Izikiɛ 8:18 - Yálá laawoo hɛɓɛ (dc)

¹⁸ Nwɔ́ɔ́ yələ aa həli, gɛ́ gɛ́ mɛ̨nį kɛ ɉu a líiholi kɛnɛ̨. Ɲɛ́iyá hvo pai kɛi ɉú; və́ pai nu mąąwɛlikaai; di kaa pai kɛi tómąi nwə́lii; kɛlaa və́ pai nwəli tɔɔi di woo ɓa.»

Yálá laawoo hɛɓɛ

¹⁸ Nwɔ́ɔ́ yələ aa həli, gɛ́ gɛ́ mɛ̨nį kɛ ɉu a líiholi kɛnɛ̨. Ɲɛ́iyá hvo pai kɛi ɉú; və́ pai nu mąąwɛlikaai; di kaa pai kɛi tómąi nwə́lii; kɛlaa və́ pai nwəli tɔɔi di woo ɓa.»

Bible

¹⁸ M̀ɛni ma ŋa pâi ńii ŋwânai ŋá díkula maa kɛ̀. Ḿve pâi dísɔnyɔ̂ŋ-ŋai su mɛ̂ni lɛɛ̂i kpaa máŋ ŋá díŋɛi malôŋ kâa. A nɛ̀ɛ ma díwɔlɔ a ɣelêi pere, ḿve pâi ŋ́oli tɔɔ̂i díwɔlɔ-wôo ma.”

Izikiɛ 8:18 ပူးပေါင်းရင်းမြစ်များ

Hanwon 1:28

Mąą yələ, da də́li, vá di woo mu hon, da gwɛ́li, di hva gáá.

Azaya 1:15

Ɓɛlɔwai ka ka yee tɛ la, kaa vɛ́li, ŋą́ ŋɛ̨́i-laa kpulu, ka mą kɛ wɔlɔi kpɔ kaa vɛ́li, vá nwə́li tɔɔ ka woo ɓa, mąąhɔlɔɓo, ɲąmą kaa ka yee ɓa.

Azaya 59:1

A tɛ̨ą, Yai-Laa yee hu hvo haa li, nuą ɓalo mɛ̨nį ɓa, nwəlii hvo kpɔlɔ li, mɛ̨nį mɛ̨n mɛ̨nį ɓa.

Azaya 59:2

Ka wɔ nɛ̨ŋɛ̨nŋaai ɓə, daa ka lɔwai laa, ka ka wɔ Yálá li; ka wɔ túwɔ́ pələɲɔ̨nŋaa ɓə, ɲɛ̨́i looii kaa kpɔ kwɛala, hva pɛli kɛa ka woo mɛ̨n ɉii.

Ɉeremi 11:11

Yai-Laa yɛ diɛ: Yii gaa tii, gáá mɛ̨nį ɲąąnwąnąą laai diɛ, yii di hva pɛli di kpɔɔ kulɔi ɉu. Di kaa pai wɔlɔi, diɛ də́li, kɛlaa vá nwə́li tɔɔ di woo ɓa.

Ɉeremi 14:12

Daa kɛ hin nɔ, vá nwə́li tɔɔ di wɔ nɛɛmąą hvə woo ɓa. Ə mą kpɛli kɛ daa taatɛlɛɛɠaa kulɔ a haláá mą́ą́, diɛ gɔ́, yili hva níí hon. Kɔ, pulu, da ɲɔ̨n ya ɓə gáá pai di mąą mɛ̨nį kpɛɛi la ɉu.»

Ɉeremi 23:39

Yili ɓa, gáá gbówo tooi a kaa, ŋį́ ka pili, ka həɠə ɲɛ̨́i mu; Kaa, ə mą kɛ daa ŋɛ̨i ŋį́ dɛɛ ka pɔ, ka ka nąnni.

Ɉeremi 44:3

Nɛ̨ŋɛ̨nŋaa di kɛi ɉəɠə mąą mɛ̨nį ɓa, di nwą́ną lɔ a ɉaláái di kɛi gulɔ haliɠaa diɛ, diɛ di mąąwiɛ. Ya pa, ɉaliɠaa tii di hvo ta kɛ di ta mąą mɛ̨nį ɲɛ̨i kulɔ li; diɛ mąn, ə mą kɛ, di kalani pɔlɔɠaa.

Ɉeremi 44:6

Yili ɓə gɛ, gɛ́ nííholi di pɔ, a kɛɛ kala pələ, gɛ́ Ɉuda taaɠaa hukala da Ɉerusalɛmə kwəliɠaa, daa lɛɛ a taa kpoloon, a lɔi pun, yɛ bələi di kaa la háákələi!

Woolaa 1:5

Mɔ̨nɔ̨ ɓo nuą yee aa tɛɛ mą, ɲowoɠaa kwəi aa nɛ̨ɛ̨. Yai-Laa aa mɔ̨nɔ̨ laa mɛ̨i, nwɔ túwɔ́ pələ ɲɔ̨n damąą mąą mɛ̨ni ɓa. Ɲowoɠaa daa li a nonnii kəlee luwɔlaa hu.

Woolaa 2:17

Mɛ̨nii Yai-Laa ə kili tee gwəi, aa gɛ; aa nwoo pɔ mɛ̨ni kɛ. A nwooi wɔlɔ aa mo ɉu aa kwɛa; aa Ɉerusalɛmə hukala, hvo kpɛli mąąwɛli kaa li. Aa ə́ kɛ a ə́ yówóɠaa di wɔ yɛlɛ kulɔ ɉu hɛn, aa ə́ yówóɠaa huɲąŋą kɛnɛ̨ ə́ mɛ̨i.

Izikiɛ 16:42

Gáá pai nwąną kulɔi yɛ́ kpɔ tɛ̨ɛ̨ tɛ̨ɛ̨; yili pulu, vá kɛa tolo kulɔ a yɛ́, ŋą́ níílaa, vá kɛa nííholi.

Izikiɛ 23:25

Ŋą́ tóló kulɔ a yɛ́, diɛ ə́ hɔɔ a líiholi. Di kaa pai ə́ huŋɔ̨ teei yɛ́, da ə́ wəliɠaa. Ə́ hu nuą gbəlii a lɛɛ, ɓɔwa kwɛaa yɛ di paa; di kaa pai ə́ lon ɉinąą da ə́ lon nɛ̨ąą həɠəi, ɛlɛɛ, ə́ kpəlii pai lɛɛi nwɔ̨n ə gələn.

Izikiɛ 24:13

Túwɔ pələ ɲɔ̨n mə a ə́ mąąliɓi, mąąhɔlɔɓo ŋą́ą́ ə́ mąąhəɠə, kɛlaa ə́ mąą hvo həɠə li. Ɛlɛɛ, ə́ mąą hvo pai həɠəi ə́ mąąliɓi hɛn tii yəi. Hvo kɛli ŋą́ níí holi ə́ pɔ, ŋą́ naa kulɔ.

Izikiɛ 9:10

Yili mąą mɛ̨nį ɓa, ɲɛ́i ya hvo pai kɛi ɉú, və́ pai nu ɲɛ̨imąąwɛli kaai; gáá di túwɔ pələ pulu mɔ̨nɔ̨ laai di nwuɔ̨.»

Izikiɛ 9:5

Yili pulu, ŋą́ nwoo mɛ̨n; yɛ kɛ nuą yiiɠaai ti diɛ: «'Ka hvilɛn daa pɔ, nui ɲɛ̨i pulu; ɛlɛɛ, ka paa ɓo kɛ; ka hvo nu ɲɛ̨́i mąąwɛli kaa, ka hvo nu mąą hvaa lɛɛ.

Mise 3:4

Ɓɛlɔwai di kaa pai tómąi la Yai-Laa pɔ pələ, gaa pai ɲɛ̨ilaai looi diɛ, hvo pai di woo mu hon ɉii, nɛ̨ŋɛ̨nŋąąi di ɉəɠə mąą mɛ̨nį ɓa.

Nahumə 1:2

Yai-Laa kaa a Yálá tolɔɔ, yɛ nwąną kulɔ, nuąi da tɔɔ na, a nwąną kulɔ diɛ, Yai-Laa a nwąną kulɔ, nwɔ liiholii mąą ɲɔwuɔi, Yai-Laa a nwąną kulɔ gɔ́ yɔwɔɠaa diɛ, a nii hvoli ɲowoɠaa pɔ.

Zakari 1:2

«Yai-Laa aa níiholi kpɔ kɛnɛ̨, ka nąnni pɔ.»

Zakari 7:13

Yili mąą mɛ̨nį ɓa, Yai-Laa Mɛ̨nį Kəlee ŋą Hééɓomun yɛ diɛ: «Bələi lɔ ŋį́ di təli la di hvo gɛ di hvo mɛ̨n, bələ lɔ ɓə diɛ kpɛli di də́li la, ɛlɛɛ, ɲą́ą́n gbɛ́li mąn, və́ nwə́li tɔɔ di woo ɓa.

Lukə 13:25

«Ɓɛlɔwai bɛlɛ nąmu kaa pai muhəɠəi la, ə bɛlɛ́ laa kpulu, kaa ɓo ɲɛnɛ̨ɛ̨ pələ, ka káá pai kɛi bɛlɛ́ laa kɛlɛi, kaa kɛ mą: ‹Ną́mu, bɛlɛ laaɓo ku tɔwɔ!› Yɛ kɛ kaa: ‹Və́ ka həɠəi kɔ́lɔn.›

Samuɛlə dɔlɔɔ 8:18

Volói tii, ka káá pai kɛi wɔlɔi, dɔɔmun ŋɛ̨i ka ɉəɠə ɉu kaa kpįnįi ɲəi. Kɛlaa, Yai-Laa hva ka woo mu hon a mąą yələi tii.»