Ɉaan 14:13 - Yálá laawoo hɛɓɛ (dc)

¹³ Yii lɔpee ka vɛli Yálá ɓa ɲą́ą́ náá hu, ŋą dɛɛ ka pɔ, ə gɛ, ną́n mąą ə wiɛ non Ɉaalai.

Yálá laawoo hɛɓɛ

¹³ Yii lɔpee ka vɛli Yálá ɓa ɲą́ą́ náá hu, ŋą dɛɛ ka pɔ, ə gɛ, ną́n mąą ə wiɛ non Ɉaalai.

Bible

¹³ Nyii kélee ka m̀are-kɛ̂ɛ kɛ̀ ńaai sui, ŋa pâi gɛ̂i a gɛɛ Nàŋ-nuui ŋɔfólo-laai ma é tɛ́ Nòŋ-nuui kponôi.

Ɉaan 14:13 ပူးပေါင်းရင်းမြစ်များ

Maafîu 21:22

Akɛ ka laa Yálá la, yii lɔpee ka vɛli mą a dɛɛ ka pɔ.»

Maafîu 7:7

«Ka vɛli, da dɛɛ ka pɔ. Ka gwɛli, ka ɉɔlɔɓo. Ka gbon gɛlɛ, da naaɓo ka tɔwɔ.

Markə 11:24

Yili ɓə gaa mą, gáá moi kaa, ɓɛlɔwai ka káá hɛn da hvɛli la Yálá ɓa, ka laa na kaa diɛ, kaa ɉɔlɔɓo; mąą hɛn tii a tɛɛ ka pɔ.

Lukə 11:9

Gáá moi kaa gɛ́: ka vɛli, da dɛɛ ka pɔ. Ka gwɛli, ka ɉɔlɔɓo, ka bɛlɛ́ laaləi mąą kɛlɛ, da naaɓo ka tɔwɔ.

Ɉaan 10:30

Kwa ną́n Yálá ku kaa tɔ̨nɔ̨.»

Ɉaan 12:44

Nąąlɔwai, Jesus ə kɛi mo kpɔ a nwoo kɛnɛ̨ yɛ kɛ diɛ: «Nui a laa ná, ɲą́ą́ lɔ hvəə ə laa ná, a kɛ tii nui dɔ́ɔ́ ya ka tii aa laa na.

Ɉaan 13:31

Yii kɛa Ɉudasə ə kulɔ, Jesus yɛ diɛ: «Yiihu, Nu Lon aa mąąwiɛ hɔlɔɓo, ɛlɛɛ, Yálá mąą aa wiɛ yaa mąą mɛ̨nį hu.

Ɉaan 14:14

Akɛ ka da hvɛli mą́ą́, ɲą́ą́ náá hu, ŋą dɛɛ ka pɔ.

Ɉaan 14:6

Jesus yɛ mą: «Ɲą́ą́ ɓə gáá a bələ gɛ́ ɓo a tɛ̨ą, gɛ́ ɓo a yɛnɛ̨ɛ̨ kpɛɛ hvo mą. Nu ta hva pɛli lii Ną́n Yálá pɔɔli akɛ hvo tɛɛ li ɲą́ą́ bɔ pələ.

Ɉaan 15:16

Kaa hvəə ɉə́ɠə́ ɉu, ɲą́ą́ ɓə ka həɠə ɉu, ŋį́ ka kɛ a nwɔ́ tínuą, ə gɛ, ka ɓai, ə lɛɛ ka yəi; ya ɓə a gɛ, yii lɔpee ka vɛli Ną́n mą náá hu, ə dɛɛ ka pɔ.

Ɉaan 15:7

Ka kanąn mą́ą́, nwóóɠaa kili ə lɛɛ ka ŋą, yii lɔpee ka mąąkpaan gaa mą, ka vɛli ka ɉɔlɔɓo.

Ɉaan 16:23

«Mąą yələi tii, ka hvo kɛa pai mą́ą́nin kɛ mɛ̨nį lɔpee ta ɓa. A tɛ̨ą kpɔ-kpɔ gáá moi kaa, ka hɛn da hvɛli Ną́n ma náá hu, a dɛɛ ka pɔ.

Ɉaan 16:26

Ɲələi tii a həli, kaa kpinįi ka káá pai kɛi Ną́n vɛlii. Və́ kɛi kaa: gáá pai Ną́n vɛlii ka mąą mɛ̨nį ɓa,

Ɉaan 16:7

Kɛlaa, ə mą kɛ tii, gáá tɛ̨ą ɓoi kaa, yii viɛlaɓoɔ ka mąą mɛ̨nį ɓa, ya ɓaa: Hvo kɛli ŋį́ li. Yaan, a kɛ ŋą́ wala li, ka mąąkɔ̨nwɔ̨mun hva pɛli pai. Kɛlaa yaamun, ŋą́ li, gáá lii dɔɔi ə pa ka pɔ.

Ɉaan 4:10

Jesus ə nwoo pulu pənə yɛ mą: «Akɛ kɛ ə́ Yálá nwɔ mɛ̨inɛ̨ɛ̨ kɔ́lɔn, ə lɛɛ, nui ŋɛ̨i kɛi yɛ́: ‹Gɔ́ a ya ŋį́ gbələ› yɛ́ ɓo a gɔlɔn ŋąąi, yáá mun mə kɛ, mąąnɛ̨ɛ̨ kɛ ə́ vɛli, ŋą ə́ kɔ́ kɛ a yɛnɛ̨ɛ̨ kpɛɛ hvo mą ya.»

Ɉaan 4:14

Kɛlaa, nui ŋą gɔ́ a ya, a gbələ, kpələ wɛli hva kɛa ɉon. Kɛlaa yaamun, ɲái tii a kɛ mąą nu yəi a yɛnɛ̨ɛ̨ kpɛɛ hvo mą ya ton, yii hva kpala.»

Ɉaan 5:19

Kɛlaa Jesus ə pənə ə mo diɛ yɛ diɛ: «A tɛ̨ą, tɛ̨ą kpɔkpɔɔ, gaa moi kaa: Lon va pɛli mɛ̨nį lɔpee ta kɛi bɔɔ ɓa, yii hvo nąn gaa li yɛ gɛ; mąąhɔlɔɓo, yii lɔpee Nąn a gɛ, Non yaa kpɛli mąn a ɲɔ̨nwɔ̨mąn gɛ lɔ.

Ɉaan 7:37

Ɉɛli hvóló kpəli, ɓə kɛ a volói tii ɓə kɛ mąą mɛ̨nį nwąnąą; Jesus ə haŋą ə tɔɔ nu kpului tii kəlee ɲɛ̨i ɓa, yɛ diɛ: «Nui kpələ wɛli kaa mą, ə pa bɔ́ ə gbələ.

Korɛntə dɔlɔɔ 14:13

Yili ɓa, nui bələ ɓoi hį́iwooɠaa hu, mąąnɛ̨ɛ̨ ə Yálá hvɛli, ə gɛ, ə pɛli nwooɠaa tii laa tɛɛi a yɛlɛ.

Ifisiɛŋ 2:18

Ɛlɛɛ, Kristə háálai ɓə, guɔ mąn, diɛi tii mąn, gwa pɛli lɛɠɛi la gu Nąn Yálá ɓa, Kili-Mąąhəɠɛɛ tanɔ̨n ti hu.

Ifisiɛŋ 3:12

Laa na laa háálai, Kristə hu, lɛɛgbɔwɔ ɓa laa kaa ká gu yəi guɔ pɛli lɛɠɛi la Yálá ɓa kilitɔɔmąą laa hu.

Ifisiɛŋ 3:14

Yili mąą mɛ̨nį ɓə gɛi, ŋą́ kɛ pui la nwúngbə la Ną́n Yálá ɲɛ̨i ɓa,

Filipə 4:13

Kristə háálai, ŋą́ pɛli ŋį́ nííkpələ mɛ̨nįɠaai ti kəlee hu.

Kolosə 3:17

Mɛ̨nįi lɔpee ká pɛli moi, awala kɛ tii, káá gɛ, 'ká gəlee kɛ gu Ną́mu Jesus laa hu, káá gu Nąn Yálá mąmąɓo la, ɉaalai.

Hebreu 13:15

Yili ɓa, Jesus pɔ pələ, 'ká gu mąąwiɛ haláá kulɔ Yálá ɓa a yələ kəlee, mukulaa ɓaa: 'Ká gu kɛ lɔ Naa tɛi.

Hebreu 4:15

Ɉaláá laa həli mun gɛnɛ̨mun gaa ka gu yəi, vįi hvo kpɛɛ li. A pɛli kpɔnmąą tɛɛi gu pɔ, gu wɔɔ hvįikpɛɛ laa hu. Yaa tii, ɲąąhɛn mɛ̨nį huwu kəlee ə həli mą, yɛ guɔ, kɛlaa, hvo nɛ̨ŋɛ̨n ɉəɠə da hu.

Hebreu 7:25

Ɛlɛɛ, nuąi da di mąąlɛɠɛ Yálá ɓa, yaa ɉáálai, a pɛli mą ə di nwun mąąɓo, gbala ə tɔɔ, yaa tii gaa lɔ laa a yələ kəlee, yɛ di mąą mɛ̨nį laa həli a nɛlɛɛ kɔlɔi.

Zĩi 1:5

Akɛ, ká ta a hvɛɠɛ a mɛ̨nį kɔlɔn gilii, ə vɛli Yálá ɓa, nwɛi, a dɛɛ nu kəlee pɔ a gwəinɛ̨ɛ̨, hva haŋąn mą, a tɛɛ mąą nu pɔ.

Zĩi 5:16

'Ká hvaa ka wɔ nɛ̨ŋɛ̨nŋaa ɓa ká kee ɲɛ̨i ɓa, 'ká Yálá hvɛli ká kee ɓa, ə gɛ, ká kɔ́lɔi ə pono. Tələnmomun ŋą hvɛli woo kaa a ɲɔ̨n ɉali walawala.

Piɛrə dɔlɔɔ 2:5

Káá kpɛlimąn, yɛ kwɛnį hvulúmąąɠaa, 'ká lɔ kani bɛlɛ́ tɔɔ mɛ̨nį hu, yai a Kili hee pɛlɛ́, əgɛ, ká kɛ a haláá laa həli kpɔn mąąhəɠɛɛ, káá Yálá mąąwiɛ haláá laa həli, a háálai Yálá a ɲee hee mu, Jesus Kristə háálai.

Zɔ̂ŋ Maa-ŋuŋ 3:22

ɛlɛɛ, hɛn kpɔ gwa vɛli mą, gwa ɉɔlɔɓo ɲəi mąąhɔlɔɓo, gwa nwɔ tíɓoɠaai pɔ yíiɓo, ɛlɛɛ, yii nwɛli kaa mą, guɔ gɛ.

Zɔ̂ŋ Maa-ŋuŋ 5:14

Gilitɔɔmąą laai gaa gu yəi, niila ya ka, ya ɓaa: Gwa hɛn da hvɛli mą yaa kpinįi niiɓa hu, a nwəli tɔɔ gu woo ɓa.