Ɉaan 12:49 - Yálá laawoo hɛɓɛ (dc)

⁴⁹ Və́ gbɔ́wɔ́ mąą mɛ̨nį ɓoi, kɛlaa, Ną́n dɔ́ɔ́, nwooi ə bu ná, ya ɓə gáá naa həlii, gɛ́ mo kaa.

Yálá laawoo hɛɓɛ

⁴⁹ Və́ gbɔ́wɔ́ mąą mɛ̨nį ɓoi, kɛlaa, Ną́n dɔ́ɔ́, nwooi ə bu ná, ya ɓə gáá naa həlii, gɛ́ mo kaa.

Bible

⁴⁹ Kpɛ́ni fêi, fe niî mɛni da ƃo ni ŋ́gbɔɔi-yee ma; Nàŋ-nuui nyii ńdɛɛ̂i, ǹyaa kpîŋ ƃe a mɛnii ƃó mâ nyii ŋa mò ŋ́gɛ lono mai.

Ɉaan 12:49 ပူးပေါင်းရင်းမြစ်များ

Ɉaan 14:10

Hvo laa li ná yɛ diɛ kwa Ną́n ku kaa tɔ̨nɔ̨n? Nwooɠaa ŋɛ̨i ŋį́ kɛ moi kaa, ɲą́ą́ gbinįi váá woo hvəli. Kɛlaa, kwa Ną́n Yálá ku yee lɔɔi gee hu, yɛ nwɔ kólói kɛ ɲą́ą́ ɲéé hu.

Ɉaan 14:24

Nui hva nwɛ́li la kɛ hva nwóó hon. Yaan, nwooɠaa ŋɛ̨i gaa kulɔi ná kaa mɛ̨n, hvo həɠəi ɲą́ą́ bɔ, gaa həɠəi Ną́n Yálá pɔ yii ə dɔ́ɔ́.

Ɉaan 14:31

Kɛlaa, gaa pai, ə gɛ, yɛnɛ̨ɛ̨ nuą di gɔlɔn diɛ Ną́n Yálá wɛli kaa mą́ą́, ə lɛɛ, yii lɔpee aa mo mą́ą́, ya ɓə ŋį́ gɛ. Ka həɠə gwə li.»

Ɉaan 15:15

Va kɛa ka təli a luwɔɠaa, mąąhɔlɔɓo, luwɔ hvo nąmu nwɔ kiliŋąhiɛ kɔ́lɔn, gáá pai kɛa ka laa heei a mɛ́laa, mąąhɔlɔɓo, mɛ̨nįɠaai ŋį́ həɠə la Ną́n pɔ, ŋą́ą́ gəlee lɛ kaa.

Ɉaan 17:8

Mąąhɔlɔɓo, nwooɠaai Ə́ dɔ́ɔ́ la, ŋį́ mo diɛ, di di yee hee mu daa laa na diɛ ŋį́ həɠə ə́ pɔ. Yili pulu, daa gɔlɔn diɛ yɛ́ ɓə dɔ́ɔ́.

Ɉaan 3:11

Gáá moi ya a tɛ̨ą, yii ku gbaɠala kɔ́lɔn, ya ɓə kwa mąą mɛ̨nį ɓo, mɛ̨nį yii ku gaa, ya ɓə kwa mąą kɛla hvaa ɓo. Kɛlaa, mɛ̨nį kwa mo kaa, ka hva ka yee hee mu.

Ɉaan 3:32

Yii ə gaa da yii ə mɛ̨n ya ɓə a mo, kɛlaa, nuą di hva di yee hee nwɔ kɛla hvaa mu.

Ɉaan 5:19

Kɛlaa Jesus ə pənə ə mo diɛ yɛ diɛ: «A tɛ̨ą, tɛ̨ą kpɔkpɔɔ, gaa moi kaa: Lon va pɛli mɛ̨nį lɔpee ta kɛi bɔɔ ɓa, yii hvo nąn gaa li yɛ gɛ; mąąhɔlɔɓo, yii lɔpee Nąn a gɛ, Non yaa kpɛli mąn a ɲɔ̨nwɔ̨mąn gɛ lɔ.

Ɉaan 5:30

Vá pɛli mɛ̨nį ta kɛi gbɔ́ɔ́ ɓa, yii ŋį́ mąn Ną́n na, ya ɓə ŋą kiti tee la, ɛlɛɛ, nwɔ́ kiti haŋąąi. Mąąhɔlɔɓo, vá nííɓa kwɛli, kɛlaa nui dɔ́ɔ́ nííɓa ɓə ŋą gwɛli.

Ɉaan 6:68

Simɔn Piɛrə ə nwoo pulu pənə yɛ mą: «Ną́mu, gbɛɛ takpɛli ɓə kwa pɛli lii bɔ? Mąąhɔlɔɓo, nwooɠaai gaa ə́ la, da yɛnɛ̨ɛ̨ kpɛɛ hvo mą tɛɛ nu pɔ.

Ɉaan 7:16

Jesus ə di woo pulu pənə yɛ diɛ: «Galan ŋɛ̨i gáá gɛi, hvə həɠəi li ɲą́ą́ ɲei; kɛlaa ə həɠə nui dɔ́ɔ́ ɲei.

Ɉaan 8:26

Yii vilɛn ŋąąi kaa, mɛ̨nį tamąą kaa laa, gɛ́ pɛli moi, ə ɓo a ka kiti tee mɛ̨nį. Mąąhɔlɔɓo, nui dɔ́ɔ́ gaa a tɛ̨ą. Yii ŋą́ mɛ̨n yaa tii na, ya ɓə ŋą́ naa həli yɛnɛ̨ɛ̨ nuą diɛ.»

Ɉaan 8:28

Jesus, yɛ diɛ: «Ɓɛlɔwai ka káá pai Nu Lon tɛi la yələi, nąąlɔwai ɓə ka káá pai gɔlɔn ɉii la, kaa kɛ diɛ: Ɲą́ą́ ɓə gáá a Yaai Gaa Lɔ Laa. Ka káá pai gɔlɔn ɉii kaa diɛ: Və́ mɛ̨nį ta lɔpee kɛi gbɔ́wɔ́ ɓa, ɛlɛɛ, yii Ną́n ə mąąkwɛli mą, ya ɓə ŋą́ mo.

Ɉaan 8:42

Jesus yɛ diɛ: «Akɛ ka nąn ɓaa a Yálái, ka li nwɛ́li la kɛ. Mąąhɔlɔɓo, ŋą́ həɠə Yálá pɔ, naa hu ɓə gáá la ɓɛ. Və́ kɛ pa li gbɔ́wɔ́ ɓa, kɛlaa, yaa tii ɓə dɔ́ɔ́.

Dutɛrɔnome 18:18

Gáá pai gwə́i mɛ̨nį hukulɔ mun da kulɔi di kaayɔwɔɠaa lɔwai, ə kɛ yɛ bələi ə́ kaa la. Gáá pai nwóóɠaa pui na, ɛlɛɛ, yii lɔpee ŋą́ dí la, yɛ mo diɛ.

M̀ɛni-lɛɛi 1:1

Mɛ̨nį loɔɠaai Jesus Kristə ə nɛ a kwɛlɛɛ gɛɛ, yai Yálá ə dɛɛ bɔ, yɛ nɛ nwɔ tínuą diɛ, a mɛ̨nįɠaai pai kɛi, ɉu hvo kwɛa li. Ə nwɔ malaka tɔɔ yɛ pa nɛi ŋą tímun Ɉaan ɓa,