Ɉaan 12:34 - Yálá laawoo hɛɓɛ (dc)

³⁴ Nuą tii kəlee di nwoo pulu pənə diɛ mą: «Ku mɛ̨n dɔ́n ɉɛɓɛ́ hu, diɛ kɛ: Nwun mąąɓomun Yálá ə naakwɛlanmo haa hvo mą. Gɛ pələ kaa ləi yaai, ə́ kaa kɛi diɛ: di kaa pai Nu Lon dɛi yələi? Akɛti, gbɛɛ ɓə a Nu Lon tii?»

Yálá laawoo hɛɓɛ

³⁴ Nuą tii kəlee di nwoo pulu pənə diɛ mą: «Ku mɛ̨n dɔ́n ɉɛɓɛ́ hu, diɛ kɛ: Nwun mąąɓomun Yálá ə naakwɛlanmo haa hvo mą. Gɛ pələ kaa ləi yaai, ə́ kaa kɛi diɛ: di kaa pai Nu Lon dɛi yələi? Akɛti, gbɛɛ ɓə a Nu Lon tii?»

Bible

³⁴ Gbɔŋ e ŋ̀óo su tòo, dîyɛɛi, “Kwa mɛni dɔ̂ŋ su a gɛɛ Kôrai a pâi lɛɛ̂i ɣele ma wɔlɔ-wɔlɔ da wɔlɔ-wɔlɔ. Ya pɔ̂ri môi leŋ a gɛɛ fɛ̂ɛ dí núu-kpune Ǹóŋ tɛ́ ɣelêi? Gbɛ̂ɛ ƃe gáa a núu-kpune Ǹóŋ ŋi?”

Ɉaan 12:34 ပူးပေါင်းရင်းမြစ်များ

Samia Veerɛi 7:13

Ə́ lon tii ɓə pai pɛlɛ tɔɔi mą́ą́, ɲą́ą́n, ŋį́ nwɔ heeɓolaa kɔ́wɔ hvilɛn gbɔ tin-tin a yələ kəlee mɛ̨nį.

Mąątɛ̨nɛ̨ 110:4

Yai-Laa aa gwɛla, hvo pai gələn ma, yɛ mą: «Ə́ kaa a haláá laa həli mun a yələ kəlee mɛ̨nį, yɛ bələi Mɛlkisedɛkə kaa la.»

Mąątɛ̨nɛ̨ 72:7

Nwɔ tɔɔlaa lɔwai, Tələnmolon ə kɛ ɲąąnɛ̨ɛ̨ hu, yii kpɔ ɲąnin gaa ni hvələi, nwun na nɛ̨ɛ̨ ə kɛ nɔi!

Azaya 53:8

Di ɉon a wea, di giti tee a hvulu nuąi da diɛni di di muhəɠə gee pɔ, di nɛlɛ ɓə mąą liihɛlɛn ɉee? A tɛ̨ą, di gulɔ yɛnɛ̨ɛ̨ nuą lɔwai, nwɔ nuąi di wɔ kwɛli tee laa ɓə gɛ kɛlɛɓo yɛ həli mą.

Azaya 9:7

Yálá ə haŋąi Ɉakɔbə nu huwu ɓa, nwoo aa həli Israɛlə nuą diɛ.

Danîa 2:44

Dɔɔɓɛlaaɠaai tii di wɔ lɔwai hu, Yálá kaa pai tɔɔ ta heei yii hva taɠa, ə lɛɛ, dɔɔlaai tii hva tɛɛ hįi takpɛli pɔ. Dɔɔlaai tii ɓə pai dɔɔlaagaai tii kəlee ŋąą yɛɛi, yaa kpinįi leelei tii, a lɛɛ kɛa laa a yələ kəlee.

Danîa 7:14

Di yeetɛɛmąą kɛnɛ̨ laa, da tɔɔlaa tɛɛ bɔ. Híín lɔpee gəlee, hįi wooi lɔpee gəlee ɓo nuą, di kɛ a nwɔ kóló kɛ nuą. Nwɔ heeɓo laa ə kɛ a yii kpɛɛ hvo mą, yii hva tɛɛ, nwɔ tɔɔlaai kala hvo mą a yələ kəlee da nwɔɔ.

Danîa 7:27

Tɔɔlaa, heeɓolaa, kɛnɛ̨ laa, da tɔɔlaaɠaai kpɔ di kaa lɔi mɛ̨i, di kaa pai gəlee tɛɛi Yálá Yii Gaa Hɛn Gəlee Nwun Mɛi nwɔ nuą pɔ. Dɔɔlaai tii kaa pai kɛi a tɔɔlaa yii kpɛɛ hvo mą. Huwalawala hɛnŋaa kəlee kaa pai kɛi nwoo mu.»

Mise 4:7

Yiiɠaai da too di kɔ́wɔ mɛ̨i, diɛ ɓə ŋą́ di lɛɠɛ di kee ɓa, ŋą́ di kɛ a nu huwu kpəli, yiiɠaai kwɛa la, ŋą́ di kɛ a nu huwu huwalawala, Yai-Laa yɛ tɔɔlaa kɛ di mɛ̨i Siɔn yee nwuɔ̨, ə həɠə yiihu ɓa ə lɛɛ la ɉu wɔ.

Maafîu 16:13

Jesus da nwɔ kalan nɛai də li Sesare Filipə taa. Jesus di mąąni kɛ yɛ diɛ: «Ɲą́ą́ ŋɛ́i a Nu Lon, nuą da kɛ kɛi lə mą́ą́ mɛ̨nį hu?»

Maafîu 21:10

Ɓɛlɔwai Jesus ə lɔ la Ɉerusalɛmə, daa kɛ pələ wiɛ-wiɛ, daai nuą kəlee di kɛi kɛ diɛ: «Nu lə kɛɛ ɓəi?»

Maafîu 8:20

Jesus ə mo mą yɛ mą: «Kɛlɛnŋąa lɔ wolo kaa di yəi, ə mą kɛ nwɛ̨nįɠaa taa kaa di yəi. Kɛlaa, kɛɛnąą ta hvo kpɛli Nu Lon yəi ɓɛi a vįitɔɔ laa.»

Ɉaan 10:34

Jesus ə di woo pulu pənə yɛ diɛ: «Akɛti, nwoo ŋɛ̨i hvo pɛ̨ɛ̨ li ka wɔ tɔ́n ɉɛɓɛ́i hu, yɛ kɛ diɛ: ‹Ka kaa a alaɠaa?›

Ɉaan 12:32

Yii ɓaa a nwɛ́i, da pa dɛ́ yələi, gáá pai nu kpulu kəlee yalai bɔ́ pələ.»

Ɉaan 15:25

Kɛlaa, yili ə kɛ tii, ə gɛ, mɛ̨nįi bɛ̨ɛ̨ di wɔ tɔ́n ɉɛɓɛ́i hu naa ə hon, yaai da kɛ mą: ‹Daa nwɛ́li kpɛɛ diɛ, nwun və mą.›

Ɉaan 8:28

Jesus, yɛ diɛ: «Ɓɛlɔwai ka káá pai Nu Lon tɛi la yələi, nąąlɔwai ɓə ka káá pai gɔlɔn ɉii la, kaa kɛ diɛ: Ɲą́ą́ ɓə gáá a Yaai Gaa Lɔ Laa. Ka káá pai gɔlɔn ɉii kaa diɛ: Və́ mɛ̨nį ta lɔpee kɛi gbɔ́wɔ́ ɓa, ɛlɛɛ, yii Ną́n ə mąąkwɛli mą, ya ɓə ŋą́ mo.

Lomaŋ 3:19

Yaan gu gɔlɔn guɔ diɛ, nuąi di kaa tɔ́n mu, diɛ ɓə tɔ́n a mɛ̨nį ɓo diɛ, ə gɛ, hvaa hvo kulɔ nui lɔpee ta la, ɛlɛɛ, Yálá nwɔ kiti ə kɛ nu kəlee mɛ̨i yɛnɛ̨ɛ̨ nąą kəlee.

Lomaŋ 5:18

Yili ɓa, bələi lɔ Adamə yaa tɔ̨nɔ̨ gbən ɉɔn ə nu kəlee nwun na pili la, bələ lɔ ɓə, Jesus Kristə nwɔ tələnmo túwɔ́, aa nu kəlee ɓalo Yálá nwɔ kitii ɓa, ɛlɛɛ, yɛ ɓalo hva kpɛɛ tɛɛ di pɔ.

Hebreu 7:24

Kɛlaa, Jesus nwɛi tii, yɛ bələi haa hvo la mą, gaa a ɉaláá laa həli mun a yələ kəlee mɛ̨nį, nu ta hva mąąhvalin.