Izikiɛ 8:6 - Yálá laawoo hɛɓɛ (dc)

⁶ Yɛ nwɔ̨nɔ̨ mą́ą́: «Hulɔnu lon, mɛ̨nįi di kaa gɛi ə́ kaa nąą kaai? A gili kpɛɛ gwəi mɛ̨nį kpɛa kpɛaɠaai Israɛlə nwɔ pɛlɛ́i kaa gɛi ɓɛ, yáá gaa? Yili ɓə aa gúlɔ ɲə́i bɛlɛ́n. Ə́ kaa pai ɓowo mɛ̨nį kpɛa kpɛa takpɛliɠaa kaai nwɔ̨nɔ̨.»

Yálá laawoo hɛɓɛ

⁶ Yɛ nwɔ̨nɔ̨ mą́ą́: «Hulɔnu lon, mɛ̨nįi di kaa gɛi ə́ kaa nąą kaai? A gili kpɛɛ gwəi mɛ̨nį kpɛa kpɛaɠaai Israɛlə nwɔ pɛlɛ́i kaa gɛi ɓɛ, yáá gaa? Yili ɓə aa gúlɔ ɲə́i bɛlɛ́n. Ə́ kaa pai ɓowo mɛ̨nį kpɛa kpɛa takpɛliɠaa kaai nwɔ̨nɔ̨.»

Bible

⁶ È mò mâ ǹyɛɛi, “Núu-kpono ǹóŋ, nya mɛni nyɔmɔ sãŋ ŋí kâai nyii Eezuɛ-ŋai da gɛi a gɛɛ dí ŋ́gbɛ ŋápɛrɛ-maa-waai ŋí mui? Kɛ́lɛ yâ pâi mɛni nyɔmɔɔ támaa kâai é tɛɛ nyiŋi ma.”

Izikiɛ 8:6 ပူးပေါင်းရင်းမြစ်များ

Kɔlɔnikɔ Veerɛi 29:5

Yɛ diɛ: «'Ka ká wəli tɔɔ nwóó ɓa, Levi lonnii! Yii hu, 'ka ká mąąhəɠə, 'ká Yai-Laa, ká nąnni di wɔ Yálái ŋą pɛlɛ́i mąąhəɠə. 'Ka mąąluɠu hɛn gəlee kulɔ gɛɛnąą mąąhəɠɛɛ ɓa.

Mąątɛ̨nɛ̨ 78:60

Mąąwiɛ pɛlɛ́i kɛ Silo, ə kulɔ mu, a bɛlɛ́i tii ə dɔɔ nu kanŋaa lɔwai.

Hanwon 5:14

Nąąwolo ə lɛɛ tiikpə, gɛ́ kɛ ŋį́ too mąąwɛli mɛ̨nį hu, ŋąąkpɔn ɉu, nu kpɔn ŋɛ̨i lɔwai.»

Ɉeremi 11:18

Ɓɛlɔwai Yai-Laa, ə́ nwə́li lon doo la ɉu, gɛ́ gbaɠala kaa, nąąlɔwai ɓə ŋį́ di wɔ gbanalaai kaa la.

Ɉeremi 23:11

Yai-Laa yɛ diɛ: «Gwə́i mɛ̨nį hukulɔ mun mąn, ɉaláá laa həli mun mąn, di ta hvo Yálá mɛ̨nį pɔ. Ŋą́ą́ di wɔ kiliŋąhiɛ ɲɔ̨nwɔ̨ɔ̨ pɔɔ kaa, ə mą kɛ ɲə́i bɛlɛn.»

Ɉeremi 26:6

Ka gɛ tii, gáá pai bɛlɛ́i ŋɛ̨i hon ɉii, yɛ bələi ŋį́ Silo hon na, ɛlɛɛ, ŋą́ daai ŋɛ̨i kɛ a taai da mɛlaa kɔ́ɔn mą, nɛ̨ŋɛ̨n naa mɛ̨nį hu, yɛnɛ̨ɛ̨ nąąkəlee lɔiɠaa hu.›»

Ɉeremi 3:6

Ɉosiasə nwɔ tɔɔlaa yələ, Yai-Laa ə kɛ maa: Israɛlə tii aa lənə mą́ą́, mɛ̨nįi aa gɛ, yáá nąą kaa! Yaa tii ə kɛi lia li yee tɔɔ kəlee nwuɔ̨, diɛ laa la, da wulu laa hu wiaɠaa kəlee mu.

Ɉeremi 32:34

Bɛlɛ́i da vɛli mu, diɛ di wɔ haliɠaa hee laa, diɛ bɛlɛ́ mąąliɓi.

Ɉeremi 7:17

Mɛ̨nįɠaai di kaa gɛi Ɉuda taaɠaa hu, da Ɉerusalɛmə gwəliɠaa pɔ, hvó gaai?

Ɉeremi 7:30

Yai-Laa woo ka, yɛ diɛ: Ɉuda nuą daa di yee lɔ mɛ̨nį ɲɔ̨n ɉu, yii mɛlɛ hvo gwə́i. Daa nwɔ́ pɛlɛ́i kɔ́hɔɓo, daa lɔ laa a haliɠaa diɛ gɔ́.

Izikiɛ 10:18

Yai-La nwɔ mąąwiɛ ə muhəɠə Yálá hee pɛlɛ́ laaləi, ə tɛ ɲələi pələ ə tɔɔ mąąkpɛ malakaɠaa nwun mɛ̨i.

Izikiɛ 10:19

Mąąkpɛ malakaɠaa di di koonŋaa haŋą, di həɠə nɔi ɓa; diɛ tɛ yələi pələ. Di kulɔ ɲɛ̨́i ɓa a gee da nwotolo kɔ́wɔɠaa. Yálá nwɔ mąąwiɛ ə tɔɔ Yai-Laa nwɔ pɛlɛ́i laaləi, yai tii ɲɛ̨i heɛ ɲánwuɔ̨ pələ; Israɛlə nwɔ Yálá nwɔ mąąwiɛ ə kɛ mąąkpɛ malakaɠaa nwun mɛ̨i pələ kpɔ ləɠə-ləɠə.

Izikiɛ 11:22

Gɛɛ tii, mąąkpɛ malakaɠaa di koon, di kɔwɔ yɛ tínɛ̨n di mu; Israɛlə nwɔ Yálái mąąɲįnɛ̨n ə kɛ di mɛ̨i, ə ɓo di mɛ̨i nąą kəlee.

Izikiɛ 11:23

Yai-Laa mąąɲįnɛ̨n ə muhəɠə daa hɛ̨ąi, ə tɛ ə tɔɔ, ɲee tii volo kulɔi pələ mɛ̨i.

Izikiɛ 14:6

Yili mąą mɛ̨nį ɓa, 'mo Israɛlə nwɔ pɛlɛ́i ɓa, yɛ́ mą: Hééɓo kəlee Nąmu Yálá woo ka, yɛ: 'Ká pənə ka pa, ka ka pulu tɔɔ ka wɔ haliɠaai diɛ; ka həɠə kɛa ka wɔ ɓowo mɛ̨nįɠaai ti kəlee pulu.

Izikiɛ 18:12

yɛ ɲee pənə mąąwɛli mun da yeehvowolomun di hu, yɛ nwuɔ̨ kɛ, da tolaa heemą, hva kɛa pənə hvo ɉɛn tii tɛɛ nąmu pɔ; hali mɛ̨nį wɛli ə ɓo mą, yɛ ɲee to ɓowo mɛ̨nį hu,

Izikiɛ 43:8

Daa di wɔ pɛlɛ́i laaləi kulɔ, nwɔ́ pɛlɛ́i laaləi ɲɛ̨itɔwɔ, di wɔ kpon nwuluɠaai di ɓo nwɛ́iɠaai kwɛlɛ; kwa diɛni ku kpɔn ŋąą pɛlɛ́ nwąną tɔ̨nɔ̨ ɓa. Di náá mąąhəɠɛɛ mąąliɓi, a duwɔ pələ ɲɔ̨nŋaai di kɛi gulɔi; yili ɓə gɛ, gɛ́ di nwun na pili a nwɔ́ liiholi.

Izikiɛ 47:6

Yɛ mą́ą́: Hulɔnu lon, yáá nąą kaa? Ə li a ɲą́ą́, ə pənə ə pa a ɲą́ą́ ɲá kwɛlɛ.

Izikiɛ 5:11

Yai-Laa gu wɔ Yálái woo ka, yɛ: A kɛ kpɔ gáá a vúlúmaa, yii kpɔ ə́ ŋą́ pɛlɛ́ mąąhəɠɛɛi mąąluwu a yɛ́ kɛɛ kala mɛ̨nįɠaai, da yɛ́ tuwɔ pələ ɲɔ̨nŋąąi ti, ɲą́ą́n gbɛlimąn gáá pai kpəŋą həɠəi; və́ pai nu ɲɛ̨imąąwɛli kaai; və́ pai nu mąąhvaalɛɛi.

Izikiɛ 8:13

Yɛ mą́ą́: «Ə́ kaa pai nwɔ̨nɔ̨ ɓowo mɛ̨nį kpɛa kpɛa ta kpɛliɠaa kaai; di yee ə ɓo mą diɛ gɛ.»

Izikiɛ 8:14

Ə li a ɲą́ą́ Yai-Laa hee pɛlɛ́ laaləi, ti ɲɛ̨i həɛ ɲánwuɔ̨ pələi; nɛ̨ąą di kɛ laa heeni, diɛ wɔlɔ Tamuzə mɛ̨i.

Izikiɛ 8:7

Ə li a ɲą́ą́ ɲimąn bɛlɛ́ laaləi; ŋį́ ɲɛ̨́i hee, wolo ɓɔɔ kɛ bɛlɛ́ nwąną hu.

Izikiɛ 8:9

Yɛ mą́ą́: «'Lɔ, mowo mɛ̨nį ɲɛ̨i kɛnɛ̨ɠaai di kaa gɛi ɓɛ, ə́ 'gaa.

Osia 5:6

Di kaa pai, da di wɔ taatɛlɛɛɠaai, gbɛa kpɛa da bɛlɛɛ pɛlɛɛ, Yai-Laa kwɛli mɛ̨nį ɓa, ɛlɛɛ di hvo pai gaai, Aa di kpɛ nwəli pulu.