Ɉaan 1:19 - Yálá laawoo hɛɓɛ (dc)

¹⁹ Ɓɛlɔwai Ɉuifə nwun nąmįną ŋɛ̨i kɛ Ɉerusalɛmə daai di haláá laa həli nuą kpɛa-kpɛa da Levi huwu hu nuą tɔɔ la diɛ pa Ɉaan mąąni kɛi, diɛ kɛ mą: «Gbɛɛ ɓaa yɛ?»

Yálá laawoo hɛɓɛ

¹⁹ Ɓɛlɔwai Ɉuifə nwun nąmįną ŋɛ̨i kɛ Ɉerusalɛmə daai di haláá laa həli nuą kpɛa-kpɛa da Levi huwu hu nuą tɔɔ la diɛ pa Ɉaan mąąni kɛi, diɛ kɛ mą: «Gbɛɛ ɓaa yɛ?»

Bible

¹⁹ Zɔ̂ŋ ǹyaŋ ŋɔsêre-faai ká ŋí, tãi Zûu-ŋai dí zâla láa soŋ-ƃela kpaya-kpayai da Liivai-ŋai kùla Zerusâlɛŋ dí dítɛɛ m̀are kɛ̂i, dîyɛɛ mà, “Gbɛ̂ɛ ƃa yâ?”

Ɉaan 1:19 ပူးပေါင်းရင်းမြစ်များ

Ɉaan 1:7

Ɉaan tii ə pa, ə kɛ a gɛɛ ponoi tii mąą kɛla hvaa ɓomun, ə gɛ, nu kəlee di laa gɛɛ ponoi tii mąą mɛ̨nį la.

Ɉaan 10:24

Ɉuifəɠaa di mąątinɛn, diɛ mą: «Akɛti, ə́ kaa pai ku lɛɛi kwəi pili mąą hu, hvo kɛ li mįnɛ̨ lɔwai hvo ku kulɔ ɉu? Akɛ, Nwun mąąɓomun Yálá ə naakwɛlanmo ya ɓaa a yɛ́, ə́ laa tee kpɔ ma, ə́ mo kuɔ.»

Ɉaan 10:31

Ɲąąɓa, Ɉuifəɠaa daa mɛ̨n kwɛni yɛɠɛ, diɛ kɛ di Jesus hɔɔ la.

Ɉaan 11:19

Ɉuifəɠaa tamąą di pa Martə da Mari di pɔ, ə gɛ, di di liilaa di mąąhulɔnu haa mɛ̨nį ɓa.

Ɉaan 2:18

Ɉuifə nwun nąmįną di mąąni kɛ diɛ mą: «Kpalo mɛ̨nį lə kɛɛ ɓə ya pɛli gɛi, ə gɛ, ə́ nɛ kuɔ, yɛ diɛ: mɛ̨nį ŋɛ̨i ə́ kaa gɛi mąą laa tɛɛi ə́ pɔ?»

Ɉaan 2:20

Nuą tii di mo mą diɛ mą: «Kwɛlan bu-nąąn-kɔw-mɛ̨ida ɓə di gɛ diɛ bɛlɛ́i ŋɛ̨i tɔɔ, ya ɓə yɛ́ diɛ ya pɛli ə́ dɔɔ a hvóló haaɓa yee mu?»

Ɉaan 5:10

Yili ɓə gɛ, Ɉuifəɠaa diɛ mą: «Háá ɓaa hvįįtɔɔ yələ, gu wɔ tɔ́n gaa mą nu hvo ə́ laa hɛn ɉəɠə yɛ́ hiɛ la.»

Ɉaan 5:15

Nui tii ə li ə nwoo hukulɔ Ɉuifəɠaa diɛ, yɛ diɛ: Jesus ɓə málo.

Ɉaan 5:16

Ə həɠə ɲələ ɓa, Ɉuifəɠaa di hvilɛn Jesus pulu, mąąhɔlɔɓo, aa nu ɓalo a vįitɔɔ yələ.

Ɉaan 5:18

Nwooi tii mąą mɛ̨nį ɓa, Ɉuifəɠaa di kɛi Jesus paa pələ kwɛli. Mąąhɔlɔɓo, hvo lɛɛ lɔ a vįitɔɔ yələ mąą kala mɛ̨nį, kɛlaa, ə kɛi nwɔ̨nɔ̨ Yálá kɛ a Ną́n, ɛlɛɛ, yɛ kɛ, da Yálá di pɛliɛi.

Ɉaan 6:41

Ə həɠə ɲələ ɓa, Ɉuifəɠaa líí ə holi bɔ, mąąhɔlɔɓo, aa kɛ diɛ: «Ɲą́ą́ ɓə gáá a Yálá-taa kɔ̨nɔ̨n.»

Ɉaan 6:52

Nwoo tii ɓoɔ pulu, Ɉuifəɠaa kəlee lii ə kələn di kwəi, diɛ kɛ mą: «Nui ŋɛ̨i a pɛli ɉuwɔ tɛɛ pələ kɛi ləi ku pɔ kuɔ mįi?»

Ɉaan 7:1

Yili pulu, Jesus ə kɛi hiɛ Galile lɔi hu, hvo kɛ bɔ hvə hiɛ tii Ɉude lɔi hu. Mąąhɔlɔɓo, Ɉuifəɠaa di kɛi gwɛli baa mɛ̨nį ɓa.

Ɉaan 7:11

Di kɛɛ ɉɛli ɓa, Ɉuifəɠaa di kɛi Jesus kwɛli, diɛ kɛ mą: «Ə̨́i, gaa kani mį?»

Ɉaan 7:15

Ɉuifəɠaa kwəi ə pili diɛ, diɛ kɛ di kee ɓa: «Nui ŋɛ̨i ə Ɉɛɓɛ́ kɔ́lɔn bələ kɛ ləi, yai hvo lakwəli kɛ li?»

Ɉaan 8:22

Ɉuifəɠaa diɛ mą: «Kɛi gaa moi mą: ‹Ɓɛi gáá lii laa, ka hva pɛli lii laai, akɛti yɛ mɔ̨ɔ̨ gbɔwɔ paa?›»

Ɉaan 8:48

Ɉuifəɠaa di nwoo pulu pənə, diɛ mą: «Akɛ tii, tɛ̨ą kaa ku pɔ, kuɔ kɛ yɛ: Samari mun mąą a yɛ́, ɛlɛɛ, ɲį́nɛ̨n gaa ə́ pulu.»

Ɉaan 8:52

Ɉuifəɠaa diɛ mą: «Kwaa gɔlɔn kuɔ diɛ: ɲį́nɛ̨n gaa ə́ pulu. Abrahamə aa haa, Yálá kwəi mɛ̨nį hukulɔ nuą diɛ kpɛli daa haa; yili ɓə ya kɛ diɛ: ‹Nui a nwóó hon hva haa kɔ́lɔn a yələ ta!›

Ɉaan 8:57

Yili ɓə gɛ, Ɉuifəɠaa diɛ mą: «Ə kaa kwɛlan və kpɛli nii kɛ li pow lɔɔli, yɛ kɛ diɛ ə́ Abrahamə kaa!»

Gɛlaɠaa 13:25

Ɛlɛɛ, ɓɛlɔwai Ɉaan ə kɛli pa ɲee laa kulɔi la gɛ kóló ɓa, ə kɛli kɛ diɛ: ‹Nui gaa ká kwəi, káá kɛ ya ɓaa a ɲą́ą́, və́ a mąą nui ti. Kɛlaa, mąą nu kaa búlú yɛ pa, ɲą́ą́ ŋɛ̨i, mą́ą́ hvo kpɛli nɛ̨ɛ̨li a gɔwɔɲą kɔ́lɔ yɛli hvólóonmun.›

Gɛlaɠaa 19:4

Polə ə pənə, yɛ diɛ: «Ɉaan ə kɛli nu hɔn mąą pənə mɛ̨nį ŋą mąąwaa kɛ a yá, yɛ kɛ nuą diɛ, mąąnɛ̨ɛ̨ di laa nui kɛli pa lɛɛi bulu yɛ pa, na, ya ɓaa a Jesus.»

Dutɛrɔnome 24:8

Ka gɛ a nɛlɛɛ hvólóɲɔ̨n ɉuwui lɔpee gəlee ɓa; mɛ̨nįɠaa ɉaláá kulɔ nuą Levi lonnii da mo kaa mɛ̨nįi tii hu, ka ɉon a nɛlɛɛ; ka bɔ mɛ̨nį kɛ. Ka tɔɔ a ka nwąnąąi, ka túwɔ́ yɛ bələi ŋą mo la diɛ.

Zɔ̂ŋ Maa-ŋuŋ 1:5

Nwɛlɛɛ lɛlɛɛi ku mɛ̨n Jesus Kristə la, kuɔ naa həli káá ya ka: Yálá kaa a kɛɛ pono, nįnįn danɔ̨n kpɛli hvə ɉu.