Ɉaan 14:23 - Yálá laawoo hɛɓɛ (dc)

²³ Jesus ə nwoo pulu pənə yɛ mą: «Nui a nwɛ́li la kɛ, ə nwóó hon, Ną́n Yálá yaa kpɛli a mąą nu wɛli la kɛ, yili pulu, kwa Ną́n Yálá kwa pa ku hee mąą ni nii hu.

Yálá laawoo hɛɓɛ

²³ Jesus ə nwoo pulu pənə yɛ mą: «Nui a nwɛ́li la kɛ, ə nwóó hon, Ną́n Yálá yaa kpɛli a mąą nu wɛli la kɛ, yili pulu, kwa Ną́n Yálá kwa pa ku hee mąą ni nii hu.

Bible

²³ Zîsɛ e ŋ̀óo su tòo, ǹyɛɛi, “À kɛ̀ núu da à ŋ́wɛ̀li, a pâi ŋ́ooi mɛi kâai. Ńâŋ a pâi ŋ̀wɛ̂lii, gɛ̀ ní kwa pâi pâi bɔ ku kúkɛ̂i kpɛtɛ ǹyêei.

Ɉaan 14:23 ပူးပေါင်းရင်းမြစ်များ

Zɛnɛse 1:26

Yálá yɛ nwɔ̨nɔ̨ diɛ: «Ka gu nu pɛli, ka gu mąą nįnįn ɉu, ə kɛ a gu kulɔmąą, ə tɔɔlaa kɛ gboloyá hu hɔwɔleeɠaa mɛ̨i, yələi nwɛ̨niɠaa da taatɛlɛɛɠaa, ə mą kɛ, lɔwɔ huwɔɠaa da tala huwɔɠaa; ə tɔɔlaa kɛ gəlee mɛ̨i.»

Zɛnɛse 11:7

Yili ɓa, ka gu yɛɛ, ka gu di hvaa woo humo di la, ə gɛ, di hvo di kee hvaa woo ŋąą kaa.»

Mąątɛ̨nɛ̨ 90:1

Yálá nwɔ nu Moisə nwɔ hvɛli woo. Nwɔ́ mɛ̨nį Nąmu Yálá, kwɛlan-nwoo kwɛlan, Yɛ́ lɔ ɓə a ku mąąkilɛi.

Mąątɛ̨nɛ̨ 91:1

Ɓɛi Hɛn Gəlee Mɛ̨imun Yálá a noo laa, nui a hee laa, mąą nu a yíi Huwalawala Kəlee Nąmu hvaŋą mu.

Azaya 57:15

Mąąhɔlɔɓo, nui kpɔ gaa yələi kwɛala, mɛ̨nįi gaa moi ya ka, yai gaa laa a yələ kəlee, ɛlɛɛ naa kaa a mąąhəɠɛɛ. Gáá yələi kwɛaala, mą́ą́həɠɛɛ, ŋą́ ɓo lɔ nwɔ̨nɔ̨ a nui daa hee mɛ̨i, dɔɔ bulu, yai a kɛ giliɲąhiɛi, yɛ kɛ daa mɛlɛ kpɛɛ mą, nuąi yiiɠaai di kaa di nwumɛ̨i, gɛ́ di hvąŋąlɔ, nuąi daa di lii yali di kwəi, gɛ́ di nįįlɔ.

Ɉaan 10:30

Kwa ną́n Yálá ku kaa tɔ̨nɔ̨.»

Ɉaan 14:15

«Akɛ ka nwɛ́li la kɛ, ka nwɔ liɛwooɠaa hon,

Ɉaan 14:17

Yálá nwɔ Kilii tii ɓə gaa a tɛ̨ą kili, yai yɛnɛ̨ɛ̨ nuą di hva di yee hee mu. Mąąhɔlɔɓo, di hva gaa, ɛlɛɛ, di hvo gɔlɔn. Kɛlaa, ka wɛi, ka gɔlɔn, mąąhɔlɔɓo, gaa ka pɔ, yɛ ɓo ka nįį hu.

Ɉaan 14:21

«Nui a nwɔ́ liɛwooɠaa hon, ə bɔ mɛ̨nį kɛ, mąą nu tii ɓə nwɛ́li kaa mąą, yaan, nui a nwɛ́li la kɛ Ną́n Yálá a nwɛ́li la kɛ, ɲą́ą́ gbɛli ŋą mąą nu wɛli la kɛ ŋį́ gbɔ́ɔ́ lɛ mą ponoŋą.»

Ɉaan 14:24

Nui hva nwɛ́li la kɛ hva nwóó hon. Yaan, nwooɠaa ŋɛ̨i gaa kulɔi ná kaa mɛ̨n, hvo həɠəi ɲą́ą́ bɔ, gaa həɠəi Ną́n Yálá pɔ yii ə dɔ́ɔ́.

Ɉaan 15:10

Akɛ ka nwɔ́ liɛwooɠaai pɔ mɛ̨nį kɛi, ka ka pai lɛɛi nwɔ́ wɛlikɛmąąlaa hu.

Ɉaan 16:27

ka wɛli kaa Ną́n ma, mąąhɔlɔɓo nwɛ́li kaa kaa, ɛlɛɛ, kaa laa na kaa: ŋą həɠə Yálá pɔ.

Ɉaan 6:56

Nui a ɉúwɔ mįi, ə gbələ a ŋą́mą, ŋą kɛ mąą nu hu, ɛlɛɛ, yaan yɛ ɓo ɉú.

Ɉaan 8:51

Gáá tɛ̨ą ɓoi kaa, nui a nwóó hon, hva haa.»

Ɉaan 8:52

Ɉuifəɠaa diɛ mą: «Kwaa gɔlɔn kuɔ diɛ: ɲį́nɛ̨n gaa ə́ pulu. Abrahamə aa haa, Yálá kwəi mɛ̨nį hukulɔ nuą diɛ kpɛli daa haa; yili ɓə ya kɛ diɛ: ‹Nui a nwóó hon hva haa kɔ́lɔn a yələ ta!›

Korɛntə veelɛ 6:16

Bɛlɛ gee ɓa lə kɛɛ ɓə a pɛli kɛi Yálá hee pɛlɛ́ da haliɠaa di lɔwai? Gbala ə tɔɔ, guɔ ɓə gu kaa a Yálá hvulúmąą hee pɛlɛ́; yɛ pələi Yálá ə mo la, yɛ kɛ diɛ: «Gáá pai heei di lɔwai, gɛ́ hiɛ laa, Ŋį́ ɓo a di wɔ Yálá, diɛn, di ɓo a nwɔ́ nu huwu.»

Ifisiɛŋ 3:17

Ə gɛ Kristə ə ɉeei kaa ká nįį pɔ, laa na laa hu, ká hamu ə kɛ a vilɛnŋąa, dɔɔ a nwalawala wɛlikɛmąąlaa mɛ̨i.

Zɔ̂ŋ Maa-ŋuŋ 2:24

Ká wɛi, nwɛlɛɛi ká mɛ̨n a gɔwɔ tɔɔ yələ ə ɉeei kulɔ ká hu. Akɛ, ɉeei kulɔ ká hui, nwɛlɛɛ ŋɛ̨i ká mɛ̨n a gɔwɔ tɔɔ yələ, káá kpɛlimąn, ká káá pai, ká heei hɔlɔɓoi Non da Nąn di hu;

Zɔ̂ŋ Maa-ŋuŋ 2:5

Kɛlaa nui a ɲee kąnąn Yálá woo ɓa, a tɛ̨ą, Yálá nwɔ wɛlikɛmąąlaa laa aa kulɔ mąą nu hu, yili hu ɓə gwa gbaɠala kɔlɔn na guɔ, gwa Yálá ni gu kaa ɉu tanɔ̨n.

Zɔ̂ŋ Maa-ŋuŋ 4:4

Ká wɛi, nónnii pɛlɛɛɠaa, ká káá a Yálá nwɛiɠaa, káá yeetɛɛmąą laa kɛ nɛɛ-nuą tii mɛ̨i, mąąhɔlɔɓo, nui gaa ká lɔwai, gɛnɛ̨i dɛɛ yii gaa yɛnɛ̨ɛ̨ hu mą.

Zɔ̂ŋ Maa-ŋuŋ 5:3

Mąąhɔlɓo, bələi Yálá ŋą wɛlikɛmąąlaa kaa la, bələ ka: Ya ɓaa, gwa gu yee kąnąn nwɔ tíɓoɠaai diɛ. Ɛlɛɛ yaan, ŋą tíɓoɠa tii di hvo a tíɛ̨ wia,

Zɔ̂ŋ Veerɛi 1:6

ɛlɛɛ, wɛlikɛmąą ɓaa: Gu hiɛ yɛ bələi nwɔ tíɓoɠaa kaa la. Díɓoi tii ɓə ká mąą mɛ̨nį mɛ̨n, a gɔwɔ tɔɔ yələ, əgɛ, ká hiɛ gbaaləi tii hu.

M̀ɛni-lɛɛi 21:22

Kɛlaa, və́ Yálá hee pɛlɛ́ kaa daai tii hu, mąąhɔlɔɓo, Hééɓolaa Kəlee Nąmu Yálá, ɛlɛɛ, da Mɛlaa Lon, diɛ ɓə kɛ a bɛlɛ́.

M̀ɛni-lɛɛi 21:3

Ɛlɛɛ, ŋą́ woo kɛnɛ̨ ta mɛ̨n yɛ həɠə dɔɔkpəlin ɉu, yɛ kɛ mą: «Yálá heei ka, da nu kanŋaa! Da diɛni di kaa pai heei kɛɛnąą tanɔ̨n. Di kaa pai kɛi a nwɔ nu huwu, ɛlɛɛ, yaa kpinįi ə ɓo a di wɔɔ Yálá, yɛ ɓo di pɔ.

M̀ɛni-lɛɛi 22:3

Nɛ̨ŋɛ̨nnaa hva kɛa kɛ laa, Yálá da mɛlaa Lon di wɔ tɔɔkpəlin, gaa pai kɛi daa-lee hąąi, ɛlɛɛ, ŋą tínuąi di kaa pai kɛi gwɛli hvilɛn ɉii mą,