Ɉaan 14:26 - Yálá laawoo hɛɓɛ (dc)

²⁶ Ka mąąkɔ̨nwɔ̨ mun yai a Kili-Mąąhəɠɛɛ, yai Ną́n gaa pai dɛɛi ka pɔ ɲą́ą́ náá hu, gaa pai ka mąąkwɛlii mɛ̨nįɠaa ti kəlee ɓa, yiiɠaai ŋį́ mo kaa, ə nąą kili too ka ŋą.

Yálá laawoo hɛɓɛ

²⁶ Ka mąąkɔ̨nwɔ̨ mun yai a Nįį-Mąąhəɠɛɛ, yai Ną́n gaa pai dɛɛi ka pɔ ɲą́ą́ náá hu, gaa pai ka mąąkwɛlii mɛ̨nįɠaa ti kəlee ɓa, yiiɠaai ŋį́ mo kaa, ə nąą kili too ka ŋą.

Bible

²⁶ Kɛ́lɛ, Gbɔŋ-ma-nuui, ǹyaa ƃa M̀ɔlêŋ Maa Waai nyii Nâŋ-nuui a pâi dɛɛ̂i ńaâi sui, a pâi sɛŋ kélee lɛ̂i káa é pá a mɛni-ŋai kélee kákili ŋá nyii ŋa m̀ó kâai.

Ɉaan 14:26 ပူးပေါင်းရင်းမြစ်များ

Mąątɛ̨nɛ̨ 51:11

'Ə́ ɲɛ̨́i həɠə nwɔ́ nɛ̨ŋɛ̨nŋąąi diɛ, 'nwɔ́ nɛ̨ŋɛ̨nŋąąi kəlee waa.

Azaya 54:13

Ə́ lonnii kəlee di kaa pai kɛi a Yai-Laa yee pɔ nuą, ə́ lonnii di ɓo liilaa yɛnɛ̨ɛ̨ kɛnɛ̨ɛ̨ hu.

Azaya 63:10

Kɛlaa di wɛi, di kulɔ nwoo mu, di yɛnɛ̨ɛ̨ kpɔlu nwɔ Nįį-Mąąhəɠɛɛi la. Gɛɛ tii yaan, ə pənə ə wolo diɛ, ə kɛ a di yowo, yaa kpinįį, ə kɔ́ pɛlɛ diɛ.

Maafîu 1:18

Bələi di Jesus Kristə hɔlɔɓo la bələ ka. Nee Mari hilɛtai kɛɛ kɛ Ɉosɛfə ɓa, kɛlaa di hvo nii kɛ lɔ li pɛlɛn. Mari ə koo həɠə a Kili-Mąąhəɠɛɛ kɛ mɛ̨nį.

Maafîu 1:20

Yii kɛa giliɲąhiɛi tii ə too mą, Ną́mu nwɔ malaka ta ə mɛ̨nį ɓo mą hįį pələ, yɛ mą: «Ɉosɛfə Davidə lon, hvo ɲɔw Mari həɠəi a ə́ nɛ̨ą. Mąąhɔlɔɓo, gooi tii mąi, Kili-Mąąhəɠɛɛ kɛ mɛ̨nį li.

Maafîu 28:19

'Ka li yɛnɛ̨ɛ̨ nąą kəlee, ka nu kəlee kalan, ka di kɛ a nwɔ́ kalan nɛa. Ka di mąąwaa Ną́n Yálá da Non da Kili-Mąąhəɠɛɛ laa hu.

Maafîu 3:11

Nwɛ́i, gáá ka mąąwaai a yá, ə gɛ, di gaa diɛ, kaa ka yii pələ mąąhvalin. Kɛlaa, nu ta kaa búlú yɛ pa, nwɔ huwalawala kɛnɛ̨i dɛɛ mą́ą́. Gaa pai ka mąąwaai a Kili-Mąąhəɠɛɛ, da nwɔ̨n. Ɲą́ą́ mą́ą́ hvo kpɛli nɛ̨ɛ̨li a nwɔ kɔ́lɔi laa hvoloon mun.

Markə 12:36

Hvo gaai, Davidə kili ŋą ponoi Yálá ə mo, yɛ mą: «‹Yai-Laa ə mo nwɔ́ mɛ̨nį Ną́mu ɓa, yɛ mą: «Pa ə hee mamįiyee hu, ə lɛɛ la ɉu, ŋą ə́ yowoɠaa kəlee too ə́ kɔ́wɔ mu.»›

Markə 13:11

Ɓɛlɔwai di kaa pai lííla a kaa kiti tee pɛlɛ́ɠaa mu, ka hvo ka liihɛlɛn a wooi mąąnɛ̨ɛ̨ ka mo, kɛlaa, nąąlɔwai tii hu woo yii a tɛ ka la ka mo. Mąąhɔlɔɓo, nwooi tii hva həɠə kaa kpinįi ka kwəi, kɛlaa, Kili-Mąąhəɠɛɛ ɓə a dɛ ka la.

Lukə 1:15

Mąąhɔlɔɓo, gaa pai kɛi a nu kɛnɛ̨ Yálá ɲɛ̨i ɓa. Dɛa ɓa pai kɛi a lɔɔ da kpələ hɛnŋąa lɔpee nwəleen gaa ɉu. Yɛ nu nwun ɉu tinɛ̨n, mąąhɔlɔɓo, Kili-Mąąhəɠɛɛ kaa pai kɛi ɲəi ə həɠə gaa yələ ɓa ə lɛɛ la ɉu ɉaa yələ.

Lukə 1:35

Malaka ə nwoo pulu pənə, yɛ mą: «Kili-Mąąhəɠɛɛ kaa pai yɛɛi ə́ mɛ̨i, Hɛn Gəlee mɛ̨imun ə ə́ mɛ̨i kpulu a nwɔ huwalawala nįnįn, yili ɓə gaa mą, non tii kaa pai kɛi a nu mąąhəɠɛɛ, diɛ kɛ naa ɓaa a Yálá Lon.

Lukə 1:41

Ɓɛlɔwai Elisabɛtə ə Mari nwɔ woo pili mąą woo mɛ̨n na, non ə tumo gwəi. Yálá ə Elisabɛtə kili ɲą pono,

Lukə 1:67

Yálá ə nokoloi tii nąn Zakari kili ŋą pono, ə Yálá nwɔ wɛlɛɛ ɓo, yɛ kɛ mą:

Lukə 11:13

Akɛ kaa ŋɛ̨i a túwɔ́ pələ ɲɔ̨n gulɔ nuą, ka pɛli hɛn nɛlɛɛ tɛɛ ka lonnii pɔ, gu hvo mun kɛ, ka Nąn yələkɔlɔn ɉu. A Kili-Mąąhəɠɛɛ tɛɛ nuą da vɛli mą di pɔ.»

Lukə 2:25

Nąąlɔwai hulɔnu ta ə kɛ Ɉerusalɛmə daai, diɛ kɛ naa ɓa Simeɔn. Ɉulɔnui tii ə kɛ a nu yii ɉɔn nɛlɛɛ, ə lɛɛ, yɛ ɲɔ̨w Yálá ɓa, ə kɛi Israɛlə nwun mąąɓomun mąąkpɔn; Kili-Mąąhəɠɛɛ ə kɛ mɛ̨i.

Lukə 24:49

Ɲą́ą́n ŋą lii, yii Nąn ə naakwɛlanmo kaa, ŋą dɛɛ. Kɛlaa, ka lɛɛ ɓɛ daa lee hu, ə lɛɛ la ɉu, ka huwalawala ta hɔlɔɓo yɛ həɠə Yálá pɔ.»

Lukə 3:22

Kili-Mąąhəɠɛɛ ə yɛɛ mɛ̨i yɛ tonwələn. Woo ta ə tɔɔ yɛ həɠə yələkɔlɔn ɉu, yɛ kɛ mą: «Yɛ́ ɓə ə́ kaa a nííɓa Lon ɉulɔnu, yii nwɛli kaa mą́ą́; ŋą́ą́ nííɓa mɛ̨nįɠaa kəlee lɛɛ yɛ́.»

Ɉaan 1:33

Və́ kɛ gɔlɔn, kɛlaa Yálái ŋɛ̨i dɔ́ɔ́ ə gɛ ŋį́ mąąwaa kɛ, ə mo mą́ą́ yɛ mą́ą́: ‹Nui ə́ kaa pai Kili kaai ə yɛɛ mɛ̨i, a kɛ tii mąą nui tii ɓə pai mąąwaa kɛi a Kili-Mąąhəɠɛɛ.›

Ɉaan 12:16

Mɛ̨nįi tii kɔ́wɔ tɔɔi lɔwai, Jesus nwɔ kalan nɛai di hvo kɛi gbaɠala kaa, kɛlaa, Jesus mąąwia pulu, di kili ə pu ɉu, diɛ kɛ: mɛ̨nį kɛ bɛ̨ɛ̨ mąą mɛ̨nį hu, aa gulɔ mą.

Ɉaan 14:16

Ə lɛɛ, ŋą mo Ną́n Yálá ɓa ə ka mąąkɔ̨nwɔ̨ mun dɛɛ, yii ka diɛni ka lɛɛ ka kee ɓa a yələ kəlee.

Ɉaan 14:25

«Ŋą́ nwooɠaa ŋɛ̨i ɓo kaa, ɓɛlɔwai gu kɛ la gu kee ɓa,

Ɉaan 15:26

«Ka mąąkɔ̨nwɔ̨mun a pa kɛa pai, yai gáá pai dɔɔi yɛ həɠə Ną́n bɔ, yai a tɛ̨ą Kili, ya ɓə pai mą́ą́ kɛla hvaa ɓoi.

Ɉaan 16:7

Kɛlaa, ə mą kɛ tii, gáá tɛ̨ą ɓoi kaa, yii viɛlaɓoɔ ka mąą mɛ̨nį ɓa, ya ɓaa: Hvo kɛli ŋį́ li. Yaan, a kɛ ŋą́ wala li, ka mąąkɔ̨nwɔ̨mun hva pɛli pai. Kɛlaa yaamun, ŋą́ li, gáá lii dɔɔi ə pa ka pɔ.

Ɉaan 2:22

Ɓɛlɔwai Jesus ə muhəɠə la ə kulɔ haaɓɛlaa lɔwai, nąąlɔwai ɓə nwɔ kalan nɛai di di kili lɛɛ la nwoo tii hu, di laa Yálá laawoo hɛɓɛ́ da Jesus hvaa woo la.

Ɉaan 20:22

Ə kpɛɛ lɔ a nwooi tii ɓoɔ, ə nɔ̨ɔ̨ pu diɛ, yɛ diɛ: «Ká ká yee hee Kili-Mąąhəɠɛɛ mu.

Ɉaan 6:45

Yálá kwəi mɛ̨nį hukulɔ nuą di bɛ̨ɛ̨ diɛ mą: ‹Yálá ɓə pai di kilaa pono.› Nui pai ną́n nwoo mąn ɉi, ə ɲąą kaa, ə ɲee hee mu, a pa bɔ́.

Ɉaan 7:39

Nuąi da laa Jesus la Yálá nwɔ Kilii da ɉɔlɔɓo, mąą mɛ̨nį ka tii ə kɛi ɉanwon ɉɔɔ diɛ. Gilii ti hvo nii kɛ pa li nąąlɔwai, mąąhɔlɔɓo, Jesus mąąɲįnɛ̨n hvo nii kɛ too li pono ŋą.

Gɛlaɠaa 1:2

ə mą kɛ, ə lɛɛ ɉu ə həli la ɲələi ə tɛ la yələkɔlɔn ɉu mą, yili kəlee ɓə ŋį́ bɛ̨ɛ̨. Gɛɛ hvo kɛ tɛi yələi, Kili-Mąąhəɠɛɛ ŋą huwalawala háálai, nuą ŋɛ̨i ə di həɠə ɉu ə di kɛ a nwɔ kɛlaɠaa, ə di kili ɲą pono, ə di tɔɔ.

Gɛlaɠaa 1:4

Yələ ta, da diɛni di kɛi kɔ̨nɔ̨n mįi gee ɓa, yili pulu, ə di liɛwoo kɛ, yɛ diɛ: «Ká hvo ká mąą kwɛa Ɉerusalɛmə ɓa, kɛlaa, ka lɛɛ laa, ə lɛɛ ɉu, mɛ̨nįi Ną́n ə naa kwəlanmo, yai ŋį́ mąą mɛ̨nį ɓo kaa, ka mąą kpɔn.

Gɛlaɠaa 1:8

Kɛlaa, ka káá pai huwalawala hɔlɔɓoi, ɓɛlɔwai Kili-Mąąhəɠɛɛ a yɛɛ la ka mɛ̨i. Nąąlɔwai, ka kɛ kɛa a nwɔ́ kɛlaɠaa, kaa mą́ą́ mɛ̨nį ɓo: Ɉerusalɛmə, Ɉude lɔi hu nąą kəlee, ə həli la Samari, yɛ li kpɔ la lɔi kpəlai.»

Gɛlaɠaa 11:16

Nwooi gu Ną́mu ə mo, naa kili ə too ɲą́, yai ə kɛ mą: Ɉaan ə nuą mąąwaa yái, ɉu hvo kwɛa li, di kaa pai ká mąąwaai Kili-Mąąhəɠɛɛ hu.

Gɛlaɠaa 13:2

Yələ ta, ɓɛlɔwai di kɛi kwɛli hvilɛn na Yálá ɓa, diɛ hin nɔ, Kili-Mąąhəɠɛɛ ə di kilaa pono yɛ diɛ: «'Ká Barnabasə da Solə di tɛɛ bɔ́, gáá di tɔɔi kólo ta ɓa.»

Gɛlaɠaa 13:4

Yii kɛa Barnabasə da Solə di gaa diɛ Kili-Mąąhəɠɛɛ aa di tɔɔ hiɛ ɓa, də li Seleusi, nąą ɓə di hee laa gələn ɉu, diɛ li Siprə.

Gɛlaɠaa 15:28

Hvo gaai, kwa Kili-Mąąhəɠɛɛ ni, ku woo aa laa mą, kuɔ, ku hvo tíɛ̨ takpɛli laai ká nwuɔ̨, ə kulɔ yiiɠaai gaa a nu kəlee nwuɔ̨ tíɛ̨, diɛ ɓaa:

Gɛlaɠaa 15:8

Yálái a nu lii hu mɛ̨nį kaa, ə tɔɔ di pulu, a Kili-Mąąhəɠɛɛ tɛɛi ə mo di pɔ yɛ bələi ə dɛɛ la gu pɔ.

Gɛlaɠaa 16:6

Polə da Silasə di Frizi lɔi da Galatə lɔi hu hiɛ, mąąhɔlɔɓo, Kili-Mąąhəɠɛɛ aa kɛ kpɛ̨ąn di tɔwɔ Yálá lawoo laa həli mɛ̨nį ɓa Asi lɔi hu.

Gɛlaɠaa 2:33

Ə tɛ ə hee Yálá yee lɛlɛɛ mɛ̨i, Yálá ə nwɔ Kili-Mąąhəɠɛɛ tɛɛ bɔ yɛ bələi ə naakwɛlan mo la, ə gbɛŋąn gu mɛ̨i yɛ pələi ka káá gaai la, ɛlɛɛ, kaa mąą mɛ̨nį mɛ̨n na.

Gɛlaɠaa 2:4

Di kəlee di pilɛ a Kili-Mąąhəɠɛɛ, diɛ hįi woo takpɛli ɓo yɛ bələi Kili ə mąąlaa tɛɛ la di pɔ.

Gɛlaɠaa 20:28

'Ka ká kpɔɔ mɛ̨i kaa, nu kpului ŋɛ̨i Kili-Mąąhəɠɛɛ aa ká hee a mɛ̨i kaa nuą, 'ka ká kili kɛ ɉu, 'ká gbɔn ɲąąkɔn a nɛlɛɛ, yai ə ɲá a gbɔkpɔɔ ɲąmąi.

Gɛlaɠaa 20:35

Mɛ̨nį kəlee hu, yii ŋį́ nɛ kaa ya ɓaa: Mąąnɛ̨ɛ̨ nu kəlee di kólo kɛ, ya ɓə a gɛ gu kpɔnmąą tɛɛ mąąwɛli nuą pɔ. Ka gu gu kili lɛɛ gu Ną́mu Jesus woo hu, yii ə mo yɛ diɛ: ‹Nui kɔ́ɓo kɛi, gwəinɛ̨ɛ̨i ə tɛɛ nui di kaa gɔi mą.›»

Gɛlaɠaa 28:25

Di kɛɛ pai taɠai, di woo hvo ni kɛ laa li mą, ya ɓə Polə ə nwoo kpuɔi ŋɛ̨i ɓo diɛ, yɛ diɛ: «Tɛ̨ą ə kɛ Kili-Mąąhəɠɛɛ pɔ, ɓɛlɔwai ə kɛli mo la ka nąnni diɛ, gwəi mɛ̨nį hukulɔ mun Esai laaləi,

Gɛlaɠaa 5:3

Kɛlaa, Piɛrə ə mo ɉulɔnui ti ɓa, yɛ mą: «Ananiasə, lə ɓə kɛ yai ɓilihi aa lɔ kpɔ ti ə́ lii hu kɛnɛ̨, yɛ́ lɛɛ kɛ Kili-Mąąhəɠɛɛ ɓa? Yɛ́ nɔi hɔ̨nwɔ̨ ta lɛɛ ə́ yee pulu.

Gɛlaɠaa 7:51

«Ká wəlii kpɔlɔ nu huwui ŋɛ̨i, ká kili da ka wəli mąą kuu hvo kɛ li, yələ kəlee, ká tɔɔ lɔ tai-tai kilaa pono Kili-Mąąhəɠɛɛ la, ka káá kpɔlɔ yɛ ka nąnni.

Gɛlaɠaa 7:55

Kɛlaa, Yálá ə kɛ Etiɛnə pɔ, ɲɛ̨i heɛ ɲələi pələ; ə Yálá nwɔ mąąwiɛ laa kaa, Jesus ə ɓo tɔɔni Yálá yee lɛlɛɛ hu pələ,

Lomaŋ 14:17

Mąąhɔlɔɓo, Yálá-taa tɔɔlaa hvo a kɔ̨nɔ̨n da kpələ hɛn, bələi gaa la, bələ ka: gaa a, tələnmolaa, liilaa da kwəinɛ̨ɛ̨i Kili-Mąąhəɠɛɛ a dɛɛ gu pɔ.

Lomaŋ 15:13

Gɛ́, Ɲálái gu kilitɔɔi mą, ə ká pilɛ a kwəinɛ̨ɛ̨ da liilaa laa na laa hu, ə gɛ, Kili-Mąąhəɠɛɛ nwɔ hvaŋą ə ká pilɛ kilitɔɔmąąlaa hu.

Lomaŋ 15:16

Ə gɛ ŋį́ kɛ a Jesus Kristə ŋą tímun, huwu takpɛliɠaa mąą mɛ̨nį ɓa. Daa ɉə́ɠə ɉu, Yálá nwɔ wɛlɛɛ lɛlɛɛi laa həli mɛ̨nį ɓa, ə gɛ, huwu takpɛliɠaa diɛ pɛli kɛi a haláá hɛn Kili-Mąąhəɠɛɛ aa mąą həɠə, yɛ nɛ̨ɛ̨ Yálá ɓa.

Lomaŋ 5:5

Kilitɔɔmąą laa yaan hva nu ɓowo. Gbala ə tɔɔ, Yálá ə nwɔ wɛlikɛmąąlaa yɛɛ gu nįį pɔ Kili-Mąąhəɠɛɛ háálai, yai ə dɛɛ gu pɔ.

Korɛntə dɔlɔɔ 12:3

Yili ɓa, gáá moi káá; nu ta a kɛli pələ ɓo Yálá ŋą Kilii yee kɔnma, hva pɛli kɛi diɛ, «Jesus nɛ̨ŋɛ̨n naai», nu ta yaan hva pɛli kɛi diɛ: «Jesus kaa a Nąmu», akɛ Kili-Mąąhəɠɛɛ hvə dɔɔ li la.

Korɛntə dɔlɔɔ 6:19

A wala kɛ tii, ka hvo gɔlɔn káá: ka káá a Kili-Mąąhəɠɛɛi gaa ká hu, ɉee pɛlɛ́, yai Yálá ə dɛɛ ka pɔ? Ká pɔɔ hvaa a ka kpįnį?

Korɛntə veelɛ 6:6

mąąhəɠəlaa hu, mɛ̨nį kɔlɔnŋąą hu, liikpələ laa hu, lii nɛ̨ɛ̨gwəi hu, a Kili-Mąąhəɠɛɛ, a wɛlikɛmąą laa leelee,

Ifisiɛŋ 1:13

Yaa tii ɉu lɔ ɓə nwɔ̨nɔ̨, ká dɛ̨ą woo mɛ̨n na, yai a nwɛlɛɛ lɛlɛɛi a nu nwun mąąɓo, yaa ɉu lɔ ɓə nwɔ̨nɔ̨, ká laa na laa hɔlɔɓo laa, ɛlɛɛ, yɛ gɔlɔn ɉii kɛ káá, a Gilii ə naakwɛlanmo, yai a Kili-Mąąhəɠɛɛ.

Ifisiɛŋ 1:17

Gu Nąmu Jesus Kristə nwɔ Yálá, Nąn, yai mąąwiɛlaa kəlee kaa a nwɔɔ, ə ká kɔ́ a mɛ̨nį hukpɛ kili, yɛ Yálá mąą mɛ̨nį hu pono ká ɲɛ̨i ɓa, káá pɛli gɔlɔn ɉii la a neelee;

Ifisiɛŋ 4:30

'Ká hvo Kili-Mąąhəɠɛɛ liikələn gwəi, yai Yálá ə gɔlɔn ɉii kɛ la káá, káá ká nwun mąąɓo yələ mąąkpɔn na.

Tɛsalonikə dɔlɔɔ 4:8

Yili ɓa, nui a ɲee kulɔ niɛwoo ŋɛ̨i mui, hvo ɲee kulɔ li nu ta mu, Yálá ɓə aa ɲee kulɔ mu, yai ŋą Kili-Mąąhəɠɛɛ tɛɛ ká pɔi.

Timote veelɛ 1:14

Mɛ̨nįi ə́ ɉɔlɔɓo Yálá yəi, 'ə́ yee kąnąn mą kpąą, Kili-Mąąhəɠɛɛi aa ɉeei kulɔ gu hu, ɉaalai.

Taitɔ 3:5

ə gu nwun mąąɓo; yili hvo kulɔ li gu wɔɔ tələnmolaa ŋą túwɔ́ pələ lɛlɛ hvan ɉu, kɛlaa ə kulɔ Yálá ŋą nɛ̨ɛ̨laa hvan ɉu, ə gu kaa a lon, ə gu mąąwaa a nįnɛ̨, ə gu pu gu nįnɛ̨ kɔlɔi Kili-Mąąhəɠɛɛ yee kɔnma.

Hebreu 10:15

Dɛ̨ą ti ɓə Kili-Mąąhəɠɛɛ a kɛ nwɔ̨nɔ̨ nɛi guɔ. Mąąhɔlɔɓo, yii kɛa ə gbɛa mo, yɛ kɛ:

Hebreu 2:4

Ɛlɛɛ, Yálá kpinįi ə nuą ti di wɔ kɛla woo lɛ a tɛ̨ą, a kwəi pili mąą mɛ̨nįɠaa, da kpalo mɛ̨nį huwu tamąą, ɛlɛɛ, a Kili-Mąąhəɠɛɛ yəi mɛ̨inɛ̨ɛ̨ɠaai ə ɲąąkwɛlɛ diɛ a niiɓa!

Hebreu 3:7

Yili ɓə gaa mą, yɛ pələi Kili-Mąąhəɠɛɛ ə mo la, yɛ mą: «Háákələi, ká Yálá laa woo mɛ̨n,

Hebreu 9:8

Kili-Mąąhəɠɛɛ ə kɛi nɛ tii, yɛ kɛ, bələi a lɔ ɉəɠə pɛlɛ́ mu, hvo ni too li pono ɲą, yii kpɔ dɔlɔɔ tii kaa ni ɓɛ.

Piɛrə dɔlɔɔ 1:12

Di nɛ diɛ, diɛ mą, di wɔɔ hvəli kɛ, kɛlaa ká mąą mɛ̨nį ɓə, di kɛli nwɛlɛɛ tii laa həli la, a yai yiihu kɛa, nwɛlɛɛ lɛlɛɛ laa həli nuą da kɛ ká mąąkwɛlii mą, Kili-Mąąhəɠɛɛ yee kɔnma, yai di dɔɔ yɛ həɠə yələi nwɛlɛɛ lɛlɛɛ tii ɓə, malakaɠaa kaa kɛ bɔ, di di ɲɛ̨i tɔɔ ɉu.

Piɛrə veelɛ 1:21

Mąąhɔlɔɓo, nu lɔpee ta nwɔ kiliŋąhiɛ hva pɛli hvo mɛ̨nį lɛɛ kwɛala hvo mo gbɔwɔ ɓa, kɛlaa, Kili-Mąąhəɠɛɛ ɓə kɛli nuą kilaa pono, diɛ mąą mɛ̨nį ɓo.

Zɔ̂ŋ Maa-ŋuŋ 2:20

Yii ɓaa ká wɛi, daa ká mąątí, Mąąhəɠəmun ɓə ká mąątí, ɛlɛɛ, ká kəlee ká kili kaa tii ɉu.

Zɔ̂ŋ Maa-ŋuŋ 2:27

Ká wɛi, ká mąątíi ŋɛ̨i Ə moi, gaa ká hu, ɛlɛɛ, ə mą kpɛli kɛ, di hvo ká mąąkwɛli yili ɓa; kɛlaa, yɛ bələi nwɔ wulɔi a ká mąąkwɛli la a mɛ̨nį kəlee, ɛlɛɛ, yɛ ɓo a tɛ̨ą, ɛlɛɛ, hva lɛɛ kɛ, yii kani aa ká mąąkwɛlii, 'káán ká kąnąn gani mą.

Zɔ̂ŋ Maa-ŋuŋ 5:7

Di kaa haaɓa diɛ mɛ̨nįi tii mąą kɛla hvaa ɓo,

Zûu 1:20

Kɛlaa, nwɛ́likɛmąą nuą ka wɛi, laa na laa mąąhəɠɛɛ ŋɛ̨i gaa ka yɛi, ka tɔɔ mɛ̨i kpąą. Kaa Yálá hvɛli Kili-Mąąhəɠɛɛ hu.

M̀ɛni-lɛɛi 2:11

«Nui nwəli kaa mą, mɛ̨nįi Kili-Mąąhəɠɛɛ kaa moi gbɔnŋaa diɛ, ə mɛ̨n a nɛlɛɛ. «Nui ɲee a tɛɛ mɛ̨nįɠaa tii kəlee ɓa, haa veelɛ nąą ŋą mɔ̨nɔ̨ hva həli mą.»