Ɉaan 1:38 - Yálá laawoo hɛɓɛ (dc)

³⁸ Jesus ə di kaa di hvilɛn ŋąą bulu, yɛ diɛ: «Lə ɓə ka káá gwɛli?» Di nwoo pulu pənə diɛ mą: «Rabi, (yili mukulaa ɓaa: kalamɔ̨ɔ̨) mįnɛ̨ ɓə ə́ kaa laa?»

Yálá laawoo hɛɓɛ

³⁸ Jesus ə di kaa di hvilɛn ŋąą bulu, yɛ diɛ: «Lə ɓə ka káá gwɛli?» Di nwoo pulu pənə diɛ mą: «Rabi, (yili mukulaa ɓaa: kalamɔ̨ɔ̨) mįnɛ̨ ɓə ə́ kaa laa?»

Bible

³⁸ Zîsɛ e tìnaŋ e díkaa pîlanii bôlu, e mò diai, ǹyɛɛi, “Le ƃe ka gɔ́rii?” Díyɛɛ ma, “Lɛ̂ƃai, (zu-kulâi ƃa Kaamɔ̂ɔ), mi ƃe íkaa naai?”

Ɉaan 1:38 ပူးပေါင်းရင်းမြစ်များ

Tɔɔɓɛlaa dɔlɔɔ 10:8

Ə́ wɔ nuąi nwun na nɛ̨ɛ̨i, ə́ yee pɔ nuą nwun na nɛ̨ɛ̨. Diɛi di kaa lɔ tɔɔni ə́ lííla a yələ kəlee diɛ ə́ wɔ mɛ̨nį kɔ́lɔn gili wooɠaai mɛ̨n.

Mąątɛ̨nɛ̨ 27:4

Mɛ̨nį tɔ̨nɔ̨ ɓə ŋą́ vɛli Yai-Laa ɓa, a mɛ̨nįi kpɔ gáá gwɛlii, ya ɓaa: Ŋą́ hee Yai-Laa yəi bɛlɛ́n, nwɔ́ yɛnɛ̨ɛ̨ kəlee yeemu, gɛ́ Yai-Laa nwɔ lɛlɛ laa kaa; gɛ́ nwɔ pɛlɛ́i ɲąąnɛ̨ɛ̨ kulɔ.

Hanwon 13:20

Nui a hvilɛn kilimąą nuą pɔ, a kɛ a kilimąą mun, nui a kanąn kilikpɛɛgwəi nuą diɛ, a ɉu mɔ̨nɔ̨ mįi.

Hanwon 3:18

Gaa a yíipoo wulu, nuąi da di yee hee mu diɛ. Nui a ɉon kpaan, a kɛ nwun na nɛ̨ɛ̨ hu.

Hanwon 8:34

Lúwɔ́ lon maa nui a nwəli tɔɔ nwóó ɓa, dɔɔ ɲə́i bɛlɛ́ laaləi a yələ kəlee, yɛ ɓo a ɲɛ̨i yɛ ɲɛ̨i kɛ ɲə́i bɛlɛ́ laaləi ɓa.

Woolaa 5:19

Kɛlaa, ə́ wɛi, Yai-Laa! Ə́ kaa laa a yələ kəlee; ə́ wɔ tɔɔkpəlin gaa a kwɛlan gəlee mɛ̨ni.

Lukə 10:39

Martə nəɠə nɛ̨ɛ̨nu ta ə kɛ laa, diɛ kɛ nąą ɓa Mari, ə pa ə hee Ną́mu Jesus kɔ́wɔ mu, nwəli tɔɔ nwɔ kalan gɛ woo ɓa.

Lukə 14:25

Hvóló ta, nu kpulu kɛnɛ̨ɛ̨ ə kɛ Jesus pulu, diɛ li. Ə tínɛ̨n yɛ diɛ:

Lukə 15:20

Yili pulu, ə muhəɠə, ə pənə yɛ li nąn bɔ. «Gɛɛ nii kwɛaa la, nąn ə gaa, mąąwɛli ə ɉon gbɔ kɛnɛ̨. Ə gilɛ həɠə yɛ li non naakwiɛn ɉii; ə nɛ̨nɛ̨ɓo, ə wolo mą.

Lukə 19:5

Həlii Jesus nąą, ə ɲɛ̨i tɛ ɲələi ə mo mą, yɛ mą: «Zase, yɛ́mun, hvilɛn a mąąhulaa; ə́ yəi bɛlɛ́n ɓə kələi gáá yíi laa.»

Lukə 22:61

Gu Ną́mu Jesus ə tínɛ̨n ə ɲɛ̨i hee Piɛrə ɓa. Mɛ̨nį tii gu Ną́mu Jesus ə mo mą, nąą kili ə too ŋą. Yai ə kɛ mą: «Háákələi, gɛɛ tɛɛ hvo tɔlɔɔ hvo hvaa, ə́ kaa pai lənəi mą́ą́ gee mɛ̨i haaɓa.»

Lukə 8:38

Ɉulɔnui tii Jesus ə ɲį́nɛ̨nŋąa kpɛ bulu, ə nɛ̨ɛ̨mąą hvə Jesus ɓa, yɛ mą: «Gáá bɔ, ŋą hvilɛn ə́ pulu.» Kɛlaa, Jesus ə kɛ mą:

Ɉaan 1:37

Ɉaan nwɔ kalan nɛa hveelɛi tii di nwoo tii mɛ̨n nɔ di hvilɛn Jesus pulu.

Ɉaan 1:39

Jesus ə mo diɛ yɛ diɛ: «Ka pa gwəli, ɓɛi gáá laa ka naa kaa.» Da diɛni də li, ɓɛi ə kɛ laa, di naa kaa. Ə kɛ kɛa a hvóló mąą laa lɔwai da diɛni di voló kpəli kɛ laa.

Ɉaan 1:49

Natanaɛlə ə pənə yɛ mą: «Mąąkwɛli kɛmun, ə́ kaa a Yálá Lon, yɛ ɓo a Israɛlə tɔɔmun.»

Ɉaan 12:21

Filipə yai a həɠə Bɛtsaida, Galile lɔi hu, di lɛɠɛ mą diɛ mą: «Nąn, ku kaa bɔ ku Jesus kaa.»

Ɉaan 18:4

Mɛ̨nį kɛi pa həli Jesus ɓa, kɛi ə mo a gɔlɔn ŋąąi, ə mąą lɛɠɛ diɛ, yɛ diɛ: «'Gbɛɛ ɓə ka káá gwɛli?»

Ɉaan 18:7

Jesus ə pənə ə di mąąni kɛ a nįnɛ̨ yɛ diɛ: «'Gbɛɛ ɓə ka káá gwɛli?» Di nwoo pulu pənə diɛ mą: «Jesus Nazarɛtə mun mə.»

Ɉaan 3:2

Ə pa a kpinį Jesus pɔ, yɛ mą: «Mąąkwɛli kɛmun, ku gɔlɔn kuɔ Yálá ɓə ə́ kɛ a mąąkwɛli kɛmun, mąąhɔlɔɓo, mɛ̨nįɠaai ŋɛ̨i ə́ kaa gɛi, nu hva pɛli hvo gɛ, akɛ.»

Ɉaan 3:26

Di lɛɠɛ Ɉaan ɓa, diɛ mą: «Mąąkwɛli kɛmun, nui ŋɛ̨i hiɛ ə́ mąą mɛ̨nį ɓo kuɔ Ɉurdɛn ya pulu, yáá gɔlɔn? Yaa kpɛli gaa kɛa nuą mąąwaai, ə lɛɛ, nu kpulu kɛnɛ̨ɛ̨ kaa kɛa lii pɔɔli pələ.»

Ɉaan 4:31

Nąąlɔwai tii hu, galan nɛa di Jesus mąąnɛ̨ɛ̨ diɛ mą: «Mąąkwɛli kɛmun, kɔ̨nɔ̨n mį́į́.»

Ɉaan 6:25

Yii kɛa di Jesus kaa ɲa pulu pələ, diɛ mą: «Mąąkwɛli kɛmun, mįnɛ̨ lɔwai ɓə ə́ paa la ɓɛ?»

Gɛlaɠaa 10:21

Piɛrə ə yɛɛ nu hveelɛi ti pɔ, yɛ diɛ: «Nui ka káá gwɛlii, ya ɓaa a ɲą́ą́; lə mɛ̨nį ɓə ka paa la?»

Gɛlaɠaa 10:29

Yili ɓə gɛ, və́ lənə pai ə́ wɔ təli ɓa, ŋą́ą́ pa, yɛ́ lə?»

Rutə 1:16

Rutə yɛ Naomi ɓa: «'Hvó gbɛ́ ə́ pulu. Ɓɛi yá lɔ laa, nąą ɓə gáá lɔi laa; ɓɛi yá hee laa, nąą ɓə ŋą́ hee laa. Ə́ wɔ́ nuą da kɛ a nwɔ́ nuą. Ə́ wɔ Yálá ə́ kɛ a nwɔ́ Yálá.