Ɉaan 1:14 - Yálá laawoo hɛɓɛ (dc)

¹⁴ Nwoo tii, ə nu kɔ́lɔ həɠə, kwa diɛni ku yɛnɛ̨ɛ̨ kɛ gee pɔ, naa hvɛɛ a mɛ̨inɛ̨ɛ̨ da tɛ̨ą, ku nwɔ mąąwiɛ kaa yɛ bələi Lon gɔw tɔ̨nɔ̨ gbən a mąąwiɛ hɔlɔɓo la Nąn ɲəi.

Yálá laawoo hɛɓɛ

¹⁴ Nwoo tii, ə nu kɔ́lɔ həɠə, kwa diɛni ku yɛnɛ̨ɛ̨ kɛ gee pɔ, naa hvɛɛ a mɛ̨inɛ̨ɛ̨ da tɛ̨ą, ku nwɔ mąąwiɛ kaa yɛ bələi Lon gɔw tɔ̨nɔ̨ gbən a mąąwiɛ hɔlɔɓo la Nąn ɲəi.

Bible

¹⁴ Ǹyaŋ Ŋ̀óoi è kɛ̀ a núu-kpune gɛ́ ƃò kúsama. Kú ŋɔfólo-laai kâa gɛɛ yɛ̂ɛ Nâŋ Ɣâla Ǹóŋ tɔnɔi ŋɔi, ǹáa fɛ́ɛ a tɔ̃yâ da ƃɛlɛ-sêe.

Ɉaan 1:14 ပူးပေါင်းရင်းမြစ်များ

Mąątɛ̨nɛ̨ 2:7

Mɛ̨nįi Yai-Laa ə mąą kili tee gwəi, 'ka tɔɔ ŋą́ mo, ə kɛ mą́ą́: «Nón maa yɛ́, ɲą́ą́ kpɔ ɓə ə́ kaa háákələi.

Mąątɛ̨nɛ̨ 45:2

Woonɛ̨ɛ̨ aa kulɔ góókpala, gáá nu pɔlɔ wələi tooi tɔɔmun ma. Nɛ̨́n ə kɛ ná yɛ, hɛɓɛ́ kɛmun nwəlɛɛ, nwɔ hɛɓɛ́ kpɔw!

Mąątɛ̨nɛ̨ 85:9

Mɛ̨nįi Yai-Laa nwɔ́ Yálá kaa moi, nwə́li tɔɔi mą, yɛ «liilaa ə pa» nwɔ lɔi mɛ̨i, da nwɔ tələnmo nuąi mɛ̨i, Kɛlaa, di hvo kɛa pənə di hvo di yee lɔ di wɔ ɓowo mɛ̨nįi ta hu.

Azaya 40:5

Nąąlɔwai, Yai-Laa nwɔ mąąwiɛ kaa pai kulɔi pɔ̨nɔ̨ŋą, nɔ̨ɔ̨nɔ̨ɔ̨-hɛnŋąąi kpɔ di kaa lɔi mɛ̨i, gəlee kaa pai gaai, diɛ kɛ Yai-Laa ka tii aa hvaa!

Azaya 53:2

Mąą nui ə kɛi kɛnɛ̨ Yálá ɲɛ̨i ɓa yɛ wulu ɓɔn, yɛ wulu hamui kulɔi lɔi hu kpalaa hu; Kɔlɔn və kɛ mą, ku kɛɛ gaa, ə kɛ a nui nu ɲɛ̨i hva pɛli kɛ kulɔi bɔ, bələi mąą mɛ̨ni ə kɛ la ku kwəi, ku hvo gaa tii.

Azaya 7:14

Yili mąą mɛ̨nį ɓa, Ną́mu yaa kpinįi gaa mɛ̨nį ta lɛi kaa, ya ɓaa: Nɛ̨ɛ̨non yii hvo hulɔnu mɛ̨nį hukɔlɔn, a koo həɠə, ə lon ɉulɔnu hɔlɔɓo, ə naa hee a Ɛmanuɛlə.

Izikiɛ 37:27

Ɉéé pɛlɛ́ kaa pai kɛi di kwɛlɛ, gáá pai kɛi a di wɔ Yálá, diɛn, di ɓo a nwɔ́ nuą.

Maafîu 1:16

Ɉakɔbə ə Ɉosɛfə kaa, yaai kɛ a Mari ɉilɛ. Mari ŋɛ̨i kɛ a Jesus nee. Jesus yaai da kɛ mą: Kristə.

Lukə 2:11

Daa ka Nwun mąąɓomun gaa, háákələi, Davidə ŋą taaleei hu, naa ɓaa a Kristə, mɛ̨nį kəlee nąmu.

Lukə 2:7

ə non dɔlɔɔ kaa a hulɔnu. Ə mąą kpinįn gɛ a həɠə, ə naa ɓɛi daatɛlɛɛɠaa di kɛi di laa mį́i laa. Mąąhɔlɔɓo, di hvo laai hɔlɔɓo nwɛ̨ąą laa pɛlɛ mu.

Lukə 9:32

Piɛrə da mɛlaa di kɛi yii kpɔ kɛnɛ̨. Kɛlaa, ɓɛlɔwai di di ɲɛ̨ilaa ɓo la, di Jesus nwɔ mąąwiɛ kɛnɛ̨i tii kaa, ə lɛɛ da nu hveelɛi tii kɛ tɔɔ ni gwɛlɛ.

Ɉaan 1:1

Gɛɛ Yálá hvo yɛnɛ̨ɛ̨ pɛli, tɔlɔɔ, woo ə gbɛa kɛ laa. Nwoo tii, ə kɛ Yálá pɔ, gaa a Yálá.

Ɉaan 11:40

Jesus yɛ mą: «Martə, kɛlɛi ŋį́ kɛ yɛ a kɛ ya laa ná ya Yálá nwɔ mąąwiɛ ka?»

Ɉaan 14:6

Jesus yɛ mą: «Ɲą́ą́ ɓə gáá a bələ gɛ́ ɓo a tɛ̨ą, gɛ́ ɓo a yɛnɛ̨ɛ̨ kpɛɛ hvo mą. Nu ta hva pɛli lii Ną́n Yálá pɔɔli akɛ hvo tɛɛ li ɲą́ą́ bɔ pələ.

Ɉaan 14:9

Jesus yɛ mą: «Filipə gwa gaa ni gwaa lɔwai tamąą kɛ gu kee ɓa, ya ɓə hvo gɔ́lɔ́n? Nui a gáá, a kɛ tii aa Ną́n gaa. Lə mɛ̨nį ɓa ə́ kaa kɛi mą́ą́: ‹ə́ Ną́n nɛ kuɔ?›

Ɉaan 17:22

Mąąwiɛi ə́ dɛɛ bɔ́, ŋą́ą́ dɛɛ di pɔ, ə gɛ, di kɛ ɉu tɔ̨nɔ̨, yɛ pələi gu kaa la ɉu tɔ̨nɔ̨.

Ɉaan 17:24

«Ną́n, gáá bɔ ɓɛi ŋą kɛ laa, nuą ŋɛ̨i yáá di tɛɛ bɔ, diɛ kpɛli di kɛ laa, ə gɛ, mąąwiɛ yii yáá dɛɛ bɔ, di gaa. Mąąhɔlɔɓo, ə́ gbɛa nwɛ́li la kɛ gɛɛ yɛnɛ̨ɛ̨ kɔ́wɔ hvo tɔɔ.

Ɉaan 18:37

Pilatə ə mo mą yɛ mą: «Akɛti, tɔɔmun mąą yɛ́?» Jesus ə nwoo pulu pənə yɛ mą: «Yɛ́ lɔ ɓə mo: gáá a tɔɔmun. Ŋą́ pa lɔi mɛ̨i di gáá a lon, ə gɛ, ŋą tɛ̨ą mąą kɛla hvaa ɓo. Nui lɔpee gaa tɛ̨ą pələ mɛ̨i, a nwəli tɔɔ nwóó ɓa.»

Ɉaan 2:11

Pələi Jesus ə kpalo mɛ̨nį dɔlɔɔ kɛ la Kana daai Galile lɔi hu bələ li. Ə nwɔ mąąwiɛ kulɔ laa pono ŋą, nwɔ kalan nɛai di laa na.

Ɉaan 3:16

Mąąhɔlɔɓo, Yálá aa yɛnɛ̨ɛ̨ nuą wɛli la kɛ kpɔ kɛnɛ̨, hvo kɛli ə Non ɉulɔnu tɔ̨nɔ̨ gbən kwɛlɛ, ya ɓə ə gɛ, nui lɔpee a laa na, nwun na hva pili. Kɛlaa, a yɛnɛ̨ɛ̨ kpɛɛ hvo mą hɔlɔɓo Yálá yei.

Ɉaan 3:18

Nui a laa Yálá lon na, kiti hvo mąą nu ɓa, kɛlaa, nui a wala laa na, mąą nu kiti tɛɛi kɛa. Mąąhɔlɔɓo, hvo kɛ laa li Yálá Lon tɔ̨nɔ̨ gbən na.

Ɉaan 6:51

Ɲą́ą́ ɓə gáá a kɔ̨nɔ̨n vúlu mąą, yai həɠə yələi. Nui a da mįi, a yɛnɛ̨ɛ̨ hva kpɛɛ hɔlɔɓo. Yaan, gɔ̨nɔ̨n ŋį́ dɛɛ nuą pɔ ya ɓaa a gbį́nį́, yai ŋį́ gwɛlɛ yɛnɛ̨ɛ̨ nuą ɓola mɛ̨nį ɓa.»

Ɉaan 8:32

Ka káá pai tɛ̨ą kɔ́lɔn ɉii, dɛ̨ą tii kaa pai ka nwun mąąɓoi.»

Gɛlaɠaa 13:33

Aa bɔ mɛ̨nį kɛ kuɔi a di lonnii kuɔ da hvo lɛɛ li pulu, a Jesus nwun ə mo haa nuą lɔwai, yɛ bələi bɛ̨ɛ̨i la Yálá mąątɛ̨nɛ̨ wələ hɛɓɛ́ veelɛnąą hu, yɛ mą: «‹Nón maa yɛ́, ɲą́ą́ kpɔ ɓə ə́ kaa háákələi.›

Lomaŋ 8:3

Mɛ̨nįi tɔ́n hva pɛli kɛ gɛi, mąąhɔlɔɓo, nu nwɔ hviikpɛɛlaa aa gɛ vaŋą kpɛɛ ɉu, Yálá aa yili kɛ: Aa nɛ̨ŋɛ̨n gití tee nu kɔ́lɔ hu, a gbɔwɔ lon dɛɛi ə mo, ə pa, ə kɛ a nu, ə gbɔwɔ kulɔ a haláá nɛ̨ŋɛ̨n mąą mɛ̨nį ɓa, ə nɛ̨ŋɛ̨n nwun na pili kɔ́lɔ hu.

Lomaŋ 9:5

di kaa a di kalaɓɔlɔni lonnii, di kaa pələ hu, diɛ ɓə Kristə ə hɔlɔɓo di huwu hu, yai hee ni hɛn gəlee nwun mɛ̨i. Lúwɔ́ kɛ mą a yələ kəlee da nwɔɔ, kɛi a mo tii Yálá ə kɛ! Mįiną!

Korɛntə dɔlɔɔ 15:47

Nu kan dɔlɔɔi kulɔ pɔlɔ hu, gaa a pɔlɔ; veelɛnąąn ə həɠə yələi.

Korɛntə veelɛ 12:9

Kɛlaa, ə nwóó ŋąą pənə yɛ mą́ą́: «Nwɔ́ mɛ̨inɛ̨ɛ̨ tii ə́ yəi, a pɛli; mąąhɔlɔɓo, nwɔ́ huwalawalalaa a too pono ŋą, ə́ wɔɔ hvįikpɛɛlaa tii hu.» Yili ɓa tii, nwɔ́ hvįikpɛɛlaa hu ɓə ŋą́ gbɔ́wɔ́ ɲąą kɛnɛ̨ la, ə gɛ, Kristə nwɔ huwalawalaa ə hee mɛ̨́i.

Galatə 4:4

Kɛlaa, ɲələi Yálá ə vaaɓo, yii kɛa ə ɉəli, Ə Non dɛɛ yɛnɛ̨ɛ̨, nɛ̨ɛ̨nu ta ə gaa a lon, ɛlɛɛ, non ti ə ɓo dɔ́n ɲee mu.

Ifisiɛŋ 3:8

Ɲą́ą́ ŋɛ̨i a Kristalɛaa kəlee di kpɛlamąą, a kponɉee, kɛlaa, ŋą́ mɛ̨inɛ̨ɛ̨ tii hɔlɔɓo, gɛ́ pɛli Kristə mąą mɛ̨nį kpaɠala kaa laa walaa tii, laa həlii la.

Kolosə 1:19

Hvo gaai, Yálá ə naa gwəi, ə ɉuɓo ɉu,

Kolosə 2:3

A yai, kili mɛ̨nį da mɛ̨nį kɔlɔŋąą ŋą hɛngɔw kəlee kaa ɉu.

Kolosə 2:9

Mąąhɔlɔɓo, Kristə kpinį hu ɓə Yálá ə ɉuɓo laa.

Timote dɔlɔɔ 3:16

A tɛ̨ą mɛ̨nį loɔi Yálá mɛ̨nį hu, gɛnɛ̨i. Mɛ̨nį loɔi tii ɓaa: Yálá ə gbɔwɔ lɛ nu kɔlɔ hu, Kili-Mąąhəɠɛɛ ə mąą mɛ̨ni too pono ɲą, malakaɠaa di gaa, mąą mɛ̨nį laa ə həli huwu takpɛliɠaa diɛ, yɛnɛ̨ɛ̨ kəlee ə laa na, Ə tɛ yələkɔlɔn ɉu mąąwiɛlaa kɛnɛ̨ɛ̨ hu.

Hebreu 1:3

Non ti ɓə a Yaa kpinįi ŋą mąąwiɛlaa too pono ŋą, bələi lɔ gaa la, bələ lɔ ɓə Non gaa la, ɛlɛɛ Naa woo ŋą hvaŋą ɓə ɉeɛ yɛnɛ̨ɛ̨ kəlee mu. Yii kɛa, ə nuą kəlee di wɔɔ nɛ̨ŋɛ̨nŋaa waa diɛ, ə tɛ ə hee Hééɓolaa ɓa-mįi-yee hu.

Hebreu 1:5

Malakaɠaa tii, nɛlɛ ɓə aa ta kɛ mą: «Nón maa yɛ́, ɲą́ą́ kpɔ ɓə ə́ kaa háákələi.» Ə lɛɛ nwɔ̨nɔ̨, yɛ kɛ mą: «Ɲą́ą́n, gáá pai kɛi a ə́ nąn, ɛlɛɛ, yɛ ɓo pai kɛi a nón?»

Hebreu 10:5

Yili ɓə gɛ, ɓɛlɔwai Kristə ə kɛi pa la yɛnɛ̨ɛ̨, ə mo, yɛ mą: «Haláá hɛn da kɔ́ɓo hɛn lɔpee ta wɛli hva ə́ hon, kɛlaa ə́ kɔlɔ ta tɛ mą́ą́.

Hebreu 2:11

Mąąhɔlɔɓo, mąąhəɠə kɛmun, da nuąi a di mąąhəɠə, di nąn gaa tanɔ̨n; yili ɓa, hva pɛli nwumɛ̨i kɛi diɛ: Ną́n nonnii,

Hebreu 5:5

Bələ lɔ ɓə ə kɛ la a Kristə nwɛi. Hvo kɛ lɛɛ li lɔ gbɔwɔ ɓa, hvo ɉaláá laa həli mun gɛnɛ̨ɛ̨ ŋą mąąwiɛlaa tɛɛ gbɔwɔ pɔ yaa kpinįi, ə ɉɔlɔɓo nui ŋɛ̨i kɛ mą: «Ə́ kaa a Nón, ɲą́ą́n, háákələi, ŋą́ą́ ə́ kaa a lon», yaa lɔ ɓə;

Zɔ̂ŋ Maa-ŋuŋ 4:14

Ku wɛi, kwa mąą kɛla hvaa ɓo, kuɔ, ku gaa, ɛlɛɛ, kuɔ, Nąn ə Non dɔɔ, ə kɛ a yɛnɛ̨ɛ̨ ɓalomun.

Zɔ̂ŋ Maa-ŋuŋ 4:9

Bələi Yálá ə ŋą wɛlikɛmąąlaa too la pono ɲą gu lɔwai bələ ka: Yálá ə non gɔw tanɔ̨n gbən dɛɛ yɛnɛ̨ɛ̨, əgɛ, gu yɛnɛ̨ɛ̨ hɔlɔɓo, ɉáálai.

Zɔ̂ŋ Veerɛi 1:7

Mąąhɔlɔɓo, nu ɲąąhɛn nuą tamąą daa taɠa-taɠa yɛnɛ̨ɛ̨, Di hvo laa li Jesus Kristə kɛ mɛ̨nį a nu, na. Ya ka tii, a ɲąąhɛn kɛmun tii, a Kristə ɲowoi tii!

M̀ɛni-lɛɛi 19:13

Həɠə kwɛaa ta ə kɛ gwąną, daa nɔ ɲąmą hu, ɛlɛɛ, naa ɓaa kɛ a: «Yálá laawoo.»

M̀ɛni-lɛɛi 21:3

Ɛlɛɛ, ŋą́ woo kɛnɛ̨ ta mɛ̨n yɛ həɠə dɔɔkpəlin ɉu, yɛ kɛ mą: «Yálá heei ka, da nu kanŋaa! Da diɛni di kaa pai heei kɛɛnąą tanɔ̨n. Di kaa pai kɛi a nwɔ nu huwu, ɛlɛɛ, yaa kpinįi ə ɓo a di wɔɔ Yálá, yɛ ɓo di pɔ.