Ɉaan 11:25 - Yálá laawoo hɛɓɛ (dc)

²⁵ Jesus ə mo Martə ɓa yɛ mą: «Ɲą́ą́ ɓə gáá a haaɓɛlaa muhəɠə mɛ̨nį, ə lɛɛ, gɛ́ ɓo a yɛnɛ̨ɛ̨ kpɛɛ hvo mą. Nui a laa na, ə mą haa, a pənə ə kɛ a vulu.

Yálá laawoo hɛɓɛ

²⁵ Jesus ə mo Martə ɓa yɛ mą: «Ɲą́ą́ ɓə gáá a haaɓɛlaa muhəɠə mɛ̨nį, ə lɛɛ, gɛ́ ɓo a yɛnɛ̨ɛ̨ kpɛɛ hvo mą. Nui a laa na, ə mą haa, a pənə ə kɛ a vulu.

Bible

²⁵ Zîsɛ e mò ma, ǹyɛɛi, “Ńyãa ƃa mu-siɣe saa-yeei da vulu-laai; ǹúui nyii a làa a ńyãai, berei máŋ zaâi lai, kɛ́lɛ, a pâi kɛ̂i a vulu.

Ɉaan 11:25 ပူးပေါင်းရင်းမြစ်များ

Mąątɛ̨nɛ̨ 36:9

Diɛ pilɛ ə́ yəi bɛlɛ́n gɔ̨nɔ̨n nɛ̨ɛ̨ɠaa hu; ɲái yá dɔɔ di la, gaa a yɛnɛ̨ɛ̨ ɲąąnɛ̨ɛ̨ yá.

Azaya 26:19

Ə́ wɔ nuąi daa haa di kaa pai pənəi di yɛnɛ̨ɛ̨ kɛ, di pɔwaɠaa kaa pai pənəi di nwun. 'Ka ka muhəɠə! 'Ka tómą a kwəinɛ̨ɛ̨! Kaai ŋɛ̨i munuun ɉu puunii! Mąąhɔlɔɓo, yɛ́ nɛ̨n-ɲái kaa a kɛɛpono nɛ̨nɲá, ɛlɛɛ, lɔi kaa pai yɛnɛ̨ɛ̨ tɛɛi haa nuą pɔ.

Azaya 38:16

«Yai-Laa kaa nwɔ nuą pulu, di kaa pai ɓaloi, ɛlɛɛ ɉaalai ɓə gáá la a vúlú, gɛ́ nɔ̨ɔ̨.» Ə́ kaa pai búi nwúnú kɔ́lɔi, gɛ́ pənə gɛ́ yɛnɛ̨ɛ̨ kɛ.

Lukə 23:43

Jesus ə nwoo pulu pənə yɛ mą: «Gáá moi yɛ́ a tɛ̨ą, háákələi, ə́ kaa pai kɛi bɔ́ Yálá-taa tɔɔlaa hu.»

Ɉaan 1:4

Nwoo tii ɓə yɛnɛ̨ɛ̨ kpɛɛ hvo mą kaa ɉu, ɲiipoo tii ɓə a nuą di wɔ kɛɛ pono.

Ɉaan 14:19

Ɉu hvo kɛa kwɛa li, yɛnɛ̨ɛ̨ nuą di hvo pai kɛa gáái, kɛlaa, ka wɛi, ka káá pai gáái mąąhɔlɔɓo, gáá a vúlú, kaa kpɛli ka káá pai kɛi a ka hulu.

Ɉaan 14:6

Jesus yɛ mą: «Ɲą́ą́ ɓə gáá a bələ gɛ́ ɓo a tɛ̨ą, gɛ́ ɓo a yɛnɛ̨ɛ̨ kpɛɛ hvo mą. Nu ta hva pɛli lii Ną́n Yálá pɔɔli akɛ hvo tɛɛ li ɲą́ą́ bɔ pələ.

Ɉaan 3:16

Mąąhɔlɔɓo, Yálá aa yɛnɛ̨ɛ̨ nuą wɛli la kɛ kpɔ kɛnɛ̨, hvo kɛli ə Non ɉulɔnu tɔ̨nɔ̨ gbən kwɛlɛ, ya ɓə ə gɛ, nui lɔpee a laa na, nwun na hva pili. Kɛlaa, a yɛnɛ̨ɛ̨ kpɛɛ hvo mą hɔlɔɓo Yálá yei.

Ɉaan 3:36

Nui a laa Non na, a yɛnɛ̨ɛ̨ hva kpɛɛ hɔlɔɓo; nui a wala laa Non na, hva yɛnɛ̨ɛ̨ hva kpɛɛ hɔlɔɓo, kɛlaa, Yálá nwɔ liiɲąnwąną a kɛ bulu.

Ɉaan 5:21

Bələi lɔ Ną́n a haa nuą nwun na, yɛ yɛnɛ̨ɛ̨ tɛɛ di pɔ, bələ lɔ ɓə Non a yɛnɛ̨ɛ̨ tɛɛ la nwɛlikɛmąą nuą pɔ.

Ɉaan 5:26

Mąąhɔlɔɓo, bələi lɔ yɛnɛ̨ɛ̨ kaa la Nąn ɉu, bələ lɔ ɓə Ə mąąlaa tɛɛ la Non bɔ.

Ɉaan 6:35

Jesus yɛ diɛ: «Ɲą́ą́ ɓə a yɛnɛ̨ɛ̨ hva kpɛɛ kɔ̨nɔ̨n, nui a mįi, pulu hva kɛa ɉon. Nui a laa na, kpələ wɛli hva nwɔ̨nɔ̨ ɉon.

Ɉaan 6:44

Nui lɔpee ta hva pɛli pai bɔ́ akɛ Ną́n dɔ́ɔ́ hvo nii muhəɠə li. Ɛlɛɛ, ɲą́ą́n gáá pai nwun ɉi a yɛnɛ̨ɛ̨ ŋąąkpɛɛ yələ.

Gɛlaɠaa 3:15

Bələ ɓə ka yɛnɛ̨ɛ̨ Ną́mu paa la. Kɛlaa, Yálá ə gulɔ haaɓɛlaa lɔwai, a vulú; ku kaa a mąą kɛla.

Lomaŋ 4:17

Yɛ bələi bɛ̨ɛ̨ la Ɉɛɓɛ́ hu, yɛ mą: «Ŋą́ą́ ə́ kɛ a huwu tamąą di nąn.» Abrahamə kaa a gu nąn Yálá ti ə laa na ɲɛ̨i ɓa, Yai a haa nuą kɛ a di vulú, hɛn hvo yɛnɛ̨ɛ̨ yɛ gɛ laa.

Lomaŋ 8:2

Mąąhɔlɔɓo, Kili nwɔ tɔ́n a yɛnɛ̨ɛ̨ tɛɛ nu pɔ Jesus Kristə hu, aa nwún mąąɓo nɛ̨ŋɛ̨n da haa di yəi.

Korɛntə dɔlɔɔ 15:18

Akɛ kani tii, nuąi haa Kristə hu laa hu, di nwun na aa pili.

Korɛntə dɔlɔɔ 15:29

Akɛ yili hvo mą, nuąi da kɛ di mąąwaai haa nuą mąą mɛ̨nį ɓa, lə ɓə di kaa gwɛlii? Akɛ kpɔ haaɓɛlaa nwun mɛ̨nį hvo a tɛ̨ą? Lə mɛ̨nį ɓa, da di mąąwaa di mąą mɛ̨nį ɓa?

Korɛntə veelɛ 4:14

Hvo gaai, ku kili kaa ɉu kuɔ, nui gu Nąmu Jesus nwun haa nuą lɔwai, gaa lɔ pai gu nwun ɉii tii gwa Jesus ni, yɛ gwa káá ni gu heei kulɔ gwɛlɛ.

Filipə 1:23

Gáá mɛ̨nį hveelɛ lɔwai: gáá bɔ ŋį́ li Kristə pɔ, ɛlɛɛ, yili kpɔ ɓə nwɛli kaa mą́ą́.

Filipə 3:10

Mɛ̨nįi kpɔ gaa laa, ya ɓaa: Yaa gɔlɔn mɛ̨nį, ɛlɛɛ, ɉuwalawalai gulɔ haa yəi, da nwɔ mɔ̨nɔ̨i ta mįi mɛ̨nį, yɛ́ kɛi yɛ, yaa, ɉaa mɛ̨nį hu;

Tɛsalonikə dɔlɔɔ 4:14

Yii kani gu laai na guɔ, Jesus ə haa, ə nwun, bələ lɔ ɓə gaa la, nuąi daa haa, Jesus mąą mɛ̨nį ɓa, Yálá kaa pai di nwun ɉii Jesus hu, ə pa a diɛ.

M̀ɛni-lɛɛi 1:18

Ɛlɛɛ, a Vúlúmąą; ŋą́ wɔlɔ haa, kɛlaa yiihu, 'ɓɛ káá, gáá kɛa a vúlú a yələ kəlee da nwɔɔ, ɛlɛɛ, ɲą́ą́ ɓə haa ŋą kpon gwɛliɠaa kaa ɲə́i, ɛlɛɛ da ɲąmuątaa.

M̀ɛni-lɛɛi 20:5

Ɉaa nuą yiiɠaa tii, di hvo nwun, ə lɛɛ la ɉu, gwɛlan nwaa-tɔnɔi tii laa ə kulɔ. Nwun mo tɔlɔɔ ka tii.

M̀ɛni-lɛɛi 21:4

Yaa ɓə pai di ɲɛ̨iyá kələi di ɲɛ̨i, haa hva kɛa kɛ laa, haa wɔlɔ mɛ̨nį hva kɛ ɉu, woolaa hva kɛ laa, ə mą kɛ, mɔ̨nɔ̨, mąąhɔlɔɓo, ɲɛnɛ̨ɛ̨ pɔlɔ-pɔlɔi tii aa tɛɛ.»

M̀ɛni-lɛɛi 22:1

Yili pulu, malaka ə ɓaloyá-lee ta lɛ mą́ą́, yɛ lən gbɔ yɛ pɛ̨nɛ̨n galan, ə kɛli kulɔ Yálá da mɛlaa Lon di wɔ tɔɔkpəlin gɔwɔ mu.

M̀ɛni-lɛɛi 22:17

Kili, ɛlɛɛ, da ɉilɛtai nɛ̨ą, diɛ mą: «'Pá!» Nui a mɛ̨n, ə mu hon yɛ mą: «'Pá!» Nui kpələ wɛli kaa mą, ə pá, ɲái a yɛnɛ̨ɛ̨ tɛɛ nu pɔ, nui nwɛli kaa mą, ə ɉon a mɛ̨inɛ̨ɛ̨.