Ɉaan 14:10 - Yálá laawoo hɛɓɛ (dc)

¹⁰ Hvo laa li ná yɛ diɛ kwa Ną́n ku kaa tɔ̨nɔ̨n? Nwooɠaa ŋɛ̨i ŋį́ kɛ moi kaa, ɲą́ą́ gbinįi váá woo hvəli. Kɛlaa, kwa Ną́n Yálá ku yee lɔɔi gee hu, yɛ nwɔ kólói kɛ ɲą́ą́ ɲéé hu.

Yálá laawoo hɛɓɛ

¹⁰ Hvo laa li ná yɛ diɛ kwa Ną́n ku kaa tɔ̨nɔ̨n? Nwooɠaa ŋɛ̨i ŋį́ kɛ moi kaa, ɲą́ą́ gbinįi váá woo hvəli. Kɛlaa, kwa Ną́n Yálá ku yee lɔɔi gee hu, yɛ nwɔ kólói kɛ ɲą́ą́ ɲéé hu.

Bible

¹⁰ Ífe laa ni la a gɛɛ ŋ́gaa Nàŋ-nuui kponôi, ǹyaŋ gɛ ƃo ŋ́gbonôi? Ŋ̀óo-ŋai ŋa mò kâai, fa mo a ŋ́gbɔɔi-wala-wala; kɛ́lɛ, Nâŋ-nuui gáa ŋ́gbonôi, ǹyaa ƃa díi-ŋai kɛ̀.

Ɉaan 14:10 ပူးပေါင်းရင်းမြစ်များ

Ɉaan 10:30

Kwa ną́n Yálá ku kaa tɔ̨nɔ̨.»

Ɉaan 10:38

Kɛlaa, akɛ ŋą́ą́ kɛi mɛ̨nįɠaa tii kɛ, ka wala laa ná, ka laa gɛ́ mɛ̨nįɠaa tii la, kaa diɛ kwa ná Yálá ku kaa tɔ̨nɔ̨.»

Ɉaan 11:26

Nui nwɔ̨nɔ̨ gaa a vulu, a laa ná nwun na hva pili. Ə laai yili la?»

Ɉaan 12:49

Və́ gbɔ́wɔ́ mąą mɛ̨nį ɓoi, kɛlaa, Ną́n dɔ́ɔ́, nwooi ə bu ná, ya ɓə gáá naa həlii, gɛ́ mo kaa.

Ɉaan 14:11

Ŋą́ kɛ kaa, kwa Ną́n Yálá ku kaa tɔ̨nɔ̨. Ka wala laa yili la, ka pɛli ka laa túwɔ́ pələɠaai gaa gɛi na.

Ɉaan 14:20

Volói tii a pa ɉəli, ka káá pai gɔlɔn ɉi kaa diɛ: kwa Yálá ku kaa tɔ̨nɔ̨, ə lɛɛ, gwa kaa ni gu ɓo tɔ̨nɔ̨.

Ɉaan 14:24

Nui hva nwɛ́li la kɛ hva nwóó hon. Yaan, nwooɠaa ŋɛ̨i gaa kulɔi ná kaa mɛ̨n, hvo həɠəi ɲą́ą́ bɔ, gaa həɠəi Ną́n Yálá pɔ yii ə dɔ́ɔ́.

Ɉaan 17:8

Mąąhɔlɔɓo, nwooɠaai Ə́ dɔ́ɔ́ la, ŋį́ mo diɛ, di di yee hee mu daa laa na diɛ ŋį́ həɠə ə́ pɔ. Yili pulu, daa gɔlɔn diɛ yɛ́ ɓə dɔ́ɔ́.

Ɉaan 3:2

Ə pa a kpinį Jesus pɔ, yɛ mą: «Mąąkwɛli kɛmun, ku gɔlɔn kuɔ Yálá ɓə ə́ kɛ a mąąkwɛli kɛmun, mąąhɔlɔɓo, mɛ̨nįɠaai ŋɛ̨i ə́ kaa gɛi, nu hva pɛli hvo gɛ, akɛ.»

Ɉaan 5:17

Jesus yɛ diɛ: «Bələi lɔ Ną́n vaŋąlɔɔ la kólo ɓa, bələ lɔ ɓə váŋąlɔɔi la.»

Ɉaan 5:19

Kɛlaa Jesus ə pənə ə mo diɛ yɛ diɛ: «A tɛ̨ą, tɛ̨ą kpɔkpɔɔ, gaa moi kaa: Lon va pɛli mɛ̨nį lɔpee ta kɛi bɔɔ ɓa, yii hvo nąn gaa li yɛ gɛ; mąąhɔlɔɓo, yii lɔpee Nąn a gɛ, Non yaa kpɛli mąn a ɲɔ̨nwɔ̨mąn gɛ lɔ.

Ɉaan 7:16

Jesus ə di woo pulu pənə yɛ diɛ: «Galan ŋɛ̨i gáá gɛi, hvə həɠəi li ɲą́ą́ ɲei; kɛlaa ə həɠə nui dɔ́ɔ́ ɲei.

Ɉaan 8:28

Jesus, yɛ diɛ: «Ɓɛlɔwai ka káá pai Nu Lon tɛi la yələi, nąąlɔwai ɓə ka káá pai gɔlɔn ɉii la, kaa kɛ diɛ: Ɲą́ą́ ɓə gáá a Yaai Gaa Lɔ Laa. Ka káá pai gɔlɔn ɉii kaa diɛ: Və́ mɛ̨nį ta lɔpee kɛi gbɔ́wɔ́ ɓa, ɛlɛɛ, yii Ną́n ə mąąkwɛli mą, ya ɓə ŋą́ mo.

Ɉaan 8:38

Yii ŋą́ mɛ̨n Ną́n na, ya ɓə gáá moi kaa, Yii kaa kpɛli ka mɛ̨n ka nąn na, ya ɓə ka káá gɛi.»

Ɉaan 8:40

Kɛlaa, pələi mąn ŋą́ą́ tɛ̨ą ɓo la kaa, yii ŋą́ mɛ̨n Yálá la; ka hvilɛn ŋąąi lɔ búlú kaa ka báá. Abrahamə hvo kɛ túwɔ́ li tii.

Gɛlaɠaa 10:38

Jesus ti həɠə Nazarɛtə, bələi Yálá ə ɉəɠə la ɉu ə maati a Kili-Mąąhəɠɛɛ da huwalawalalaa, ə tɛɛ kɛɛ nąą kəlee ɓa, yɛ mɛ̨inɛ̨ɛ̨ kɛ, nuąi kpɔ kɛ nąnį yee kɔnma yɛ di ɓalo, mąąhɔlɔɓo, Yálá ə kɛ bɔ.

Korɛntə veelɛ 5:19

Mąąhɔlɔɓo, ə kɛ a pələ lɔpee gəlee, Yálá ɓə, yaa kpinįi da nu kanŋaa di lɔwai ponnaa kulɔ a Kristə; hvo nu kanŋaa di wɔ nɛ̨ŋɛ̨nŋaa kwələ kulɔ diɛ; ɛlɛɛ, ə bonnaa kulɔ woo tii lɔ gu la.

Kolosə 1:19

Hvo gaai, Yálá ə naa gwəi, ə ɉuɓo ɉu,

Kolosə 2:9

Mąąhɔlɔɓo, Kristə kpinį hu ɓə Yálá ə ɉuɓo laa.

Zɔ̂ŋ Maa-ŋuŋ 5:7

Di kaa haaɓa diɛ mɛ̨nįi tii mąą kɛla hvaa ɓo,