 56:3

Mą́ą́ hɛnŋį nuą da tuwɔ lɔ kɔ́ pɛlɛi mą́ą́, nuąi woloi mą́ą́, di kpulu kɛnɛ̨i.

Mąątɛ̨nɛ̨ 72:2

Yɛ pɛli ə́ wɔ lɔi lonnii ɲąąwooɓoi la a tələnmolaa, ə mą kɛ mąąwɛli nuą, tɛ̨ą pələ mɛ̨i.

Mąątɛ̨nɛ̨ 72:7

Nwɔ tɔɔlaa lɔwai, Tələnmolon ə kɛ ɲąąnɛ̨ɛ̨ hu, yii kpɔ ɲąnin gaa ni hvələi, nwun na nɛ̨ɛ̨ ə kɛ nɔi!

Mąątɛ̨nɛ̨ 85:10

Nuąi da ɲɔw mą, nwɔ ɓaloi a mąą lɛɠɛ diɛ, ɛlɛɛ, mąąwiɛ kaa pai heei nɔi hu.

Mąątɛ̨nɛ̨ 91:5

A kɛ nu yəi, hvá ɲɔw hɛn nɔpee ta ɓa: yɛi kɛ a kpinį nwɔ mąąɲɔw hɛnŋaa, yɛi kɛ a mɛ̨ɛ̨kɔwii da bili hvóló ɲa ɉə ɉə,

Hanwon 3:25

Gulɔ la mɛ̨nį hva ə́ mąą ɲɔw. Hvá ɲɔw nwąnąlɔ nuą di wɔ nwąnąlɔ ɓa.

Azaya 12:2

Málo Yálá ka, gílitɔɔi mą, mą́ą́ hvo kɛa kpɛlin ɉii, mąąhɔlɔɓo, Yai-Laa! Yai-Laa ɓə gaa a váŋą, da nwɔ wələ; Yá ɓə a málomun.

Azaya 41:10

'Hvó ɲɔw, mąąhɔlɔɓo, gáá ə́ pulu, 'Hvó ə́ liihɛlɛn, mąąhɔlɔɓo, gáá a ə́ wɔ Yálá. Gáá ə́ huwala walai, gɛ́ kpɔn ɲɛ́, Gɛ́ mamįiyee pu ə́ mu, yai tələnmolaa kaa ɉui.

Azaya 41:14

'Hvó ɲɔw Ɉakɔbə, yɛ́i ŋɛ̨i yɛ kpeeli ɲɛ̨lɛ̨ɛ̨n, Israɛlə, yɛ́i ŋɛ̨i a powa háákəlee, ɲą́ą́ ɓə ŋą́ ə́ mąąkpɔn mąąɓo, ɲą́ą́ Yai-Laa nwóó li; nui a ə́ mąąkpɔn mąąɓo, ya ɓaa Israɛlə nwɔ mąąhəɠə mun.

Azaya 54:13

Ə́ lonnii kəlee di kaa pai kɛi a Yai-Laa yee pɔ nuą, ə́ lonnii di ɓo liilaa yɛnɛ̨ɛ̨ kɛnɛ̨ɛ̨ hu.

Azaya 55:12

Mąąhɔlɔɓo, ka káá pai kulɔi a ka kwəinɛ̨ɛ̨, kaa pənə kaa li a ka wəli pulu laɠiɛ, yee tɔɔɠaa da yee kpukpuɠaa, di kaa pai tómąi a kwəinɛ̨ɛ̨, ka tɛɛ pələɠaa hu, kpomó hu wuluɠaa kəlee diɛ di yee lɔwai kaa.

Azaya 57:19

Gɛ́ kwəinɛ̨ɛ̨ wələ lɔ di la. Yai-Laa yɛ diɛ: Liilaa, liilaa 'ə kɛ nui kwɛala mą, 'ə kɛ lɔ nwɔ̨nɔ̨ kpuɔlamun mą, a tɛ̨ą, gáá pai di ɓaloi!

Azaya 9:6

Nwɔ heeɓolaai, yee kɔnwɔ̨n ɉu a ɓɛlɛɛ, ɛlɛɛ, kpɛɛ hvo nwɔ tɔɔlaa ɓa. Yii ɓaa nąn Davidə nwɔ tɔɔkpəlin, Ya ɓə pai vilɛn ɉii gbilin, tɛ̨ą mɛ̨nį da tələnmolaa mɛ̨i, ə həɠə yiihu ɓa, ə lɛɛ la ɉu, wɔ. Yili ɓə Yai-Laa Mɛ̨nį Kəlee ŋą Hééɓomun kaa pai gɛi, nwɔ wɛlikɛmąą kɛnɛ̨ɛ̨ hu.

Ɉeremi 1:8

'Hvó ɲɔw, gáá ə́ pɔ, gɛ́ ə́ kulɔ mɛ̨nįi. Yai-Laa woo li.»

Woolaa 3:17

Aa vɛ́ɠɛ yíi nɛ̨ɛ̨ hu, və́ kɛa nwun na nɛ̨ɛ̨ kɔ́lɔn.

Izikiɛ 2:6

«Ə́ wəli tɔɔ hulɔnu lon: Hvo ɲɔw diɛ, ho ɲɔi di hvaa woo ɓa; ə́ kaa hɛa too nuą lɔwai, ɲąąlən ɉu. Ə́ kaa heeni ɲɔ̨n-gaaləɠaa mɛ̨i, ho ɲɔw di hvaa woo ɓa, 'hvó ɲɔw di ɲɛ̨ilai ɓa, mąąhɔlɔɓo kulɔ nwoo mu nu huwu li.

Danîa 4:1

Ɲą́ą́ Nabukodonosorə, ŋą́ kɛ kpɔ heeni ɲə́i bɛlɛ́n nɛ́ɛ́ hu, gɛ́ ɓo ɲə́i dɔɔ kwəlii.

Danîa 6:25

Tɔɔmun ə pənə ə mo, yɛ diɛ: «Nuąi kpɔ tii Daniɛlə mąąɲaba lɔ, di pa a gəlee, di di pili ɲala kwənąn ɉu; diɛ di lonnii da di nɛ̨ąni.» Di pili tii di mo ɲala kwənąn ɉu, gɛɛ di hvo həli nɔi ɓa, di kɔ́w kpuɔkpuɔɠaa lɔ ɓə kɛi too nɔi ɓa.

Zakari 6:13

A tɛ̨ą, ya ɓə pai Yai-Laa hvɛli pɛlɛ́ tɔɔi, mąąwiɛ kaa pai kɛi mą, gaa pai heei nwɔ tɔɔkpəlin hu, yɛ nuą ɲąąwooɓo. Haláá laa həli mun dakpɛli kaa lɔ pai kɛi heeni yaakpɛli, nwɔ ɲąąwooɓo kpəlin hu, ɛlɛɛ, woo laa mąą kɛnɛ̨ɛ̨ kaa pai kɛi di nu hveelɛi di lɔwai.›

Lonon mo 6:26

Yai-Laa ə ɲɛ̨i pili ka mɛ̨i, ə liilaa tɛɛ ka pɔ.›

Maafîu 10:26

«Ka hvo ɲɔw nui lɔpee ta ɓa. Mɛ̨nį yiiɠaai mɛ̨i kpulɔɔ, mɛ̨i kaa pai həɠəi, nu kəlee di gɔlɔn.

Lukə 1:79

Ə gɛ, nuą yiiɠaai di kaa kpinį hu, di ɓo haa nįnįn mu, ə di mąą pono; ə lɛɛ, ə tɔɔ ku tɔwɔ liilaa pələ mɛ̨i.»

Lukə 10:5

«Pɛlɛi lɔpee ka lɔ mu, ka ka woo pili nąą nuą diɛ, kaa mą: ‹Yálá ə liilaa tɛɛ bɛlɛ́i ŋɛ̨i mu nuą pɔ.›

Lukə 12:4

«Gáá moi kaa, kaa ŋɛ̨i a mɛ́laa ni: Nui a nu kɔ́lɔ paa, hva pɛli hɛn da kɛi a níí, ka hvo ɲɔw mą.

Lukə 2:14

«Mąąwiɛ kaa Yálá ɓa yələkɔlɔn mɛ̨i pələ; Nuąi Yálá aa di wɛli la kɛ lɔi mɛ̨i, liilaa aa tɛɛ di pɔ.»

Ɉaan 14:1

Jesus yɛ nwɔ kalan nɛai diɛ: «Ka hvo ka liihɛlɛn, ka laa Yálá la, ka laa ɲą́ą́ gbɛli ná.

Ɉaan 16:33

Gáá mɛ̨nįɠaa tii ɓoi kaa, kaa pɛli liilaa hɔlɔɓoi ɲə́i. Ka káá pai mɔ̨nɔ̨ mįi yɛnɛ̨ɛ̨, kɛlaa, ka ka lii kpələ, ɲéé aa tɛɛ yɛnɛ̨ɛ̨ ɓa.»

Ɉaan 20:19

Voló tɔ̨nɔ̨i tii hu, a nɔwɔ kuu voló tɔlɔɔ yələ, yələ wilii pɔ, galan nɛa di kɛ pɛlɛ́n naakpulɔɔ diɛ. Mąąhɔlɔɓo, di kɛi ɲɔ̨w Ɉuifə nwun nąmįną diɛ. Jesus ə lɔ, ə tɔɔ di lɔwai, yɛ diɛ: «Liilaa ə kɛ ka pɔ.»

Ɉaan 20:21

Jesus ə pənə ə mo diɛ yɛ diɛ: «Liilaa ə kɛ ka pɔ. Bələi Ną́n ə dɔ́ɔ́ la, ŋą́ą́ gbɛli gáá ka tɔɔi ti.»

Ɉaan 20:26

Lɔwɔ tɔ̨nɔ̨ tɛɛ pulu, galan nɛa kəlee ŋąąkpɔn ŋąąi kɛ bɛlɛ́n da Tomasə ni. Bɛlɛ́ɠaa kəlee laakpulɔɔ diɛ, Jesus ə lɔ ə tɔɔ di lɔwai yɛ diɛ: «Liilaa ə kɛ ka pɔ.»

Gɛlaɠaa 10:36

Ə mɛ̨nįɓo Israɛlə lonnii diɛ, yɛ liilaa wəlɛɛ lɛlɛɛ laa həli diɛ, a Jesus Kristə yai a nu kəlee di Ną́mu.

Gɛlaɠaa 18:9

Kwii hɛ̨ą ta, Polə ə hįi kaa, gu Ną́mu yɛ mą: «'Hvó ɲɔw, 'kɛ́ lɔ naa həlii, 'hvó ə́ laa pilɛ,

Lomaŋ 1:7

Kaai ka káá a Yálá wɛlikɛmąą nuąi Romə, a mąąhəɠə nuą Yálá nwɔ təliɓo háálai, káá ɓə gáá ɉɛɓɛ́i ŋɛ̨i tɛɛi kaa, ə gɛ, ka kɛ a nwɔ nuą. Gɛ́ nwun nanɛ̨ɛ̨ da liilaa di kɛ ka pɔ gu Ną́n Yálá da gu Ną́mu Jesus Kristə laa hu.

Lomaŋ 15:13

Gɛ́, Ɲálái gu kilitɔɔi mą, ə ká pilɛ a kwəinɛ̨ɛ̨ da liilaa laa na laa hu, ə gɛ, Kili-Mąąhəɠɛɛ nwɔ hvaŋą ə ká pilɛ kilitɔɔmąąlaa hu.

Lomaŋ 5:1

Laa na laa háálai, gwaa kɛ a tələnmo nuą Yálá ɲɛ̨i ɓa. Liilaa aa kɛ gwa diɛ ni gu lɔwai gu Nąmu Jesus Kristə laa hu.

Lomaŋ 5:10

Akɛ, ɓɛlɔwai gu kɛ la a Yálá ɲowoɠaa Yálá Lon ə haa ə gu lɔwai pɔnnaa kulɔ gwa Yálá ni, yiihui ŋɛ̨i kɛa, gwa Yálá ni gwaa nɛɛ, gu nwun mąą aa ɓo Non ɉaalai.

Lomaŋ 8:6

Nu liiɓa kɛɛ a haa tɛɛ nu pɔ, kɛlaa, Kili-Mąąhəɠɛɛ liiɓa kɛɛ, a yɛnɛ̨ɛ̨ da liilaa tɛɛ nu pɔ.

Korɛntə dɔlɔɔ 1:3

Kuɔ gu Ną́n Yálá da gu Ną́mu Jesus Kristə di mɛ̨inɛ̨ɛ̨ da liilaa tɛɛ ka pɔ.

Galatə 1:3

Gu Ną́n Yálá da gu Nąmu Jesus Kristə di wɔɔ nɛ̨ɛ̨laa da liilaa, ə kɛ ka pɔ;

Galatə 5:22

Kɛlaa, Kili-Mąąhəɠɛɛ yee pɔ mɛ̨nį ɓaa a: Wɛlikɛmąąlaa, kwəinɛ̨ɛ̨, liilaa, liikpələ, túwɔ́ pələ lɛlɛ, kilikɛɲəi mɛ̨nį, laa na laa,

Galatə 6:16

Lúwɔ́ ə kɛ, nuąi di kaa hiɛi gbaaləi tii mɛ̨i, diɛ; ə kɛ lɔ tii, Yálá ŋą nu huwui kəlee ɓa.

Filipə 4:7

Yálá nwɔ liilaa gɛnɛ̨ɛ̨, ɲee tɛɛ, mɛ̨nį kɔ́lɔn mɛ̨nį kəlee ɓa, ə ɲee kɛ ka niiɓa da ka wɔ kiliŋąhiɛɠaa Kristə laa hu.

Kolosə 1:2

kuɔ ɓə ɉɛɓɛ́i ŋɛ̨i tɛɛi Yálá nwɔ nuą diɛ, diɛi di kaa a ku nąn nonnii, di tələnmoɔ Kristə laa hu, diɛ ɓo Kolɔsə daai. Kuɔ gu Ną́n Yálá ə mɛ̨inɛ̨ɛ̨ da liilaa tɛɛ ka pɔ.

Kolosə 1:20

ɛlɛɛ Yaa tii mąą mɛ̨nį ɓa, ə da hɛn gəlee di yee lɔ geei, Yaa tii ɉáálai, ə kɛ a lɔi ɓa pələ, ə kɛ a yələi pələ; ə liilaa hee di mɛ̨i, a ɲąmąi pu kolɔwa ɓa.

Kolosə 3:15

Gɛ́! Kristə nwɔ liilaa yii Yálá ə ka təli mą, əgɛ, ka kɛ a nu tɔ̨nɔ̨, ə ɉeei kaa ka nįį hu, 'ká kɛ a mɛ̨inɛ̨ɛ̨ hu kɔ́lɔn nuą.

Tɛsalonikə veelɛ 1:2

Nąn Yálá da gu Ną́mu Jesus Kristə di mɛ̨inɛ̨ɛ̨ da liilaa tɛɛ ka pɔ.

Tɛsalonikə veelɛ 3:16

Gu Ną́mui a liilaa nąmu, yaa kpinįilee, ə ká kɔ a liilaa, a yələ kəlee, a pələ huwui lɔpee. Gu Nąmu ə kɛ ká kəlee ká pɔ.

Timote veelɛ 1:7

Mąąhɔlɔɓo, ɲɔw kili hvəə Yálá ə gu kɔ la, kɛlaa, ə kɛ a: huwalawala kili, a wɛlikɛmąą kili, a yee pɛli gbɔwɔ ɓa kili.

Hebreu 13:20

Yálá ɓə a liilaa tɛɛ gu pɔ; yai, gu Ną́mu Jesus, mɛlaa-pulumun gɛnɛ̨ɛ̨ nwun ə gulɔ haa yəi, ŋą haláá ɲąmąi haláái, mįnɛ̨ nįnɛ̨ kaa gwa Yálá ni gu lɔwai kpɛɛ hvo mą,

Hebreu 7:2

Melkisedɛkə ɓə Abrahamə ə ɲəi hɛnŋąa kəlee bow nąą tɛɛ bɔ. Naai tii mą, mukulaa ɓaa: «Tələnmo tɔɔmun», yili pulu, yɛ ɓo a Salɛmə tɔɔmun, mukulaa ɓaa: «Liilaa tɔɔmun».

M̀ɛni-lɛɛi 1:4

Ɲą́ą́ Ɉaan, ɲą́ą́ ɓə ɉɛɓɛ́i ŋɛ̨i tɛɛi gbɔn ɉeei mɛ̨ihveelɛi Asi lɔi hu diɛ. Nɛ̨ɛ̨laa da liilaa ə kɛ ká pɔ, yɛ həɠə, nui gaa laa, yai kɛ laa, yai pai, yɛ həɠə, nįį mɛ̨ihveelɛi ŋą tɔɔkpəlin niila, di yəi,

M̀ɛni-lɛɛi 2:10

Mɔ̨nɔ̨i ə́ pai mįi, 'hvó ɲɔw mą. Ə́ ɲɛ̨i hee tai, nąnį kaa pai ká nwɛi taɠaa pilii gaho pɛlɛ́ mu, əgɛ di ká hukɔɔn, ɛlɛɛ, ɲąąhɛn mɛ̨nįi tii, gaa pai kɛi a hvóló pɔw mɛ̨nį. 'Lɛɛ ə́ woo pulu, ə lɛɛ ɉu ə́ haa, akɛtii, ŋą́ yɛnɛ̨ɛ̨ hva kpɛɛ ɓɔlɔ lɔ ə́ nwuɔ̨.

M̀ɛni-lɛɛi 21:8

Yii ɓaa ɲɔw nuą, diɛi di hvo kulɔ di woo ɓa, diɛi a tuwɔ pələ ɲɔ̨n gulɔ nuą, a nu paa nuą, a hiɛnɔwai kɛ nuą, a kaahɛn ɉəɠə nuą, a hali kɔ nuą, ɛlɛɛ, da lɛɛ nuą; di wɛi nąą ɓaa nwɔ̨n máɠa hu; yili ɓə a haa veelɛnąą.»