Ɉaan 11:53 - Yálá laawoo hɛɓɛ (dc)

⁵³ Ə həɠə ɲələ ɓa di mo diɛ diɛ: Ka gu Jesus paa.

Yálá laawoo hɛɓɛ

⁵³ Ə həɠə ɲələ ɓa di mo diɛ diɛ: Ka gu Jesus paa.

Bible

⁵³ É síɣe maa-foloi ti ma dí lì koyâŋ su a gɛɛ da pɔ̂ri gɛ́i leŋ dí bàa.

Ɉaan 11:53 ပူးပေါင်းရင်းမြစ်များ

Zɛnɛse 37:18

Yiliɠaa di gaa kwɛala, yɛ pa. Gɛɛ hvo həli diɛ, di lɔ mąą kilii, ə gɛ, di baa.

Nehemi 13:21

Ŋą́ mo diɛ, gɛ́ diɛ: «Lə mɛ̨nį ɓa ka káá ɉį́i pulu pələ kaa yii laa? Ka pənə ka da kɛ, ŋį́ ka hon.» Ə həɠə volói tii ɓa, di hvo kɛa kɛi pa a túwɔ́ lɔwɔ yələ.

Nehemi 4:16

Nąąlɔwai ɓə ŋį́ kɛ nwɔ̨nɔ̨ la nuą diɛ: Nu kəlee da wɔ koló kɛ mun, mąąnɛ̨ɛ̨ di yii Ɉerusalɛmə daa kwɛlɛ kpinįi, nuą diɛ daa mąąkpɛ, yələ a ɓo, nu kəlee ə li goló ɓa.

Mąątɛ̨nɛ̨ 113:2

Mąąwiɛ ə kɛ Yai-Laa laa ɓa, ə həɠə yiihu ɓa ə lɛɛ ɉu wɔ.

Mąątɛ̨nɛ̨ 2:2

Yɛnɛ̨ɛ̨ tɔɔɓɛlaa daa di muhəɠə a kɔ́, lɔi ɲɛ̨itɔwɔ nuą diɛ nwun dɔɔ ɲɔ̨nwɔ̨ɔ̨ kɛ, a Yai-Laa da nui ə dɔɔwulɔ hiɛ mą, di laa.

Mąątɛ̨nɛ̨ 31:13

Da lɛ̨ą mą́ą́, yɛ haamun, yɛ haamuŋ gili aa kpɛɛ nuą ɲą gɛ́ pələ kaa lɔ kɛa yɛ pili hɛn.

Mąątɛ̨nɛ̨ 71:10

Mąąhɔlɔɓo, ɲówoɠaa kaa dɔąɓoi, nuąi kɛi mą́ą́hɛn, daa kili mą́ą́.

Ɉeremi 38:15

Ɉeremi yɛ tɔɔmun ma: «Ŋą́ tɛ̨ą ɓo yɛ́, ə́ kaa pai baai. Ŋą́ ə́ tɛɛ pələ lɛ yɛ́ nwɔ̨nɔ̨, hvo pai gɛi.»

Ɉeremi 38:4

Nɔi hu kóló kɛ nuą kpɛa kpɛa diɛ tɔɔmun ma: «Di nui ŋɛ̨i paa, mąąhɔlɔɓo, mɛ̨nįɠaai gaa lia mo, gaa daa mąą kɔ̨nwɔ̨ nuą yiiɠaai daa lɛɛ, gaa di yeehu haai, ə mą kɛ nɔi lonnii. Ɉulɔnui ŋɛ̨i hvo nɔi lonnii di wɔ nwun na nɛ̨ɛ̨ pɔ, hvo kɛli di wɔ nwun na pili.»

Maafîu 12:14

Di kulaa, Farisiɛ̨ɠaa də li, di di nwun dɔɔ, bələi mąąnɛ̨ɛ̨ di Jesus hon na di baa, diɛ bələ kwɛli.

Maafîu 16:21

Ə həɠə nąąlɔwai ɓa, Jesus ə mo nwɔ kalan nɛai diɛ a ɉu ponoɔ̨ yɛ diɛ: «Hvo kɛli ŋą́ li Ɉerusalɛmə, ə gɛ, nu pɔlɔɠaa, da ɉaláá laa həli nuą nwun nąmįną, ə mą kɛ dɔ́n galamɔ̨ɔ̨ɠaa di mɔ̨nwɔ̨ ɓo kpɔ kɛnɛ̨, ə lɛɛ, di báá. Kɛlaa, voló ɉaaɓa yələ, ŋą́ nwun, ŋą́ kulɔ haa yəi.»

Maafîu 22:46

Di ta lɔpee hvo pɛli nwoo ŋąąpənəi. Ə həɠə ɲələ ɓa, nui lɔpee ta hvo kɛa giliŋąhiɛ Jesus mąąni kɛ mɛ̨nį ba.

Maafîu 26:4

Pələi mąąnɛ̨ɛ̨ di Jesus hon na loo hu di baa.

Maafîu 26:59

Ɉaláá laa həli nuą nwun nąmįną da tɔ́nvili nąmįną di kɛi lɛɛ mɛ̨nįɠaa kwɛli diɛ bɛlɛ a Jesus laa, ə gɛ, di mąą ɲaba lɔ di baa.

Markə 14:1

Ə lɛɛ a hvóló hveelɛ, pakə hɛli, da hɛlii yii di kɛi bu diɛ lɛɠɛ mį́i dɛ hɛn və ɉu, yɛ həli. Ɉaláá laa həli nuą nwun nąmįną da dɔ́n galamɔ̨ɔ̨ɠaa di kɛ bɔ di Jesus hon a gbąnąlaa, əgɛ, di baa.

Markə 3:6

Farisiɛ̨ɠaa di kulɔ Yálá hvɛli pɛlɛ́ mu a mąą hulaa da Herodə nwɔ nuą, də li di di nwun dɔɔ a bələi mąąnɛ̨ɛ̨ di tɛɛ la di Jesus hon di baa.

Ɉaan 11:47

Nąąlɔwai, haláá laa həli nuą kpɛa-kpɛa da Farisiɛ̨ɠaa di tɔ́n vili nąmįną ŋąąkpɔn, diɛ diɛ: «Ɉulɔnui ŋɛ̨i kaa kpalo mɛ̨nį tamąą kɛi, lə mɛ̨nį ɓə ka gu kaa gɛi ɉu?

Ɉaan 12:10

Ɉaláá laa həli nuą kpɛa-kpɛa di Lazarə baa mɛ̨nį kili tee di kwəi.

Ɉaan 7:1

Yili pulu, Jesus ə kɛi hiɛ Galile lɔi hu, hvo kɛ bɔ hvə hiɛ tii Ɉude lɔi hu. Mąąhɔlɔɓo, Ɉuifəɠaa di kɛi gwɛli baa mɛ̨nį ɓa.

Gɛlaɠaa 5:33

Nwoo taaləi ti mɛ̨n di mo, ə di lííholi kpɔ kɛnɛ̨, di di kiliŋąhiɛ di paa mɛ̨nį ɓa.

Gɛlaɠaa 9:23

Yíi kuu tamąą kulaa ɉu, Ɉuifəɠaa ti, di di nwun dɔɔ baa mɛ̨nį ɓa.