Ɉaan 12:27 - Yálá laawoo hɛɓɛ (dc)

²⁷ «Yiihu, lii kələn gwəi aa hvə mą́ą́, ŋą́ kɛ kpɔ lə; Ną́n! Ŋą́ pɛli kɛi yɛ́ gulɔ ɉu? Yaan, mɛ̨nįi ŋą́ paa la, nąąlɔwai aa həli.

Yálá laawoo hɛɓɛ

²⁷ «Yiihu, lii kələn gwəi aa hvə mą́ą́, ŋą́ kɛ kpɔ lə; Ną́n! Ŋą́ pɛli kɛi yɛ́ gulɔ ɉu? Yaan, mɛ̨nįi ŋą́ paa la, nąąlɔwai aa həli.

Bible

²⁷ “Ńii káa kɔ̂i ŋámɔ̂leŋ su. Le ƃe ŋa pâi m̀ôi? ‘Ńâŋ, ŋ́gula tãi ŋi su’? Kpao, mɛnii ŋi ƃe ŋá bá-kɛ̀ tãi ŋi su.

Ɉaan 12:27 ပူးပေါင်းရင်းမြစ်များ

Mąątɛ̨nɛ̨ 6:3

Yai-Laa, 'mą́ą́wɛli kaa, ŋą́ą́ kpɔlɔɔn, Yai-Laa, málo, ɉúwɔ kəlee kaa lɔ kpɛlinɉii mą́ą́ ɉɔ̨ɔ̨!

Mąątɛ̨nɛ̨ 88:3

Ə́ hvɛlii gáá moi, nwóó ə həli Yɛ́, 'ə́ wəli tɔɔ kpɔ a nɛlɛɛ, ə́ nwóólaa woo mɛ̨n.

Azaya 38:15

Ŋą́ pɛli kpɔ kɛi lə, yɛ́ pɛli nwoo mu hon ɉi, mąąhɔlɔɓo, ya kpinįi ɓə mɛ̨nį kɛi? Gáá pai nwɔ́ kwɛlan gəlee kɛi, a niikələn gwəi ŋɛ̨i aa hee mą́ą́i.

Azaya 53:3

Mɛlɛkpɛɛ kɛ mą, nuą daa di ɲɛgilɛn dɔɔ mą, ə ɓo a mɔ̨nɔ̨ laa looo, laa nɔ̨nwɔ̨ hvilɛn ŋąą bulu, ə ɓo a nui da di ɲɛ̨i loo dɔwɔ, a tɛ̨ą, ə kɛ ku ɲɛ̨i ɓa a nui mɛlɛkpɛɛ mą.

Maafîu 11:25

Nąąlɔwai, Jesus ə nwooɠaa ŋɛ̨i ɓo, yɛ diɛ: «Oo Ną́n Yálá, gáá ə́ hɛɠɛɛɓoi kpɔ kɛnɛ̨, yɛ́i ə́ kaa a yələkɔlɔn da lɔi di Nąmu. Gáá ə́ hɛɠɛɛɓoi, mąąhɔlɔɓo, yaa mɛ̨nį ŋɛ̨i loo kilimąą nuą diɛ da mɛ̨nį kɔ́lɔn nuą, yaa nɛ lɛapɛlɛɛɠaa diɛ.

Maafîu 11:26

Oowei, Ną́n, gáá ə́ mąątɛ̨nɛ̨i yili hu, mąąhɔlɔɓo, yili ɓə kɛ a ə́ liiɓa.

Maafîu 26:42

Jesus ə pənə ə li a veelɛnąą, yɛ Yálá hvɛli yɛ kɛ mą: «Ną́n, akɛ mɔ̨nɔ̨ ŋɛ̨i hva pɛli hvólói mą́ą́, hvo kɛli lɔ a həli mą́ą́, bələi ə́ kaa la bɔ, ə kɛ tii a ɲą́ą́.»

Maafîu 26:45

Ə pənə ə pa nwɔ̨nɔ̨ nwɔ kalan nɛai pɔ, ə di kaa diɛ yii, yɛ diɛ: «Yii ɓə ŋɛ̨i nii ka káá moi kaa ka hviitɔɔi? 'Ka ka ɲɛ̨i hee tai, Nu Lon ɉon ɉii lɔwai aa ɉəli, ə gɛ, di dɛɛ nɛ̨ŋɛ̨n ɉəɠə nuą pɔ.

Lukə 22:44

Ə kɛ yɛ nu a kɛ ɉaa kɔ́wɔ ŋą, yɛ Yálá hvɛli kpɔ a mɔlɔɔ. Hvɛnɛ̨ yɛ kulɔ mą yɛ ŋąmą, yɛ hvilɛn nɔi ɓa.

Lukə 22:53

Ɓɛlɔwai ŋį́ kɛ la ka lɔwai a yələ kəlee, Yálá hee pɛlɛ́ mu, ka hvo kɛi tunwon mą́ą́. Kɛlaa, ka wɛi nąą lɔwai aa həli, ka kpinį nwɔ yeetɛɛmąą laa.

Ɉaan 11:41

Nuą di gwɛni həɠə gámą la. Jesus ə ɲɛ̨i tɛ ɲələi yɛ mą: «Ną́n Yálá gáá ə́ hɛɠɛ ɓoi, mąąhɔlɔɓo, ya nwóó mɛ̨n.

Ɉaan 12:23

Jesus ə di woo pulu pənə yɛ diɛ: «Nu Lon mąąwiɛi lɔwai aa həli.

Ɉaan 13:21

Jesus kpɛɛ kɛa a nwooɠaa tii ɓoɔ, nii ə kələn gbɔ gwəi kɛnɛ̨, yɛ diɛ: «A tɛ̨ą kpɔ-kpɔ gáá moi kaa, ka tɔ̨nɔ̨ kaa pai nɔ́wɔ́ tɔɔi.»

Ɉaan 18:37

Pilatə ə mo mą yɛ mą: «Akɛti, tɔɔmun mąą yɛ́?» Jesus ə nwoo pulu pənə yɛ mą: «Yɛ́ lɔ ɓə mo: gáá a tɔɔmun. Ŋą́ pa lɔi mɛ̨i di gáá a lon, ə gɛ, ŋą tɛ̨ą mąą kɛla hvaa ɓo. Nui lɔpee gaa tɛ̨ą pələ mɛ̨i, a nwəli tɔɔ nwóó ɓa.»

Timote dɔlɔɔ 1:15

Nwoo ŋɛ̨i kaa a tɛ̨ą woo, mąąnɛ̨ɛ̨ nu kəlee ə ɲee hee mu, ya ɓaa: Jesus Kristə ə pa lɔi mɛ̨i, nɛ̨ŋɛ̨n ɉəɠə nuą nwun mąąɓo mɛ̨nį ɓa, yai ɲą́ą́ ŋɛ̨i, gáá a dɔlɔɔ.

Hebreu 2:14

Yili ɓa tii kani, yɛ bələi, lɛapɛlɛɛ di ɲąmą da di kɔlɔ kaa la tanɔ̨n, bələi lɔ ɓə, Yaa kpɛlimąn, da diɛni di kpɔnŋąąi la mɛ̨nį tanɔ̨n ma; ə gɛ, nui ŋɛ̨i haa ŋą hvaŋą kaa ɲəi, yai a nąnį, ə ɉukala, a haai ə mo yaa kpinįi.

Hebreu 5:7

Jesus tii ɓə, gɛɛ ɓɛ lɔi mɛ̨i, ə kɛli Yálá hvɛli, yɛ mąąnɛ̨ɛ̨ ɲɛ̨iyá hu, yɛ tomą, nui a pɛli gulɔi haa yəi, bɔ pələ; ɛlɛɛ, nwɔ hvɛliwoo laa ə hon a nwɔ lɛɛ nwoo mu laa.