Ɉaan 1:34 - Yálá laawoo hɛɓɛ (dc)

³⁴ Ɲą́ą́ ŋą́ą́ yili kaa tii, ya ɓə gɛi gɛ́ kɛ diɛ: Nui ŋɛ̨i kaa a Yálá lon.»

Yálá laawoo hɛɓɛ

³⁴ Ɲą́ą́ ŋą́ą́ yili kaa tii, ya ɓə gɛi gɛ́ kɛ diɛ: Nui ŋɛ̨i kaa a Yálá lon.»

Bible

³⁴ Ǹyaŋ ŋa gáa, ŋa maa-sêre-faa kɛ̀ a gɛɛ nyiŋi ƃe gáa a Ɣâla Ǹóŋ.”

Ɉaan 1:34 ပူးပေါင်းရင်းမြစ်များ

Mąątɛ̨nɛ̨ 2:7

Mɛ̨nįi Yai-Laa ə mąą kili tee gwəi, 'ka tɔɔ ŋą́ mo, ə kɛ mą́ą́: «Nón maa yɛ́, ɲą́ą́ kpɔ ɓə ə́ kaa háákələi.

Maafîu 11:27

«Nąn aa hɛn gəlee tɛɛ bɔ́. Nu ta hvo Nąn gɔlɔn, hvo kɛ li Non. Nu ta hvo Non gɔ́lɔn, hvo kɛ li Nąn, ɛlɛɛ, da nui Non gaa bɔ ə Nąn nɛ mą.

Maafîu 16:16

Simɔn Piɛrə ə nwoo ŋąąpənə yɛ mą: «Ə́ kaa a Kristə, yai di dɔɔ, Yálái gaa a vulú Non ɉulɔnu.»

Maafîu 17:5

Ə lɛɛ lɔ moi tii, tulɔ kpinįn ɉu ponoɔ̨ ta ə yɛɛ di mɛ̨i; woo ta ə kulɔ ɉu yɛ mą: «Nííɓa lon ga ŋɛ̨i, ya ɓə ŋą́ą́ mą́ą́ mɛ̨nįɠaa kəlee lɛɛ ma. Mąąnɛ̨ɛ̨ ka ka wəli tɔɔ nwoo ɓa!»

Maafîu 26:63

Kɛlaa, Jesus hvo hvaa. Yili pulu, Ɉaláá laa həli nuą nwun nąmu yɛ Jesus ɓa: «Gáá ə́ mąąni kɛi, Yálá ɲɛ̨i ɓa, ku woo ŋąąpənə a tɛ̨ą. Akɛti, Nwun mąąɓomun Yálá ə naakwɛlanmo yii gaa a Yálá Lon, ya ɓaa yɛ́?»

Maafîu 27:40

«Yɛ́i kɛi kɛ diɛ ya Yálá hee pɛlɛ́ pu ə́ pənə ə́ dɔɔ hvóló haaɓa yee mu, ə́ kpɔɔ ɓalo wɛ! Yɛ́ kpinįi. Akɛ Yálá Lon mąą a yɛ́, ə́ kpɔɔ kulɔ wɛ golɔwa ɓa ə́ hvilɛn.»

Maafîu 27:43

Ə gilitɔɔi Yálá ɓa, ə mo yɛ diɛ: ‹Gáá a Yálá Lon.› Yili ɓa, ka gu gu ɲɛ̨i hee laa, akɛ Yálá kaa pai nwun gulɔi.»

Maafîu 27:54

Nɔi kpɛlinɉąą, da mɛ̨nįɠaa tii kɛɛpulu, ɉolahi nwun nąmu da nwɔ holahiɠaai ŋɛ̨i kɛi di ɲɛ̨i kɛ Jesus ɓa, di yiliɠaai kaa di ɲɔ̨w kpɔ kɛnɛ̨, diɛ kɛ diɛ: «Nui ŋɛ̨i ə kɛ kpɔ a Yálá Lon a tɛ̨ą.»

Maafîu 3:17

Woo ta ə kulɔ yələkɔlɔn ɉu, yɛ mą: «Nui ŋɛ̨i kaa a nííɓa Lon, ŋą́ą́ nííɓa mɛ̨nįɠaa kəlee lɛɛ mą.»

Maafîu 4:3

Nąąlɔwai, ŋąąhɛn kɛ mun ə lɛɠɛ mą, yɛ mą: «A kɛ Yálá Lon mąą yɛ́, mo gwɛnii ŋɛ̨i ta ɓa ə mąąpənə a kɔ̨nɔ̨n, ə mį́į́.»

Maafîu 4:6

yɛ mą: «A kɛ Yálá Lon mąą a yɛ́, 'teen ə hvilɛn nɔi ɓa. Hvó gaai, bɛ̨ɛ̨i Yálá laawoo hɛɓɛ́ hu, diɛ mą: «‹Yálá a mo nwɔ malakaɠaa diɛ, di di yee hee ə́ mu, ə gɛ, ə́ kɔ́wɔ hvo pa tuwɔ kwɛni ɓa.›»

Maafîu 8:29

Jesus kaai di mo, di tómą diɛ kɛ mą: «Ee ku Yálá Lon, lə ɓə yɛ ə́ gɛ a kuɔ? Akɛti, ə́ paa li kɛa, ə gɛ, ə́ ku nwun na pili nɔwai tɔwɔ?»

Markə 1:1

Nwɛlɛɛ lɛlɛɛi vilɛn ŋąąi Yálá lon Jesus Kristə ɓa, gbala tɔɔi ka.

Markə 1:11

Woo ta ə kulɔ yələi yɛ kɛ mą: «Ə kaa ɓo a nííɓa Lon, yaa níí hon gbɔ a mɔlɔɔ.»

Lukə 1:35

Malaka ə nwoo pulu pənə, yɛ mą: «Kili-Mąąhəɠɛɛ kaa pai yɛɛi ə́ mɛ̨i, Hɛn Gəlee mɛ̨imun ə ə́ mɛ̨i kpulu a nwɔ huwalawala nįnįn, yili ɓə gaa mą, non tii kaa pai kɛi a nu mąąhəɠɛɛ, diɛ kɛ naa ɓaa a Yálá Lon.

Lukə 3:22

Kili-Mąąhəɠɛɛ ə yɛɛ mɛ̨i yɛ tonwələn. Woo ta ə tɔɔ yɛ həɠə yələkɔlɔn ɉu, yɛ kɛ mą: «Yɛ́ ɓə ə́ kaa a nííɓa Lon ɉulɔnu, yii nwɛli kaa mą́ą́; ŋą́ą́ nííɓa mɛ̨nįɠaa kəlee lɛɛ yɛ́.»

Ɉaan 1:18

Nu ta hvo ta Yálá kaa li, kɛlaa, Yálá Lon dɔ̨nɔ̨ gbən yii da Nąn di kɛ di kee pɔ, ya ɓə Nąn nɛ nuą diɛ.

Ɉaan 1:49

Natanaɛlə ə pənə yɛ mą: «Mąąkwɛli kɛmun, ə́ kaa a Yálá Lon, yɛ ɓo a Israɛlə tɔɔmun.»

Ɉaan 10:30

Kwa ną́n Yálá ku kaa tɔ̨nɔ̨.»

Ɉaan 10:36

A kɛ tii, ɲą́ą́ ŋɛ̨i Yálá ə ɲɛ́ɠɛ́ ɉu, ə dɛ́ɛ́ yɛnɛ̨ɛ̨, ŋį́ kɛ diɛ: ‹Yálá lon maa ɲą́ą́›, lə mɛ̨nį ɓa, ka kɛ diɛ ŋą́ą́ Yálá mąątea woo ɓo?

Ɉaan 11:27

Martə yɛ mą: «Oowei, Ną́mu, náái na gɛ́ diɛ: yɛ́ ɓə ə́ kaa a Nwun mąąɓomun Yálá ə naakwɛlanmo, yɛ́ ɓo a Yálá Lon, yii Yálá ə dɛɛ yɛnɛ̨ɛ̨.»

Ɉaan 19:7

Ɉuifəɠaa diɛ mą: «Tɔ́n gaa ku yəi, yɛi: mąąnɛ̨ɛ̨ nu taaləi ŋɛ̨i ə haa, mąąhɔlɔɓo, aa gbɔwɔ kɛ a Yálá Lon.»

Ɉaan 20:28

Tomasə yɛ Jesus ɓa: «Ną́mu da nwɔ́ Yálá.»

Ɉaan 20:31

Kɛlaa, di yiiɠaai ŋɛ̨i bɛ̨ɛ̨ ə gɛ ka laa na ka diɛ: Jesus ɓə gaa a Kristə, gaa a Yálá Lon. Ɛlɛɛ ka laa na yɛnɛ̨ɛ̨i kpɛɛ hvo mą ka ɉɔlɔɓo naa hu.

Ɉaan 6:69

Ku wɛi, kwaa laa na, kwaa gɔlɔn kuɔ ə́ kaa a Yálá nwɔ mąąhəɠɛɛ.»

Lomaŋ 1:4

Kɛlaa, di gu Ną́mu Jesus Kristə laa hee a Yálá Lon, Kili-Mąąhəɠɛɛ nwɔ hvaŋąi haalai, yai nwun, ə gulɔ haa yəi.

Korɛntə veelɛ 1:19

Mąąhɔlɔɓo, Yálá lon Jesus Kristə, yai ku mąą mɛ̨nį laa həli káá: Ɲą́ą́, Silvɛn, ɛlɛɛ, Timote, hvo kɛli kɛ a: «ee!» da «kpaa!» Kɛlaa yaamun, gaa a «ee!», a yələ kəlee.

Hebreu 7:3

Yaa ti, nąn və mą, nee hvo mą, nu ta hvo ɉuwu həɠəi kɔlɔn, ŋą yɛnɛ̨ɛ̨ gɔwɔ tɔɔi hvo mą, naa kulɔi hvo mą. Kɛlaa gɛ pələ kaa yɛ Yálá lon, yai a ɉaláá laa həli mun a yələ kəlee.

Zɔ̂ŋ Maa-ŋuŋ 2:23

Nui a lənə Non ma, aa lənə Ną́n yaa kpɛlimąn mą, nui a ɲee hee Non mu aa ɲee hee Nąn yaa kpɛlimąn mu.

Zɔ̂ŋ Maa-ŋuŋ 3:8

Nui a kɛi nɛ̨ŋɛ̨n ɉəɠəi nąnį nwɛi ta li, mąąhɔlɔɓo, ə həɠə kpɔ gɔwɔ tɔɔ yələ ɓa, nąnį kaa lɔ nɛ̨ŋɛ̨n ɉu. Yili mąą mɛ̨nį ɓə, Yálá Lon ə paa la, ə pa, ə nąnį yee pɔɔɠaa hukala.

Zɔ̂ŋ Maa-ŋuŋ 4:9

Bələi Yálá ə ŋą wɛlikɛmąąlaa too la pono ɲą gu lɔwai bələ ka: Yálá ə non gɔw tanɔ̨n gbən dɛɛ yɛnɛ̨ɛ̨, əgɛ, gu yɛnɛ̨ɛ̨ hɔlɔɓo, ɉáálai.

Zɔ̂ŋ Maa-ŋuŋ 5:20

Gu gbaɠala kɔlɔn guɔ Yálá Lon ə pa ɛlɛɛ, ə kili tɛɛ gu pɔ, ə gɛ, gu Dɛ̨ą kɔlɔn. Ɛlɛɛ, gu kaa kɛa Dɛ̨ą hu, Non Jesus Kristə hu. Yaa tii ɓə a Dɛ̨ą, yaa ɓə a Yálá, ɛlɛɛ, a yɛnɛ̨ɛ̨i kpɛɛ hvo mą.

Zɔ̂ŋ Veerɛi 1:9

Nui lɔpee a mąą kwea mą ɛlɛɛ, hvo lɛɛ li Kristə ŋą laa na pələi mɛ̨i, akɛ tii, Yálá nwɛi ta hvə li. Nui a lɛɛ laa na pələ mɛ̨i, kɛ tii aa, Nąn da Non di hɔlɔɓo.

M̀ɛni-lɛɛi 2:18

Malakai gbɔn nwun na Tiatirə, hɛɓɛ́ kɛ ə dɛɛ mą: «Yálá Lon nwoo ka, yai ɲɛ̨i kɔwɠaa kaa yɛ nwɔ̨n nən, ɛlɛɛ, gɔwɔɠaa di ɓo yɛ da ɓala-kwɛli hu waa, yɛ diɛ: