Ɉaan 10:4 - Yálá laawoo hɛɓɛ (dc)

⁴ Ɓɛlɔwai da kulɔ la ɲɛnɛ̨ɛ̨, a tɔɔ di ɲɛ̨i tɔwɔ, ə lɛɛ, mɛlaaɠaa di hvilɛn bulu. Mąąhɔlɔɓo, di yaa tii nwoo kɔ́lɔn.

Yálá laawoo hɛɓɛ

⁴ Ɓɛlɔwai da kulɔ la ɲɛnɛ̨ɛ̨, a tɔɔ di ɲɛ̨i tɔwɔ, ə lɛɛ, mɛlaaɠaa di hvilɛn bulu. Mąąhɔlɔɓo, di yaa tii nwoo kɔ́lɔn.

Bible

⁴ Tãi a ŋɔ-ŋai kélee kùlai, a lî dítuɛ, m̀ála-ŋai díaŋ dí pîlaŋ bôlu. Kpɛ́ni fêi, dí ŋ̀óo kɔ́lɔŋ.

Ɉaan 10:4 ပူးပေါင်းရင်းမြစ်များ

Wɛli 2:8

'Ka ka wəli tɔɔ tai! Nwɔ́ wɛlii woo ka tii! Ya ka tii pai! Yɛ laɠin yeeɠaa mɛ̨i, yɛ hvilɛn yeekpu kpuɠaa nwuɔ̨.

Wɛli 5:2

Ɲɛ̨́i pɛlɛɛ kɛ mą, Kɛlaa və́ kɛi yíi, ŋą́ nwɛ́likɛmąąmun tin mɛ̨n, yɛ gbon gɛlɛ, yɛ kɛ mą́ą́: Oo níiɓa nɛ̨ɛ̨non! Nwɔ́ wɛli! Nwɔ́ tonwələn gbɔlu! Ɲə́i hɛn gɔw! Nwɔ́ mɛ̨nį laahvɛɛ kəlee; Nwúɔ̨ yɔwɔɔ nii a yələɓɔi bɔ nąnąąn, nɛɲá hɛlɛn ŋąą ni nwún nəɠa ɓa.

Maafîu 16:24

Nąąlɔwai, Jesus ə mo nwɔ kalan nɛai diɛ, yɛ diɛ: «Nui gaa bɔ ə hvilɛn búlú, hvo kɛli ə lənə gbɔwɔ ɓa. Ə gbɔwɔ haa wulu həɠə ə hvilɛn búlú.

Ɉaan 10:16

Ɓɛlaa takpɛliɠaa kaa ɲéi yiiɠaai di hvo ɓɛ mɛlaa kwənąn ɉu. Yiliɠaa tii, hvo kɛ li ŋį́ di kwɛli ŋį́ pa a diɛ. Di kaa pai nwóó mɛ̨n ɉi, di pɛlɛ di kee ɓa di kɛ a kpulu tɔ̨nɔ̨, di mɛ̨i kaa mun ə kɛ tɔ̨nɔ̨.

Ɉaan 10:27

Ŋɔ́ ɓɛlaaɠaai da nwóó mɛ̨n, ɲą́ą́n ŋį́ di kɔ́lɔn, ə lɛɛ, da hvilɛn búlú.

Ɉaan 10:3

Nui gaa heeni gala laaləi yɛ naa mɛ̨i kaa, a gala laa ɓo mɛlaa mɛ̨i kaa mun dɔwɔ. Mɛlaaɠaa da di mɛ̨i kaa mun nwoo mɛ̨n, ə lɛɛ a nwɔ ɓɛlaa kəlee təli a di laa, di hvilɛn bulu.

Ɉaan 10:5

Mɛlaaɠaa tii di hva hvilɛn nwea pulu. Da nwea kaa yɛ di təli, da pu, mąąhɔlɔɓo, di hvo gɔlɔn.

Ɉaan 10:8

Nuąi lɔpee pa dɔ́wɔ, di kaa a nwuɔ̨ nuą da toomɛ̨i kɛ nuą. Mɛlaaɠaa di hvo di wəli tɔɔ li di woo ɓa.

Ɉaan 12:26

Nui a kɛ ə tí mą́ą́, ə hvilɛn búlú. Ɓɛi gáá laa, nąą ɓə nwɔ́ tímun gaa laa. Ɛlɛɛ, nui a tí mą́ą́, Ną́n a mąąwiɛ.

Ɉaan 13:15

Mɛ̨nį kɔ́ɔn mąą ka tii ŋą́ nɛ kaa. Bələi ŋą́ gɛ la a kaa, kaa kpɛlimąn ka gɛ tii a ka kee.

Ɉaan 18:37

Pilatə ə mo mą yɛ mą: «Akɛti, tɔɔmun mąą yɛ́?» Jesus ə nwoo pulu pənə yɛ mą: «Yɛ́ lɔ ɓə mo: gáá a tɔɔmun. Ŋą́ pa lɔi mɛ̨i di gáá a lon, ə gɛ, ŋą tɛ̨ą mąą kɛla hvaa ɓo. Nui lɔpee gaa tɛ̨ą pələ mɛ̨i, a nwəli tɔɔ nwóó ɓa.»

Ɉaan 3:29

Nɛ̨ą nąmu pɔɔ ɓaa nɛ̨ą, kɛlaa, nɛ̨ą nąmu mɛlan a tɔɔ mɛlan gwɛlɛ yɛ nwoo mɛ̨n, a kɛi nɛ̨ą nąmui tii woo mɛ̨n, gwəi yɛ nɛɛ kpɔ kɛnɛ̨. Pələ ɓə nwɔ kwəinɛ̨ɛ̨ kaa la, ə lɛɛ, nwɔ kwəinɛ̨ɛ̨ laa aa hvɛɛ.

Korɛntə dɔlɔɔ 11:1

'Ká kɛ a bɔ́ɔ́ kɔ́ɔn nuą yɛ bələi gáá Kristə pɔɔ kɔ́ɔn ɉii la.

Ifisiɛŋ 5:1

'Ká Yálá pɔɔ kɔɔn, hvo gaai, ká káá a nwɛlikɛmąą lonnii;

Dutɛrɔnome 1:30

Yai-Laa ka wɔ Yálái ɓə hiɛ́i ka ɲɛ̨itɔwɔ, yaa kpinįi lee ɓə pai gɔ́ kɔ́i a ka wɔ kɔ́; Yɛ bələi kpɔlɔɔ ə gɛ la Eziptə lɔi hu. Yɛ ka nwun mąąɓo, gbaɠala kaa tii kaa.

Hebreu 12:2

'gu ɲɛ̨i kpalaa laa na laa pələi kulɔmun ma, yai a Jesus, a pɛli mą, ə gu həli naa kulɔi ɓa, a yai lənə kwəinɛ̨ɛ̨i kɛ dɔwɔ mą, ə niikpələ yɛ ɓɛlɛkpɛɛmąą haa ɓo kolɔwa ɓa, gaa heeni Yálá ŋą tɔɔkpəlin ɲee lɛlɛɛ hu.

Hebreu 6:20

Nąą ɓə Jesus ə lɔ laa gu tɔwɔ, gu mąą mɛ̨nį ɓa. Yai gaa a ɉaláá laa həli mun gɛnɛ̨mun a yələ kəlee, yɛ Mɛlkisedɛkə.

Piɛrə dɔlɔɔ 2:21

Yaan, yili ɓə di ká təli mą, mąąhɔlɔɓo, Kristə yaa kpɛlimąn, ə mɔ̨nɔ̨ mįi ká mąą mɛ̨nį ɓa, ə kɛ, a ká wɔ yɛnɛ̨ɛ̨ kɛ pələ gɔɔnmąą, káá hvilɛn na bɔɔ ɲą:

Piɛrə dɔlɔɔ 4:1

Yili ɓa, yɛ bələi Kristə ə mɔ̨nɔ̨ mįi la kɔ́lɔ hu, káá kpɛlimąn, giliŋąhiɛ tanɔ̨n tii ə kɛ káá; nui a mɔ̨nɔ̨ mįi kɔ́lɔ hu, a kɛ ti, da nɛ̨ŋɛ̨n daa di hvalaɓo,

Piɛrə dɔlɔɔ 5:3

Nuąi di kalihvaɓoɔ káá, 'ká hvo di hon a heemɛ̨i laa, kɛlaa, di di wɔɔ yɛnɛ̨ɛ̨ kɔɔn ká wɛi kɛ pələ ɓa.