Ɉaan 13:19 - Yálá laawoo hɛɓɛ (dc)

¹⁹ Yiihu, gáá mɛ̨nįɠaa tii ɓoi kaa, ə gɛ, ɲələ a ɉəli, əgɛ, ka gɔlɔn kaa: ‹Ɲą́ą́ ɓə gáá a Yaai Gaa Lɔ Laa.›

Yálá laawoo hɛɓɛ

¹⁹ Yiihu, gáá mɛ̨nįɠaa tii ɓoi kaa, ə gɛ, ɲələ a ɉəli, əgɛ, ka gɔlɔn kaa: ‹Ɲą́ą́ ɓə gáá a Yaai Gaa Lɔ Laa.›

Bible

¹⁹ Ŋa nyiŋi ƃôi kâa nâa, é lɛ́ɛ pâi kɛ̂i, a gɛɛ tãi à kɛ̀ lai, ká láa la a gɛɛ ńyãa ƃa ǹyaa.

Ɉaan 13:19 ပူးပေါင်းရင်းမြစ်များ

Azaya 41:23

Mɛ̨nįɠaai pai kɛi, ka yili noloɓoi, akɛ ti, kwa gbaɠala kaa kuɔ diɛ ka káá a yáláɠaa. 'Ka mɛ̨nį lɛlɛɛ ta kɛ, a wala kɛti mɛ̨nį ɲąąnwąnąą, a kɛ tii kɛa, ka gu kəlee gu hee gu nąą kaa.

Azaya 43:10

Nwɛ́i, nwɔ́ kɛlaɠaa ɓaa kaa, Yai-Laa woo li; kaai a nwɔ́ tínuą, kaai ŋį́ ka həɠə ɉu kaa pɛli mɛ̨nį kɔ́lɔn ɉii, kaa gbaɠala kaa, kaa kɛ ɲą́ą́ li, ɛlɛɛ, yálá takpɛli hvo ta kɛli laa ɲą́ą́ dɔ́wɔ́, ɛlɛɛ nwɔ̨nɔ̨, da hvo pai kɛi búlu.

Azaya 48:5

ya ɓə gɛ, gɛ́ mɛ̨nįɠaai tii lɛɛ kwɛala, gɛ́ di ɓo yɛ́, ŋį́ di mąą mɛ̨nį hukulɔ yɛ́, di hvo teɠa kɛ pai həlii, hvo pa nee kɛ diɛ: «Nwɔ́ halii ka ŋɛ̨i mɛ̨nį kɛi, nwɔ́ hali mąą nįnįn ɓə mɛ̨nįi ŋɛ̨i ɓo.»

Malasi 3:1

Yai-Laa Mɛ̨nį Kəlee ŋą Hééɓomun kaa kɛi káá: Gáá nwɔ́ wɛlɛɛ ɓomu dɔɔi dɔ́wɔ́, ə pələ laa ɓo. Yálái ŋɛ̨i ka káá gwɛlii, gaa pai ɉee pɛlɛ́ mu, ɉu hvo kwɛa li. Nwɛlɛɛ ɓomu ŋɛ̨i ka káá mąąkpɔn ɉi, gaa pai nwɔ́ mįnɛ̨i laa həlii kaa. Gaa bələ ɓa, yɛ pa.

Maafîu 11:3

Diɛ kɛ mą: «Akɛti, nui kwa kɛ mąą mɛ̨nį mɛ̨n ɉii diɛ kɛ: Gaa pai, ya ɓaa a yɛ́? A wala kɛ tii, mąąnɛ̨ɛ̨ ku da kpɛli mąą kpɔn?»

Maafîu 24:25

Ka ka wəli tɔɔ a nəlɛɛ, ŋą́ą́ mɛ̨nįɠaai ŋɛ̨i ɓo kaa nąąlɔwai tɔwɔ.

Lukə 21:13

Yili ɓə a lɔwai tɛɛ ka pɔ, əgɛ, ka mą́ą́ kɛla hvaa ɓo.

Ɉaan 1:15

Nwoo tii ɓə Ɉaan Baptistə ə kɛi mąą kɛla hvaa ɓo yɛ tómą la, yɛ kɛ mą: «Nui ŋɛ̨i ɓə ŋį́ kɛi mąą mɛ̨nį ɓo gɛ́ kɛ diɛ: ‹Gaa búlú yɛ pa, kɛlaa, bɔlɔ-pɔlɔɔi dɛɛ mą́ą́. Mąąhɔlɔɓo, ə wɔlɔ kɛ laa gɛɛ di hvo ɉɔ́lɔ́ɓo.›»

Ɉaan 14:29

Ŋą́ą́ mɛ̨nįɠaa tii kəlee lɛɛ tɔwɔ ŋą́ą́ mo kaa, ə gɛ, ɲələ a ɉəli, ka laa ná.

Ɉaan 16:4

Gáá yiliɠaa ɓoi tii kaa, ə gɛ, nąąlɔwai a həlii, kaa ka kiliŋąhiɛ nwóóɠaa diɛ. «Və́ ni kɛ yili ɓo li kaa a gɔwɔ tɔɔ yələ, mąąhɔlɔɓo, ŋį́ kɛ ni ka pɔ.»

Ɉaan 4:26

Jesus ə nwoo pulu pənə yɛ mą: «Ɲą́ą́ ŋɛ̨i mɛ̨nį ɓoi yɛ́, ŋą́ą́ ɓə.»

Ɉaan 8:28

Jesus, yɛ diɛ: «Ɓɛlɔwai ka káá pai Nu Lon tɛi la yələi, nąąlɔwai ɓə ka káá pai gɔlɔn ɉii la, kaa kɛ diɛ: Ɲą́ą́ ɓə gáá a Yaai Gaa Lɔ Laa. Ka káá pai gɔlɔn ɉii kaa diɛ: Və́ mɛ̨nį ta lɔpee kɛi gbɔ́wɔ́ ɓa, ɛlɛɛ, yii Ną́n ə mąąkwɛli mą, ya ɓə ŋą́ mo.

Ɉaan 8:58

Jesus yɛ diɛ: «A tɛ̨ą kpɔ-kpɔ gáá moi kaa, gɛɛ Abrahamə hvo kɛ hɔlɔɓo a lon, ɲą́ gbɛa kɛ laa.»