Izikiɛ 9:4 - Yálá laawoo hɛɓɛ (dc)

⁴ Yai-Laa yɛ mą: «'Hvilən daa pɔ, Ɉerusalɛmə taa pɔ; nuąi kpɔ ɲįŋɛ̨i, diɛ di woolaa dúwɔ́ pələ ɲɔ̨nŋąąi nuą kaa gulɔi daa kwəi mąą mɛ̨nį ɓa, ə́ ə́ pɔɔ kɛ mąą nuą tɔwɔla.»

Yálá laawoo hɛɓɛ

⁴ Yai-Laa yɛ mą: «'Hvilən daa pɔ, Ɉerusalɛmə taa pɔ; nuąi kpɔ ɲįŋɛ̨i, diɛ di woolaa dúwɔ́ pələ ɲɔ̨nŋąąi nuą kaa gulɔi daa kwəi mąą mɛ̨nį ɓa, ə́ ə́ pɔɔ kɛ mąą nuą tɔwɔla.»

Bible

⁴ Yâwɛɛ è mò m̀a ǹyɛɛi, “Lí Zerusâlɛŋ taa-leei su gwaa kélee í pɔɔ kɛ́ ǹûai tôŋ-la nyii-ŋai dílii toɔ̂ɔi pôlu díkɛ wɔ́lɔ kpɛ́ni fêi da m̀ɛni nyɔmɔɔ sãŋ ŋí kɛ́ daa-leei sui.”

Izikiɛ 9:4 ပူးပေါင်းရင်းမြစ်များ

Zɛnɛse 4:15

Yai-Laa yɛ Kain ɓa: «Kpaa-oo! Nu ta a ə́ paa, ə́ wɔ kwələ a kulɔ gee mɛ̨i mɛ̨ihveelɛ.» Yai-Laa ə nɛɛ mą, ə kɔ́lɔn ɉɛn da kɛ Kain ɓa, əgɛ, nu ta a kwiɛn na hvo baa.

Tɔɔɓɛlaa veelɛ 22:13

«Ka li ka Yai-Laa mąąni kɛ kwa nɔi nuą ku mąą mɛ̨nį ɓa, da Ɉuda mąą mɛ̨nį ɓa; yɛ hvilɛ na ɉɛɓɛ́i ŋɛ̨i hu woo kəlee ɓa. Mąąhɔlɔɓo, Yai-Laa lii aa holi kɛnɛ̨. Yai-Laa lii aa holi mąąhɔlɔɓo, ku nąnii di hvo wəli tɔɔ ɉɛɓɛ́i ŋɛ̨i hu woo ɓa, di hvo hiɛ yɛ bələi mąąnɛ̨ɛ̨ la.»

Mąątɛ̨nɛ̨ 119:136

Ɲɛ̨́iyá kpɔ kpɔɔ kaa tooi mą́ą́, mąąhɔlɔɓo, di hvo ə́ wɔ tɔn nwooi pɔ yíiɓoi.

Mąątɛ̨nɛ̨ 119:53

Níí a kɛ kələn ɉii gwə́i kpɔ kɛnɛ̨, ɓɛlɔwai ŋą́ kɛ nɛ̨ŋɛ̨n ɉəɠə nuą kaai la, diɛ həɠə ə́ wɔ tɔn nwooi pulu.

Lɛɛ gbɔwɔ ɓa 12:13

«Kɛlaa ka wɛi, ɲąmąi tii ɓə pai kɛi a ka wɔ pɛlɛ́ɠaai kɔ́lɔn ɉɛn. Ŋą́ ɲąmąi tii kaa, ŋą́ laŋįn ka mɛ̨i, mɛ̨nį nwąnąąi pai laai Eziptə lɔi ɓa, da hva həli la kaa.

Lɛɛ gbɔwɔ ɓa 12:23

Yai-Laa, kaa pai tɛɛi ə Eziptə kɛlɛ, a ɲąmą kaa bɛlɛ́ laaləi mɛ̨i da gwɛlɛ hveelɛi ɓa, a tɛɛ bɛlɛ́ laaləi, hva hvaa mą, Kɛɛkalamun hvo nąą kala.

Lɛɛ gbɔwɔ ɓa 12:7

Di ŋąmą hiɛ bɛlɛ́ laaləi mɛ̨i, da gwɛlɛ pələ kəlee hveelɛi, ɓɛi ti da mɛlaa mįi laa bɛlɛ́n.

Azaya 57:15

Mąąhɔlɔɓo, nui kpɔ gaa yələi kwɛala, mɛ̨nįi gaa moi ya ka, yai gaa laa a yələ kəlee, ɛlɛɛ naa kaa a mąąhəɠɛɛ. Gáá yələi kwɛaala, mą́ą́həɠɛɛ, ŋą́ ɓo lɔ nwɔ̨nɔ̨ a nui daa hee mɛ̨i, dɔɔ bulu, yai a kɛ giliɲąhiɛi, yɛ kɛ daa mɛlɛ kpɛɛ mą, nuąi yiiɠaai di kaa di nwumɛ̨i, gɛ́ di hvąŋąlɔ, nuąi daa di lii yali di kwəi, gɛ́ di nįįlɔ.

Ɉeremi 13:17

Ka wala ka wəli tɔɔ niɛwoo ŋɛ̨i ɓa, gáá pai mąąwɛli hee ɓoi honwon ɉu, gbɔwɔ ɲąą kɛnɛ̨ taaləi tii mąą mɛ̨nį ɓaa, gɛ́ wɔlɔ, ɲɛ̨́i ya yɛ laa a yalon. Mąąhɔlɔɓo, Yai-Laa nwɔ kpului kaa lii luwɔlaa hu.

Izikiɛ 21:6

Yai-Laa woo ə həli mą́ą́, yə mą́ą́:

Izikiɛ 6:11

Yai-Laa woo ka, yɛ: «Ə́ yee kɛlɛ gee ɓa, ə́ kɔ́wɔ kɛlɛ nɔi ɓa; 'tómą a gboo woo. Israɛlə nu huwu nwɔ tuwɔ pələ ɲɔ̨n gəlee ɓə pai gɛi yɛ too la a ɓɔwa kwɛaa laa pɔɔ, da pulu, da lɔi kala ɲɔ̨n naa pɔɔ.

Izikiɛ 9:5

Yili pulu, ŋą́ nwoo mɛ̨n; yɛ kɛ nuą yiiɠaai ti diɛ: «'Ka hvilɛn daa pɔ, nui ɲɛ̨i pulu; ɛlɛɛ, ka paa ɓo kɛ; ka hvo nu ɲɛ̨́i mąąwɛli kaa, ka hvo nu mąą hvaa lɛɛ.

Izikiɛ 9:6

Ə kɛ a hulɔngolo, ə kɛ a ląŋąlon, ə kɛ a halakpɛla, lɛapɛlɛɛ mąn, nɛ̨ąą mąn; ka gəlee paa, ə lɛɛ ɉu, di kpɛɛ kpɔ tɛ̨ɛ̨ tɛ̨ɛ̨. Kɛlaa, nui lɔpee, nui ɲɛ̨i pɔɔ a kɛ mą, 'ká hvo tunwɔ̨n mą. 'Ká gbala tɔɔ Yálá hee pɛlɛ́ ɓa. Di gbala tɔɔ kɛa ɉulɔngoloɠaai ti kɛ Yálá hee pɛlɛ́ laaləi diɛ.»

Amɔsə 6:6

Ka lɔɔ kpələ, ka nɔɔ kpo kpələ gɔwɔ hu, Wulɔ yii gun nɛɛi dɛɛ gɛi ɓa, ya ɓə ka ka mąąti la. Kɛlaa, Ɉosɛfə huwuhu nuą kala mɛ̨nį, yili niihɛlɛn va too kaa.

Sofoni 1:12

Ɲələi tii, ŋą́ kpalan dɔɔ, gɛ́ Ɉerusalɛmə taa hu pili la. Nuąi di wɔ yɛnɛ̨ɛ̨ nii həɛ, di laa gbin ŋą, diɛ mo di kwəi diɛ kɛ: «Yai-Laa hvo mɛ̨nį ta kɛi.» Ŋą́ ɲéé pɛlɛ diɛ.

Sofoni 3:18

Nuąi di hvo kɛ hɛli kɔ́lɔn, di mąą kwɛa yɛ́, ŋį́ di ɲąąkpɔn, nwumɛ̨ ka tii kɛ, ɉeɛ Ɉerusalɛmə ɲɛ̨i.

Malasi 3:16

A kɛ tii, nuą da di kpɔwɔ mąą yɛɛ Yai-Laa yee mu, diɛ kpɛli, da da ɓo di kee lɔwai. Yai-Laa a nwəli tɔɔ, ə di woo mɛ̨n. Di mɛ̨nįi tii pɛ̨ɛ̨ ɉɛɓɛ́ hu, ɓɛi nuąi da ɲɔw Yálá ɓa, diɛ mąąwiɛ di laa kaa laa.

Korɛntə veelɛ 1:22

ya ɓə gɔlɔn ɉii kɛ guɔ, diɛ pɛli gu kɔlɔn ɉii la a nwɔ nuą; yɛ gu lii laahvɛɛ a nwɔ Kilii, a mɛ̨inɛ̨ɛ̨ tɔlɔɔ.

Korɛntə veelɛ 12:21

Ɲɔw kaa ɉú, ŋą́ pənə ŋą́ pa, nwɔ́ Yálá hvo pa nwúmɛ̨ ká ɲɛ̨i ɓa, gɛ́ wɔlɔ nu tamąą mąą mɛ̨ni ɓa, a diɛi tii daa nɛ̨ŋɛ̨n ɉəɠə, ɛlɛɛ, di hvo di hɔn mąą hvalin ni, di wɔɔ wɛli mɛ̨nį, di wɔɔ túwɔ́ pələ ɲɔ̨n, da di mąąliɓi mɛ̨nįɠaa hu.

Galatə 6:17

Ə həɠə yiihu ɓa, və́ bɔ nu ta hvo nwə́lii woo ɲąąnwąną, mąąhɔlɔɓo, gbɔlɔɔnŋąa ŋɛ̨i gaa gɔ́lɔ́ ɓa, da nɛ diɛ: Jesus nwɔ ɓaa a ɲą́ą́.

Ifisiɛŋ 4:30

'Ká hvo Kili-Mąąhəɠɛɛ liikələn gwəi, yai Yálá ə gɔlɔn ɉii kɛ la káá, káá ká nwun mąąɓo yələ mąąkpɔn na.

Timote veelɛ 2:19

Ə mą kɛ ləi, bɛlɛ́ kɔwɔ hvilɛn gwɛnii Yálá ə naa, gaa laani naai. Gɔlɔn ɉɛn maa a Nwoo ŋɛ̨i: «Gu Nąmu ə nwɛiɠaai kɔlɔn.» Ɛlɛɛ nwɔ̨nɔ̨: «Nui lɔpee a gu Nąmu hvɛli, ə mąą kwɛa mɛ̨nį ɲɔ̨n ma.»

M̀ɛni-lɛɛi 14:1

Ɛlɛɛ, ŋą́ ɲɛ̨́i hee lɔ, ŋį́ Mɛlaa Lon gaa tɔɔni Siɔn yee nwuɔ̨, ɛlɛɛ, da nu waa-nwun-dɔ̨nɔ̨-ɲee-nąąn-kɔw-nąąn (144.000) diɛi naa, da Nąn naa pɛ̨ɛ̨i di tɔwɔla.

M̀ɛni-lɛɛi 20:4

Ɛlɛɛ, yili pulu, ŋį́ tɔɔkpəlinŋaa kaa, nuąi kɛli pa heei ɉui, di mąąlaa tɛɛ di pɔ, diɛ pɛli, kiti teei. Ŋą́ pənə nwɔ̨nɔ̨, nuąi di di nwun dee Jesus ŋą kɛla woo mąą mɛ̨nį ɓa, ɛlɛɛ, Yálá laawoo mąą mɛ̨nį ɓa, ɛlɛɛ, da nuąi di hvo gɛ di hvo kwɛli hvilɛn ɉuwɔi tii mąą nįnįn ma, naa hvo nwɔ̨nɔ̨ kɛ di dɔwɔla, ə mą kɛ, di yee ɓa, ŋą́ di nįiɠaa kaa, daa pənə daa nwun, ɛlɛɛ, da Kristə ni, di tɔɔlaa kɛ kwɛlan nwaa tɔ̨nɔ̨ yee mu.

M̀ɛni-lɛɛi 9:4

Di tɔn dɔɔ diɛ, di hvo kɛ di kaa mɛ̨nį ɲɔ̨n gɛi a kala tɛlinŋaai lɔi mɛ̨i, da wulu, ə mą kɛ, hihɛn nɔpee ta, kɛlaa, ə kulɔ lɔ nuąi tii Yálá kɔ́lɔn ɉii hvo kɛ di tɔwɔla.