Ɉaan 1:45 - Yálá laawoo hɛɓɛ (dc)

⁴⁵ Filipə ə́ li ə Natanaɛlə kaa, yɛ mą: «Nui ŋɛ̨i Moisə nwɔ tɔ́n ɉɛɓɛ́i da Yálá kwəi mɛ̨nį hukulɔ nuą di mąą mɛ̨nį ɓo, kwa gaa. Da kɛ naa ɓaa: Jesus, Ɉosɛfə Nazarɛtə mun lon ni.»

Yálá laawoo hɛɓɛ

⁴⁵ Filipə ə́ li ə Natanaɛlə kaa, yɛ mą: «Nui ŋɛ̨i Moisə nwɔ tɔ́n ɉɛɓɛ́i da Yálá kwəi mɛ̨nį hukulɔ nuą di mąą mɛ̨nį ɓo, kwa gaa. Da kɛ naa ɓaa: Jesus, Ɉosɛfə Nazarɛtə mun lon ni.»

Bible

⁴⁵ Fele e Natɛnia kàa e m̀o ma, ǹyɛɛi, “Kwâa gáa ǹúui Mose e m̀aa-mɛni pɔ̃̀yɛ dɔ̂ŋ su, nyii máŋ Ɣâla ŋɔlóno-kɛ-ƃelai dí m̀aa-mɛni pɔ̃̀yɛ, Zîsɛ Nâzarɛ-nuui, Zosɛ ǹóŋ.”

Ɉaan 1:45 ပူးပေါင်းရင်းမြစ်များ

Zɛnɛse 22:18

Gáá pai lúwɔ́ tooi lɔi mɛ̨i nuą diɛ, ə́ huwu haalai, mąąhɔlɔɓo, yáá nwóó hon.»

Zɛnɛse 3:15

Gáá pai yowolaa tooi yɛ́ ka nɛ̨ɛ̨nu ka lɔwai, ŋį́ doo ə́ huwu da nɛ̨ɛ̨nu huwu di lɔwai. Nɛ̨ɛ̨nu huwu kaa pai ə́ nwun nwoloi, ə́ kaa pai nɛ̨ɛ̨nu huwu ɲin ɉii dunwo ɓa.»

Zɛnɛse 49:10

Tɔɔ tunwɔ̨n hva kulɔ Ɉuda yəi, dɔɔhvili hva kulɔ ə́ yəi bɛlɛ́n, ə lɛɛ ɉu, nui Ɉeeɓolaa kaa a nwɔɔ yɛ pa. A yai tii, hį́i kəlee kaa pai lɛɛi nwoo mu.

Azaya 4:2

Mąą yələ, Yai-Laa kaa pai Israɛlə mąąpoo nwun ɉii, gaa pai kɛi a ɲɛ̨i pɔ̨nɔ̨ da mąąwiɛ; ɛlɛɛ, ɉɛn pai ɓai nɔi hu, gaa pai kɛi a Israɛlə nu huwu gbəlii ɲɛ̨i pɔ̨nɔ̨ mɛ̨nį da mąąwiɛ mɛ̨nį.

Azaya 53:2

Mąą nui ə kɛi kɛnɛ̨ Yálá ɲɛ̨i ɓa yɛ wulu ɓɔn, yɛ wulu hamui kulɔi lɔi hu kpalaa hu; Kɔlɔn və kɛ mą, ku kɛɛ gaa, ə kɛ a nui nu ɲɛ̨i hva pɛli kɛ kulɔi bɔ, bələi mąą mɛ̨ni ə kɛ la ku kwəi, ku hvo gaa tii.

Azaya 7:14

Yili mąą mɛ̨nį ɓa, Ną́mu yaa kpinįi gaa mɛ̨nį ta lɛi kaa, ya ɓaa: Nɛ̨ɛ̨non yii hvo hulɔnu mɛ̨nį hukɔlɔn, a koo həɠə, ə lon ɉulɔnu hɔlɔɓo, ə naa hee a Ɛmanuɛlə.

Azaya 9:6

Nwɔ heeɓolaai, yee kɔnwɔ̨n ɉu a ɓɛlɛɛ, ɛlɛɛ, kpɛɛ hvo nwɔ tɔɔlaa ɓa. Yii ɓaa nąn Davidə nwɔ tɔɔkpəlin, Ya ɓə pai vilɛn ɉii gbilin, tɛ̨ą mɛ̨nį da tələnmolaa mɛ̨i, ə həɠə yiihu ɓa, ə lɛɛ la ɉu, wɔ. Yili ɓə Yai-Laa Mɛ̨nį Kəlee ŋą Hééɓomun kaa pai gɛi, nwɔ wɛlikɛmąą kɛnɛ̨ɛ̨ hu.

Mise 5:2

Yili ɓə pai gɛi, Yai-Laa yɛ pa ɲee kulɔi di mu, ə lɛɛ ɉu, nɛ̨ɛ̨nui mąąnɛ̨ɛ̨ ə non tii kaa, ŋą lon tii kaa yələ yɛ ɉəli. Nąąlɔwai, nąn nonnii yiiɠaai pai lɛɛi, di kaa pai pənəi di laŋąn Israɛlə lonnii diɛ.

Zakari 6:12

'Yɛ́ mą: ‹Yai-Laa Mɛ̨nį Kəlee ŋą Hééɓomun woo ka, yɛ: «‹Nu ta ka ŋɛ̨i, naa ɓaa wulu ɓɔn, yɛnɛ̨ɛ̨ kaa pai ɓɔn ɉii gɔwɔ pɔɔ hu. Gaa pai Yai-Laa hvɛli pɛlɛ́ tɔɔi.

Zakari 9:9

'Pili yələi a kwəinɛ̨ɛ̨, Siɔn nɛ̨ɛ̨gbɛla! 'Tómą a kwəinɛ̨ɛ̨, Ɉerusalɛmə nɛ̨ɛ̨gbɛla! Ə́ wɔ tɔɔmun gaa pai ə́ pɔ, dələnmoɔ, ɛlɛɛ, gɔ́ aa nɛ̨ɛ̨ mą, hva nwun dɛ, gaa heeni hvoohvaalən mɛ̨i, hvoohvaalən non mɛ̨i.

Maafîu 10:3

Filipə da Bartelemi, Tomasə da nįįhɔ̨nwɔ̨ kulɔ mun Matie. Ɉakə Alfe lon da Tade.

Maafîu 13:55

Kɛlɛi nwulu haɠa mun non məi? Nee hvaa a Mari? Kɛlɛi, nəɠəni ɓaa a Ɉakə, Ɉosɛfə, Simɔn, da Ɉudə?

Maafîu 2:23

Ə li kɛa ə hee Nazarɛtə daai, ə gɛ, mɛ̨nį Yálá kwəi mɛ̨nį hukulɔ nuą di mo, naa ə hon; yai di mo, diɛ kɛ la mą: «Di kaa pai kɛi nokoloi tii ɓa Nazarɛtə mun.»

Maafîu 21:11

Daɠaa diɛ kɛ mą: «Yálá kwəi mɛ̨nį hukulɔ mun ŋɛ̨i da kɛ mą Jesus yaa li, yaa ŋɛ̨i həɠə Nazarɛtə daai Galile lɔi hui.»

Markə 14:67

Nɛ̨ɛ̨nui tii ə Piɛrə kaa heeni yɛ gɔlɔɓo, ə ɲɛ̨i hee mą híí, yɛ mą: «Yɛ́ kpɛli ə́ kɛ Jesus Nazarɛtə mun bɔ.»

Markə 6:3

Akɛti, Mari lon ŋɛ̨i a nwulu haɠa mun ya hvə li mɔ̨ɔ̨? Kɛlɛi nəɠəni ɓaa a: Ɉakə, Ɉosɛsə, Ɉudə da Simɔn? Akɛti, mąąhalani di hvo mɔ̨ɔ̨ ɓɛ ka gu lɔwai?» Di wɔ kiliŋąhiɛɠaa kɛ pələi tii ɓə gɛ di hvo laa na.

Lukə 18:37

Diɛ mą: Jesus Nazarɛtə mun ga tii tɛɛi.

Lukə 2:4

Ɉosɛfə ə həɠə Nazarɛtə daai Galile lɔi hu, yɛ li Bɛtleɛmə daai Ɉude lɔi hu, Davidə pɔ taai. Mąąhɔlɔɓo, Ɉosɛfə ə kɛ a Davidə yəi bɛlɛ́n mun da, də li, əgɛ, di di lono.

Lukə 2:48

Ɓɛlɔwai Ɉosɛfə da Mari di gaa la, di kwəi ə pili diɛ; Mari ə mo Jesus ɓa yɛ mą: «Nón, lə mɛ̨nį ɓə ŋɛ̨i ə́ gɛ a kuɔi? Kwa ə́ nąn kwaa ə́ kwɛli kpɔ kɛnɛ̨.»

Lukə 24:27

Yili pulu, mɛ̨nįɠaa kpɔ kɛ bɛ̨ɛ̨ yaa tii nąą mɛ̨i Yálá laawoo hɛɓɛ́ hu, ə gəlee hukulɔ diɛ, ə gɔɠɔ tɔɔ Moisə nwɔ hɛɓɛ́ yilii hu, ə nąą kulɔ Yálá kwəi mɛ̨nį hukulɔ nuą di wɔ hɛɓɛ́ yiliɠaai ɓa.

Lukə 24:44

Yili pulu ə mo diɛ, yɛ diɛ: «Mɛ̨nįɠaai ŋį́ kɛi mo kaa, ɓɛlɔwai gu kɛ la gu kee pɔ ya ka; ŋį́ kɛ kaa: mɛ̨nįɠaai kpɔ kɛ bɛ̨ɛ̨ náá mɛ̨i Moisə nwɔ tɔ́n ɉɛɓɛ́i hu, Yálá kwəi mɛ̨nį hukulɔ nuą, da Yálá Mąątɛnɛ Wələɠaa hu, hvo kɛli gəlee laa ə hvɛɛ.»

Lukə 3:23

Jesus kaa kwɛlan ə kɛ pu-haaɓa ɓɛlɔwai ə nwɔ kolói kɔ́wɔ tɔɔ la. Yɛ bələi nuą di wɔ kiliŋąhiɛ ə kɛ la, diɛ kɛ mą: nąn ma kɛ a Ɉosɛfə, Ɉosɛfə yaa nąn ma kɛ a Heli.

Lukə 4:22

Nu kəlee di kɛi mąąwiɛi kaa, ə lɛɛ, mɛ̨nį lɛlɛɛɠaa ŋɛ̨i kɛi kulɔ na yɛ mo, ə nuą kəlee kwəi pili diɛ. Di kɛi di kee mąąni kɛ, diɛ kɛ mą: «Akɛti, Ɉosɛfə lon vəi mɔ̨ɔ̨?»

Ɉaan 1:44

Filipə ə kɛ a Bɛtsaida daai mun. Daai tii lɔ ɓə kɛ a Andre da Piɛrə di pɔ taai.

Ɉaan 12:21

Filipə yai a həɠə Bɛtsaida, Galile lɔi hu, di lɛɠɛ mą diɛ mą: «Nąn, ku kaa bɔ ku Jesus kaa.»

Ɉaan 14:8

Filipə yɛ Jesus ɓa: «Ną́mu, ə́ nąn nɛ kuɔ, yili a ku kwəinɛ̨ɛ̨.»

Ɉaan 18:5

Di nwoo pulu pənə diɛ mą: «Jesus Nazarɛtə mun mə.» Jesus yɛ diɛ: «Ɲą́ą́ ka.» Yaan, Ɉudasə ŋɛ̨i nɔwɔtɔɔ ə kɛ nu kpului tii pɔ.

Ɉaan 18:7

Jesus ə pənə ə di mąąni kɛ a nįnɛ̨ yɛ diɛ: «'Gbɛɛ ɓə ka káá gwɛli?» Di nwoo pulu pənə diɛ mą: «Jesus Nazarɛtə mun mə.»

Ɉaan 19:19

Pilatə ə hɛɓɛ́ ta pɛ̨ɛ̨ di gbanwo Jesus nwun mɛ̨i. Ɉɛɓɛ́i tii pɛ̨ɛ̨i kɛ diɛ kɛ mą: «Jesus Nazarɛtə mun Ɉuifəɠaa di wɔ tɔɔmun.»

Ɉaan 21:2

Simɔn Piɛrə, Tomasə yai da kɛ mą: Didimə, Natanaɛlə yai həɠə Kana Galile lɔi hu, Zebede lon ɉinąą hveelɛi da kalan nɛa hveelɛ di kɛ di kee pɔ.

Ɉaan 6:42

Yili pulu diɛ di kee ɓa: kɛlɛi Ɉosɛfə lon məi; gu nee kɔ́lɔn gu nąn gɔlɔn! A həɠə pələ kɛ ləi yɛ kɛ diɛ: «Ŋą́ həɠə Yálá-taa?»

Ɉaan 6:5

Jesus ə nwun muhəɠə, ə nu kpulu kɛnɛ̨ kaa diɛ pa bɔ. Ə mo Filipə ɓa yɛ mą: «Mįnɛ̨ ɓə gwa pɛli nu kpulu kɛnɛ̨i ŋɛ̨i kɔ̨nɔ̨n ɉɔlɔɓoi laa?»

Ɉaan 6:7

Filipə ə Jesus woo pulu pənə, yɛ mą: «Ə mą kɛ gwaa waa nwun hveelɛ lɛɠɛ ya, gu ɉu tee a bɛlɛɛ-pɛlɛɛ, nuą ŋɛ̨i kəlee di hva kpɛli ɉɔlɔɓo.»

Gɛlaɠaa 10:38

Jesus ti həɠə Nazarɛtə, bələi Yálá ə ɉəɠə la ɉu ə maati a Kili-Mąąhəɠɛɛ da huwalawalalaa, ə tɛɛ kɛɛ nąą kəlee ɓa, yɛ mɛ̨inɛ̨ɛ̨ kɛ, nuąi kpɔ kɛ nąnį yee kɔnma yɛ di ɓalo, mąąhɔlɔɓo, Yálá ə kɛ bɔ.

Gɛlaɠaa 2:22

«Kaai ɓaa Israɛlə nu huwu, ka ka wəli tɔɔ nwoo ɓa: Jesus Nazarɛtə mun ŋɛ̨i Yálá ə nwɔ huwalawala lɛ kaa; mąąhɔlɔɓo, Yálá ə kpalo mɛ̨nį tamąą kɛ da kwəi pilimąą mɛ̨nįɠaa yaa ɉaalai ka lɔwai, yɛ pələi kaa kpinįi ka kili kaa la ɉu.

Gɛlaɠaa 22:8

Ŋą́ mąnįn gɛ, gɛ ma: ‹Ŋą́ mɛ̨nį Nąmu, gbɛɛ ɓaa yɛ?› Nwooi ti ə pənə yɛ mą́ą́: ‹Ɲą́ą́ Jesus Nazarɛtə mun ga ti, ə́ kaa mɔ̨nɔ̨ɓoi.›

Gɛlaɠaa 26:9

«Ɲą́ą́ nwɛ́i, ə kɛ kpɔ gwə́i, gɛ́ kɛ, mąąnɛ̨ɛ̨ kɛ, ŋį́ kɔ́ pɛlɛ Jesus Nazarɛtə mun laa ɓa, a pələ huwu lɔpee gəlee.

Gɛlaɠaa 3:6

Piɛrə ə mo kɛa mą, yɛ mą: «Wali hvo ɲə́i, hɛni hvo ɲə́i, kɛlaa, yii gaa ɲə́i, gáá dɛɛi ə́ pɔ. Ya ɓaa: Jesus Kristə Nazarɛtə mun naa hu, ə́ muhəɠə, ə́ hiɛ!»