Ɉaan 1:49 - Yálá laawoo hɛɓɛ (dc)

⁴⁹ Natanaɛlə ə pənə yɛ mą: «Mąąkwɛli kɛmun, ə́ kaa a Yálá Lon, yɛ ɓo a Israɛlə tɔɔmun.»

Yálá laawoo hɛɓɛ

⁴⁹ Natanaɛlə ə pənə yɛ mą: «Mąąkwɛli kɛmun, ə́ kaa a Yálá Lon, yɛ ɓo a Israɛlə tɔɔmun.»

Bible

⁴⁹ Natɛnia e zu tòo, e m̀o ma, “Kaamɔ̂ɔ, íkaa a Ɣâla Ǹóŋ! Íkaa Eezuɛ Ŋɔkâloŋ!”

Ɉaan 1:49 ပူးပေါင်းရင်းမြစ်များ

Mąątɛ̨nɛ̨ 110:1

Yálá mąątɛ̨nɛ̨ wələ. Davidə nwɔ wələ. Mɛ̨nįi Yai-Laa ə mo nwɔ́ mɛ̨nį nąmu ɓa, ya ka: «'Hee mamįiyee hu pələ, ə lɛɛ ɉu, ŋį ə́ yowo kɛ a ə́ kɔ́wɔ tɔɔ kpəlin!»

Mąątɛ̨nɛ̨ 2:6

«Ɲą́ą́ ɓə nwɔ́ tɔɔmun hee Siɔn yee nwuɔ̨, yai a nwɔ́ yee mąąhəɠɛɛi.»

Azaya 9:7

Yálá ə haŋąi Ɉakɔbə nu huwu ɓa, nwoo aa həli Israɛlə nuą diɛ.

Danîa 9:25

Yii mąąnɛ̨ɛ̨ ə́ kili ə kɛ ɉu, ə́ gbaɓala kaa, ya ka: Ə həɠə ɓɛlɔwai ŋɛ̨i di nwɛlɛɛ ŋɛ̨i ɓo la, yɛ hvilɛn na ka kulɔ mɛ̨nį luwɔlaa hu ɓa, da Ɉerusalɛmə taa tɔɔ mɛ̨nį a nįnɛ̨, ə mą kɛ, tɔɔmun yii Yálá ə ɉəɠə ɉu ə mąątí gulɔ mɛ̨nį pɔ̨nɔ̨ŋa, a kɛ a lɔwai mɛ̨ihveelɛ heei kwɛlan mɛ̨ihveelɛ. Yili pulu, lɔwai heei pow mɛ̨ida kɔ́w hveelɛ heei kwɛlan mɛ̨ihveelɛ hu, daa-lee kɛnɛ̨ da nwɔ hįi, da di tɔɔ. Kɛlaa, nɔwaiɠaai tii da kɛ a mɛ̨nį walawala.

Osia 3:5

Yili pulu, Israɛlə lonnii da pənə nwɔ̨nɔ̨, diɛ Yai-Laa di wɔ Yálái kwɛli, da di wɔ tɔɔmun Davidə; da pənə di di ɲɛ̨i tinɛ̨n Yai-Laa pɔ pələ, da ɲəi mɛ̨inɛ̨ɛ̨ɠaa kaa, di mąą yɛ kpɛlin, tinąą tɔwɔ pələ.

Mise 5:2

Yili ɓə pai gɛi, Yai-Laa yɛ pa ɲee kulɔi di mu, ə lɛɛ ɉu, nɛ̨ɛ̨nui mąąnɛ̨ɛ̨ ə non tii kaa, ŋą lon tii kaa yələ yɛ ɉəli. Nąąlɔwai, nąn nonnii yiiɠaai pai lɛɛi, di kaa pai pənəi di laŋąn Israɛlə lonnii diɛ.

Sofoni 3:15

Giti ŋɛ̨i too ə́ mɛ̨i, yɛ wiɛ yɛ́, Yai-Laa aa ɉəɠə ə́ mɛ̨i. Aa ə́ yowo ɲɛ̨i haŋą pələ takpɛli. Israɛlə nwɔ tɔɔmun Yai-Laa yaa kpinįi, gaa ə́ pɔ; hvó kɛa pai kɛi ɲɔwi mɛ̨nį ɲɔ̨n da həli mɛ̨nį ɓa yɛ́.

Zakari 9:9

'Pili yələi a kwəinɛ̨ɛ̨, Siɔn nɛ̨ɛ̨gbɛla! 'Tómą a kwəinɛ̨ɛ̨, Ɉerusalɛmə nɛ̨ɛ̨gbɛla! Ə́ wɔ tɔɔmun gaa pai ə́ pɔ, dələnmoɔ, ɛlɛɛ, gɔ́ aa nɛ̨ɛ̨ mą, hva nwun dɛ, gaa heeni hvoohvaalən mɛ̨i, hvoohvaalən non mɛ̨i.

Maafîu 14:33

Galan nɛa yiiɠaa tii kɛ gələn ɉu, di pu di kpəlin na Jesus kɔ́wɔ mu diɛ mą: «Ə́ kaa a Yálá Lon gbɔ-kpɔ a tɛ̨ą.»

Maafîu 2:2

Di mąąni kɛ kɛ, diɛ mą: «Ɉuifəɠaa di wɔ tɔɔmun nįnɛ̨i daa gaa, gaa mį? Mąąhɔlɔɓo kwaa nwɔ pɛmɛ̨lɛ̨n gɔw kaa voló kulɔi pələ. Ku pa kwɛli hvilɛn ɉi mą.»

Maafîu 21:5

«Ka mo Siɔn nuą diɛ kaa diɛ: ‹Ka wɔ tɔɔmun nwɔ mɛ̨nį lɛlɛɛ kaa pai ka pɔ, ɉeɛ hoohvaalən non mɛ̨i.›»

Maafîu 23:7

Di kaa bɔ, nu ta a kɛi di túwɔ ɓo kpɔn ɉu, ə mąą yee di kɔ́wɔ mu; yɛ kɛ diɛ: ‹Nwɔ́ mɛ̨nį nąmu!› Ə gɛ nuą di di mąąwiɛ kili kɔ́lɔn.

Maafîu 23:8

Ka wɛi, mąą hvo nɛ̨ɛ̨li, kaa kɛ ka kee ɓa: ‹Nwɔ́ mɛ̨nį nąmu›, kɛlaa, ka kɛ ka kee ɓa: ‹Gááyɔwɔ.› Mąąhɔlɔɓo, mɛ̨nį nąmu tɔ̨nɔ̨ gbən mə gaa ka nwun mɛ̨i.

Maafîu 27:11

Jesus ə kɛ tɔɔ ni Pilatə líílaa, yili ə mąąni kɛ, yɛ mą: «Ɉuifəɠaa di wɔ tɔɔmun ɓaa a yɛ́?» Jesus yɛ mą: «Ya ka tii ə́ mo!»

Maafîu 27:42

«Aa nu tamąą nwun mąąɓo, ə kpɔɔ nwun mąąɓo kan kɛa; gaa a Israɛlə tɔɔmun, ə kpɔɔ kulɔ kan kolɔwa ɓa ə hvilɛn, a gɛ tii, kwa laa ə la.

Maafîu 4:3

Nąąlɔwai, ŋąąhɛn kɛ mun ə lɛɠɛ mą, yɛ mą: «A kɛ Yálá Lon mąą yɛ́, mo gwɛnii ŋɛ̨i ta ɓa ə mąąpənə a kɔ̨nɔ̨n, ə mį́į́.»

Markə 15:32

Yaai kɛi kɛ diɛ: gaa a Nwun mąąɓomun Yálá ə naakwɛlanmo, yɛ́ ɓo a Israɛlə tɔɔmun ya ɓəi! Ə kulɔ ka ni kolɔwa ɓa ə hvilɛn ku gaa, ya ɓə a gɛ ku laa na.» Nuą tii di di kpanwo kolɔwa ɓa Jesus kwɛlɛ, diɛ kpɛli di kɛi Jesus lalan.

Lukə 1:35

Malaka ə nwoo pulu pənə, yɛ mą: «Kili-Mąąhəɠɛɛ kaa pai yɛɛi ə́ mɛ̨i, Hɛn Gəlee mɛ̨imun ə ə́ mɛ̨i kpulu a nwɔ huwalawala nįnįn, yili ɓə gaa mą, non tii kaa pai kɛi a nu mąąhəɠɛɛ, diɛ kɛ naa ɓaa a Yálá Lon.

Lukə 19:38

Diɛ kɛ mą: «Dɔɔmun pai gu Ną́mu Yálá laa hu, lúwɔ́ kaa mą! Liilaa ə kɛ yələkɔlɔn ɉu, mąąwiɛ ə kɛ Yálá ɓa!»

Ɉaan 1:18

Nu ta hvo ta Yálá kaa li, kɛlaa, Yálá Lon dɔ̨nɔ̨ gbən yii da Nąn di kɛ di kee pɔ, ya ɓə Nąn nɛ nuą diɛ.

Ɉaan 1:34

Ɲą́ą́ ŋą́ą́ yili kaa tii, ya ɓə gɛi gɛ́ kɛ diɛ: Nui ŋɛ̨i kaa a Yálá lon.»

Ɉaan 1:38

Jesus ə di kaa di hvilɛn ŋąą bulu, yɛ diɛ: «Lə ɓə ka káá gwɛli?» Di nwoo pulu pənə diɛ mą: «Rabi, (yili mukulaa ɓaa: kalamɔ̨ɔ̨) mįnɛ̨ ɓə ə́ kaa laa?»

Ɉaan 1:50

Jesus ə nwoo pulu pənə yɛ mą: «Kɛi ŋį́ mo yɛ ŋą́i kaa moolaa wulu mu ya ɓə gɛ yɛ laa ná? Ə kaa pai mɛ̨nį kpɛa-kpɛa tamąą kaai ə tɛɛ yili ɓa.»

Ɉaan 18:37

Pilatə ə mo mą yɛ mą: «Akɛti, tɔɔmun mąą yɛ́?» Jesus ə nwoo pulu pənə yɛ mą: «Yɛ́ lɔ ɓə mo: gáá a tɔɔmun. Ŋą́ pa lɔi mɛ̨i di gáá a lon, ə gɛ, ŋą tɛ̨ą mąą kɛla hvaa ɓo. Nui lɔpee gaa tɛ̨ą pələ mɛ̨i, a nwəli tɔɔ nwóó ɓa.»

Ɉaan 4:31

Nąąlɔwai tii hu, galan nɛa di Jesus mąąnɛ̨ɛ̨ diɛ mą: «Mąąkwɛli kɛmun, kɔ̨nɔ̨n mį́į́.»