Ɉaan 14:2 - Yálá laawoo hɛɓɛ (dc)

² Nu heei tamąą kaa Ną́n Yálá pɔɔli. A wala kɛ tii, ŋą li kɛ kaa: gáá lii ŋį́ kɛɛnąą ta pɛli ka laa ɓa.

Yálá laawoo hɛɓɛ

² Nu heei tamąą kaa Ną́n Yálá pɔɔli. A wala kɛ tii, ŋą li kɛ kaa: gáá lii ŋį́ kɛɛnąą ta pɛli ka laa ɓa.

Bible

² Núu-kɛi támaa káa Ńâŋ ŋɔpɛ́rɛi mu; eêi wàla kɛ́ ti, ŋâi pɔ̂ri m̀ôi kâa a gɛɛ ŋa liî kwaa maa kpɛtɛ̂i kámɛni ma?

Ɉaan 14:2 ပူးပေါင်းရင်းမြစ်များ

Lukə 14:22

«Nąą ta wolo əgɛ lɔ, góló kɛmun ə pənə ə pa, yɛ nąmu ɓa: ‹Mɛ̨nįi ə́ mo, ŋą́ą́ gɛ, kɛlaa, heei aa nwɔ̨nɔ̨ lɛɛ.›

Ɉaan 13:33

Nónni, və́ kɛa pai lamui ka pɔ, ka káá pai kɛi gwɛ́li; kɛlaa, yɛ pələi ŋą́ mo la Ɉuifəɠaa diɛ gɛ́ diɛ: ‹Ɓɛi gáá lii laa ka hva pɛli lii laa›, bələ lɔ ɓə nwɔ̨nɔ̨ gáá moi la kaa.

Ɉaan 13:36

Simɔn Piɛrə yɛ Jesus ɓa: «Ną́mu, mįnɛ̨ ɓə ə kaa lii laa?» Jesus ə nwoo pulu pənə yɛ mą: «Ɓɛi gáá lii laa, hva pɛli hvilɛn ɉi búlú yiihu, kɛlaa, nɔwai ŋɛ̨i a tɛɛ, ə́ kaa pai hvilɛn ɉi búlú.»

Ɉaan 14:28

Ka nwóó mɛ̨n! Ŋą́ kɛ kaa: ‹Gáá lii, ŋą pənə ŋį́ pa ka pɔ.› Akɛ nwɛ́li kaa kaa, ka ka kwəinɛ̨ɛ̨, mąąhɔlɔɓo, gáá lii Ną́n Yálá pɔ. Ə lɛɛ, Ną́n Yálá kɛnɛ̨i dɛɛ mą́ą́.

Ɉaan 16:4

Gáá yiliɠaa ɓoi tii kaa, ə gɛ, nąąlɔwai a həlii, kaa ka kiliŋąhiɛ nwóóɠaa diɛ. «Və́ ni kɛ yili ɓo li kaa a gɔwɔ tɔɔ yələ, mąąhɔlɔɓo, ŋį́ kɛ ni ka pɔ.»

Ɉaan 17:24

«Ną́n, gáá bɔ ɓɛi ŋą kɛ laa, nuą ŋɛ̨i yáá di tɛɛ bɔ, diɛ kpɛli di kɛ laa, ə gɛ, mąąwiɛ yii yáá dɛɛ bɔ, di gaa. Mąąhɔlɔɓo, ə́ gbɛa nwɛ́li la kɛ gɛɛ yɛnɛ̨ɛ̨ kɔ́wɔ hvo tɔɔ.

Gɛlaɠaa 9:16

Mɔ̨nɔ̨i gaa pai mįi náá mą́ą́ mɛ̨nį hu, ɲą́ą́ gbínįlee gáá pai yili kəlee lɛi mą.»

Korɛntə veelɛ 5:1

Mąąhɔlɔɓo, ku kili kaa ɉu kuɔ, bɛlɛ́i ŋɛ̨i ku kaa mu ɓɛ yɛnɛ̨ɛ̨, gaa lɔ a ɓuwu, a pa kalai, pɛlɛ́ kpɔ-kpɔɔ kaa ku yəi, yai Yálá kpinįi ə dɔɔ, yələkɔlɔn ɉu pɛlɛ́ li, nu yee hvə dɔɔ li;

Tɛsalonikə dɔlɔɔ 5:9

Mąąhɔlɔɓo, Yálá hvo ŋą lííholi hee li gu tɔwɔ, kɛlaa gu ɓalo mɛ̨nį hɔlɔɓo gu Nąmu Jesus Kristə háálai;

Taitɔ 1:2

kilitɔɔmąą laa hu, a ɓálo hva kpɛɛ, yai, Yálái hva lɛɛ kɛ, ə gbɛa naakwɛlanmo gɛɛ hvo yɛnɛ̨ɛ̨ pɛli;

Hebreu 11:10

Mąąhɔlɔɓo, taai dɔɔ mun, da ɲɛlɛkɛmun gaa a Yálá kpinįi, ya ɓə Abrahamə ə kɛli mąąkpɔn.

Hebreu 13:14

Mąąhɔlɔɓo, ɓɛ lɔi mɛ̨i, taa ta hvo ɓɛ a gu hee taa, kɛlaa gu hee taai laa, ya ɓə gu kaa lii bɔ pələ.

Hebreu 6:20

Nąą ɓə Jesus ə lɔ laa gu tɔwɔ, gu mąą mɛ̨nį ɓa. Yai gaa a ɉaláá laa həli mun gɛnɛ̨mun a yələ kəlee, yɛ Mɛlkisedɛkə.

Hebreu 9:8

Kili-Mąąhəɠɛɛ ə kɛi nɛ tii, yɛ kɛ, bələi a lɔ ɉəɠə pɛlɛ́ mu, hvo ni too li pono ɲą, yii kpɔ dɔlɔɔ tii kaa ni ɓɛ.

M̀ɛni-lɛɛi 1:5

ɛlɛɛ, yɛ həɠə Jesus Kristə yəi, yai a kɛlai a kulɔ nwoo ɓa, yai a nu dɔlɔɔi nwun yɛ kulɔ haa nuą lɔwai, ɛlɛɛ, lɔi mɛ̨i hééɓolaa kəlee di wɔɔ Hééɓomun. A nui gu wɛli kaa mą, yai gu kulɔ gu wɔ nɛ̨ŋɛ̨nŋaa yəi a ɲąmą,

M̀ɛni-lɛɛi 21:2

Ɛlɛɛ, ŋą́ daa mąąhəɠɛɛ kaa, yai a Ɉerusalɛmə nįnɛ̨, yɛ həɠə Yálá kwɛlɛ, yələkɔlɔn ɉu, yɛ nɛ̨ɛ̨gbɛlai aa gbɔwɔ pɛli a nɛlɛɛ ɉilɛ mąą mɛ̨nį ɓa.

M̀ɛni-lɛɛi 3:12

«Nui ɲee a tɛɛ mɛ̨nįɠaa tii ɓa, ŋą́ gɛ a pɛlɛ́-lɔnwɔ̨ nwɔ́ Yálái ŋą pɛlɛ́i mu, hva kɛa kulɔ laa kpɔ hvąą-hvąą, ɛlɛɛ, ŋą́ nwɔ́ Yálái laa pɛ̨ɛ̨ mą, ɛlɛɛ da nwɔ́ Yálá ŋą taalee, yai a Ɉerusalɛmə nįnɛ̨, yai həɠəi yələi, yɛ həɠə nwɔ́ Yálái kwɛlɛ, ɛlɛɛ da Náá nįnɛ̨.

M̀ɛni-lɛɛi 3:21

«Nui ɲee a tɛɛ mɛ̨nįɠaa tii ɓa, kwa yaa kwa hee tɔɔkpəlin danɔ̨n ɉu, yɛ bələi ɲą́ą́ kpɛlimąn ɲéé ə tɛɛ la mɛ̨nįɠaa tii diɛ, ɛlɛɛ, ŋį́ li, ŋį́ hee Ną́n Yálá kwɛlɛ nwɔ tɔɔkpəlin hu.